اسطوره كوكب اشباه الملايكه (مكتمله)

71/ كل ذكرى يصاحبها الم شديد ....

فى كوكب الارض........

وبالتحديد فى غرفه مكتب كامل الدمنهورى والذى كان  يستدعى ارجون يوميا كعادته منذ ان عرف بامر اختفاء اوتار......... وحلول نورهان مكانها.......ومن لحظه اعتراف ارجون له بما فعله مع اوتار وهو يصمم على استدعائه يوميا حتى يطمن على حال ابنته فى هذا الكون الموازى الذى وضعها ارجون فيه لحمايتها كما اخبره...... وطبعا صدقه لان ارجون مستحيل ياذى اوتار ابدا........... بس طبعا اللى عمله له جوانب سلبيه والجميع تاثر بها.....

..... والمصيبه الكبيره فى سيف اللى راجع خلاص من السفر واوتار مستحيل تغفر له ابدا لو فكر يلمس المسكينه نورهان رغم ان روحها فقط هى من تعيش فى جسد اوتار.......... وبكده حتدمر حياتهم الزوجيه السعيده...... الا فى حاله واحده بس وهى........ لو سمح له ارجون ان يقول الحقيقه لسيف...... ولهذا نظر اليه بحذر وساله قائلا    :   ها حنعمل ايه يا ارجون سيف راجع بكره من لندن وانت عارف هو بيحب اوتار اد ايه.......... ونورهان مش اوتار واكيد حيكشفها.......... ان كنت انا ابوها وكشفتها من اول يوم........... اؤمال جوزها اللى هى عايشه معاه خمس سنين اكيد حيعرف انها مش هى اول ما يلمسها.......والكارثه حتقع لما  تعرف ان سيف لمس نورهان فعلا........ وقتها حتولع فينا احنا الاول وبعدين تولع فى الدنيا كلها

اجابه ارجون بتوتر مماثل قائلا   :  افتكر ان دى فعلا  المشكله الاساسيه يا كامل واللى كانت شاغله تفكيرى انا كمان........ وانا صدقنى  زيك بالضبط مرعوب جدا  من رد فعل اوتار.... لما تكتشف ان سيف اتعامل مع نورهان كانهم ازواج  وقتهاحتعمل فيه ايه؟؟؟؟ وحتعمل فينا ايه احنا كمان؟؟؟؟..... وانا وانت عارفين كويس غيرتها نار حمراء وكل خناقها مع سيف بسبب الغيره بس........ حتى نرجس قالت نفس الكلام عن علاقه اوتار بسيف بتاع الكون الموازى.... وان سيف اكيد حيغضب لما يعرف ان له شبيه فى الكون الموازى وكمان كاتب كتابه على اوتار........

شعر كامل برعب عندما ادرك حجم المصيبه اللى فى انتظارهم عند وصول سيف فى الغد  وسال ارجون بذعر قائلا   : والشئ الاكيد ان اوتار مستحيل تسامح سيف ابدا على حاجه زى دى وحتعتبرها خيانه زوجيه.........ومش بعيد تطلب منه الطلاق زى ما سمعتها بتقول له قبل كده......وطبعا  حتاخد البنات وتطلع كوكب النور ونتحرم  احنا منهم كلهم انا وابنى......... ونظر اليه بتوسل قائلا   :  ارجوك اتصرف يا ارجون مش انت اللى حطتت الخطه الزفت دى......

تنهد ارجون........ ونظر لكامل بحزم قائلا   :  مفيش قدامنا غير اننا نقول لسيف الحقيقه وان اللى هنا نورهان مش اوتار....... ونقول له احنا عملنا كده ليه وكده ممكن يتفهم ويقدر  موقفنا لان هو كمان اكيد يهمه سلامه وامن حبيبته اوتار.........زينا بالضبط ويمكن اكتر كمان 

شعر كامل بالارتياح لان ارجون قال اللى كان هو عايز يقوله  بس كان خايف من رد فعله...... واجابه بحماس قائلا   :  افتكر انه حل معقول  جدا يا ارجون......... ولكنه عاد للتوتر مره اخرى وساله بقلق قائلا    :  بس تفتكر سيف حيسكت كده بسهوله على غياب حبيبته ولا حيصمم يروح لها.فى الكون الموازى ......... وكده اوتار حتفتكر كل حاجه وحتصمم ترجع لحياتها هنا............. وكل تعبنا المده اللى فاتت دى كلها حيروح فى الهواء.....