اسطوره كوكب اشباه الملايكه (مكتمله)

81/ خطه انتقال خيال علمى....

فى كوكب الارض......

وبالتحديد فى قصر السيد كامل الدمنهورى

.... رحب فارس بحراره باصحاب القصر العائدين من رحلتهم الغامضه........ وفتح لهم بوابات القصر واخبرهم مبتسما بان داده فاطمه والسيده فاديه فى انتظارهم فى الداخل....... وانهم رجعوا من الاجازه بتاعتهم النهارده الصبح........ ونظفوا الفيلا وكله تمام فى انتظار وصولهم.......

رفضت الفتيات الدخول للقصر....... و جروا بسعاده للعب فى الخارج.....واخبرتهم اوتار بحزم بان لديهم ساعه فقط للعب فى الحديقه فالشمس على وشك المغيب والجو احيانا يميل للبروده فى الليالى تلك الايام ........ وهى تخاف عليهم من نزلات البرد........ مع ان مناعتهم قويه لان نصفهم من كوكب النور بس هى ام وطبيعى تخاف على صغارها.........

رحبت داده فاطمه والسيده فاديه بهم بحفاوه وقدموا لهم الكيك والشاى والعصير لاوتار وتركوهم يرتاحون من عناء رحله السفر.........

راقبت اوتار ابيها كامل الذى كان ينظر باهتمام الى التقويم الالكترونى المعلق على الحائط واخبرهم باندهاش بانهم غابوا عن منزلهم اربع ايام كامله وهما حاليا فى منتصف اليوم الخامس.......... واكمل كلامه بانبهار قائلا : حقيقى رغم سفرى اكتر من مره لكوكب النور الا ان عقلى مش قادر يستوعب لحد دلوقتى فرق التوقيت الرهيب ده بين الكوكبين......... وتنهد بضيق قائلا   :  مع ان ده يفسر سبب غياب ابرار عنى لفتره طويله ما انها على كوكبها كانت لاتتعدى الدقايق...... ورغم انها حاولت تشرح لى ده اكتر من مره بس انا برضه كنت مصمم انها كانت بتغيب عني كثير قوي........

جلس الثلاثه الكبار بصمت وكل واحد فيهم غارقا فى افكاره الخاصه  فمنهم  من كان نادما لعدم تفهمه فى الماضى لاكتر شخص احبه فى الكون........ ومنهم القلق فى اتخاذ قرار مصيرى سيكون له اثر كبير على مستقبلهم جميعا.... وكل هذا بكلمه واحده منه........ومنهم من كان ينتظر ان ياخذ البشر قرارهم اولا قبل ان تخبرهم بفكرتها......وتخرجهم من تلك الدوامه التى دخلوا فيها

.... وهنا دخلت الفتيات وتناولوا معهم الكيك والعصير بسعاده

وبعد الانتهاء من تناول الطعام توسلوا لامهم باللعب ساعه اخرى فى الخارج....قبل ذهابهم للاغتسال والاستعداد للنوم من اجل الحضانه فى الغد فسمحت لهم بذلك........بعد ان ضم كامل صوته لهم وتوسل اليها من اجلهم....

بعد ذهاب الفتيات نظرت اوتار الى ابيها بعتاب لطيف قائله : يا بابا الدلع بتاعك ده مش حينفع معاهم........لانهم لازم يلتزموه بالمواعيد والقوانين........ علشان لما يكبروه يبقوا منظمين وملتزمين ويعرفوا ازاى يتحكموا فى اداره حياتهم بنفسهم........ وان كل حاجه لها معاد........ ومينفعش نتجاهل حاجه علشان نعمل حاجه تانيه خالص......... وكمان نعلمهم الكرامه وعدم التوسل لحد علشان يطلبوا منه حاجه هما عايزينها......... انا عارفه انكم  شايفينهم صغيرين  على كلامي ده........ بس  صدقوني احنا  لازم نبدا من دلوقتى فى تعليمهم كل الحاجات دى علشان يبقوا مستعدين لاى طارئ يحصل فى حياتهم وهما كبار......... ويبقوا قد المسؤوليه بعد كده.......