(نجمة تقدير ل تعبي )
مشوا البنات و هم مايدرون وين يروحون بس يبون يطلعون و ماشين ورا سلمى و غرام و لين
يمنى : حنا وين رحنا يابنات وش ذا
جمانه: خلونا نرجع بس
سلمى : لا امشوا بنشوف شوفوا هاذا المكان الي قدام زي الكهف
ناظروا البنات و فعلاً كان كهف بس مو كبير مره و طالع منه نور برتقالي كأنه نار
مشوا يم النور و قالت ريوف : يمه بنات خلونا نرجع يمكن في ذيب هنا
غرام : مافي شي يابنتي امشي
لينا : و الله يطلع ذيب ياويلك ياسليمه انتي و غرام و لين اطشكم عليه و اهج
قربوا البنات من المكان و الي كانوا متقدمين مره سلمى و لين و غرام وصلوا عند الكهف و شافوا بس نار و اغراض طايحه
مريم : يمه ذي حقت انسان ذي ملابس !
الهنوف : يمه خلونا نرجع
رزان : في احد هنا اكيد
سلمى : مين ؟
ليلى : مدري بس خلونا نرجع
غرام : خلونا ندخل
يمنى و الهنوف مع بعض : لااا
جمانه : صاحيه انتي وش تدخلين !
لين : مو داخل مره بس هنا قريب
مشوا البنات بفضول يستكشفون المكان مشوا بشوي شوي ووقفوا من شافوا رجال قدامهم صنموا بصدمه و هم يناظرون بخوف
الهنوف : مفلح !
انصدمت الهنوف و تراجعت ورا هي و البنات و قال مفلح : الهنوف جيتيني بنفسك الحمدلله ماتعنيت وجيتك
قرب مفلح و قالت الهنوف : وقف ! لاتقرب
مفلح : اهدي وشبك ماني مسوي لك شي ، تعالي سلمي على ابوك
رزان صرخت و قالت : وش ابوه ! انقلع و الله العظيم لاافجر فيك
مفلح : وش بتسوين انتي ؟
رزان طلعت السلاح الي اعطاها اياه سهم ووجهته عليه و قالت : و الله مايرف لي جفن لو قربت خطوه اكثر احطه في راسك
مفلح رفع يده بستسلام ، مفلح : خلاص ماني مسوي شي ماجيت
وقف مفلح و ناظر وقال : كلكم حلوين بدور بدور اخذكم
لينا : و ش تقول انت ياحيوان الي ماتخاف من الله ، وش تبغا في الهنوف هاه !
مفلح : و الله الهنوف بتكون زوجتي المست..
تقدمت رزان و قالت : تكلم كلمه ثانيه و احطها في جبهتك
مفلح ضحك بستهزاء و قال : انتي بنت حتى يمكن الي معك لعبه
رزان ابتسمت على جنب و قالت : تبي تشوف ؟
صوبت السلاح رزان و اطلقت النار و مرت من جنبه و مفلح من الخوف طاح و قال: مجنونه !!!
رزان : ماشفت شي لو سويت شي ثاني. بحطها في جبهتك ياقليل الخاتمه
تراجعت روان هي و ريوف و رغد يعدون يم الخيمه عشان ينادون الشرطه ، قاموا يعدون بأقصى شي عشان مايهرب مفلح وصلوا للخيمه و كانوا كلهم قاعدين
الجد شافهم يجرون بخوف و قال : بسم الله
ريوف بخوف و هي تحاول تلقط انفاسها و تتكلم : م مفلح مفلح
سهم وقف : وين !
ريوف : عند البنات عند الهنوف في الكهف ورا
سهم صرخ عشان يسمعون : تحركوا وراي بسرعه
سهم وقف ووقفوا كلهم و جرت ريوف و العيال معها و هم يحاولون يلحقونهم و الشرطه معهم
في الكهف عند البنات الهنوف تقدمت و قالت : وش تبي يامفلح ؟
مفلح : ابيك انتي
رزان رفعت السلاح فوق و اطلقت فوق و قالت : قلت لك و الله لااحطها في جبهتك !
مفلح : خلاص ياحلوه وش سويت بس كلمت زوجتي المستقبليه!
اطلقت رزان بدون سابق انذار على كتفه و طاح يتألم و قال بضحك : المره الاولى في رجلي و الحين في كتفي اهخخخ يايدي
رزان : وقف ! وقف و لا حطيته في جبهتك و قضيت عليك
وقف مفلح وقال : وشوله من اول تهددين يلا اذبحيني
رزان ضحكت و قالت : عقابك مو عندي لولا الخوف من الله ذبحتك لاكن اذا ماصار عقابك في محكمه الدنيا بتكون في الاخره
جاء رابح من وراهم و معه سلاحه ووجهه على جمانه و قال : ابعدوا !
و لا ذبحتها
خافوا البنات و تراجعت رزان و قال رابح : مفلح اركب السياره بسرعه
رزان وجهت السلاح على مفلح و قالت : تحرك و شوف
رابح : و الله لااذبحها
رزان : و انا بذبح الخسيس ذا
جو العيال و طلعوا الشرطه سلاحهم و سهم تقدم و قال : بعد عنها
رابح : ابعدوا و لا ذبحتها
تقدم تركي يدور الهنوف بعيونه و شافها واقفه جنب رزان و مفلح قدامهم تقدم هذّال و قال : انزل السلاح
رابح : ابعدوا ورا و خلونا نروح و نزلوا السلاح من راس مفلح
سهم : رزان نزلي
رزان : ماني منزله يوم مسكناه تبيه يهج و يأذي اختي
هذّال : رزان نزليه جمانه في خطر !
رزان : رخمه ذا ماراح يطلق عليها
تقدم سهم ووراه هذاّال و بهاج و هم مادين اسلحتهم على رابح ، تقدم سلطان معهم و هو خايف على جمانه و قال سلطان : رزان نزليه خليه يذلف جمانه لايصير فيها شي !
رزان : خله يطلق يلا اطلق ياحيوان ، كلب انت تركض ورا مفلح وش معطيك هاه فلوس
رابح : وش بتسوين يعني بنت انت
سلمى : و اذا بنت ! تاج راسك يامعفن
قمر طلعت سلاحها ووجهته على رابح و قالت : انت اطلق على جمانه بس و شوف انا عليك و رزان على الملعون
سهم اشر للشرطه تنزل اسلحتهم و نزلوها و قال : رزان نزلي
رزان : انا حلفت اذا شفته بذبحه
بهاج: رزان قمر نزلوه و لا بتدخلون السجن مايسوى المعفن ذا تدخلون النار عشانه !
هايف : رزاني نزليه تكفين
و قال بدر : رزان و قمر امر مني نزلوا سلاحكم
نزلته رزان هي و قمر و ابتعد رابح و مفلح وراه و قال مفلح : انتظريني يالحمراء ماني مخليك
تركي صرخ : اقطع حسك لااجي العنك الحين!
ركب رابح و هو موجه السلاح عليهم ركبوا السياره و مشى بسرعه و اختفوا في لحظات
ركض تركي يم الهنوف و البنات وقالوا : فيكم شي!
تقدم سهم الي صرخ و قال : كيف رحتوا له بعلم الشرطه علموني !
لو صار لكم شي لو مالحقنا وش بيصير
رزان : ليتكم ماجيتوا و ذبحته
سهم : تذبحينه ! اجل و بعدين ادخلي السجن و تنقصين هاذا الي تبينه
رزان: وش تبيني اسوي علمني !
سهم تقدم وقال : هاتي سلاحك انتي و قمر
مدت سلاحها و تقدم لقمر وقال : قمر هاتيه
ناظرته و هي اول مره تسمع قمر بدون القمر و هو معصب منهم يحسب انهم متفقين يقابلونه ، رجعوا للخيمه ووقف بدر و قال: اكبر غلط سويتوه كيف تقابلونه بدون ماندري !
الهنوف : ماخططنا
هذّال : شفتكم رايحين ورا اثركم رايحين له
لين : مادرينا ! عنه حنا رحنا نبي نتمشى و بعدين شفنا المكان الي هو فيه و جانا فضول نشوف ويش هو النور الي طالع منه و بعدين طلع لنا مفلح !
صقر : وكيف تطلعون بدون مااحد يدري هاه !
عبدالاله: لو صار لكم شي وش بيفيد علموني
نزلوا راسهم بأسف كلهم و قالت سلمى : انا الي اجبرتهم يطلعون
لين و غرام : حتى حنا
الجد : و انتم سمعتوا و رحتوا وراهم مثل الحمير
الهنوف : كنا واعدين سلمى نسوي الي تبي و قالت تبينا نطلع الحين ورحنا معها
حصه جات و قالت : ان خليتكم ماكون بنت ابوي
جات جميلة و هي تبكي و قالت : فيكم شي ، اذاكم كيف جاكم مفلح
الجد : مافيهم شي رايحات محد درا و رزان و قمر معهم سلاح بعد
ورد : ليش رحتوا !
لين : مادرينا ياخي مادرينا و الله
رزان : هو الي اجبرني و رفعت بعدين السلاح عليه
بدر : و اطلقتيه وين ؟
رزان : على السقف
بدر : و الدم الي في كتفه !
رزان :طيب اطلقت عليه
بدر : ليش !
رزان : عشان قام يقول اشياء مالها داعي و قلت له اسكت و عيا يسكت و اطلقت عليه
بدر : مشاءالله تبوني اسجنكم ؟
الجد : ايه حطهم في النظاره خلهم يتعلمون
جلسوا يفكرون كلهم و قال الجد : ادخلوا لااشوف وجيهكم كلكم
دخلوا البنات في الدكه و قالت جمانه : كله من روسكم شوفوا وش جانا
لين : يمه خفت الي معه يسوي شي لتس
رزان: يخسي مايسوي فيتس شي و انا معتس
جاء تركي هو و سهم و هذّال و العيال و قالت لين : تبي تجي تكمل هواش لاتبداء ياسهم
سهم : ماني مهاوش ابي اسمع منكم ويش صار بتفصيل و بدون كذب
وله : هو فيه شي بقى عشان نكذب فيه
سهم قعد : اسمعكم
تقدمت الهنوف و قالت له كل شي و قال راكان : هاذا الفضول الي فيكم
سلمى : وش يدرينا !
سهم : اهخ لو مامعه سلاح و حاطه على راس جمانه كان يمديني سجنته هاذي المره الرابعه يكون عندي و ماامسكه و يهج مني
رزان : اطلقت عليه يمكن يموت من الدم الي ينزل منه
سلمى : امين جعله يموت
سهم : ادعي انتي وياها لو مات تنسجن رزان !
رزان : دافعت عن نفسي و عن خواتي !
هايف : بخبرتي كامحامي مايصير لها شي دامه دفاع عن نفسها
وقفت سلمى و قالت : انا اسفه
وقفت لين و غرام و قالوا: اسفين
سهم : احمدو ربكم ماصار لكم شي
جاء الجد ووقف قدام البنات و قال : شسوي فيكم الحين ؟
لين جات حبت راسه : اسفه ياابوي
الجد : لو صار لكم شي من الخسيس مفلح انا وش بسوي لحظتها
سكتوا كلهم انبهم ضميرهم من كلام جدهم و خوفه عليهم جات سلمى و قالت: و الله مانعودها
وهج : بس حنا و الله ماكنا مخططين نروح له ! كنا بس نبي نروح نتمشى ، حتى اذا منت مصدق هاذا
و اشرت على هذّال و قالت : شسمك ؟
هذّال : هذّال
وهج : ايه هذّال شافنا و حنا طالعين
الجد : ليش ماقلت لنا
هذّال : قالوا لي يبون يجيبون الكوره الي طايحه
الجد : كذبتوا !
يمنى: بس و الله العظيم مو عشان مفلح كنا نبي نطلع نتمشى
الجد : في احد يتمشى في اخر اليل و في الديره الي كلها ذيابه و جنونه
سهم : و بدون علمنا و لا قلتوا لااحد !
غرام : لو قلنا لكم بتعيون
الجد : اكيد بنرفض دام مفلح فيه
سكتوا و تنهد الجد و قعد جنبهم و قال : انا ماابي شي من هالدنيا غير سلامتكم ، ماابي ربي ياخذ روحي الا و انتم طيبين و متعافين و لا ويش ابي غير كذا
الهنوف : وش موته ياابوي لاتجيب طاري الموت الله يطول في عمرك و يخليك لنا ذخر
الجد : كلنا بنموت يابنيتي مااحد باقي و لا لو مافي موت ماكان اخذ ربي اطهر وجهه محمد صلى الله عليه وسلم
تقدمت لين و حضنت جدها وقالت : لاتخلينا ياابوي مااقوى على فراقك
انت و عدتني تشوفني دكتوره
هايف : و عدتني تكون لي ابو و تشوفني اذا صرت محامي
جمانه : كلنا وعدتنا
الجد : هاذا انتم كبرتم و كل واحد ان شاء الله مقبل على وظيفته و يوفقك ربي ان شاء الله
الهنوف : لاتخليني انت قلت لي ماراح تتركني ، لاتروح ياابوي انت بعد
ابتسم الجد و حضنها هي و لين و اجتمعوا البنات عنده و هم حاضنينه جاء صقر و قال: تسامحتوا ؟
لين : ماتزاعلنا عادي ابوي و هاوشنا و حنا غلطنا نستاهل
ابتسم صقر و قال: كبرت ليني و صارت تعرف خطاها
ابتسمت لين و جات حصه و هي معصبه و قالت جمانه : سامحينا ياخاله و الله مانعيدها
حصه سكتت و هي تناظر فيهم و قالت جميلة : أوعدوني معاد تصرفون من روسكم
كلهم : وعد و الله
ناظرت حصه في يمنى وقالت : هقيت انتس العاقله بينهم و بتردينهم اثرك معهم
يمنى : مالي دخل سلمى الي سحبتني
حصه : و انتم ورا سليمه و مسيلم الكذاب في اي شي
يمنى: عاد انا وعدتها اسوي الي تبي وش اسوي
ناظرها هذّال و قال : المهم ماصار فيهم شي ، و ثاني مره لاتطلعون من البيت دام مفلح فيه
خلود : يلا تجهزوا نبي نصلي التراويح
ابتعدوا البنات عن جدهم و قال الجد : يلا يابنات
وقفوا البنات و دخلوا و قال الجد : الله يصلحكم
وقف الجد و قال ل حصه : لاتقسين عليهم بنات ذول قلوبهم رهيفه
حصه : ماقسيت عليهم كذا من خوفي عليهم شسوي ؟ ، جيت اركض من بيت الحرمه مثل المجنونه احسب احد صار فيه شي
جاء فارس الي حاوطها و قال : لاتخافين يمي هاذا هم مافيهم شي
حصه : الحمدلله
قاموا كلهم يتجهزون للصلاه و طلع الجد و قال بدر : فيهم شي ؟
الجد : لا الحمدلله
طلعوا كلهم و هم متوجهين للمسجد ، ناظرت قمر في سهم و هو يناظر تحت و هي تبي تكلمه بس عشانه معصب ماتبي وصلوا للمسجد و دخلوا داخل يصلون
عند مفلح و رابح بعد ماهربوا و هم مايدرون وين يروحون ، مشوا متجهين ل بيت البندري و دق مفلح عليها و طلعت لهم و قالت :
وش تبي !
مفلح : ترا حنا شركاء لاتنسين
البندري : ادري وش تبي يامفلح
مفلح : دسيني في بيتكم
البندري : صاحي انت ! كيف تبنيي اخبيك في بيتي و امي فيه
مفلح : دبري نفسك و لا كلنا في السجن
ماكان عندها حل و قالت : امش في المخزن
مفلح : وش المخزن !
البندري : وين تبي تنقلع داخل !
سكت مفلح و دخل هو ورابح المخزن المهجور الي محد يجيه و قالت : لاتطلعون
مفلح : ابي مويه
البندري : تبي اكل بعد !
مفلح: و الله جيعان اذا تقدين جيبي
راحت البندري بعصبيه و جابت لهم الاغراض وسكرت الباب عليهم و هي تدري ان غلطها قاعد يزيد و هي تخبي مجرم من العداله
