-
طلع تركي و العيال عند الباب و هو يمشي و باله في شكل الهنوف الي كانت تجنن
ذياب : هي ياطيب
تركي مشى و هو يهوجس فيها
راكان : اخذت عقله شكلها
تقدم سهم و جره : انت وش بك ؟
تركي : بسم الله انت منين طلعت
بهاج: معاد يحيط ههههههه
تركي : عز الله لو شفتوا الي أنا شفته ماتلوموني
كلهم بصوت عالي : ههههههههههههههههه
مازن : يازينك ياتركي هه
الجد : يلا ياعيال العشاء و خذو صحون الحريم دخلوها جوا
تركي : يلا ياحبيبب قليبيي جينااا
الجد : ابك انت وش تقول ؟
ذياب و هو يضحك: انفصخ عقله
تركي : ههههههههههههههههه
صقر و هو واقف جاته رساله من الدكتور بعد ماطلعت تحاليل الهنوف حقت عمليه الرئه محتواها : السلام عليكم... استاذ صقر معك الدكتوره سامي الخفاشي ، مع الاسف الهنوف رئتها تعبانه لازم تتسوى لها العمليه زراعه رئه حالياً قاعدين ندور رئه مناسبه لها او رئه شخص تبرع بعد موته اسئل الله ان يرحمهم جميعاً و يكتبها في ميزان حسناتهم بس ماوجدنا للحين مع الاسف ... اتمنى من الهنوف زيارتي غداً في موعد الساعه ٦:٣٠ المغرب لازم نسوي لها كشف .. و السلام عليكم ورحمه الله وبركاته
صقر : لا اله الا الله
سعود : وشبك ؟
صقر : الدكتور مرسلي الهنوف لازم تسوي عمليه زراعه رئه
سعود : لا يارجال
صقر : اي و الله و حنا ماعلمنا الهنوف في مرضها بطلع لها بعد مااعلم ابوها و ابوي و امي و العيال
سعود : زين بس الحين علم ابوها
صقر : طيب
تقدم صقر بين الرياجيل و جاء عند عبد الاله و قاله : ابو الهنوف تعال ابيك
عبدالاله : طيب
راحوا و طلعوا كلهم برا في الحوش
عبدالاله: سم يابو تركي
صقر : سم الله عدوك ، ناديتك يابو الهنوف انت تدري بدخول الهنوف قبل في المستشفى
عبدالاله : ايه ؟
صقر: الدكتور يومنا في المستشفى اخذ من الهنوف تحليل لانها انكتمت
و ارسلي الحين قال ان الهنوف لازم تسوي عمليه و عمليه زراعه رئه
عبدالاله : شلون !
صقر : الهنوف رئتها منعدمه تماماً و الدكتور قال بكره لازم تجي
عبدالاله : و لقوا رئه ؟
صقر : يقولون للحين لا بس يبونها
عبدالاله : توي اقول الامور استنعت ياربي ياحبيبي ارحمنا بارحمتك
صقر: تعوذ من بليس يارجال خيره ان شاء الله بس الهنوف ماتدري
نطلع لها انا و ياك و نقولها
عبدالاله : زين زين و خذ ابو صقر معنا هي ترتاح له و تسمع له
صقر : اي ابوي يحب الهنوف كثييرر زين اجل بخبره و نروح كلنا لها
عبدالاله : طيب
-
عند الحريم بعد ماجاء تركي ينادي : ياولد طريق
سلمى : الهنوف روحي لرجلس
الهنوف : ليش
سلمى : ياخبله ينادي روحي بسرعه
الهنوف و هي مستحيه منه باقي : لا ماابي
سلمى بصوت عالي : تجي الهنوف ياتركي الحين
الهنوف : عمى ياحيوانه
سلمى ضحكت و دفتها :روحي
الهنوف و هي تناظر وراها : و الله مااخليس ياسلومه زمان ماذقتي ضربي
تركي و هو واقف مبستم يناظر : من معصب باعيون البحر ؟
الهنوف ناظرت فيه و قالت و هي تقدم له : سلموه ماتستحي المهم شبغيت ؟
تركي و هو يناظر في عيونها ماتكلم الهنوف : انا اهرجك
تركي : المجلس في احد ؟
الهنوف : ايات ؟
تركي : ذا
و اشر على الباب الي و راهم الهنوف : لا
ذياب : ياولد
تركي : اصبر محارمنا فيه
ذياب ضحك بصوت عالي من تركي و هو يدري انه رايح عشان الهنوف مو عشان يشيل
مسك يد الهنوف و دخل المجلس و سكره الهنوف : بطلع مع الباب الثاني للحريم و انت ارجع للرياجيل
تركي و هو يقرب باخطواته لها و هي تتراجع و الهنوف حاطه يدها على رقبتها و تتكلم و تكلج بالهرج : ال ع العشاء
وصلت للجدار ووقفت جاء تركي و هو يرفع شعرها : ايه ؟
الهنوف : و وشو
تركي نزل نفسه ل عند وجهها و هو يقول : ماهقيتس قصيره و انا قريب منس كذا
سكتت الهنوف و رفع تركي نفسه و قرب و ضم الهنوف بدون أي مقدمات او اي كلمه منه وقفت الهنوف و بادلته الحضن وشد تركي عليها و اختلط عطرها باعطر تركي و هو يقول : و قسم بالله انك اجمل ماصار في حياتي بعدها و باس جبينها و هو يقول: جعل ربي مايحرمني من عيون البحر
و باس عينها و خدها استحت الهنوف و نزلت براسها و هي مبتسمه و هي تقول : تركيي !
تركي ابتسم : وشو
الهنوف : خلاص روح يجي جدي يشوفنا ثم يكسر روسنا الحين !
تركي : انتي زوجتي و حلالي عادي
قرب تركي و مسك و جهها يبي قرب مبسمها و فتحت لينا الباب بقوه و هي تناديني الهنوف و انصدمت : الهن..
تركي : ياليل لازم تخربين انتي و لا بنت عمتك!
لينا : يالمخنس شتسوون ؟
تركي : وش تشوفين
و ضم الهنوف و قال : اضم زوجتي
لينا : تراب ياتركي جدي يبي الهنوف له ساعه يدورها و انتم تغزلون هنيا
ضحك تركي و هو يعرف لينا ماتحب ذي الحركات و طلعت الهنوف و ضربتها لينا باظهرها و قالت : ماهقيت منس هل حركات
الهنوف : اخوس مو انا هههه
-
لبست الهنوف عبايتها و حطت مسفعها و طلعت للمجلس و نزلت مسفعها لان بس كان الجد و صقر و تركي و ابوها و عادي تكشف عندهم صارت
الهنوف : السلام عليكم
كلهم و عليكم السلام
الجد : الهنوف ابوي تعالي اقعدي بيني و بين ابوك
جلست الهنوف بينهم و قال الجد و هو حاط يده على يدها :
الهنوف تدرين ويش معطيس ربي بعد ؟ شي ربي بايغفر فيه ذنوبس و بإذن الله على صبرك للجنه تكونين
الهنوف باستغراب : امين يابوي كلكم اجمعين
صقر: الدكتور ارسل علي الحين و قال ان رئه تعبانه و انك لازم تسوين عمليه و تزورونه يابوي
الهنوف : وش عمليته ؟
عبدالاله : يزرعون لس رئه جديده
صقر : بكره لازم تروحين المستشفى عشان يكلمون تحاليل و يكشف الدكتور عليك
الهنوف باصدمه : ان شاء الله اروح لحالي ؟
تركي: انا بروح معس
الجد يستهبل مع تركي : ترا باقي ماتزوجت خل اروح معك
تركي : ترا تزوجنا وشوله ننتظر عشان يوم نرقص فيه بس
صقر : ههههههههههه ولدي خفيف و الناس تقول عنه رجال مايهزه الريح
تركي : افا يبه شقصدك الا و الله اني رجال و مايهزني ريح
صقر : ادري نمزح معك ياولد صقر
استحت الهنوف و نزلت راسها و ناظرت في تركي و ابتسمت و بانت له غمازاتها و انتثرت خصل شعرها على وجهها
ابتسم تركي بحب لها و هي يكن لها مشاعر كثيره و كان و بيكون مستعد يموت ويحارب كل شي لاجل ذي الضحكه .
-
الظهر طلعت الهنوف من غرفتها و هي تدور كايو في البيت تبي تحط لها اكل
الهنوف : كايو وينس فيه
جات العامله : مافي يلقى كايو في البيت
الهنوف : شلون وين راحت يعني في ذا البيت الكبير اكيد تلقينها كانت نايمه عندي
جاء تركي و هو كان توه جاب من صلاه الظهر و حاط شماغه على كتفه
تركي : الحين اكتمل يومي في شوفس بس وين حجابس و عبايتس العيال توهم يقضون من صلاة
الهنوف : اصبر تركي كايو ماهي فيه من اول ندورها
تركي : و الله بيت جدي وش كبره و اضيع فيه كيف هي و هي حيوان
الهنوف : تكفى دورها معي
تركي : ابشري يلا نتوزع و الي مايلقاها يجي هنا
ذياب : ياولد
دخلت الهنوف و لبست و طلعت و شافت تركي يعلمهم بالسالفه
و قال تركي : سوسانتي انتي اطلعي الدور الثالث و دوريها حتى في السطح ذياب و انت و راكان و احمد في المزرعه و رواف و لين و سلمى في الدور الثاني و الباقين في الثالث و انا و الهنوف ندور هنا
ذياب : يستغل كل الفرص مايفوت
تركي ضحك و قال : انقلع بس بكره تحب نشوف وش تسوي
ناظر ذياب في نجود و هو يقول في نفسه : و الله اني احب بس الي احبها حاطه جدار بيننا
توزعوا كلهم يدورون عنها لين : قطوه كبر عيني وين اختفت !
رواف : نلقاها وين بتروح يعني
سلمى : دورو و انتم ساكتين ترا راسي بينفجر من الصداع
الهنوف و هي تناديها و تناظر تحت الكنب : كايو وينس يلا جبت لس اكل
تركي و هو يبعد الستاير و مالقى شي و بعد ١٠ د و هم يدورون مالقو شي و تجمعوا عند نفس المكان الي بدو البحث منه كلهم جاين و مامعهم شي و خافت الهنوف و قالت : ياربي وين راحت يعني كانت نايمه عندي
سلمى : يمكن راحت مكان و بتجي و لا
الهنوف : و لا ويش
سلمى : هجت
الهنوف خافت : لا مستحيل
فهد : كاميرات المراقبه وش منقصه فيه
الهنوف : الله يفتح عليك اي يلا رحنا
جو بينزلون بس شافو عبدالعزيز جاي و مع كايو و هو توه جاي من المدرسه
الهنوف : وين لقيتها عزوز من اول ندورها
سكت عزوز مارد
الهنوف : اكلمك وين لقيتها ؟
عبدالعزيز : انا بقولك شي بس لاتعصبين ؟
الهنوف وقفت : وشو ؟
اندس عزوز ورا تركي و ماسك ثوبه و هو يقول بسرعه : انا اخذت كايو المدرسه و حطيتها في الشنطه
سلمى : وشو !!
الهنوف : وش وين ليش تاخذها
عبدالعزيز: تعرفين صديقتي لمياء ؟
الهنوف : ايي وش دخلها في البسه
عبدالعزيز : هي تحب البسه و انا علمتها عن بستك و اخذتها معي عشان ماتشوفينها و حطيتها جوا الشنطه
الهنوف : اي و الله عزوز صرنا نحب و ماخذ كايو المدرسه !
ركض عزوز و الهنوف ركضت وراه و هم يدورون في السور
عبدالعزيز و هو يركض : و الله ماسكرت كل الشنطه عشان ماتموت
الهنوف : شلون تاخذها المدرسه ابي افهم
عبدالعزيز : عشان لمياء تشوفها
الهنوف : عشان لمياء اجل وقف بسرعه
وصل عبدالعزيز عند تركي و هو يوقف وراه ويقول : تكفى لاتلمسني ماما هي معصبه زي المجنونه الحين
الهنوف : انا بنت ابوي انا مجنونه !
ضحك عبدالعزيز : هههههههه ماما تدرين انتي وش تشبهين الحين ؟
الهنوف و هي حاطه يدها على ركبها : تشبهني بعد اي ويش اشبه ؟
عبدالعزيز: تذكرين مره يوم كنت ترسميني ؟
الهنوف : اي
عبدالعزيز: يوم اخذت لوحتك و طلعت في الشارع و جريت و جريتي وراي و انتي تسوين حذيانك و طحتي ؟ ههههههه
فاطمه : ياكثر طيحات الهنوف هههههه
الهنوف : تعال طيب اذا كنت قدها
عبدالعزيز و قف و قال : انا ولد الهنوف مااخاف من احد !
كلهم : و النعممم
قربت الهنوف و مسكته ورفعته عن الارض و هي تضمه و تدغدغه و هي يضحك بشكل هستيري و يقول : ماما خلاصص اسفف
الهنوف وقفت: تعودها ؟
عبدالعزيز : ابداً ابداً
نزلت و هي تسوي ملابسه و قالت : يلا روح غير
الجوهره : يازينه بسم الله عليه
الجد من تحت : ننننداء ياسكان الطابق العلوي توحوني ؟
كلهم واقفين على السور امل : نسمعك ارسل
الجد : نرجوا منكم ان تقوموا باتجهيز انفسكم لاننا سنسافر بعد ساعه شغلوا سياراتكم و قوموا باوضع الشنط داخل المركبات رجاءً و عشان نلحق على موعد الهنوف
كلهم : عُلم
الجد : ولعلمكم سوف يقام زفاف ابني علي في الديره
مريم: اما !
الجد : نعم ، ولعلمكم ايضاً سوف نقوم باشهد رمضان في الديره و العيد يإذن الله
احمد : ليش وش صار ثوبي باقي في الخياط ماطلعته
امل : وشو بنسكن هناك يومنا بنقعد رمضان و العيد
الجد : يمكن اي نسكن شرايس ؟ معكم ساعه من الان بسرعه جهزو اغراضكم و انتم يابنات
دخل عبدالاله و هو يشوفهم واقفين و الهنوف معهم و ابتسم و قال عطالله : اما عبدالاله جاهز و خالص و كلنا حنا يالعجز قاضين
عبدالاله : يلا ياشباب خلصوا
سلمى : و حنا ترانا ماحنا شباب حنا اناث لو سمحت كلمنا بصيغه انثى ياعمي
عبدالاله : يلا و ياشبابات
سلمى : تمم
عطالله : عاشوا عيالي و بناتي يلا
احمد: على الخياط بسرعه
راحوا العيال يطلعون ثيابهم من الخياط و البنات يرتبون اغراضهم
-عند الخياط و العيال يقيسون ثيابهم
طلع احمد و هو يلا يمشي من ضيق الثوب
رواف : هههههههههههههههههههه وش ذا !
فهد : خبل انت ماتشوف مقاسك
احمد: ماتغير شي نفسه مقاسي وش ذا الثوب الي كأنه فستان
تركي : وطه وطه لايجي احد يشوفك الحين
احمد: وش ذا يازول ! هاذا مو نفس الي فصلته
الزول : و الله انت يااحمد جايبه لي و سويت نفس المقاسات
احمد: وين نفس المقاس شوف كذا
الزول : انت يااحمد صرت واجد سمين بس انت ماداري عن شي
احمد : لا يازول وش سمين
الزول : الا و الله شوف الكرشه كيف
رواف : بالله طالع نفسك احمد في المرايه هههههههههههه
ناظر احمد في نفسه و انصرع ضحك و هو يقول : ياربي
راكان : باشهر كم يامدام
احمد : اعقب هههههههههه
الزول : في ثوب يااحمد انت جبته قبل اسبوعين شيله معك
احمد : وينه خلني اقيسه
طلع الزول له الثوب و لبسه احمد و طلع
ذياب : اي ذا الثوب المستنع مو الي اول
عبدالرحمن : ماكأنه طويل ؟
تركي : لف ورني
تركي و هو يناظر : لا عادي مو طويل زين
دق الجد : وينكم ؟
تركي : يلا ياجدي جايين
الجد : يلا عشان تعاونوني و نحط الشنط
تركي : يلا يلا
قفل تركي و قال : جدي بيطير يقول يلا عشان الاغراض نجهزها
خالد : شرايك تتصل على هايف يخاوينا دامه ساكن لحاله
هايف كانوا اهله منفصلين و كان ساكن في البيت لوحده و كل حياته عايشه لحاله بعيد عن اهله
تركي : اي و الله فكره
رواف : وسهم و بهاج و مازن
تركي : لا ذول في العرس نعزمهم اكيد ماراح يروحون عن شغلهم
ذياب : ها دق على هايف
تركي : يلا دقايق
طلع تركي و هو يتصل على هايف ..
تركي : السلام عليكم
هايف : هلا بتروكي هلا
تركي ضحك : وينك اليوم و امس ماجيت
هايف : و الله من يوم امس عقب مارحت استلمت شهادتي و انا راقده
تركي : الله يعينك و قدمت على الوظيفه ؟
هايف : اي قدمت
تركي : عقبال ماتبشرني باقبول
هايف : امين يارب و انت متى تباشر ؟
تركي : بعد الاجازه ان شاء الله
هايف : بإذن الله
تركي : اسمعني ياهايف
هايف : لبيه
تركي : لبيت في منى ، حنا اليوم بنمشي للديره
هايف : الله يستر عليكم
تركي : امين بس يلا جهز انت بعد بنمرك بعد ياطويل العمر نص ساعه يلا جهز حقت شهر و اسبوعين
هايف : وش اجهز
تركي : ملابسك يلا بناخذ معنا لا تبطي و لا يكسر راسنا جدي
هايف : لا و الله وين تباني احشركم و انت و اهلك
تركي : طيب انت واحد من اهلي و اخوي عشان كذا لازم بتروح معنا غصباً عنك و خلني اسمع انت واهلك و اضايقكم و خرابيطك ذي
هايف ابتسم : الله يخليكم لي و لا يحرمني منك ياتركي
تركي : امين ياحبيبي يلا اجهز
هايف : يلا طيب
تركي : مع السلامه
