الصباح في بين عطالله
صقر : العيال وينهم ؟ مااحد فيه
نزلت فوزيه : و البنات مااحد في غرفته
الجده : يمكن راحوا مكان و بيجون
زينب : اليوم تخرج تركي ان شاء الله
الجد : اي و العشاء له و للهنوف بسلامت الهنوف و تخرج تركي و لا شكلي احطهم مع بعض تركي و فهد وود و الجوهره و و نجود و احمد
زينب : مشاءالله ياكثر الخريجين
فوزيه : ههههه ايي و خالد تخرج من الثانوي بعد
الجد : بالله ؟
فوزيه : اي تخرج
الجد : اجل كلهم مع بعض ، عقبال زواجهم
كلهم : امين يارب
-
مشوا للهنوف ووصلوا المستشفى و قابلوا الدكتور و قال صقر :
نقدر نطلع بنتنا يادكتور؟
الدكتور ضحك و قال : مو بس بنتكم عيالكم كلكم
استغرب الجد و مشى و هو يقول : المهبول ذا وش يقول
سعود : مدري يمكن نكته يقولها
فتحوا باب غرفه الهنوف و شافوا العيال عند الباب نايمين و الستاره مقسمه بينهم هم و البنات و من الجهه الثاني البنات نايمين
الجد : انا ولد ابوي ! قم قم انت و ياه وش مرقدك كنك ناقه هنيا !
صقر : وش منومكم هنا؟
فوزيه و هي عند البنات تقومهم : يويلي الدنيا كلها هنا
قاموا كلهم و شال الجد الستاره و قال : اي وش منومكم هنيا ؟
الهنوف : لاتعصب يابوي انا الي قلت لهم
سعود : مايصلح يابنتي لو مثلاً شافكم احد من الدكاتره و صارت مشكله!
الهنوف : ماصار شي
الجد : ايي و انا اشوف الدكتور يقول بنتك و عيالك اثره شايفكم؟
الهنوف وقفت و قالت : امسحها في وجهي و الله انا الي طلبتهم
ينامون عندي
الجد : ليش ان شاء الله مجمعتهم هنيا ؟
الهنوف : و الله اني كنت طفشانه و خايفه شوي و قلت اقعدوا
الجد : عسى مابك لوم؟
الهنوف: لا بخير بس شكلي اوسوس من الابره الي امس
الجد : زين اجل
رواف و هو يسوي بلوفره عشان ينسدح عليه : الحمدلله بغينا نموت
الجد : اقول قم انت وياه يلاا
قاموا كلهم و بدو يغسلون و راح صقر يخلص اجراءات طلوع الهنوف من المستشفى ، خلصوا جميلة و هي تلم الاغراض
: يلا لاتخلون شي ياعيالي شيلوا كل شي
وقفت الهنوف و غيرت ملابسها و جات بتشيل الشنطه و جاء تركي و قال : انا بشيلها عنك انتي امشي بس
ابتسمت الهنوف و طلعوا كلهم من المستشفى متجهين للبيت
كان في البيت فاطمه و زوجات عيال عطالله يرتبون البيت للعشاء
و كانت ذا اليوم تخرج تركي و كان يبي يحضر لان تخرجه الصباح
تركي و هو طالع لحاله يلحق الحفل لبس جزمته يبي يطلع اهله من ورا
لين و هي تلف حجابها : على وين بدوننا ؟؟؟
راكان : يدق بوري في السياره يلااا ياخرييجج
الهنوف : سلامات تروح بدوننا؟؟؟
تركي : بسم الله وشبكم
جميلة و هي تقفل باب غرفتها : وشبنا ولدنا خريج و بنروح معه !
الجد : عصايتي وين؟
زينب : هنا ياعم
صقر: سعود و سالم يلااا يبناتت تأخرنا
عبدالعزيز: ي ماماا شنطتي وين
الهنوف : معي يلا
تركي : امس منتو رايحين معي
صقر: نمزح معك و لا شلون نخلي ولدي في اسعد ايامه!
فوزيه : يلاا مشينا
ابتسم تركي بفرح و طلعوا كلهم يركبون السيارات
-
في قسم الشرطه عند سهم و هو يحقق مع مفلح و عايض و ناصر و حسن
سهم دخل و كان طويل القامه ووسيم جداً داخل ببدلته و هو ماسك الملفات معه
سهم : اي افضل انك يامفلح تجاوبني بكل صراحه ، ليش خطفت الهنوف !
مفلح : مو انا عايض الي اخذها
سهم : ! و عايض يقول مفلح
مفلح : كذاب مو انا
سهم : علمني بكل شي يامفلح اياك تكذب علي !
بدا يفلح يقول لسهم القصه لاكن كلها كذب و قال: انا تبنيت الهنوف
كانت لي بنت و كانت اسعد ايامي يوم صار عندي بنت وربيتها و ماقصرت عليها بشي لاكن هي ناكرة جميل و ماتت زوجتي و حبيبه قلبي سعاد و اخذت مني ولدي و هربت فيه و قعدت ل سنين ادوره مالقيته و يومني لقيتها قالت لي انها ماراح تعطيني اياه لين تتزوجني اما عن الخطف ماخطفتها عايض الي اخذها
كان سهم يدري بكل شي لان في شخص جاء و قاله كل الحقيقه و عن خطف الهنوف يومنهي صغيره وقف سهم بغضب و قال : تكذب علي !!قلت للكككك لاتكذذببب صححح!!!!!!
مفلح : ماكذبت انا
سهم و هو يضرب الطاوله : تحسني مااعرف بعلومك تحسب مااحد جاء و قالي كل شي تحسب ماعندي صور لاجرامكم!
مفلح بخوف و تردد : اي صور و مين قالك
طلع سهم الصور من الملفات ووراها مفلح
سهم : ذا مو انتت؟؟؟
مفلح : مين الي صور!
سهم : مالك اي دخل بتدخل السجن انت
مفلح: مينننن الي قالكك؟؟؟
طلع سهم و قابل بهاج عند الباب و قاله : اقبضوا الحيوان الي جوا و اسجنوه و ارفعوا ملفه للنيابه العامه الان
بهاج : سهم
سهم : نعم
بهاج : لقينا اهل الهنوف بس ماخبرناهم عنها
سهم : ليش ؟ مو اول مانلقاها اهلهم لازم يدورون
بهاج : ادري بس هي ماتبغا يدرون الحين و غير كذا
سهم : ويش
بهاج : ام الهنوف نوف توفت امس
سهم : ويش تقول !
بهاج : كانت تعاني من سرطان و اخذ ربي امانته امس اليل و قبل ماتموت قلت لها ان الهنوف حيه ووريتها صورتها وجلست تبكي و سجلت لها وصيه
كان بهاج يزور اهل الهنوف من زمان و يعتني فيهم
سهم : لا اله الا الله انا لله و انا اليه راجعون
بهاج : ويش اسوي الحين ؟ علمني
سهم : ابي اقابل والد الهنوف اليوم و بنروح نعيزه
بهاج : ان شاء الله
-
في ملعب تخرج تركي و اهله على المقاعد قاعدين ينتظرون للمسيره نسى تركي وشاحه مع الهنوف
الهنوف : وشاح تركي معي !!!
زينب : ياويلي نسيه !
الهنوف : كيف اروح له بوديه
لين : الهنوف اسألي المنظم ذاك
الهنوف : اي واحد
لين : المزيون ذاك
الهنوف صقعتها مع راسها و قالت : و الله انك ماتستحين
ضحكت لين و راحت الهنوف للرجال كان الرجال معطي ظهره للهنوف
الهنوف : لو سمحت
لف الرجال و ناظر في جمال هل بنت و قال : لبيه ياحلوه
استغربت الهنوف و قالت : نعم؟
الرجال : اقصد نعم ياختي
الهنوف فهمت قصده و قالت : زوجي نسى وشاحه هنا بوديه له كيف اروح للخريجين؟
الرجال : زوجك؟
الهنوف : اي زوجي
الرجال بعد ماانصدم و قال : انزلي من المدرجات لين اخر شي لفي مع الباب و ادخلي
الهنوف : تمام شكراً
راحت الهنوف و نزلت تحت و دخلت و قعدت تدور تركي بين الخريجين و شافته واقف مع اصحابه
الهنوف : الحين ذا شلون اناديه ؟
طالع تركي في البنت الي واقفه قدامه و قال :الهنوف ؟؟
يزيد : الهنوف ويش
ريان : من الهنوف ؟
تقدم تركي لها و قال : وش مجيبك هنا؟
الهنوف : واحد متخرج نسى و شاحه عندي
تركي سحب الهنوف ووقف بعيد عن الناس و قال : ياربي نسيته من اول ادوره
الهنوف : وين عقلك انت بويش تفكر يومنك نسيته!
سكت تركي و قال : و الله افكر في بنت ماخذه عقلي
الهنوف : مين ذي البنت ان شاء الله
تركي : مالس شغل
الهنوف : ويش الي مالي شغل علمني مين الغثيثه ذي ؟
تركي ابتسم و قال : غثيثه ! لا و الله ماهي غثيثه وش زينها و جمالها و كلها على بعضها!
الهنوف : ماهقيتك بلاير زي ولد عمك كل شوي يحب وحده مو عساس على البحر تعترف و بتخطب غصب و مدري وشو!
حط تركي يده على الجدار الي مستنده عليه الهنوف و قال تركي : اي ماتراجعت طيب باقي احبك؟
ناظرت الهنوف مصدومه منه و سكتت و جاء المنظم الي اول و شافهم و قال : معليش خربت رومنسيتكم بس المسيره بتبداء
ناظر في الهنوف و قال : زوجك حلو مشاءالله وسيم مره
وراح المنظم يخبر الباقين طالع فيه تركي منصدم و قال: زوجك؟
الهنوف دفت تركي عنها و قالت : يلا مسيرتك بتبداء
ومشت و هي تسارع بخطواتها تطلع للمدرجات و بدت مسيرتهم و بدو يستلمون الشهاده ويوم وصلوا ل اسم تركي وقف راكان و قال: ذا اخويييي
لين: و اخويي بعد
غايه : اسكتوا فشلتونا
ضحك صقر على عياله و قال : غايتي خليهم علامس
ابتسمت غايه و قالت فرح بصوت عالي تقلد خالها و خالته : مبروك ياخخالليييي
لينا : جات الثانيه
جلسوا يضحكون عليهم و كلهم فرحانين بتخرج تركي و انتتهت المسيره و نزلوا الناس تبارك لعيالها و بناتها
الجد و هو يحضن تركي : مبروك ياولدي مبروك
صقر : فخور باولدي رجال ولد من ذا ؟ ولد صقر اكيد
كلهم : و نعم
سلمى : اخيراً في من عائلتي مدير تنفيذي و دكتوره و الحين محامي
و الباقين تخصصاتهم كلها تهبل ياسعد عيني مااحتاج لغريب
ضحكوا كلهم على سلمى و قال تركي : شكلك مخططه تنجرحين و تتصافقين انتي و الهنوف و بعدين بصير لكم محامي و اذا بغيتي منصب و لا فلوس تروحين لـ عبدالرحمن
سلمى : خطتي المستقبليه ان شاء الله
زينب : اهم شي عيالي و بناتي مبسوطين و بخير يسوى الدنيا و مافيها
الهنوف : الله يخليك لهم ياربب
زينب ابتسمت و قالت : ترا كلكم عيال و بناتي و انتي منهم و رزونه بعد بعد يوم قلت ان يكفيني انكم بخير !
ابتسمت الهنوف و قالت : الله يسعدك يارب
ناظرت الهنوف في تركي و ابتسمت و قالت : مبروك يالي ماتستحي صرت محامي
ضحك تركي و قال : الله يبارك فيك ياعيون البحر
الجد : يلا ورانا عشاء
رزان : وش عشاه يابوي ؟
الجد : عشى بتخرجكم و سلامت الهنوف
ود : عساها ماهي كبيره ؟
سعود : حتى اهل ابوي جايين
امل : جاني صداع ليه ماقلت ياجدي من بدري
الجد : اسوي مفاجئه
ذياب : يلا اجل مشينا
طلعوا و ركبوا سيارتهم و كان تركي و الهنوف و رزان و هايف و رواف و سلمى ونجود و ذياب و لين في سياره
سلمى : شغل ياتركي بنغني يلاااا
ضحكت الهنوف من سلمى بصوت عالي و ناظر تركي ضحكت هنوفه اول مره تضحك كذا
وشغل و بدا يغني بصوت عالي عند ذا البارت و يقول :
و ياضحكه الي اصير لها فدا و اروح
لك ياهنوف الخصال محبه في دماي
و بدو كلهم مع بعض يغنون :
تملا بلاد الضباب الي بشذاك تفوح
ناظر تركي في المرايه للهنوف و قال :
كنت الحبيبب و غديت اليوم كل دنياي !
من تؤام الروح الين امسيت انت الروح
ابتسمت الهنوف بحب و هي تحمد ربها علهيم
استلم ذياب السماعه و شغل شيله و هم واقفين عند الاشاره ووقف الجد جنبهم رواف : جدي يرقص ههههه
ناظرو فيه و هو يصفق و يرقص هو و عياله
رواف من القزاز : عاش جدي و عاشوا عياله
الجد : و عشتوا لي جميع
