جميله : وراك طولتي
الهنوف : ضيعت بس المكان شوي
ليلى : عاد مالومك من يومي صغيره للحين احسني ماني حافظه المكان
الهنوف : لهدرجه مشاءالله كبير
جميلة: عاد شسوي من يوم مااخذت عطالله و ذا بيتي
فاطمه: مشاءالله
جميلة : كنت بحط عشاك ي الهنوف بكره بس بروح اعزي صديقتي في والدها
الهنوف: وش عشاه يمي لا و الل..
جميلة : قسم بالله ماتحلفين ان عشاك بيجيك و بسوي عزومه
الهنوف: مايحتاج تكلفين على نفسك
جميلة: مامن كلفه و انا بعزم الناس على لقاي في بنيتي
الهنوف : الله يسلمك و يخليك
جميلة : ان شاء الله عشاك بعد بكره
الهنوف : ليلى اذا ماعليك امر بشوف عزوز وين
ليلى : اطلعي مامن احد غريب
الهنوف و هي تخاف يطلع احد في وجهها زي تركي و ليلى ماتدري عن الشي الي صار
مشت الهنوف بعد مالبست عباتها و حطت مسفعها على راسها و هي تدور اخوها في البيت الوسيع
الهنوف بصوت عالي : عزوز ياعيوني وينك؟
جلست الهنوف تنادي بس مافي اي استجابه من عبدالعزيز وقف رواف من بعيد بعد ماشاف الهنوف و شعرها الاحمر و عيونها الزرقاء و جمالها الطاغي
رواف: الحلوه ذي من؟
مشى رواف يم الهنوف و قف وراها و قال
رواف : من انتي
الهنوف لفت حجابها
الهنوف: انت الي من ادور اخوي عبدالعزيز هنا
رواف : انا رواف ولد سعود ، انتي تدورين عن اخوك الصغير؟
الهنوف : اي اذا ماعليك امر شوفه وين
رواف : ابشري
الهنوف وقفت تحتريهم و جاء رواف و معه عبدالعزيز
الهنوف : وين كنت انت ! لي ساعه انادي من
عبدالعزيز: ماسمعتك و الله كنت العب مع سامي هناك
الهنوف : معليه حصل خير
وقفت الهنوف بتروح و قالت ل رواف
الهنوف : مشكور
رواف: ماسويت شي بس تليته من هناك
الهنوف : معليه بعد مشكور
وراحت الهنوف و عبدالعزيز معها ورواف يطالع و يتسائل ذي البنت من
مشى رواف و هو يهوجس في الهنوف الي يحاول يتذكرها زين وهو ماشاف غير عيونها و شعرها
تركي باعصبيه : تراب انت ماتسمع
مارد رواف
تركي : رواف و تبن ان شاء الله يملا فمك
رواف : يمه انت من وين جيت
تركي : و الله جيت من السماء نزلت اسقاط نجمي
رواف ضحك يحسب الوضع مزوح
تركي : تضحك انت بعد ؟
رفع تركي حذيانه بيصفق رواف فيها جاء رواف يهج بس ماقدر و جات في راسه
رواف : اهخ الله يكسر يدك
تركي : نعم!
رواف: ماقلت شي
تركي: شبلاك تهوجس؟
رواف : والله لو شفت الي شفته
تركي : من شفت يالمخنس؟
رواف : بالغلط و الله بس مااتذكرها زين
صقر و هو ينادي من بعيد و بهواش و هو معصب و عروقه طالعه
صقر : تراب انت وياه لي ساعه ازهم من ؟
تركي : ماسمعتك يايبه و الله
صقر : امش اخلص انت و رواف بسرعه الرياجيل جو و مالمجلس حايس يافضحي من الي كان تاكي هنيا امس بسرعه؟
تركي ماكان وده يقول و يكذب و هو يطالع في رواف يدور كذبه
صقر : و الله لو تحاولون تكذبون علي ياعقال ذا غير يطبع في ظهوركم
تركي : راكان و عبدالرحمن ومحمد وفهد و ذياب و رواف
صقر : يذكرت ربي من باقي ؟ وراعين انتم حتى سروايلكم مطششه بعد ؟
رواف : مادرينا
صقر : اي مادريت سروالك طايح مادريت نزل من نفسه هو
صقر بصراخ : نادهم بسرعه معكم و الله دقيقتين ماتنظف المجلس و تجمعتوا هنيا قبل يجون الرياجيل و جدكم و الله انكم اليوم ماتنامون و الجوالات تنوخذ و لتروحين يم الحلال
اسرع شي تركي و رواف ينادون العيال و قاموا ينظفون بسرعه
رواف : ذياب بسرعه سروالك طايح شيله
ذياب : مو حقي ذا حق راكان
راكان : تخسي و تعقب ماطشيت سروالي هاذا حق محمد
محمد : حسبي الله دايم مظلوم دايم
تركي باعصبيه : ورا ماتقشعه و تشيله بدال ذا حق من و من اي الجني وطاه هنيا وراح اعجلوا و لا ماوراكم مرقاد و بيسرحنا ابوي للغنم مع صباح الله خير
خلصوا بسرعه و فتحوا و الباب و لقوا جدهم واقف
الجد عطالله: ي مشاءالله عيالي يرتبون؟
فهد بضحكه فيها خوف: اي شفتها حايسه و اقترحت على العيال نرتبها و ماقصروا قلت قبل يجون الرياجيل و نتفشل ب المجلس الوصخ
الجد عطالله: اي مشاءالله مااشوفكم تراكضون كنكم نياق ثايره
محمد : افا نياق
الجد عطالله: اي ناقه عندك اعتراض
محمد : لا ابد
عبدالله جاي يركض: الرياجيل وصلوا وصلوا
صقر : هاخلني اشوفكم قاعدين صبوا القهوه و سنعوا الامور
تركي : رياجيل حنا مانقصر
صقر : و نعم ياولدي
تركي : ماعليك زود يابوي
قلطوا الرياجيل جوا وكانوا اهل هدى خطيبت علي جايين
سالم : ارحبوا يارجال ارحبوا
سلموا على بعض سلام رجال حبت خشم و دخلوا جوا
-
عند الهنوف و البنات
دخلت حرمه و معها بنتين
شيخه : السلام عليكم ورحمه الله
تعريف :
شيخه حرمة اخو جميلة كانت علاقتهم مع بعض تجنن دايم مع بعض في كل شي
بناتها
:
الكبيره : يمنى و عمرها ٢٣ كانت هاديه و مثال للاخت الكبيره عكس اختها
سلمى : عمرها ٢٢ البنت المجنونه الي تحب الفله و تاخذ حقها بنفسها و ماتسمح لحد يأذي الي تحبهم و اكبر داعمه للنساء
-
كلهم و عليكم السلام
سلموا على بعض و جلسوا بعد مانزلوا عباياتهم
جميلة : ياهلا و غلا بشيختنا
شيخه : هلا فيس يابعد عمري
جميلة : كيفكم يبنات؟
سلمى : بخير جلعك بخير
يمنى : الحمدلله بخير الله يسلمك
جميلة: ذولي ضيوفي هاذي فاطمه و هاذي رزان و ام شعر احمر الهنوف
شيخه : ي مشاءالله من خلق ذا الزين
الهنوف : تسلمين ياخاله
شيخه : مشاءالله ياجميلة من وين تعرفينهم ماعمرك اطريتيهم لي
جميلة : ذولي بناتي ايام الميتم الهنوف ورزان و ذي فاطمه عايشين سوا هي و الهنوف مع بعض
شيخه : مشاءالله الله حفظكم
و بعد سوالف مع بعض و جلست تسولف الهنوف مع سلمى لين ماصاروا يعرفون اشياء كثيره عن بعض و اخذوا ارقام بعض
رزان بهمس للهنوف : متى بنمشي ؟
الهنوف : مدري بس شكل زانت السوالف ل فطوم
رزان ضحكت : ايه بس طولنا على الناس و هي مو قالت بتروح عزا؟
الهنوف : ايه صح
اخذت الهنوف جوالها و ارسلت ل فاطمه ( فطوم زانت لس السوالف يلا ابطينا على الناس )
شافت فاطمه الرساله ووقفت و قالت
فاطمه : عاد حنا نستأذنك ونجيكم مره ثانيه ان شاء الله
شيخه : وين بدري
سلمى: بدري تونا جينا
فاطمه : و الله ورانا خط بنمشي و نجيكم بعدين على سعه
جميلة : ليش خط وين ساكنين؟
فاطمه : و الله في مدينه **
جميلة : يويلي ثلاث ساعات عن هنا
فاطمه : اي و الله الله يسهل
سلموا على البنات وودعوهم و طلعوا جميلة و لين مع البنات
جميلة : في حفظ الرحمن استودعتكم الله
فاطمه : مع السلامه
لين : ياعيون الزرقاء لاتنسيني تعالي زورينا
الهنوف : ابشري يالحلا كله
جميلة : بعد بكره عشاكم تجون ترا
فاطمه : ابشري بإذن الله
طلعوا البنات و كان واقفين برا في الشارع جنب سيارتهم
ذياب و تركي و راكان و محمد
مشوا تحت انظارهم
محمد: ذولي ضيوف جدتي ؟
تركي : و هو يصد ايه
وقفت فاطمه يوم شافت الهنوف بتسوق
فاطمه : علي بالحرام ماتسوقين ارتاحي ارتاحي
الهنوف : مو انا الي اخليك تسوقين و انتي حامل
فاطمه : اي عشاني حامل ابي حياتي
الهنوف : معصي
رزان : لا انتي و لا انتي انا كل وحده في مكانها
فاطمه و الهنوف بصوت واحد : تعرفين تسوقين؟
رزان طلعت رخصتها : اي يلا اركبوا
ركبوا البنات و حركوا
و قال راكان : اخص بنات يسوقون
محمد : عادي مافيها شي
راكان : اي ماقلت شي
جاء رواف : ياعيال جدي يزهم على العشاء
راحوا العيال يتعشون
-
في الطريق عند البنات
فاطمه : اطربينا ي رزون
رزان : ابشري بي
شغلت رزان الاغنيه و بدوا يغنون معها
: الا ياعبيد قلبي من داخله وجعان
ونبضه ضعيف والعنا ماخذ مكانه
مشوا في الخط و فجأه عبدالعزيز نام و فاطمه ورا وقعدت الهنوف تهوجس
قالت في نفسها : مستحيه اسألي يمي جميلة عن تركي ؟ وش يسوي ووينه كيف عايش و تغير و لالا
قعدت تفكر و هي ماتدري ان تركي هي الي تعاندت معه عند الحمام في الغرفه بس ماعرفته شلون تغير و صار جميل جداً
رزان : هنوف وش تفكرين فيه؟
الهنوف : و لا شي
رزان : اخلصي علي تحسبيني مااعرفك اذ قعدتي تفكرين ب شي تحطين يدك على خدك و اذا كذبتي حكيتي رقبتك
الهنوف ضحكت و قالت : مانسيتيني
رزان : شلون انسى روحي؟
الهنوف : جعل روحك تفداك
رزان: تذكرين يوم كسرنا الصحن في اليل في الميتم يوم جعت و قلت لك جيعانه و ماخليتيها في خاطري و رحنا الساعه ٢:٠٠ اليل و انكسر الصحن و جات حصه و اندسينا و يوم سألت اليوم الثاني من جلستي تحكين رقبتك؟ و تقولين مو انا
الهنوف ضحكت: كيف تبيني انسى و كل ماتذكرت ضحكت
كملوا الطريق بسوالف و عادو ذكرياتهم
