( لاتنسون النجمة تقيدر ل تعبي )
اليوم الثاني العصر ، في المطبخ قعدوا الحريم يسوون الفطور و العيال قعدوا عند باب المطبخ على عتبت الباب
ورد : ودكم اليوم ناخذ فطورنا و نروح عند ام مرزوق نتحمد لها بالسلامه ؟
تركي : نقاله العلوم
ورد : و في غيرها
ذياب: وش فيها
حصه : طاحت القشرا في الحمام
رواف : يويلي كيف طاحت
حصه : مدري عنها تقول تزحلقت
ضحك راكان و قالت حصه : وش يضحك
راكان : تخيلت شكلها هههههههههههههه
ضحكوا كلهم و قالت حصه : اضحك اضحك ثم بكره نشيلك من الحمام منصرع
راكان : اعوذ بالله
جاء سهم بتعب و هو مانام الوقت الي فات و هو يدور مفلح و يراقب البيت
خلود : اقعد ياابوي و انت اهلكت نفسك
سهم : معليه
ناظرت قمر فيه وواضح التعب في وجهه و قالت : روح نام
سهم لاحظ اهتمامها فيها و ابتسم بخفه و قال : ابشري
حصه : لاتنام في الخيمه ادخل داخل في البيت و نام
سهم : لا وين ادخل لا انام ورا في الحوش
حصه : صاحي تبي تنام في الشمس و انت صايم !
سهم : معليه كلها كم دقيقه
حصه : لا ، روح مع الباب الثاني و ادخل الغرفه الي قدامك
سهم : اي وحده ؟
حصه : قمر روحي معه
قمر نزلت الي معها و ناظرت فيه سهم و رجعت ناظرت في حصه و قالت : انا ؟
حصه : اجل من قمر ثاني
سهم في نفسه: القمر واحد مايتبدل
قمر : طيب
مشت قمر قدامه و هو يمشي وراها يديه في مخابيه و هو مبتسم ، دخلت داخل و فتحت باب الغرفه و قالت بهدوء : ليكون قصدها تنام في غرفتي
سهم: غرفتك؟
قمر: هاه ايه
جاء يبغا يدخل و شافت قمر اغراضها مطششه و مدت يدها و سكرت الباب على وجهه و هو داخل ، تراجع سهم ورا بقوه و قال: وشفيك ؟
قمر من ورا الباب :صبر
قمر و هي ترفع ملابسها، قمر : حسبي عليك ياسليمه قايله لك رتبيها
خلصت و فتحت الباب و قال سهم: ليش قفلتي الباب
قمر : مافي شي
سهم : سكرتي في وجهي و تقولين مافي شي
قمر : ادخل نام
سهم : طيب
مر من قدامها و هو يناظرها و دخل غرفتها ، و انسدح على السرير و
قال سهم : قفلي الباب و سكري النور
قمر : اي شي ثاني حضرتك
سهم ضحك و قال: سلامتك
قمر : تراك واعدني بالبقاله لاتنسى
سهم: ابشري من عيوني
طلعت و قفلت الباب ، و انسدح سهم و هو يشم عبير عطرها على سريرها نام و بعد ساعتين ، جات قمر فتحت الباب و قالت : سهم
مارد سهم الي كان غاط في سابع نومه دخلت الغرفه بتوتر و قربت و قالت : سهم
مارد و عصبت و قالت : سهم ووجع
ناظرت فيه و قالت : ليكون مات ، وراه مايرد
سكتت شوي وخافت و قالت : قم لاتموت الحين انت قلت بتموت شهيد
رفعت البطانيه عنه و فتح عينه بشويش و هو سمعها يوم قالت لاتموت انت قلت بتموت شهيد ناظرت فيه شافته مبتسم و قالت : قايم انت !
سهم : يوم سمعتك تقولين لاتموت قمت
قمر : مشاءالله عليك انا احسب فيك شي و انت تمثل النوم
سهم قعد و قال: قمت يلا
قمر لفت تبي تروح و شافته يرجع ينسدح و فتحت النور و طفت المكيف و قالت : و الله لااكب المويه
سهم ضحك و قال : تكفين يالقمرا خمس دقايق
قمر : المذن اذن ! لو ابوي شافك نايم و الله لايرثع فيك قم افطر مع المسلمين
سهم قعد ووقف على رجلينه و قال : قمت يلا و انتي ماتبين الواحد ينام
وقفت عند الباب و قالت : يلا الفطور خل النوم مامنه فايده
سهم مشى و قال : اقطع نومتي عشان ذا الوجه
قمر : قصدك انا ! وشفيه و جهي
سهم بهدوء : احلا ماشافت عيني
قمر : ويش ؟
سهم : و لا شي يا القمر
قمر راحت و قعدوا يفطرون ، طلع سهم للخيمه و قال : السلام عليكم
كلهم و عليكم السلام
الجد : وينك
سهم: نمت
الجد : افطر ياولدي
قعدوا يفطرون و قال راكان للعيال ، راكان: سعيد عازمنا فيحان جاي من جده و نسويه عزومه
ذياب : وين
راكان : هو ويعيال الديره مسوينه سمره عشان فيحان
تركي : و الله مانيب فاضي ل سعيد و خرابيطه ، لو نروح لاجل فيحان زمان عنه
راكان : خل نروح يارجال و ناخذ بهاج و مازن و سهم يشوفونهم و نسلم على فيحان
تركي : سهم ماهو فاضي
سهم قال : اذا و دكم تروحون عادي انا معكم
سلطان: خلونا نروح و نوسع صدورنا و اذا طفشنا رجعنا مقرب من البيت
نايف : الي تشوفونه
محمد : نفطر و نروح ؟
رواف : ايه
تركي : بس مفلح
وافي : الشرطه فيه
سهم: ماحنا مطولين
تركي : طيب
كلموا فطورهم و خلصوا و دخلوا داخل يلبسون ثيابهم ، طلعت لين بشماغ تركي و قالت : خذ يااخوي شماغك
تركي : سلمتي ياعيوني
لين : الله يسلمك
تركي : وين عيون البحر
لين : داخل ، عند عبدالعزيز
تركي : ناديها لي
لين : ابشر
دخلت لين تنادي الهنوف و طلعت الهنوف و هي فاكه شعرها و شيلتها على متونها و قالت : سم
تركي : سم الله عدوتس
الهنوف : وش بغيت
تركي كان واقف عند باب المطبخ والهنوف قدامه و قال: انا بروح سعيد عازمنا ، صديقنا فيحان جاء و بنروح له
الهنوف : الحين؟
تركي : ايه ، ماحنا مطولين
الهنوف : خذو راحتكم اسمرو عندهم لاتخربون مزاجكم عشان السلتوح مفلح
تركي ضحك من كلمه سلتوح و قال : تعودتي على كلام اهل الديره
الهنوف ابتسمت و قال: ايه صرت من اهلها
ابتسم تركي و قال : انتبهي و اذا صار شي اتصلي علي تراني ماني مبعد عن جوالي و اذا دقيت ردي علي
الهنوف حطت يدها على خشمها و قالت: على خشمي
حاوط تركي و جهها بيدينها و قربه و باس خشمها و قال : عليه الشحم
جات زينب الي ابتسمت و قالت : تركي شماغك منحرق الي معك خذ ذا
تركي : من حرقه !
ناظرت زينب و هي مبستمه في الهنوف و الهنوف تراجعت ورا و هي حابسه الضحكه و قال تركي : انتي ؟
الهنوف : هاه لا من قال
تركي : الا انتي
الهنوف : حرقته بالغلط و الله ، شسوي سليمه زايده درجه الحراره و حطيته و انا ماشفت كم و انحرق
تركي ابتسم : فدا
زينب طلعت العود و قالت : خذي ياعيون البحر طيبي نجمتس
تركتهم زينب و ناظرتها الهنوف و ناظرت تركي و تنحنحت و تقدم ل تركي الي رفع راسه بشويش و ابتسم بخفه من ناظرها تشتت عيونها ، قربت الهنوف و طلعت العود و هي تحطه تحت اذنه و تركي يناظر ثغرها ، وقفت تناظر عينه ، اقبل على مبسمها يقبله بهيام ارتجف جسمها للحظه ارفعت يدها على صدره ابتعد تركي بعد دقايق يحضنها ، جات لين و هي شايله الصينيه للمطبخ فتحت عينها و قالت لين : ووجع ان شاء الله، مافي غرفه قدام العلن
ضحك تركي و استحت الهنوف الي و جهها صار احمر من حركت تركي تقدمت لين الي جرت الهنوف من ورا ناظرت وجهها و حطت يدها الهنوف على وجهها و قالت لين : و مستحيه بعد
تركي سحب الهنوف وقال: شفيك انتي على عيون البحر
لين : من زينك انت و ياها
تركي : قدها ؟
لين تذكرت ان لها حاجه عنده وقالت: لا
ضحك تركي و جاء سلطان و قال: يلا ياتركي ماصارت اخذ شماغ
تركي : يلا جاي
طلع تركي و راح للعيال داخل و دخلت الهنوف هي و لين ، طلع تركي وشافهم يحترونه
سهم : ساعه تنتظر شماغك
وافي ابتسم بخبث و قال : مالظاهر كلها شماغ بعضها قلت ادب
تركي تقدم و ضربه على راسه و هو يضحك : قليل الادب انت و الله امش بس
مشوا متوجهين للمكان وصلوا بعد دقيقتين نزلوا العيال ووقف سعيد يرحب فيهم
سعيد : هلا و مرحبا
تقدموا سلموا عليهم و صل تركي عند فيحان و قال: طولت الغيبه يافيحان
ابتسم فيحان و هو يحضنه ويشد عليه و قال: اشتقت لك و قسم بالله
جلسوا العيال بعد ماسلموا و النار بالوسط و هم قاعدين كلهم على شكل دائره
فيحان : وش اخباركم يااهل المدينه
تركي : و الله الحمدلله على ماتحب
ذياب : شلونك يولد جده
فيحان ضحك و هو يقلد اللهجه : و الله تمامم كل شي زي الفل
فارس : كيف الشغل
فيحان : و الله الحمدلله بخير كل شي زين
فارس : الحمدلله
فيحان : و اخذت عيون البحر ياتركي
تركي ابتسم و قال : اي و الله اخذتها
فيحان : متى الزواج عشان نضبط الوضع
تركي : بعد عمليتها ان شاء الله
فيحان : تطلع بالسلامه ان شاء الله
تركي : اللهم امين
سعيد : ماودكم بطرب و قصيد ؟
وافي : الا و الله نبي ، زمان عن عود و طرب فيحان
فيحان ابتسم : يبشر وافي
جاب العود حقه و هو يغني لهم و هم منطربين و يغنون معه و بدوا يغنون مع بعض ووقف فيحان هو وراكان و رواف يرقصون:
( عود علي و ضمني في وسط عينك و اخفني
يامنيتي يادنيتي من دون وصلك كيف اعيش )
بعد ساعتين في البيت عند البنات قعدوا على الدكه يفطرون بعد ماخلصوا صلاه التراويح يتقهوون
لين : بيجي مطر ؟
رزان: قاعده تبرق
الهنوف : ياربب ينزل
يمنى : ان شاء الله
حصه جات : يابنات تعالوا ساعدوني نبي نغير الصاله
سلمى : ويش تغيرين !
حصه : ببدل الكنب مكانه يعني
جمانه : ياويلي ياخاله جاتتس الحاله
حصه : يلا بس امشن
قاموا البنات يساعدونها في الترتيب شالت سلمى الكنب و قالت : اهخ ياظهري
حصه : شيلي شوفي جمانه و الهنوف و هم متكسرات و يشيلون
جات ملك تركض و هي تقول : مممططر في مططرر برا
رمت الهنوف الكنب هي و البنات وطلعوا للحوش يركضون طلعوا في الشارع و هم يشوفون الجد واقف فاتح يدينه مبسوط و ناظرهم و قال: تعالوا انبسطوا بالمطر
راحوا البنات عند الجد ووقفوا تحت المطر قعدت الهنوف جنب ابوها و فتحت يدها تدعي و تقول : ياربي ياحبيبي اخرجني من الي انا فيه و اشفيني و احفظ لي اخوي و ابوي و تركي و اهلي كلهم ياربي لاتريني ضرر فيهم يارببب و يالله انك تاخذ مفلح و تفكنا شره يارب
لين : ادعيلييي اختباري بكره
الهنوف ضحكت: و يارب وفق لين و لينا و خالد و محمد في اختباراتهم يارببب خلهم يجيبون ميه و خويلد هو و محمد توفقهم في الجامعه ياربب
شاف الجد سيارت العيال جايين و نزلوا من السياره بفرح للمطر جو عند الجد و قال فارس : السلام
الجد : عليكم السلام ، جيتوا
فارس : ايه ماطولنا
الجد: زين
وقف سهم جنب الجد و هو يطالع في قمر الي تركض مع الورعان تحت المطر
بدر: و الله مشاءالله يازين المطر
حاتم : اي و الله مشاءالله عاد الحين موسم الامطار
عبدالاله : الله يجعلها امطار خير و بركه
الجد: اللهم امين
معتق : يابناتتتت امشوا ادخلوا عن البرد لايصفقكم و انتم تحت المطر
درع : خلهم ينبسطون علامك
معتق : خوفي عليهم من البرد
درع: معليه نجهز لهم ليمون و عسل و زيت زيتون و يكفي
ركض راكان و هو يصرخ و يقول : امشوا الحقونيي
سلمى : ويننن
راكان : تعالوا و بتعرفون
ركضوا وراه و تعالت اصوات ضحكهم في المكان بفرح و سعاده
سهم و هو يركض معهم: وين بنروحح
راكان : وصلنا اصبروا
وقفوا عند مكان كان كله ماء كنه بحر من كبره وقف راكان و قال: شوفوا بحر الديره
نزل رواف ثوبه و قال: نزلنا ياعيال ؟
راكان : تممم
ذياب : مهبل انتم !
نايف : يارجال الحياه مره وحده
محمد : لاتفوت اللحظات السعيده ابداً
نزلوا ثيابهم و نزلوا غير تركي و سهم و سلطان و فارس و ذياب و هايف و البنات يناظرون و يضحكون فيهم
يمنى : اطلعوا لاتتعبون
وافي : يمنى خلينا ننبسط مايصير لنا شي
يمنى : افف خايفه عليهم بكره يتعبون و كلنا بعد شوفي كيف قاعدين تحت المطر !
وجدان حضنتها من ورا و قالت : لاتخافين يايمناي عليهم انبسطي
ابتسمت يمنى و هي تناظر فيهم ، تراجعت سلمى بخطواته و هي فاتحه يدها و صرخت و هي تقول : جينا عشان نوقف !!! خلونا نستمتع بالمطر !!
غرام وقفت معها و قالت : يلااا بنات
ناظرت في العيال و قالت : انتم بعد مسوين كبار! خير الله ذا
مسكت الهنوف يد البنات و هم يركضون في المطر ، لين : الله بصرخخخ
تركي ضحك: اصرخي
لين : ترا بصدق !!
تركي : اصرخي معليك
لين جات بتصرخ و قالت الهنوف : انا بعد بصرخ معك
رزان : حتى انا
جمانه : وشو تطلعون طاقه سلبيه ؟
الهنوف : حبيبتي الضغط الي صار فينا خلينا نطلعه
لين : اركضوا و نصرخ و حنا نركض
سهم : و انا بوقف هناك و اشوف من اول من يوصل
قمر بحماس: الله حبييييتتت
ضحك سهم و راح وقف قدام ووقفوا كلهم صف وركضوا بعد ماسمعوا ثلاثه من سهم ، و ركضوا وهم يصرخون وصلوا لعند سهم و طاحوا بتعب و هم يضحكون
لين : اح ياحلقي
مريم : حلقي انجرح
وجدان : احسبك جرس انذار مشاءالله ياصوتك انتي و روان
روان : هههههههههههههههههههه شسوي
جو العيال يركضون و هم حرفياً ينقطون مويه ، راكان : احلى شعور في العالممممممم
رواف : نركض للبيت ؟
هايف : صاحين تونا راكضين حنا
مريم : اعجبني خلوني انحف زياده اليوم
ليلى : على ركضنا هاذا ٥ كيلوا
ضحكوا كلهم ووقفت امل و قالت : قوموا يلا بس بيجي الصيف و بنشتاق للمطر و بننشوي تحت الشمس لين نشبع
نوره : صح اني متزوجه و المفروض اكون عاقله بس يلا تمم
يمنى : حتى انا
ركض راكان بدون سابق انذار و قفوا يركضون وراه ، الهنوف بصراخ : راكااانننن ياغشاششش
ضحك راكان و قال: الميدان ياحميداان
جلسوا يركضون كلهم لين لمحوا الخيمه و شافوا الجد حاط المُركَه و قاعد يناظر في المطر هو و عياله و خوان زوجته و عبدالاله و حاتم
ناظرهم الجد و قال: مافيهم الصاحي
صقر : ابك ذولي يعدون
سعود : راكان ينقط ماء !
سالم : كلهم
درع: مااهبل منهم الا بعضهم
جو و هم يركضون و يضحكون طاحوا في الخيمه و هم ميتين ضحك و قال الجد : شبلاكم انتم
روافي : مبسوطينن
الجد : ياعساها دايمه
وقفت وهج هي ورغد و قالوا: نبي شوط ثاني
وله : تكسرت رجلي مافيني اركض
وقف رواف : قدام
صقر : اقول انثبر انت و ياها كل واحد ينقط من الماء ، ادخلوا داخل غيروا و اقعدوا عند النار تدفوا بسرعه لاتمرضون علينا محد فايق لكم
راكان غمز : نركض للبيت ؟
وقفت الهنوف بسرعه وركضت و قالت : سبققتتكك
ضحك الجد و هو يشوفهم مبسوطين ابتسم بسعاده و قال بينه وبين نفسه : ياربي طول بعمري لين اشوفهم مبسوطين و مايحتاجون شي و خذ امانتك يارحمن
وصلوا للبيت و ناظرتهم جميلة و قالت : ياويلي !
حصه : وش ذا ليه كلكم كنكم متروشين !
راكان : غطسنا في الوادي و تبلبلنا و جينا
سلوى: ادخلوا ادخلوا بسرعه غيروا بسرعه
ضحكوا كلهم ودخلوا يغيرون و طلعوا ودخلوا المشب حول النار ، الهنوف ضمت يدينها و هي تقول : برددد
ابتسم تركي و قرب و دخلها جوا الفروه و حضنها و هو يقول : تدفي
ضحكوا من تركي و جات حصه ووخر تركي عن الهنوف بخوف منها ابتسمت حصه بخفه و قالت : حلالك هي احضنها دامها بردانه ، لاكن اخر مره قبل تتزوجون مافيه لمس
لين بخفه : ياحليلتس ماشفتيهم عند باب المطبخ
ناظرها تركي و قالت حصه : ويش ؟
تركي : تخثرد ذي
ضحكت لين وقعدوا حول النار يتدفون طلعت نجود و لحقها ذياب و قال: نجود
لفت نجود و قالت : سم
ذياب ناظرها و ماكانت تحت المظله الكبيره و المطر يرش على ظهرها قرب منها و ابتعدت و قال : و وشبك
ذياب : قربي المطر على ظهرتس لاتبردين
دخلت نجود و ناظرت فيه بتوتر و قال ذياب : علامتس لتس كم يوم ماتكلميني
نجود : مافيني شي انت الي ماتكلمني
ذياب : انا مافيني شي بالعكس ودي اسولف معتس طول الوقت
ناظرته نجود و قالت : سولف و انا اسمعك
ابتسم ذياب و قال : نجلس ؟
نجود : وين ؟
ذياب : هنا على الخزان
كان الخزان حق المويه ارضي و تحت المظله الكبيره و قعدوا تحتها يناظرون المطر ، بس الي كان يناظره نجود اما ذياب هايم في تفاصيل و جهها الصغيره ، لفت نجود و قالت : شفت البرق !
ذياب : وين
نجود : توه جاء
ذياب : ماشفته
نجود : ماناظرت ! وين تناظر انت
ذياب : في و جهتس
انصدمت نجود و طالعت فيه و شالت عينها بتوتر تناظر قدامها وقالت : انظر قدام شوف كيف الجو يجنن
ذياب : ابي اناظر فيك
نجود : ذياب !
ذياب ضحك : وشو
نجود : عينك في المطر
ذياب : ماابي
نجود : احسن خلك يفوتك اجمل شي
ذياب : دامه انتي الي الي بترك شوف المطر عشانه خليني اخسر اجل
ناظرته نجود و ابتسمت و قالت : بكيفك ناظر اجل فيني و انا بناظر المطر
ابتسم ذياب و قال : زين
رجعت ناظرت فيه بعد دقيقه و قالت : ياذيب
ذياب : لبيه
نجود : امزح عليك ناظر قدام
ذياب ضحك بقوه ذياب و قال : تغيرين كلامك انتي بسرعه؟
نجود ابتسمت : شسوي فيك وترتني
ذياب : محد قالتس خليتس حلوه كذا
استحت نجود و قالت : ترا مااعرف ارد علمتك من الحين بكره تبتلش و تقول ذي مااحد يقول لها كلام حلو
ذياب : انتي اضحكيلي و ماابي منتس ردود
كمل ذياب و قال : ياسمح المحيا و يابسمه يوم تضحك لي تبري لي جروحي و يخفق لها قلبي
ابتسمت نجود و هي ماتدري ويش تقول و قالت : شكراً
ذياب : شكراً !
نجود : ايه شكراً اجل وش اقول !
ذياب : انا اقولك بيت من قصيدي و انتي تقوليلي شكراً !
نجود : وش اقول طيب
ذياب : مدري عنتس ، الواحد يرد بقصيده مثلاً او مثلاً احبك بعد تصلح ، يعني منتي حلالي و لا يحل المسك بس ذي اذا ملكنا نخليها بعدين
نجود سكتت و ناظرت عينه و قالت : ابتسم لاسمعت حِسه و طاريه و يهلِي قلبي و تفرح بشوفه عيوني
ابتسم ذياب و قال : اي و الله اني احبتس و اغليتس يااجمل ورد حياتي و اغلاها
نجود : صح لسانك
ذياب : صح بدنك
ذياب : مادريت انتس شاعره
نجود : ماني شاعره بس تعلمت شوي من ابوي
سكتوا يناظرون في المطر و بعد دقايق وقف و دخلوا داخل و جاء عبدالله و قال : جدو يبغاكم كلكم
رواف : ليش
ملك : ماادري بس معه سطول كبيييره و فرش كثييرره
راكان : الله يستر
قاموا كلهم متوجهين للخيمه وقفوا يوم شافوا سطول البويه و الفرش حقت الدهان و قال الجد : تحسبوني نسيت عقابكم ؟
رواف : وش ذا
الجد : دهان ذا يلا اصبغوا البيت
سلطان : شلون نصبغ و المطر !
الجد : المطر وقف و ماظنتي ينزل مره ثانيه
الهنوف : و اليا نزل و راحت البويه
الجد : معليه تدهنون مره ثانيه ، يلا اخلصوا
اخذوها و راحوا يم جدار البيت و هم يصبغونه كان ١٪ شغل و ٩٩٪ لعب بالبويه
ذياب : رواف ياحمار انت ماتدهن زين قاعد ترش علي من البويه
ليلى : شكله مضيع يحسبك الجدار
راح تركي جنب الهنوف و ناظر فيها و ابتسم و ضحكت الهنوف و قال تركي : ادهني الي فوق ولا ماتلحقين
الهنوف : وش شايفني روان ! الحق ترا
روان : سمعتك ترا
ضحكت الهنوف وقالت : اسفه يااختي بس انتي اقصرنا
فهد : محد عاجبه التلوين ذا غير الهنوف عشانها رسامه تحبه
هايف : ابك تلوين ويش انت تدهن على كراسه ؟ لااحد يسمعك اسمه دهان ياحمار
فهد : الي هي كلها الوان
رواف نقز فوق راكان و قال سلطان : ابك انزل انت و ياه لاتطيحون زي جمانه و الهنوف ثم نروح للمستشفى فيكم و نبتلش
راكان : معليك حنا ماحنا طايحين زيهم على رفوف و ماحنا بقر مثلهم
سلطان : البقره من !
راكان : جمانه و الهنوف
جاء تركي وقال : انا اعلمك البقره من الحين انت و ياه
و دف رواف ، و سلطان سحب راكان من فوق و طاحوا الاثنين على الارض
راكان : حسبي الله و نعم الوكيل، طيحتوا اخوانكم عشان ذول
تركي : تستاهل محد قالك تقول ل عيون البحر بقره
رواف : انت زوجتك هي و سلطان جمانه يحبها و حنا من لنا
انصدمت جمانه و طالعت في سلطان الي توتر و قال بتوتر : وش تخربط انت قم و انت ساكت بس
ناظر سلطان فيها و لفت جمانه تكمل تدهن الجدار تشتت نفسها خلصوا بعد ساعه و رجعوا متلطخين و تعبانين ، غسلوا و قعدوا في الخيمه و بداء رواف يعطس و قال الجد : ايه ذا الي ناقص انت الحين و الباقي شوي و بكره
رواف : مافيني شي بس عطسه عاديه
الجد : ايه نشوف العطسه ذي تتحول لحراره
قام حاتم و قال : يلا تصبحون على خير بروح ننام
الجد : مع السلامه
جات جميلة و هي خالطه ليمون و زيت زيتون و عسل مع بعض و قالت : يلا واحد واحد يجي
وقفت الهنوف تبي تهج و قالت حصه : ارجعي يالزرقاء منتي هاجه
ضحكوا كلهم و قالت الهنوف : تكفين و الله مااحب طعمه
جميلة : امشي بس بسرعه كلكم يلا
ناظرت الهنوف في ابوها تطلب النجده و قال عبدالاله : لاتناظرين فيني كذا مالي دخل سلامتس اولا
مشت الهنوف و قعدت و قالت : مافي مفر
قعدت و شربوا كلهم و قالت جميلة يوم شربت ملك اخر وحده : و الحمدلله قضينا صار لكم شي
سكتوا شوي و جاء هذّالو هو واقف بعيد و منزل راسه : اللواء سهم
سهم : سم ياهذّال
هذّال : تعال شوي
راح سهم و قال هذّال : الفريق راح استكشف المغاره الي دخلتوها و قلتوا مافيها شي ، بس في اثار ان انسان قد قعد فيها و تو
سهم استغرب و قطب حواجبه و قال : شلون في احد ، حنا اساساً يوم طلعت ماشفنا الا ذيب !
هذّال : انا اشك انه مفلح و يمكن يكون مروض الذيب ، المكان في حطب و النار توها طافيه و اثار اكل صحون مطششه
سهم انصدم و قال : يعني هو وقتها استغل الذيب و طلعه قدامنا و هو متخبي و حنا مادرينا عنه!
هذّال: ايه
سهم : حيوان كيف فكر كذا !! ، و انا كيف راحت علي لو تقدمت شوي كان لقيته و مسكته
سكت هذّال و قال سهم : طيب وش بنسوي الحين ؟
هذّال : العلم عند الرئيس بدر
سهم : طيب ياهذّال
الجد : هاذا الرجل الي واقف مع سهم منهوا؟
بهاج : هاذا هذّال ، خوينا في القسم
الجد : مشاءالله رجال واضح و رزين
بهاج : اي و الله انه كفو و الكل يشهد بطيبه
صقر : سبحان الله يوضح من وجه الانسان اذا هو سربوت و داشر و لا طيب و كفو
الجد بصوت عالي : سهم
لف سهم : سم ياعمي
الجد : تعال
جاء سهم ووقف هذّال بعيد و قال الجد ل سهم : ناده يابوي خله يقعد معنا
سهم : هذّال ؟
الجد : ايه خله يتقهوى معنا ، و ناد بدر
سهم : ابشر
وقفت حصه و قالت : يلا يابنات قومن
قاموا البنات داخل و جو قدر و هذّال و قعدوا مع الجد و تقهوو و قعدوا يسولفون
الجد : شلونك ياهذّال
هذّال بصوته الرجولي : بخير ياعمي شلونك انت عساك طيب ؟
الجد : الحمدلله بخير نحمد الله
رواف بهمس ل مازن : كم عمره ؟
مازن : كبرنا عمره ٢٥
رواف : مشاءالله احسه بارد و ثقيل و مايهتم ل شي
مازن : كذا هو يوم تشوفه من برا بس يوم تخاويه يازين خوته
رواف : عرفني عليه
مازن : تم
راكان : متزوج؟
مازن : لا مايبي يتزوج يقول مااداني الاشياء ذي زواج و حب و مدري ويش
ذياب ضحك : كلنا قلناه و طحنا على و جيهنا
سكتوا يسمعون سوالفهم ، في الداخل دخلوا البنات و قعدوا في الدكه يتقهوون
حصه: الرجال الي توه واقف مع سهم من ؟
شيخه : شرطي
مضاوي : مشاءالله واضح عليه رجال
فوزيه : اي و مزيون ياذكرت ربي
الجازي : اي يتبارك الرحمن متزوج ذا ؟
شهد : مدري ماقالوا شي العيال
سلوى : متى بنروح ل ام مرزوق ؟
حصه : جاهزات ؟
فوزيه : قهوتنا جاهزه و انا لابسه
لفت حصه و قالت : ها ياخاله شرايتس ؟
وضحى : معكم انا جاهزه ماوراي فستاين و لا مكياج
ضحكوا و قال سلمى : تكفين ياخويله بحط لتس ايلاينر و كحل
وضحى : انا بنت ابوي ، تبين الحريم يقولون وش كبرها عجوز و جايه عندنا بمكياج
وهج : شفيها ياخاله المكياج حق الانثى تزين فيه
وضحى : المكياج لكم يالبنات مو حنا يالعجز
ضحكوا كلهم و قالت ورد : يلا عشان نرجع بدري و ماتمسكنا للسحور
قاموا الحريم و العجز و طلعوا متجهين ل ام مرزوق و البنات قعدوا في الدكه
غرام : شرايكم نطلع نلف الديره
وجدان : صاحيه تبين جدي يقص رجولنا
كانوا بنات عيال و خوات جميلة و عيالهم يقولون ل عطالله ياجد
وهج : و من زين الديره عشان نلف فيها كلها ضلعان و ضب و كلاب و ذيابه و جنونه بسم الله الرحمن الرحيم
لين : تكفون يلا يابنات خلونا نروح بس شوي
الهنوف : لا و الله ذاك اليوم رحنا الرياض و مااحد يدري و كسرنا جدي و الحين وش بيسوي حتى ماعندي فضول اعرف
نجود : حتى انا
لين : ماراح نعلمه بس شوي و نجي ماحنا مبعدين
ود : تكفون يلا خلونا نروح
سلمى قمزت و قالت : الحين انا تذكرون يوم فزت و عندي طلب اطلبه و تسوونه؟
كلهم ايه ؟
سلمى : اجل طلبي نبي نطلع الحين يلا
الهنوف : ياليل ياسليمه تكفين غيري
سلمى وقفت : مالي دخل يلا خلونا نطلع قبل يجون العجز
وقفوا البنات و لبسوا و هم ماشين يطلعون مع الباب سلمى تلثمت و قالت : مافي احد يلا
غرام : بشوي شوي نبي نروح من ورا البيت
مشوا البنات ورا بعض و قالت الهنوف بخوف : خلونا نرجع خفت
سلمى : اقول امشي بس يوم طلعنا تبون ترجعون
لفت سلمى و قمزت يوم شافت رجال لابس لبس شرطه وواقف قدامه و هو منصدم و قالت : بسم الله لا اله الا الله انت انس و لا جن
هذّال : وش شايفتني جني
سلمى : انت من
هذّال : هذّال انا
سلمى : اها الشرطي هذّال
ناظرت يمنى فيه في هيبته و طوله و قال هذّال : وين بتروحون المفروض ماتطلعون من البيت و مفلح فيه
سلمى : هاه ماحنا رايحين بس شسمه كنا نلعب كوره و طاحت الكوره ورا
هذّال : انا من اول واقف ماشفت كوره
سلمى : بكذب عليك انا بعدين الكوره من اول طايحه من توها
هذّال : وين طاحت ادورها معكم ؟
لين : لالا مايحتاج شكراً لك اشغلناك عن شغلك
غرام : يلا يلا يابنات امشوا
مشوا من قدامه و ناظرت يمنى فيه و هو ناظر عينها ، وقف هذّال يناظرها لين ماابتعدوا البنات و قال هذّال : هاذي من مشاءالله ؟
