فى حجره جلوس قصر كامل الدمنهورى......
جلس ارجون بجوار كامل وفى المقابل لهم جلست اوتار وسيف.....
نظرت اوتار الى سيف الذى نظر اليها بتشجيع........ فهو من منعها من الاعتراف بما حدث لحظه دخولهم القصر وخاصه ان داده فاطمه استقبلتهم بابتسامه قائله : اخيرا وصلتم..... راجى بيه وكامل بيه كانوا هيموتوا من الجوع ورفضوا ياكلوا لحد ما انتوا توصلوا بالسلامه........ ولهذا همس سيف لاوتار قائلا : انا شايف اننا ناجل موضوع الاعتراف ده بعد الاكل ايه رايك يا اوتار
هزت اوتار راسها موافقه على كلامه..... ولهذا تم تاجيل الاعتراف بما حدث حتى انتهى العشاء وجلس الجميع فى غرفه الجلوس لاحتساء الشاى بالنسبه لسيف وكامل واحتساء عصير الفواكه بالنسبه لاوتار وارجون..........
ولكن الان لا مجال للتاجيل....... ولان سيف كان يشعر بالذنب قرر انه هو من سيعترف اولا..........وكمان لان اوتار ما زالت على خصام مع ابيها ارجون........
.. وما ان انتهى من قصته حتى انفعل كامل الذى صاح بحده قائلا : ازاى تعملوا كده احنا مش قلنا من التمرين على البيت على طول....... يعني ايه لازمه خروجكم في الجنينه دي....... واهو اللى كنا خايفين منه حصل..... وواحد من سكان كوكب النور شافكم واتعرف على اوتار....كمان ودى مصيبه .
نظرت اوتار بتردد الى ارجون الذى كان يبادلها النظر بهدوء بعكس كامل الذى انفعل بحده........... وكان رد فعله عنيف واندهش الثلاثه عندما نظر ارجون الى كامل قائلا : من فضلك اهدى يا كامل.... اللي حصل حصل خلاص...... المهم دلوقتي ان احنا لازم نلاقي علاج للمشكله دي وبسرعه
سالته اوتار بجديه قائله : وهيبقى ايه الحل ده يا بابا.....ولكنها صممت فجاه لانها نسيت وقالت له بابا واكملت كلامها بادب قائله : اسفه انى تخطيت حدودى قصدى يا معلم ارجون ....
تنهد ارجون بضيق فطفلته ما زالت غاضبه وحزينه ما قاله لها فى لحظه غباء منه واجابها بهدوء قائلا : افتكر ان افضل حل هو اننا لازم نمشى من هنا في اقرب فرصه ......
صاح سيف باستنكار لان ارجون سيبعد اوتار عنه واعترض قائلا : تمشوا من هنا تروحوا فين يا معلم ارجون..... انتم ما تعرفوش اي بشر تانيين على كوكب الارض.......وممكن اي مكان تاني ما يكونش امان زي هنا...........واضاف بغضب قائلا : وبعدين ارجان ده مش قال انه بيحب اوتار...... وكان خطيبها....... يبقى ازاي ياذيها...... ويبلغ ارتش انها لسه عايشه ويبلغوا عن مكانها كمان.......
اجابه ارجون بهدوء وثقه قائلا : انا واثق فى اخلاق ارجان لانه ولد طيب ومستحيل يعمل حاجه تاذى اوتار ابدا......
قاطعه سيف بغيظ وغيره قائلا : طالما هو شخص نبيل الاخلاق قوى كده ممكن افهم حضرتك خايف منه ليه
اجابه ارجون بهدوء قائلا : الخوف مش من ارجان الخوف من ارتش واللى عرفنا انه مهتم وبيراقب تقريبا كل شخص بينزل كوكب الارض علشان يعرف مكان اوتار.......ودى مخاطره مش مضمونه وعلشان كده احنا لازم نمشى من هنا فى اقرب فرصه وبسرعه جدا كمان..........
أنت تقرأ
اسطوره كوكب اشباه الملايكه (مكتمله)
Fantasyاوتار........ ملاك طاهر...... ولكن للاسف حتى يتم الاعتراف بها فى مملكتها يجب ان تؤدى عشره مهام......... وبعدها تحصل على لقبها......... ترى هل ستستطيع اوتار...... اكمال تلك المهام اما ستقف احدهم عثره فى طريق تحقيق امنيتها واحلامها........
