جاء المغرب و كانوا مسوين جلسه على الشاطئ وو الجد شاب النار و قاعدين حوله و هو يسولف مع احفاده
فوزيه : ياعم غن لنا
رزان : تعرف تغني؟
سعود : قبل ياخذ امي كان يغنيلها
كلهم بصوت واحد اووه
رواف : مادريت انك رومنسي ياجدي ؟
الجد : جدتك كانت تخليني اجيها طايح على وجههي
استحت جميلة و نزلت راسها بحياء
الهنوف و هي تطالع فيها : استحت ميمتي خلاص
راكان : غن يجد و هنا بنرد وراك
الجد قاعد فكر باغنيه و قال:
مطنوخه الزين كله و الدلع و الحنان
كلهم :
الغاده اللى سبت...، ووقفوا غنى
الهنوف: فكرى و عقلى سبى
سلمى : لحد يغني الهنوف صوتس حلو!!
راكان : امانه اسكتوا لااحد يردد غير الهنوف
الهنوف استحت وقال الجد : يلا معي يالهنوف
و بدو يغنون الجد و الهنوف و كان صوت الهنوف رائع
من زينها الطاغي يغارون كل الزيان
العنق عنق المها و العين عين الضبي
كمل تركي و كان صوته جميل بعد و هو يطالع في الهنوف :
موتٍ حمر و نتثنت كنها الخيزران
كلهم مع بعض و الجد و الاحفاد يغنون :
الحكي حكي عربي و الدم دم عربي
تركي :
سحر البيان اشهد انها صدق سحر البيان
الهنوف :
ماهوب سحر البراقع واللثم و العبي
ووقفوا غنى و تركي باقي يطالع في الهنوف و الهنوف كذلك
رزان : اخص مادريت ان صوتس حلو!!
سلمى : ليش ماقلتي لنا!!
نجود : كنت اعرف ان صوتها حلو
رزان : ياخاينه علمتي نجود؟؟؟
نجود : لالا سمعتها مره تغني و صوتها كان حلو
راكان : عاد تركي معروف بصوته الحلو
تركي : تسلم
سكتوا كلهم و شوي شوي كلهم قاموا ينامون و مابقي غير تركي و الهنوف الي لافه و قاعده على الرمل تتأمل البحر في اليل
تركي : طلعتي تغنين صوتس حلو
الهنوف : اي بس مااغني كثير و مااحب اعلم احد
تركي : ليش؟
الهنوف: مدري احس مايستحق شي اقوله ل الناس
تركي : عادي
سكتوا و قرب تركي من الهنوف و الهنوف تسوي نفسها مو منتبه و بقى بينهم بس قاروه المويه حقت راكان الي نسيها
الهنوف و هي تطالع بعيونها و تشيلها في تركي
تركي : وشبك؟
الهنوف و هي ماتدري انه شافها : وشبي مافيني شي ؟
الهنوف : مافيني شي اتأمل البحر تأمله انت بعد
لف تركي و قعد يطالع في عيون الهنوف
الهنوف : ماقلت انا قلت البحر
تركي : قلتي تأملي البحر و انا قاعد اتأمل عيونك
سكتت الهنوف تناظر فيه و قلبها شوي و يطلع من مكانه
شال تركي القاروره و قرب منها و قال
تركي : عيون البحر
الهنوف بتوتر : نعم؟
تركي : اهيمك
الهنوف فتحت عيونها بصدمه انه فعلاً طلع يحبها و اعترف لها
كمل : احبك و احب عيونك و احب شعرك الاحمر لا نزل على المتون و احب نمشك الي مزين وجهس و احب ضحكتس الي ترد الروح و احب غمازاتك الي حتى اذا تكلمتي بانت و اليا ضحكتي زانت و احب شامتس الي تحت مبسمك واحب قلبس و احب شخصيتس و احب كلامس و طريقه كلامس و كلك على بعضس احبك من يومني صغير !
قرب تركي منها رفعت يدها الهنوف بتدفه بس مسك يدها و قال
: و الله لو تضربيني من هنا لبكره انه عسل على قلبي !
جاء راكان يدور قارورة المويه حقته و بعد تركي بسرعه
راكان : نسيت مويتي وينها؟
تركي : خذها و اذلف
قامت الهنوف بسرعه و قالت : انا بنام و راحت تجري للغرفه و حاطه يدها :على قلبها و هي مافكرت بيوم انه طلع يحبها !
وقف تركي و رجع الفله و هو مايدري عن شعور الهنوف الي صدق تحبه و لالا ؟
في الغرفه دخلت الهنوف و سكرت الباب وتكت عند الباب و حاطه يدها على قلبها ووجها احمر
رزان و هي قامت من طبعت الباب بصوتها النايم: انتي وش فيك ؟
الهنوف : هاه لا مافيني شي مافيني شي يلا بنام جيت
-
الصباح عند الجد قاعد في الصاله يحتريهم يقومون عشان الفطور و عشان يبدون الجدول و يتمشون
الجد : وينهم ذولي؟؟
جميلة : يجون الحين
تركي قام و جاء حب راسه: صباح الخير ياجدي
الجد :هلا ياوليدي صباح النور
وبدوا يجون كلهم الا الهنوف الي باقي ماجات
الجد : الهنوف وين؟
رزان : عيت ماتبي فطور
الجد : لا لازم تفطر ناديها قولي جدي يبيك
رزان : ابشر
لين : انا بقوم اناديها امس مانامت يوم جيتها لقيتها قاعده ووجها احمر مدري وش فيها
جميلة : ليكون عليها حراره؟
رزان : مستحيل مافيها شي الهنوف اذا جاتها حراره تقعد تون
لين : غريبه و جهها كذا اجل بشوفها و اجيبها و اجي
الجد : لاتبطين
لين : طيب
تركي و هو منزل راسه و ابتسم بخفه يوم تذكر امس بس منقهر من راكان انه جاء في وقت غلط و ماسمع رد الهنوف
-
في الغرفه الهنوف : اففف جيعانه بس مااقدر انزل تركي فيه!!
لين دخلت : ياعيون الزرقاء جدي يبيك يقول تجي غصب
الهنوف: هاه ماني جيعانه
قربت لين و حطت يدها على راسها : ماعليس حراره
الهنوف : مين قالس اني تعبانه
لين : وجهس احمر
الهنوف و هي تناظر وجهها : يويلي ليش كذا
لين : امشي قبل يمسي علينا جدي
نزلوا وراحوا عند الجد و الهنوف يلا تمشي تبي تهرب بس ماتشوف تركي
الهنوف : صباح الخير
تركي لف بكل جسمه يطالع فيها
الجد : وراس يمي تعالي اكلي
الهنوف : طيب
الجد : اقعدي هنيا
قعدت الهنوف قدام تركي و هي منزله راسها ماتبي تطالع فيه
الجد: وين تبونا نروح اليوم؟
الجوهره : نبي السوق نتقضى
لينا : لا تكفين ماابي السوق
لين : سمعت ان عندهم اليوم عرض يعني مهرجان في سوق * بنروح له
الجد : زين ، هاه ياهنوف ماعطيتي رايك؟
الهنوف : عادي اي مكان
امل : يازينس ياهنوف ماتتشرطين
الهنوف ابتسمت و طالعت في تركي الي يناظر فيها و رجعت تاكل
-
نرجع في السعوديه عند البندري قاعده في كافيه تنتظر مفلح يجي
دخل رجل و ماله لحيه بس شنب و سمين شوي و دخل
و رفعت يدها الهنوف بحكم انها شافت صورته يوم ارسلها عشان تعرفه
قعد مفلح : من انتي؟
البندري : انا البندري زوجت سالم ولد جميلة الي تعيش عندها الهنوف وولدك عبدالعزيز
مفلح : وينهم الحين؟
البندري : مسافرين خارج السعوديه بس اول مايرجعون ارسل عليك خذهم عنا !
مفلح : زين
البندري : عبدالعزيز ماسافر ترا
مفلح : وينه؟
البندري : انا ادري وينه بس عطني الي قلتلك عنه !
مفلح : طيب كيف اثق فيك ؟ انهم صدق عند ام زوجك
البندري : تجي ااموقع و توشفهم بعينك
كانت البندري متفقه معه اذا عرف مكانهم تاخذ منه فلوس و مخدرات و تتاجر فيهم
البندري : عند فاطمه اخت زوجتك الي ماتت سعاد
مفلح : تدرين وين بيتها؟
البندري : ايه
-
