اسطوره كوكب اشباه الملايكه (مكتمله)

50 /مهمه اوتار و سيف.....

وقفنا فى الفصل السابق عند اصابه سيف على يد اللص الصغير اللى اخد منه الخف الانيق الذى كان يرتديه وجرحه فى فخده بقوه......

نكمل بقى.........

ركعت اوتار على الارض بجوار سيف..........ورفعت رجل بنطلونه لاعلى بحرص شديد ............ وتناولت من يد (اورميلا) طبق فيه ماء نظيف وناولتها ايضا منشفه نظيفه ملونه............

نظفت اوتار الجرح بعنايه ومسحت الدماء عن رجله.........واتسعت عيون سيف عندما ناولتها اورميلا سكينا صغيرا حادا........ وشاهد كيف جرحت اوتار نفسها وانزلت بضع قطرات من دمها على جرح سيف الذى شاهد كيف حدث فوران له رغوه بيضاء..... وفى عده ثوانى اختفى جرحه والمه وكانه لم يكن............. وفهم سيف لماذا يطالب هذا اللعين ارتش بدماء اوتار ويرغب فى الاستيلاء عليها فما شاهده الان هو معجزه بكل المقاييس....... وعرف لماذا حبيبته مطمع للاشرار.......... ولكنه مستحيل ان يجعل احدا يقترب منها......... صحيح انها استخدمت عليه دمائها من قبل ولكنه كان جرح سطحى ولكن على مايبدو دمائها السحريه قادره على علاج كافه الجروح حتى الخطيره والعميقه منها........ وهذا ما اكتشفه الان.........

وشاهد كيف قالت شيئا ما للفتاه الجميله فى السارى الهندى الاخضر .... والتى ابتسمت له بلطف وهزت راسها وحيته وانصرفت.........

بعد ذهاب (اورميلا) نظرت اوتار الى سيف بلهفه وسالته قائله : احسن دلوقتى يا سيف الوجع راح خالص مش كده.....

اجابها سيف بانبهار قائلا : اه يا حبيبتى بس ما كانش في داعي تجرحي نفسك جرح كبير كده عشان تشفيني وتناول يدها المجروحه ليعاين جرحها ولكن عيونه اتسعت عندما وجدها سليمه ولايوجد اى اثر للجرح الكبير الذى كان موجود منذ ثوانى معدوده......ونظر اليها بصدمه وصاح بانبهار قائلا : جرحك اختفى خالص يا اوتار وكمان ملوش اى اثر فى ايديك......

اجابته اوتار بابتسامه شقيه قائله : شكلك منبهر يا سيف......وبعدين دى مش اول مره اتجرح قدامك........ واضافت امام نظرات القلق فى عيونه بلطف قائله : متخافش عليا يا سيف جرحى بيخف بسرعه جدا حتى لو كان كبير او عميق.........واضافت وهى تتنهد قائله : اقول لك على سر......انت عارف طول عمرى كنت بتجرح زى اى حد وكنت بخف فى لحظات معدوده .....بس كنت فاكره ان كل مخلوقات كوكب النور زيى كده ولون دمهم احمر زى لون دمى......... لحد ما فى مره واحد من اصحابى فى المدرسه وقع قدامى واتجرحت رجله جرح عميق وقتها اتصدمت جدا لما شفت ان لون دمه شفاف زى الميه مش احمر زى دمى......وجرحه احتاج كام يوم للشفاء مش زى جروحى اللى بتخف فى ثوانى..... وقتها بس عرفت انى مختلفه عن سكان كوكب النور .......وكمان مش عارفه ايه اللى خلانى اخبى الحكايه دى عن الكل حتى بابا ارجون مع ان ثقتى فيه مالهاش حدود..... ولما كبرت شويه قدرت ادور وابحث عن الحاجه الغريبه اللى عندى دى......
وبعد بحث طويل عرفت ان لون دمى مختلف عن باقى اولاد سكان كوكب النور...... لانى نصف بشريه........ وكنت خايفه ومرعوبه اقول لاى حد يحسن ينفونى لكوكب الارض لان لون دمى احمر زى البشر وعلشان كده فضلت حافظه السر ده فى قلبى لحد اللى حصل هنا فى قريه (امارافارتى).... ليله احتفالهم بسقوط المطر وواحد فيهم جرح (اورميلا) بسيفه بدون قصد وان اتجرحت فى دبوس كان فى شعرها ووقتها نزفت على جرحها وطبعا جرحها خف فورا والحاكم سليمان الذئب خطفنى على مملكته..... واخد منى عينه واتاكد من موضوع دمائى الحمراء الشافيه...... وحاول يخلينى اعيش معاه فى مملكته بس انا رفضت ورجعت كوكب النور واعترفت للحاكم الاسد بالحقيقه بس هو طمنى وقالى انى انتمى لكوكب النور لان قدره دمائى الشافيه من قدرات ابناء كوكب النور الخارقه ومفيش مشكله فى لون دمى الاحمر. اللى بينتمى للبشر ..... وفجاه ابتسمت واكملت قائله : وطبعا انت عارف الباقى.....