عند البنات
مريم : مشاءالله كلهم حلويينن
ود : الحمراء الهنوف ؟
لينا : ايه
لين : تهبل بسم الله عليها العيون الزرقاء
لينا : وش العيون الزرقاء
لين : انا قلت لها بقولك العيون الزرقاء و هي قالت طيب
نجود و هي تضحك : مشاءالله عليك لين
سلمى : اكبر اجتماعيه لين
قمر : شوفو من يهرج
سلمى : اي اجتماعيه ماقلت شي بس مو زي لين
قمر : كلكم زي بعض
-
جاء وقت العشاء و طلعت الهنوف تدور اخوها حطت طرحتها بس على راسها و تدور اخوها الي راح يلعب لفت ورا في الحوش زي السيب عنده صندقه (الصندقه زي المخزن بس من فوق) و راحت عندها و كان مظلم مره مشت لين و قفت عند المخزن هي مشت كثير مادرت انها وصلت قسم الرياجيل من ورا المخزن و قفت يوم لفت و شافت رواف جاي الهنوف و هي تركض تبي تندس فجأه احد سحبها و سكر فمها عشان ماتصيح
تركي : اص تراك اذا صرختي بيجون على صوتس
تركي ناظر عيونها الا كان نور اللمبه ساطعه عليه و عرف انها الهنوف
تركي ناظر و قال : بتصرخين؟
الهنوف هزت راسها ب لا تركي ماصدقها و قال
: الا بتصارخين
الهنوف عضت يده و شال يده و صرخ
تركي : حسبي الله عليس وش ذي السنون
و ناظر فيها و شاف القمر على الارض من الجمال الطاغي الي شافه
الهنوف : من انت ؟
تركي : مالس دخل وش مجيبك هنا؟
صابت تركي خيبه امل يحسب انها بتتذكره
الهنوف : ادور عبدالعزيز
استوعب الهنوف انها كاشفه و ضربت على رجله ب الكعب و قالت له
: وجع صد ماتستحي ؟؟
تركي و هو لاف : انتي الي جايه كاشفه وش اسوي لس
الهنوف : كيف اطلع ؟
تركي : زي ماطلعتي قبل امس من غرفتي اطلعي من السيب حقي
الهنوف : وجع انت الي دخلت غرفتك بالغلط ؟
تركي : اي انا
الهنوف : ماتستحي الحين اثبت ، تدري وين عبدالعزيز
تركي بافضول: ولدك؟
الهنوف : اي ولدي
تركي لف بصدمه : شلون ولدك
رحعت ضربته مع كتفه : صد قلت!!
الهنوف : كيف ارجع
تركي : الحريم من جهه المخزن الثانيه كيف ترجعين ماتقدرين الرياجيل توهم يقلطون للعشاء في الحوش
الهنوف : ياويلي كيف ارجع
لفت الهنوف و طالعت ان المخزن قصير و تقدر تنط منه
ناظرت الهنوف في تركي و قالت له
الهنوف : يلي ماتستحتي
تركي : نعم
الهنوف : دنق ضهرك
تركي : هاه وش يعني؟
الهنوف : قصدي نزل ضهرك
تركي : ليش
الهنوف : بنط فوقك
تركي : صاحيه ؟ بنت انتي تنقزين من فوق
الهنوف : عندك حل ؟ يالي ماتسحتي
تركي : حلو جبتي لك اسم تناديني فيه اجل شسمك؟
تركي كان يعرف اسمها بس بيشوف وش تقول
الهنوف : وش تبغا بسمي
تركي : منتي قايله؟
الهنوف : لا
تركي : اجل بناديك ياعيون البحر
قالها كذا يمكن تتذكره
الهنوف كان بس يناديها تركي يوم صغيره بذا الاسم انصدمت و طالعت فيه
الهنوف حست انها عرفته و سوت نفسها مجنونه و تقول في نفسها لا مو هو مستحيل
الهنوف : بتوقف و لالا؟
تركي : مدري
لفت الهنوف مسفعها على فستانها من تحت عشان ماينقشع و قالت ل تركي : دامك ماتستحي حتى انا ماني مستحيه
تركي : ظلام ماشفت غير عيونك
نقزت الهنوف على جيك حق بويه مطشوش و نطت و علقت
الهنوف : يالي ماتستحي ارفعني بس لا تناظر
تركي : كيف ارفعك و مااشوف ؟
الهنوف: مدري سو اي شي ياويلك تشوف
تركي : بحاول
الهنوف : لاتشوف !
لف تركي و هو ماخذ امانه الهنوف و فعلاً حط يده تحت رجلها و رفعها
و نطت الهنوف لجهه الثانيه و طاحت على رجلها
الهنوف : اهخخخ يارجليييي
تركي : وش بك ؟ تكسرتي ؟
نط تركي وراها بس ماتدري الهنوف و شافها و ماقدر يصد من جمالها ووش لون تغيرت و صارت احلا
الهنوف : يلي ماتستحتي طحت على رجلي منك
تركي رجع : تستاهلين في بنت تنقز كذا
الهنوف: رح بس
ورجعت و هي تعرج و تنفض فستانها و دخلت جوا بعد ماسوت شكلها
-
عند المرايا الهنوف و هي تتذكر وش صار و تقول:
ياربي ذا تركي ؟ صدق شلون صار كذا تغير ماعرفته لو ماقال عيون البحر ماعرفته ان ذا تركي
مريم : الهنوف
الهنوف : هلا هلا
مريم : من اول ندورك العشاء يلا تعالي
الهنوف : يلا بس رحت ادور عزوز مالقيته
مريم : الحين ادق على ابوي يشوفه
الهنوف : ماتقصرين
مريم : يلا تعالي اكلي
راحت الهنوف تاكل و هي بالها باتركي شلون طلع و كانت تفكر انه ماعرفها بس شلون قال عيون البحر؟
راحوا الحريم و طلعوا كلهم و مابقى غير فاطمه و الهنوف و رزان و حفيدات جميلة و زوجات عيالها و جميلة
جميلة وقفت و نادت الهنوف برا
الهنوف : هلا يمي
جميلة : وش صار على الموضوع ؟ ماشفت العفش
الهنوف : مدري بنفكر
جميلة : مو قلت اليوم؟ جيبوا عفشكم و بعرف
الهنوف ابتسمت و قالت : اي عفشنا هاذا هو عند الباب
انصدمت جميلة و باست و خدها : بتسكنين عندي ؟
الهنوف : اي اصلاً عطيه زوج فاطمه جاله شغل هنا و قال بيخليها مفاجئه بس علمنا
جميلة : الحمدلله الحين ادخلك انتي و رزان في جامعه البنات و العيال و شقت فاطمه جنب بيتنا و جناحك انتي واخوك و رزان اوريك اياه الحين
جات سلمى: وش فيه ؟
جميلة : الهنوف بتسكن هنا
سلمى نطت بفرح و ضمت الهنوف بقوه و قالت : بتسكنين هنا؟؟
الهنوف : اصرت جدتك وش اسوي
جو البنات و قالت نجود : الارض انكسرت وشبك
سلمى : الهنوف و رزان بيسكنون في الجناح الفاضي عندنا
نطو البنات فرح معنهم اول مره يشوفون الهنوف بس حبوها و حبو شخصيتها كثييرر
دقت جميلة على تركي
جميلة : تركي تعال عند الباب
تركي : ابشري
جاء تركي على طول
تركي : وش ذا الزين يجوحو
جميلة: الزين زينك ياولدي
تركي : شبغيتي ؟
جيملة : الهنوف بتسكن هنا
تركي بصدمه : هنا؟؟ وين
جميلة : عندي في الجناح الفاضي
تركي من جوا فرحان بس سوا نفسه مو مهتم
جميلة : دخلوا عفشهم جوا
تركي : ابشري
جميلة : و عبدالعزيز وينه؟
تركي : ولدها ؟ مع العيال يلعب
جميلة : ولدها ؟ مو ولدها اخوها
تركي فرح زياده و قال في نفسه تضحكين علي ياعيون البحر ؟ هين
تركي : مدري شفته معها
جميلة: ببتسامه لالا اخوها من سعاد الي تبنتها زمان يومنها صغيره وربته و عاشت حياه قاسيه و بحاول اعوضها عنها
تركي : اها
جميلة : يلا روح جيب الاغراض
راح تركي و هو في فضول يبي يعرف وين عاشت و كيف ووش الاشياء الي عاشتها
-
عند قسم الرجال
تركي : يلا ياعيال
رواف بعد ماكان منبطح على محمد من التعب بعد ماراحوا الرياجيل
هايف : على وين
تركي : الضيوف بيسكنون هنا عندنا
فهد : كيف يسكنون
تركي : مدري عنك كيف يسكنون ؟ بيعيشون هنا
خالد : وش قصتها ذي الهنوف
محمد: وش يدريك عن اسمها
خالد : سمعت امي تقوله
تركي : البنت الي كانت قبل ٢٣ في الميتم؟
كلهم ايه
تركي : هاذي هي بعد مالقتها جدتي
راكان : اهااا
هايف و الفرحه شاقه و جهه بعد مالقى تركي هنوفه
قاموا وشالوا الاغراض و نزلوها
عند هايف وقف عند الباب و رزان واقفه تتصور عند المرايه
صنم هايف مكانه من شافها شلون تهبل و طاح الكيس الي معه و كان في عطر رزان
رزان خافت و هجت و هايف واقف جاء تركي : وش ذا الي انكسر وش كسرت
هايف مارد
تركي : هايييففف اهرج من
هايف : هاه وش كسرت مدري
تركي : بسم الله عليك
تركي طالع في الكيس و شاف العطر منكسر
تركي : الله يقلع عدوك انكسر عطر البنت!
هايف : مادريت
تركي : كيس صغير كيف طالح من يدك ورع انت!
هايف سكت و شال الاغراض و مستحت العامله العطر
-
عند رزان هجت للحمام و حاطه يدها على قلبها يويلي ذا المزيون من؟
شافني ياربي وش اسوي معليه معليه مادريت انه فيه
طلعت بعد ماهدئت نفسها وراحت للبنات لقتهم قاعدين و يسولفون مع الهنوف
البندري بحقد : ايه ماقلتي لي يام شعر احمر من وين طلعتي؟
الهنوف : شلون؟
سلمى : لاتردين عليها
ليلى : يمه وش بك !
البندري: مافيني شي اسأل البنت
الهنوف : اسألي شبغيتي؟
البندري : انتي اليتيمه الي ضاعت و دخلت جميلة المستشفى بعدك؟
الهنوف انصدمت و هي توها تدري ان جميلة دخلت المستشفى
لينا : وقفت و قالت سكت معليش يا ليلى البندري اطلعي لو سمحتي
ليلى : يمه !! انتي لازم تفشليني
البندري ضحكت : ماقلت شي
الهنوف : اي يتيمه انا و مو عيب و مو اختياري هاذا قضاء ربي
البندري ماتوقعت ان الهنوف بتجاوب و سكتت
و قامت الهنوف و قاموا البنات معها
نجود : الهنوف ليكون زعلتي
ليلى : تكفين امسحيها في وجهي هاذي امي هي كذا وش اسوي تعبت معها دايم تفشلني قدام الناس
الهنوف : ليلى لاتقولين عن امك كذا مهما كانت معليك ماقالت شي غلط يتيمه انا
لينا : ضمتها و قالت مين قالك جميلة جدتي امك و عطالله جدي ابوك و حنا خواتك و خوانا خوانك
الهنوف ابتسمت و قالت : الله يخليكم
