اسطوره كوكب اشباه الملايكه (مكتمله)

5/بشرى يعرفنى جيدا

مازلنا فى قاعه افراح الاميرات........

اللى المفروض كان يتم فيها حفل زفاف  البشرى سيف بس انتهت للاسف بملحمه دراميه بسبب خيانه عروسته واللى طلقها قبل ما يتم زفافه عليها.......

. بعد ذهاب جميع اقارب ومعارف واصدقاء كامل وسيف واللذين باركوا لهم باخلاص على خلاصهم من تلك الافعى المدعوه نيره....والتى كان ينوى سيف الزواج منها... وحاولوا مواساه كامل ايضا قائلين له : كويس انكم عرفتم حقيقتها قبل ما سيف يتورط معاها فى جواز واولاد.......وتمنوا له بصدق ان ربنا يعوضه ببنت حلوه تنسيه اللى حصل الليله....... وعيونهم كانت تنظر بفضول لاوتار التى جلست على احد المقاعد الفارغه كلها الان بهدوء......... وهى تنظر باهتمام الى زينه السقف الجميله.......وكانت تتجاهل الجميع..... فهى حاولت الاختفاء عن عيون الجميع بقدر الامكان......... بس برضه جمالها الصاعق خطف انظارهم واثار وجودها مع سيف فضولهم

وطبعا رفض سيف بغيظ يقول لاى حد ساله عن ماهيه ميراى ويعرفها منين........ واكتفى بكلمه واحده لهم لاشباع فضولهم قائلا : ميراى تبقى صديقه ليا......... ولما عرفت اللى حصل لى ساعدتنى فى التمثيله دى علشان انتقم من نيره واحمد.........وتعمد اضافه الجزء الاخير قائلا : وكمان مخطوبه وبتحب خطيبها جدا......وكده قطع الخط على كل المعجبين اللى سحرهم جمال اوتار الليله.......وسالوه عليها باهتمام واضح.......مما اغاظه لانه هو كمان اعجب بيها جدا بس للاسف طلعت مخطوبه......... وقالت له انها بتحب خطيبها جدا كمان.............وفكر بسخريه..... صحيح ناس لها بخت زى ميراى وناس تقع فى صفيحه زباله زى نيره......

..... بعد ذهاب الجميع ...........

راقبت اوتار باهتمام تحرك الجرسونات بنشاط لجمع اطباق الطعام واكواب العصير وتنظيف الموائد...... واعجبها جدا طريقه عملهم المنظمه....... وفكرت انها ستكتب هذه الملحوظه عنهم فى تقريرها......... ولكنها حولت عيونها الجميله عنهم لمشاهده مشهد اخر اهم........ ابتدء عندما اقترب كامل من ابنه سيف وهو يغالب دموعه فهو يعرف ان ابنه مجروح وحزين مما حدث الليله مع انه اظهر قوه وصلابه قدام الكل......... بس هو عارف ان ابنه رومانسى وحساس........ وغمره بحنان بين ذراعيه وهو يحثه على البكاء قائلا : ابكى يا سيف عيط صرخ يا حبيبى ما تكتمش في نفسك مفيش حد يستحق قلبك الطيب ده ابدا والحقيره الخاينه دى هى اللى خسرت مش انت يا حبيبى.......... سبحان الله انا عمرى ما حبتها ولا ارتاحت لها ابدا..........

ابتعد  سيف عن احضان ابيه بلطف...... وابتسم له بحنان قائلا : انا عيطت وصرخت بما فيه  الكفايه الليله يا بابا....... ودلوقتى لحظه فرحى وانتصارى على اعدائى ومفتكرش ان المناسبه دى محتاجه دموع نهائى ........ بالعكس دى محتاجه احتفال وكبير كمان........ وبعدين انا جعان جدا......يلا نروح نتعشى كلنا فى مكان شيك كده احتفالا بخلاصى من احقر ناس كانوا فى حياتى........وانا كنت نايم وغفلان عنهم...... بس لحسن حظى انى  اكتشفت حقيقتهم الليله........ واتخلصت منهم.........