عوده الى كوكب الارض....
وبالتحديد فى جبل المقطم فى المكان اللى شاف سيف فيه اوتار لاول مره.........
كان سيف يجلس بجوار ابيه الذى تولى عمليه القياده بنفسه واندهش سيف لما لاقاه غير الطريق المؤدى لقصرهم وسلك الطريق الصحراوى........ ولكنه كتم فضوله فابيه كان متوتر جدا..... وهو اطمن شويه لما ساله عن اوتار والبنات وهو قال له انهم بخير..... تبقى المشكله عنده هو وغالبا حياخده لمكان هادى علشان يتكلموا فيه...... وهمس لنفسه بضيق قائلا : استحمل اشتياقك لاوتار شويه كمان يا سيف وشوف ابوك ماله الاول وبعدين روح واغرق فى حضن حبيبتك براحتك لحد الصبح..........
اندهش سيف عندما اوقف كامل السياره فى المكان اللى شاف فيه اوتار اول مره....... ونظر لوجهه ابيه المتوتر وساله بقلق قائلا : طالما جبتنا هنا يبقى اكيد فى مصيبه يا بابا ممكن تفهمنى بسرعه لو سمحت لان اعصابى باظت خلاص.........
نظر كامل لسيف بتوتر واقترح عليه قائلا : تعال ننزل نتكلم فى الهواء بره احسن.....
اطاع سيف كلام والده ونزل خلفه وانتظر بنفاذ صبر ان يتكلم وعندما لم يفعل انفجر سيف فيه بغضب قائلا : حرام عليك يا بابا انطق بقى حد من البنات حصل له حاجه......وارتاح عندما هز ابيه راسه نافيا......فاعاد سؤاله مره اخرى وساله بتوجس قائلا : طيب اوتار بخير يا بابا...... وهنا شحب وجهه سيف لان كامل صمت واشاح وجهه عنه
تجمد سيف مكانه وسال ابيه بهلع وبصوت يكاد يسمع قائلا : اوتار حصل لها حاجه مش كده؟؟؟ علشان كده كنت كل ما اسالك عليها فى التليفون تقولى حجه شكل.......
نظر كامل بقلق لوجه سيف الشاحب وقرر التحدث بسرعه قبل ان يصاب المسكين بجلطه لاقدر الله....... وسرد عليه القصه باكلمها كما اخبره اياها ارجون...... حتى وصل لفقره وجود نورهان فى منزلهم حاليا وذهاب اوتار لعالم نورهان الموازى بدلا منها
نظر كامل لسيف بتوتر فهو بعد شحوب وجهه تحول الى اللون الاحمر وهى علامه من علامات الغضب الشديد عند سيف فهو من رباه ويعرف طباعه جيدا ولهذا حاول تهدئته..... ونظر اليه بتوسل قائلا : ارجوك اهدى يا حبيبى الانفعال مش كويس عليك و.....
ولكن سيف قاطع كلامه ونظر اليه بغضب قائلا : اتصل بالزفت ارجون ده حالا دلوقتى...... انا لازم اشوفه فورا والا حتجلط قدامك دلوقتى يا بابا.......
تردد كامل لحظه ولكن امام غضب سيف النارى ولكنه فى النهايه اخرج القلاده والتى احضرها معه تحسبا للظروف وضغط على منتصفها كما علمه ارجون..... وفى لحظات قصيره ظهر ضوء ازرق مالوف لهم ظهر بعده ارجون امامهم مباشره......
تحفز كامل لانه عارف ان سيف فى غضبه ممكن يتهور ويتهجم على ارجون ويضربه.....
... ولكن سيف ادهشه عندما اقترب من ارجون بخطوات بطيئه واثقه تشبه خطوات الاسد وهو يقترب من ضحيته قبل افتراسه اياها......واخيرا توقف على بعد خطوه واحده منه ونظر داخل عيونه وهمس بصوت يشبه الفحيح قائلا : قدامك ساعه زمن واحده بتوقيت كوكب الارض وتكون مراتى اوتار هنا فاهم يا معلم ارجون
أنت تقرأ
اسطوره كوكب اشباه الملايكه (مكتمله)
Fantasyاوتار........ ملاك طاهر...... ولكن للاسف حتى يتم الاعتراف بها فى مملكتها يجب ان تؤدى عشره مهام......... وبعدها تحصل على لقبها......... ترى هل ستستطيع اوتار...... اكمال تلك المهام اما ستقف احدهم عثره فى طريق تحقيق امنيتها واحلامها........
