- بعد اسبوع انتهت الهنوف من اختباراتي و جاء اليوم الموعود يوم التخرج
- الصباح عند الهنوف و هي قايمه عيا يجيها النوم من الفرح كانت تمشي في الحوش و هي تتكلم مع نفسها
- فجأه جاء تركي من وراها و قال
- تركي :البحر وش يسوي ؟
- الهنوف : مااسوي شي امشي وش تشوف
- تركي : اي بتتخرجين ؟
- الهنوف : اي الحمدلله
- تركي وقف و قال: غمضي عيونك
- الهنوف : ليش ؟
- تركي : غمضيها و بس
- غمضت الهنوف و هي ماتدري وش عند تركي ، تركي الي طلع من جيبه سلسال كان مطبوع عليه صوره بحر
- تركي : افتحي عيون البحر
- فتحت الهنوف بصدمه
- تركي : هديه تخرجس اذكر و عدتس يوم صغار اجيب لك سلسال عليه البحر و قلت لس اذا صرتي دكتوره اجيبه لس
- الهنوف فرحت و قالت : احسبك نسيت مدري حتى قلت يمكن بس كلام !
- تركي : افا مستحيل كلامي كلام مو فاضي وعدي وعد رجال
- الهنوف اخذتها و لبستها
- الهنوف : شكراً لك
- تركي : العفو هي حلوه و انتي تزهينها
- مشى تركي بعد كلامه ذا و مادرى وش حط عند الهنوف من شعور
- الهنوف : تركييي
- تركي : لبيه
- الهنوف : بتجي تخرجي صح؟
- تركي : افكر مدري يمكن لا بعد
- الهنوف و هي زعلت : زين
- -
- الساعه ٧:٠٠ اليل
- الهنوف : اغراضي وين
- جلست تلف راسها تدورها
نجود و هي ماسكه الهنوف تستشور شعرها
: هنوفي اركدي ياخي
الهنوف: اصبري وشاحي مدري وينه
نجود: ياربي مثل البحر الي في عينها بحر مايركد
ود : هاذا هو وشاحك اصبري
روان و رزان قعدوا قدام الهنوف يمكيجونها
رزان : خليك تفتحين فمك اليوم غصب تحطين ميكب
الهنوف : ماقلت شي طيب
روان : يلا استوي خليني ابداء
بدو البنات يجهزون الهنوف
و جميلة تحت تجهز البيت و هي بتروح هي و عطالله و البنات و تركي و رواف و راكان و ذياب و هايف و خالد
تجهزت الهنوف و هم في الصاله ينتظرونها تجي
جميلة : وين الهنوف؟
تركي : بروح اشوفها
طلع تركي فوق و شاف الباب مفتوح و شاف الهنوف لابسه عبايه التخرج وواقفه عند المرايه و تقول
الهنوف : يمه الحين خلاص بصير دكتوره خلصت حققت حلمي؟
تجمعت المدموع في عيون الهنوف و تركي واقف جنب الباب يسمع و هي واقفه قدام المرايه و تقول
الهنوف : امي سعاد انا صرت دكتوره ليتك عندي و تشوفيني ليتك عندي و تسلمين علي و تحضنيني و تقولين مبروك لك ياهنوفي ، من بعدك ضايعه و الله اني مثل البحر الي في عيني ماني راكده ، اهخخ قلتي لي بتلقين امك الحقيقه بس مادورتها خايفه يمكن ماتبيني يمكن انها ماتت و بنصدم اخاف اواجه الحقيقه يمي قلتي لايجي تخرجك الا هي معك بس جاء تخرجي و انا مااعرفها سامحيني انتي الي حكتي لي الطريق و حقتت حلمي و صرت دكتوره جعلك في جنته الفردوس تتهنين في نعيمه
مسحت دموعها و هي تقول : افف ليش البكاء المسكرا ساحت و الله تلعني نجود
نزل تركي بسرعه و قال جات
نزلت الهنوف باعبايه التخرج و الوشاح كاتبه عليه الهنوف بنت جميلة وسعاد
كلهم صفقوا و جلست لين بدون اي مقدمات تبكي و اساساً الهنوف كانت ماسكه نفسها و قعدت تبكي معها
لينا : يليللل وشوله البكاء !
جميلة و هي تصيح : مبروك ياهنوفي مبروك
و سكتت غصت ب البكيه
و قالت :مبروك يابنتي
ضموها و سلموا عليها العمه فوزيه كانت متأخره و هي جايه تركض و شافتهم يبكون و شافت الهنوف وقعدت تبكي هي بعد
لينا : ياربي انتي ليش تبكين ياعمه
فوزيه : مدري كني اشوف نفسي قبل
جلسوا يضحكون بصوت عالي وسط دموعهم
الجد : مبروك يابنتي مبروك ياعين ابوك الله يكتب لك الخير و يفتح لك درب الخير و يبعد الشر عنك و ياجلعني اشوفك باعلى المناصب
دخل يده في جيبه و طلع مبلغ مالي و قرب من الهنوف و دخلها في جيبها
: و الله ماتردينها وذي هديتك
الهنوف : ماتقصر
فاطمه جات و هي تضم الهنوف و هي تبكي: كبرت بنيتي و صارت دكتوره يازين اليوم الي دخلتي فيه وصرتي لي بنيه مبروك يابعد دنيتي مبروك ياهنوفي
الهنوف : الله يبارك فيك و يخليك لي و لا يحرمني منك
سلمى و هي تمسح دموعها : يلا مشينا
ركبوا و هم متجهين للملعب الي بيقومون فيه الحفل
-
البندري : الو
مفلح : نعم؟ مين
البندري : انت مفلح بن ***
مفلح : ايه من انتي ؟
البندري : انت ماتبي ولدك و تدور الهنوف ؟
مفلح : الا ادورهم و مالقيتهم
البندري: قابلني بكره الساعه ٦ المغرب في مكان**
وقفلت البندري
-
وصلوا الملعب و الهنوف جلست في مكان المتخرجين و الباقين عند مقاعد اهل المتخرجين
بدت المسيره و بدو يمشون المتخرجين و بدا المقدم يبدا ب المقدمة
و صار ينادي بااسماء للشهاده
المقدم : ابارك بالتخرج للطالبه المتميزه الهنوف بنت عطالله ال خالد
كان الجد منسب الهنوف له عشان ماتحس بغربه او اي احد يشوف ان ماعندها اسم
نزلت الهنوف و هي الغصه في حلقها و الدموع تنزل فرح و انها تحمد ربها هل جميلة و اهلها
لينا : مبرووووككك
رواف يصفر : مبروك ياهنوفنا مبروككك
راكان : مبروك ياوخيتي مبروككك
تركي : مبروك ياعيون البحر مبروك يادنيتي
البنات يصفقون و متحمسين
الجد بدون صراخ : مبروك يابنتي
جميلة و هي تبكي : ياجعل الفرح دايم يدق بابك ياهنوفي
كلهم : امين
استلمت شهادتها و اعلنوا التخرج وبدو يقولون القسم قالوه و خلصوا و نزلت الهنوف عند اهلها
ود : اوقفي بصورك
روان : هنا زاويه حلوه
نجود و هي تصور فيديوا ذكريات من يوم نزلت الهنوف في البيت بعبايتها
مريم : صوره جماعيه يلا
نجود :مين يصورنا ؟
سلمى شافت العامل ينظف
سلمى : صديق بالله سوي صوره
العامل : طيب
راكان : ماهي صاحيه
جات الجده و سحبت تركي جنب الهنوف
و صورهم العامل
تركي يناظر في الهنوف و الفخر في عيونه ووده يضمها و يبارك لها
خلصوا تصوير و تركي جنب الهنوف
الهنوف : اي مو كنت منت جاي؟
تركي : غيرت رأيي قلت طفشان اجي اعاندك
الهنوف ضحكت
تركي : مبروك تخرجس
الهنوف : الله يبارك فيك
قعدوا يطالعون في بعض و جاء عبدالعزيز
عبدالعزيز: ماما
قعدت الهنوف و قالها غمضي عيونك
غمضت عيونها الهنوف و عبدالعزيز حاط باقه ورد زرقاء وراه
و مدها و قال افتحي
عبدالعزيز: مدريت وش اجيب لك بس يوم فكرت قلت اجيب لك شي حلو يشبهك و لقيت الورد ازرق زي بحرك الي في عيونك و حلو زي اختي حلوه ، مبروك ي ماما شكراً لك انتي اعتنيتي فيني و خليتني رجال كبير و مانقصتي شي و كل الالعاب جبتيها لي و دايم تدافعين عني صح تهاوشيني بعض الاحيان بس ماازعل منك انا فرحاااان قد الدنيا عشانك مبسوطه مبروك
الهنوف بكت و ضمت عبدالعزيز و قالت : ياسعد عيني يوم انك اخوي الله يبارك فيك و عقبال مااشوف في اعلا المراتب
كلهم : امين
ورجعوا البيت بتعب بعد ماكلهم باركوا لها و اعطوها هداياها و انتهت اليله الحلوه على خير
-
