اسطوره كوكب اشباه الملايكه (مكتمله)

73/ الانتقام من حماتى العقربه

فى كوكب الارض الموازى.......

وبالتحديد فى غرفه اوتار التى تحتل جسد نورهان حاليا.....

كانت اوتار صامته مع انها فى داخلها كان تحتفل بسعاده بانتصارها على عدوها الخفى الذى زج بها فى تلك التجربه الصعبه...... وفجاه قطبت جبينها..... وسطعت كلمه حاجز خفى فى راسها...... وجاءت الى راسها ذكرى سعيده حدثت من فتره طويله......

المكان..... معمل الابحاث العلميه فى كوكب النور.......

كانت اوتار تقف بشموخ وهى تشرح لابيها ارجون والحاكم الاسد تقنيه عمل عقار النسيان الجديد الذى طورته واستغنت فيه عن تلك الزهره النادره التى تجعل عمل كميه كبيره منه تحتاج لعدد مهول من تلك الازهار النادره.... وكانت عيون ابيها والحاكم الاسد تتابعها باهتمام وهى تشرح فكرتها العبقريه باستفاضه......وانهت شرحها قائله  :  وبكده عقار النسيان حيعمل زى حاجز خفى حيقف بين الشخص اللى اخد العقار ده....... وبين اى ذكريات احنا مش عايزينه يفتكرها....... واضافت بضيق قائله : مع انى مش فخوره بالجزء اللى حاقوله دلوقتى بس انا اكتشفت ان الانسان بيحاول على اد مايقدر يتجنب الالم العضوى......وتقريبا اغلب البشر بتلجا لتناول مسكنات الالم بكل انواعها لمختلف الامراض......... وعلشان كده انا اعتمدت على الجزء ده فى طريقه عمل عقار النسيان فى الجسم البشرى والشخص اللى بيخضع للعلاج بعقار النسيان لو حاول يفتكر اى ذكرى احنا مش عايزينه يفتكرها حينتج فى راسه صفير مؤلم جدا......وده حيخليه يتراجع فورا عن التذكر......... وحيفضل كده كل ما يحاول يفتكر الذكرى دى حيحصل له نفس الالم .......... ومع مرور الوقت الذكرى دى حتتلاشى خالص من راسه.......... وبكده نكون غطينا على اى اخفاق عمله اى حد من كوكبنا او  عمل حاجه مثلا غلط اثناء اى مهمه وكان مضطر يستخدم عقار النسيان لاى سبب كان..... على بعض البشر.........

وتنهدت باسف......... وهى تتذكر كيف تلقت التهانى من الحاكم الاسد وشاهدت بسعاده نظرات الفخر فى عيون ابيها ارجون.......... لهذا الانجاز الجبار والذى سيحدث طفره فى علوم كوكب النور..........باكملها فاوتار طورت عقارا كان يستخدمونه من قرون طويله ولم يفكر اى احد فى تطويره من قبل........

.... وعادت اوتار من الذكرى اللى مفروض كانت من  مجموعه ذكرياتها السعيده والتى تحولت الى كابوس مرعب ولم   تستطيع الافاقه منه حتى الان...................

وفكرت بجديه  بانها لازم تستمر فى تمثيل دور نورهان اللى هى اصلا محبوسه فى جسمها حاليا لحد ما تفهم اصل الحكايه دى كلها ايه بالضبط 
.... ولازم كمان محدش ياخد باله من الموجودين حواليها ان فيها حاجه مش طبيعيه........... اصلها لسه متعرفش عدوها فين بالضبط يا ترى موجود هنا فى الكون ده ولا فى عالمها البشرى ولا فى كوكب النور ......... مع انها متاكده من الاجابه على السؤال ده......... بس هى اتعلمت انها لازم تحط كل الاحتمالات حتى الصعبه التصديق منها........... لانها احيانا بتكون هى الاحتمال الصحيح.......... وهى المره دى بتراهن على حياتها نفسها..... يعنى مفيش مجال للاخفاق او الفشل........ ابدا والا كل حاجه حتضيع...........وهى حتضيع كمان معاها.......