عند الحريم طلعت ام غازي متفشله ووجها اسود من الفضيحه الي سواها ولدها طلعت و جميلة وراها و هي تقول : سامحيني على ولدي
جميلة: انتي مالس دخل ام سعد لا تعتذرين
ام سعد : مع السلامه
جميلة بحزن : هلا و مرحبا
طلعت ام غازي للسياره و راحوا و بعدها معاد شافوهم
انحكم على غازي باسجن ٣ سنوات باتهمتين التحرش و اقتحام بيت الناس بدون علمهم
-
خلصوا عشاء و راحوا الرياجيل و بقى بس اهل البيت دخل تركي و قال
: جدي
الجد : هلا
تركي : ابي اخطب الهنوف
الجد ناظر و قال : معاد بعطي بنتي لاحد
تركي انصدم و قال : انا ابيها ياجدي ابي الهنوف !
الجد : صقر شيل ولدك يكفي الي صار اليوم
صقر : تركي قوم ياابوي
تركي : ماني رايح كلمتي كلمت رجال جاي اخطب الهنوف على سنه الله و رسوله !
قام الجد و راح و عصب تركي و طلع برا في الحوش اخر المزرعه و راحوا وراه العيال
هايف : تركي يارجال استهدي بالله
لف تركي : وشش استهديي بالله علمنيي ؟؟ عيا يعطيني الهنوف تسمع وش يقول !
سهم : انا حلفت انك تاخذها اصبر ياتركي جدك معصب معاد يدري وش يسوي الحين !
تركي : وش ذنبي انا علمني ١٧ سنه من حياتي و الحين صارت ١٨ انتظر الهنوف و ابيها و اتماسك نفسي وقت حزنها اجبر باخاطرها لانها ماهي حلالي للحين و يقولي ماني معطي بنتي لحد !
مازن : انتظر لين بكره و ارجع له اصبر ياتركي
-
عند البنات بعد ماراح رواف عند نجود و علم نجود بكل شي و ضاقت نجود و هي تقول : شلون يعني وش بيصير الحين ؟
رواف : ماادري بس الي اعرفه تركي معصب و لو بايده الحين يتزوجها مو بس خطبه
نجود : ماادري يارواف
الجد : ياهنوفف
جات الهنوف : هلا ياابوي ؟
الجد : تعالي ابيك
راحت الهنوف مع الجد و قعدت عنده و قال لها : اسمعيني يابنتي الحياه ذي ملكس و انا ابوك و حنا عايلتك بسألك سؤال واحد يكفيني اجابه اي و لا
الهنوف : سم ياابوي
الجد : بغيتي تركي ؟
دق قلب الهنوف و قالت : ليش السؤال
الجد : علميني تحبينه ؟
الهنوف باحياء : ايه
الجد ابتسم و قال : تدرين انه معصب علي الحين؟
الهنوف : ليه ؟
الجد: تقدم لك و رفضته
الهنوف : ليش رفضته ؟
الجد : حسبتك ماتبينه
الهنوف : الا ابيه !
استوعبت و قالت : اقصد يعني ..
الجد : ههههههههههه تدرين وش الي يشفع لك انتي و ياه؟
الهنوف ابتسمت : ويش ؟
الجد : ابوي يومني كبركم رفضني اتزوج جميلة و قعدت سنتين رايح جاي للباب بيتهم لين مااعطوني اياها قالوا ذا مافيه طب
الهنوف : هههههههههه يعني كنت ضحيه الحب ياابوي ؟
الجد : اوه الله يذكر الايام ذي بالخير
سكتوا و قال الجد : يلا خليني اروح اشوفه و اقوله انس موافقه عليه
راح الجد و شاف ذياب جاي معصب و قال ذياب : انت علامك ياجدي داري انت بحب تركي للهنوف ليش ترفضه !
الجد : وينه؟
ذياب : هناك
الجد : ناده و تعالوا كلكم في المجلس انكانه يبي الهنوف يجي
راح ذياب و قال للعيال تركي و ذياب و بهاج و مازن وراكان احمد : جدي يبيك ياتركي
تركي : ليش ؟
ذياب : يقول انكانه يبي الهنوف يجي
تركي : اول يرفض و الحيني ناديني ؟
سهم : قم شف وش يبي
قام تركي و قاموا العيال معه ، دخلوا المجلس و قعدوا
الجد : قوم ياتركي و ادخل مع الباب و عيد كلامك الي اول
تركي و هو يناظر في العيال : ويش ؟
الجد: اطلع و تعال تقدم للهنوف مره ثانيه
صقر ضحك و قال الجد : يلا انت مع ولدك رح
رواف : هههههههه يازينك ياجدي
قام صقر هو و تركي ورجعوا دخلوا و هم مايدرون وش يسوون بس سوو نفس ماقال الجد و كلهم يضحكون
وقف الجد و هو يقول : حياكم الله يارجال
تركي و صقر يطالعون وراهم يحسبون صدق في رياجيل
الجد : ضيوفنا علامهم مصرع ؟
كلهم : ههههههههههههه
صقر فهم و قال : اهاا انت تبيها كذا يابوي ؟
الجد: ساع انك تفهم ؟
طلع صقر و تركي و فهم صقر تركي و دخل هو و ياه و قالوا : السلام عليكم يارجال
كلهم و عليكم السلام
اما خالد و ذياب و مازن ماسكين ببعض و ميتين ضحك
الجد : اصه انت و ياه خل نشوف الرجال وش عندهم
قعد صقر و هو كاتم الضحكه و قال : احم اليوم جينا
و ناظر في ابوه و مات ضحك الجد و هو يضحك : ههههه يلا انت وولدك اخلصوا
تركي و هو مبتسم : يلا يابوي
كانوا البنات واقفين عند باب المطبخ يسمعون الي صاير و هم ميتين ضحك بعد
نجود : سلمى وخري مااشوف من راسك ذا
سلمى : وش اسوييي ؟؟
فوزيه : ابعدي انتي وياها
جميلة دخلت عندهم و قعدت بعد مالبست عباتها و نقابها لان سهم و بهاج و مازن و هايف فيه و هي تسمع لهم و تشوف صقر و تركي كيف قاعدين و اشكالهم تضحك
الجد : اي ياصقر ياولد عطالله شبغيت ؟
صقر : جينا على سنه الله و رسوله نخطب
دق قلب الهنوف بفرح و هي ماسكه نفسها ماتصرخ من الحماس الي كاتمته و هي ماسكه يد رزان و تعصر عليها
و كمل صقر : على سنه الله و رسوله
الجد : اي بنت من بناتي بناتي واجد
الجد كان يشوف رزان و الهنوف و بنات عياله و بنات بناته بناته و العيال بعد
صقر : بنتك الهنوف
راكان يبي يعصب باتركي : اذا تبون رايي مرفوض يا الحبيب
تركي رما المخده على راكان و قال : اسكت انت
الجد : و الله شاورنا البنت ووش قالت ياجميلة ؟
جميلة ناظرت في الباب و هي تشوفهم واقفين و الهنوف معهم : و الله البنت
و سكتت
تركي : اي ياجده ماودتس ، وش قالت؟؟؟
جميلة : موافقه
الجد بنفس اللحظه وقف و قال : و عطينا بانتنا لولدنا تركي
فز تركي و بدوا البنات يصارخون داخل و العيال بعد يسلمون على بعض
رزان و هي تحضن الهنوف : مبروووووكككك ياوخيتي مبروككك
لين و هي تصيح : مبرووك يالعيون الزرقاء مبروك
باركوا للهنوف و لفت لين تسلم على البنات تقول : مبروك زواج اختنا مبروك
لينا : وش زواجه تو خطبه !
لين و هي تمسح دموعها : الي هو الي هو
سلمى و هي تضحك بقوه بفرح عشان تشتت دموعها : وش ذا اليوم الحلوووو ؟؟؟؟؟
تقدم تركي سلم على جده و قال جده : تحسبني ماادري من يسكن قلبك
ابتسم تركي و قال : الله يخليك و يطول في عمرك
صقر : الملكه بكره بنستعجل فيها و الزواج عاد نشوف بعدين
الجد : الي تشوفونه
كانت المشاعر في صدر تركي ماخذه مكانها و هو وده يدخل للهنوف و يحضنها بس ماسك نفسه لين يملكون
سهم : قلت لك بتاخذها صح و لالا؟
تركي: اي و الله قلت
هايف: الصبر مفتاح الفرج
تركي : ههههههههههه
