عند الحلال وصلوا صقر و البنات و العيال نزلوا من السياره و قال رواف : المكان الوحيد الي مااشتاق له ابداً ابداً
سلمى : اتفق معك يااخوي
صقر شمر اكمامه و قال : يلا خلونا نقضي منها بسرعه
مشوا كل واحد رايح مكان و تقدم هايف الي مشى جنب رزان و قال : فيك شي ؟
رزان : وشفيني ؟
هايف : عشانتس قاعده في البرد كم ساعه
رزان : لا مافيني شي بس التعبان ليلى
هايف : ليلى تتعب بسرعه
رزان : ايه و الله يهدي ابوي طلعنا برا في البرد
هايف : جدي مو معصب منا ترا بس
رزان : من ويش اجل
هايف : في شي لانهم كلهم معصبين من قبل ، و بعدين فكري فيها ليش جدي بعثرنا كلنا الصبح كل مجموعه مكان ؟
رزان : ايه و الله صح مافكرت انا
هايف : الا فيه شي اكيد
رزان : وش تتوقع ؟
هايف : مدري بس احس السالفه في عطيه زوج فاطمه
رزان : انا شاكه لانه مو معقوله ماجاء فطوم !
هايف : ايه فيه شي
رزان : اللهم اجعله خيراً ، مااهتم له بس وخيتي اهم و الله لادفنه ان كان مزعلها
هايف : الحين انتي و الهنوف كلكم ماعندكم غير ضرب و دفن !
رزان ناظرت فيه و قالت : تبي تجرب ؟
هايف ناظرها و ابتسم و قال : اذا يطاوعتس قلبتس يلا
سكتت رزان و ضحكت و قالت : امش امش خلنا نخلص
هايف : لاتغيرين السالفه
رزان : ماغيرتها قلت يلا
هايف : جاوبيني طيب
رزان : وش تتوقع انت طيب ؟
هايف رفع راسه باتفكير و حط يديه ورا ظهره و قال : ماادري عنتس ، ابي اسمع منك
رزان : مايطاوعني اني اضربك ، تبي تسمع ذي ؟
هايف ابتسم و قال : شرايتس بجي بكره اخطبك ؟
رزان انصدمت و قالت : بكره !
هايف : ايه حتى اذا عادي ابي املك
رزان : صاحي وشوله بكره
هايف : و الله ماابي اذنب و اخالف كلام ربي كل ماشفتك يخفق لك قلبي و ابي احضنك و اضمك ل ضلوعي بس اني يادوب اتمالك نفسي
سكتت رزان باصدمه و قال هايف : خلاص بس خطبه
رزان : مدري، بعدين انت من قايل لك اني بوافق ؟
هايف : منتي موافقه علي ؟
رزان : يمكن
هايف : تحبيني و بتوافقين علي يابنت عامر
ابتسمت رزان : تقدم و نشوف
هايف ضحك : نشوف
جات سلمى و هي تركض و تصرخ و هي شايله المويه و تقول : هايييففف بينكببب الموييهه بتنكبب
كان حاطه جيك المويه على كتفها و مال الجيك و بدت المويه تنكب
هايف و هو يركض يمها شاله عنها و قال : صاحيه انتيي في احد يشيل الجيك كذا
سلمى : وش يدريني انه يبغا ينكب
جاء بهاج و قال : ملابسك كلها مويه نشفيها لاتتعبين
و نزل يرفع الجيك مع هايف و ناظرت سلمى فيه و قالت : شفيه ذا
رزان : سلموه
سلمى : ويش
رزان : شرايتس في بهاج؟
سلمى : شرايي مافيه شي الرجال
رزان : ماتحسين باشي يوم تشوفينه ؟
سلمى : وشبك انتي تكلمي زين و لا تهرجين بافوازير رمضان
رزان : تحبينه ؟
سلمى ماكانت تحب ذي الاشياء و كانت شايله فكره انها تتزوج من راسها و ماتهتم لها و ماكانت تفرق بين مشاعرها سواء مع بنت او ولد عادي عندها ، قالت : وش احبه ! مااحبه انا و لا اطريته
رزان : انا من رأيي انه يحبك
سلمى ناظرت فيه و قالت : من قالتس ، اساساً هو مايسولف معي
رزان : يمكن يستحي منك او انتي ماتعطينه وجه اصلاً دايم تصدين و تحطين الجدران دايم
سلمى : مااهتم باذي الاشياء اصلاً
رزان : نشوف بتحبينه و بتتزوجينه و بتجيبين سلمى صغيره
ناظرت فيها سلمى و ركضت رزان و لحقتها سلمى و هي تقول : يامعفنه امشي هنا
نزلت حذيانه و كانت تبي تحذفها على رزان و جات على بهاج الي منزل راسه يكب المويه حط بهاج يده على ظهره و ناظرت سلمى باصدمه و تقدمت و سحبت الحذيان و ماقالت شي و مشت ورفع راسه بهاج و قال : الناس تقول اسفه معليش مادريت و انتي بس تهبدين و تروحين
سلمى ناظرت و قالت : مادريت ! و بعدين وشوله تنافخ علي ماترفع صوتك
بهاج : الي ينافخ انا و لا انتي !
سلمى : انت الي تنافخ
بهاج : ياسلام تعالي اصفقيني و لاتعتذرين و قوليلي انافخ
سلمى : انت الي جيت قدام الحذيان شسوي فيك !
بهاج : ياربي صبرك خلني ساكت احسن ، مامنك رجا انتي
سلمى : اعقب بس ماترفع صوتك على بنت
بهاج : اقول اسكتي انتي يلا
سلمى تقدمت و قالت : تبيني احذف عليك الحذيان مره ثانيه ؟
بهاج : اذا كنتي بنت ابوك
سلمى : بنت ابوي و غصباً عنك
تقدمت و رفعت حذيانها و قال صقر : سسلمىى و ببببهاج وجع ان شاء الله، جايين نشتغل و لا نتصافق !
بهاج و سلمى في نفس الوقت : هي ، هو ، الي بدا ، بدت
بهاج ناظر فيها و قال : غلطانه و كذابه بعد
سلمى : خالي تعال شوف المخنس ذا لا اصفقه زين
بهاج : تخسين و تعقبين
تكت لين على كتف وله و قالت : يقولون علماء النفس افضل الحب الي بدايتها كره و هواش
غرام : شاهده على البدايات انا
صقر : ماتبون توقفون اجل ؟ ها يالله روحوا نظفوا اسطبل الخيول يلا
بهاج : وش دخلني انا هي الي بدت
صقر : و لا كلمه ، روحوا و خلني لو بس القى لو نقطه وصخ و اخليكم من اول و جديد تعيدون
مشوا سلمى و بهاج يم الاسطبل حق الخيل دخلت سلمى و قالت : الله اني حسبي عليك يابهيج
بهاج لف : و حسبي عليك ياسلموه
سلمى : شل الماخوذ ذا عني
و كان قصدها السيسي (الخيل الي يكون جاي من خيل و حمار )
بهاج تقدم و هو يهشه عشان بروح و قالت سلمى يوم شافته ماتحرك و قالت : مو تسذا تقول به !
بهاج : كيف اجل
تقدمت سلمى و سحبته من العنين حقه و دخلت جوا و قالت : تسذا
بهاج و هو يقلدها : تسذا يعني تسذا
سلمى ابتسمت : تقلد انت !
بهاج : ايه اقلدتس
سلمى : لاتقلد و خلص شغلك
نزلت راسها تشيل الحبال الي طايحه ناظرها بهاج باطرف عين و ابتسم للحظه و هو يشوف جمال و جهها و حدت ملامحها رغم شخصيتها الصاطيه الي ماتهاب احد و لا يهمها غير نفسها الا انه بعض الاحيان يستمد القوه منها حتى لو مافي موقف قوي يخليهم ياخذون القوه من بعض الا انه منبهر فيها و باشخصيتها العنيده
وقف بعد ماسمع صرختها و جرا يشوف و شبها دخل المكان الي محطوط فيه الخيل و شافها واقفه على الزاويه و مسفعها طايح و شعرها متناثر على وجهها ناظر باصدمه بالي شافه صرخت سلمى و هي تقول : بهاج تكفى الحقني
ركض بهاج و هو يشوف الحصان هايج مشى بشوي شوي يحاول يبعد عنه و يحاول يوصل لها قرب و تقدم لها و مدت يدها تشابك ذراعه حس بارجفه في جسمه ودق قلبه باقوه ناظر فيها ماقدر يصد عنها سكت يناظر في عينها ، قالت سلمى : بهاج خلنا نطلع
التفت بهاج و هو يحاول يطلع بدون ماينتبه الخيل و يهجم عليهم و صلوا عند الباب و مد يده و سحبها و طلعها اول حس الخيل و صار يركض باشكل عشوائي و ينقز في المكان صرخت سلمى لان بهاج باقي جوا ، فتحت الباب و قالت : بهاج اطلللعع بسرررعه
تقدم يبغا يطلع و صقع بالحصان الي دفه بقوه و طاح على الجدار على كتفه مسكه بألم دخلت سلمى باسرعه و هي تحاول تسحب بهاج و قالت : بهاجج قوم بسرعه قوم فيك شي عورك ؟؟
بهاج وقف : مافيني شي اطلعي بسرعه
طلعوا و سكرت الباب و قعد بهاج على الجدار ماسك كتفه جلست عنده و عيونها تدمع ناظر فيها و استوعب انها باقي ماتحجبت نست تحجب ناظرته سلمى وقالت : يعورك !
بهاج الي كان يناظر فيها : هاه
سلمى ضربت على صدره وقالت : اقول يعورك !!
سمع بهاج صوت العيال جايين من الصوت ناظر و شافهم جاين تقدم يرفع يده لشيلتها و حاطها على راسها و قال : حجابتس العيال جو
استوعبت سلمى ووقفت و لفت حجابها انحرجت انها نست نفسها و شافها بهاج لفت باصدمه ناظرها و هي تناظر فيه متوتره و تحت عينها دموعها جاء صقر و قال: شفيكم !
شاف بهاج طايح و قال : فيك شي يعورك شي وشبك تكلم !
بهاج : الخيل هاج و صقعني و طحت على الجدار بس مافيني شي معليك
صقر : قوم قوم
طلعوا و طلعت سلمى معهم و قعد بهاج في الخيمه جلس جنبه صقر و قدامه سلمى و العيال و البنات حولهم و مسك صقر كتفه نزلت راسه بألم و قال: اهخخ يعور
ناظر في سلمى الي تجمعت دموعها في محاجرها و قال صقر : ليكون كسر ؟
بهاج : لالا مو لذي الدرجه ثلاث ايام و اطيب
سلمى عصبت و هي تبكي: وش ثلاث ايام ! تبيني اصفقك حط الثلج و انت ساكت بس
صقر : وشفيك معصبه هاذا هو مافيه شي بخير
سلمى قامت و هي تمسح دموعها وجلست عند خزان المويه ، جاء بهاج و هو ماسك كتفه بألم قعد جنبها و ناظرت فيه و سكتت ماتكلمت
نطق بهاج و قال : زعلانه
ناظرت فيه باعصبيه و قالت : شرايك !
قال بهاج : اسف
سلمى ناظرت فيه : وشوله تأسف !
بهاج : عشاني صرخت عليتس اول
سلمى : حتى انا صرخت عليك
بهاج : نتسامح ؟
سلمى : وراعين حنا
ضحك بهاج و قال : نتصافح زيهم و بعدين نسوي حفله و نفرش البطاطسات
ضحكت سلمى و قالت : نسوي زي فرح يوم زعلت الوراعين و قامت ترقص قدامهم
ضحك بهاج و قال : اييه هههههههه
سكت شوي بهاج و قال : بسألك
سلمى : ويش ؟
بهاج : غايه تزوجت و هي صغيره ؟
سلمى قطبت حواجبها باستغراب و قالت : لا من قال؟
بهاج : فرح و سامي اعمارهم كبار و غايه عمرها بالعشرين يعني عمرها لو نحسبه باعمار عيالها صغيره
سلمى : فرح و سامي مو عيالها الحقيقين
انصدم بهاج و قال : شلون !
سلمى : زمان وقت ماجدتي تشتغل في الميتم جات فرح و جاء سامي للميتم كانوا تؤام و اخذتهم جدتي بعد ماطلعت من الميتم و تبنتهم و بعدين يوم تزوجت غايه ربي مارزقها باعيال و هي متعلقه فيهم كثير و اخذتهم عندها و صاروا عيالها لاكن مو بالحقيقه
بهاج : مادريت
سلمى : مو واضح غايه مره تحبهم و تخاف ان اهلهم الحقيقين يطلعون و ياخذونهم
بهاج : الله يستر
سكتوا شوي و قالت سلمى : عندي سؤال بس لاتفكر غلط
بهاج : اسألي
سلمى : تحب ؟
بهاج : احب الي حواليه و احب ربي و احب اخواني و احب ديني و احب ارضي السعوديه محبتٍ ماعطاها الخل ل خلانه
ضحكت سلمى يوم عرفت انه يقول القصيده المشهوره و قالت : ليش اخلاقك تجاريه ؟ اصلاً انا يوم ادردش معك خسرانه و انت بدوي ماتعلمت الرومانسيه كل بدوي حياته مالها خانه
بهاج : قلت اسمعي زين كأنك طبيعيه لاكن اضنك يابنت الناس سكرانه انا بدوي ماحنيت الراس موليه ! الا لربي عزيز الجاه سبحانه ، انا بدوي تفتخر كل العرب فيا
ضحكوا كلهم و قالت سلمى : تحب الشعر ؟
بهاج : احب الشعر لاكني ماني باشاعر
سلمى : حسبتك شاعر قلت بيطلع عندنا اربع شعراء
بهاج : اخبر تركي شاعر
سلمى : و تركي ساس الشعر حقه عيون البحر و مايقول قصيد غير فيها ، و الباقين سلطان و فارس ووافي و نايف يجي منه يعني شوي و خالي صقر صح بعد و جدي شاعر لاكنه معاد صار يقصد
بهاج : اييه صح عمي معاد يقول قصيد
سلمى : قالها في جدتي و خلص قصيده فيها
سكتوا شوي و قالت سلمى : ماجاوبتني ؟
بهاج : على تحب ؟
سلمى : ايه
بهاج : احب ايه
سلمى ناظرت فيه و قالت : من ؟
بهاج ناظر في عينها و قال : وحده احبها
سلمى : من ذي ؟
بهاج : وحده تهبل احبها و اموت فيها
سلمى : من نحيسه الحظ ذي الي مدعي عليها
ضحك بهاج و قال : ياحظي ياسلموه فيها
سلمى : من طيب يمكني اعرفها و تطلع منا منا و اعطيك خبر قبل تبتلش فيها
بهاج: لا اعرفها انا زيييينن هي ساس الطيب و الزين كله ، اذا خطبتها تعرفينها
سلمى : زين انا حذرتك و انت بكيفك
ابتسم بهاج و هو يقول في نفسه : و الله اني احبك حب مايعلم فيه غير الله
قامت سلمى و قالت : يلا قم نعاون خالي و اخواني
قاموا و راحوا و شافوهم قاعدين في الخيمه يتقهوون قعدوا بينهم و قال صقر : طاح الحطب الي بينكم
بهاج : ماصار شي معليه
سكتوا و كملوا قهوه و قامت لين تغسل راحت للحمام ورا و غسلت فكت شيلتها و رفعت شعرها تربطه ، جاء فارس الي كان ماسك جيك المويه يبغا يعبيه ناظر فيها و هي فاكه شعرها تلمه و عباتها مفتوحه و لابسه قميصها الروز الاحمر و صندلها ، لفت لين و انصدمت يوم شافتها لفت تبي تسكر الباب و صقعت حافه الباب في راسها من الجنب صرخت بألم و مسكت راسها ، رمى فارس الجيك و تقدم لها وقال : فيك شي عورك !
لين : احيييه ياراسييي
فارس :وريني
ناظر فيها و رفع شعرها بايده و كان مكان الصقعه محمر بس ، قال : معليه بس محم..
ناظر و جهها باهيام نزل يده لخدها رفع يده يشيل خصل شعرها الي على وجهها ، قرب منها حست لين باريح عوده المختلط مع الحطب قرب فارس ناظر في عينها و سكت و لفت لين و قالت : فارس!!
استوعب طلع بسرعه و صكت الباب لين و لفت شالها و طلعت مالقته فيه و قالت : يمه ذي المره الثانيه يشوفني بدوم حجاب !
حطت يدها على قلبها و قالت : و انت شبلاك تدق كذا !
رفعت راسها يوم استوعبت و قالت : يمه ليكون احبه صدق ؟
هزت يدها بانفي و قالت : مستحيل وش احبه !
سكتت شوي و قالت : مااكره انا يعني احبه بس
سكتت ماتكلمت و تقدم فارس الي كان يسمعها و قال : بس ويش ؟
انصدمت لين و قالت : مارحت !
فارس : انتظرتك هنا
لين سكتت و قال فارس : بس ويش كملي ؟
لين : مافي شي بروح ل ابوي
فارس جاء قدامها و قال : تحبيني مثل مااحبك ؟
ماردت لين و هي منصدمه و قال فارس : جاوبيني ، اذا ايه ببقى معك و بحبك و ماراح اخليك و بتكونين في عيوني و قلبي
سكتت لين باصدمه منه دق قلبها بقوه و هي تناظر عيونه ، قالت : حت..
جات لينا و هي تقول : لينوو وينتس
راح فارس و جات لينا و قالت : يلا بانرجع البيت
وقفت لين باصدمه و قالت و هي حاطه يدها على قلبها : طيب طيب
راحت لين و شافت فارس واقف مع صقر و حط الاغراض في السياره مشت بدون ماتتكلم و فتحت باب السياره و ركبت مع الهنوف
ناظرت الهنوف فيها و قالت: لين
ماردت لين الي كانت تناظر قدام و قالت الهنوف : لينوه !
ماردت بعد و قالت ليلى : علامها ذي !
ضربتها الهنوف وقالت : اهرج من لي ساعه !
لفت لين و قالت : هاه م م ماسمعت
الهنوف : ادري ماسمعتي وين عقلتس !
لفت لين عليهم و قالت : يبنات
جمانه : وشفيك ؟
لين بلعت ريقها و قالت : فارس طلع يحبني صدق !
انصدموا البنات و قالت رزان : شلون يحبك!!!
وله : مين قال !
لين : هو اخر مره رحنا للحلال قالي انه يبي يتزوجني بعد مااخلص دراسه و انا احسبه يمزح و كذبت عليه ماقلت له بعد كم اسبوع باتخرج كذبت عليه و زودت الشهور و نسيت السالفه ، و الحين قبل تجي لينا ، قالي انه يحبني و بعدين جيتي لينا وراح فارس
الهنوف : و انتي تحبينه !
لين سكتت و ابتسمت باخفه و قالت : ايه احبه
صرخوا البنات و قال لينا : عشنا صرنا نحب
لين : شافني بدون حجاب مرتين
ريوف : و انا اشوفتس مختبصه
