اسطوره كوكب اشباه الملايكه (مكتمله)

25/بدايه حياتى كبشريه

مازلنا فى غرفه العنايه المركزه بمستشفى الشروق الدولى الاستثماري........

بعد مرور عده ساعات من عوده اوتار لوعيها......

..... نظر كامل بسعاده الى اوتار........التى استعادت وعيها وعادت اليها صحتها من جديد واخفى انفعاله عنها بصعوبه عندما نظرت اليه بخوف وتردد خوفا من رفضه لها.....فهى بالطبع ما زالت تتذكر معاملته القاسيه لها وكيف هددها بالابتعاد عنه وعن سيف والرجوع الى كوكبها وحاكمها اللعين...... 

وشاهد بضيق كيف نظرت اليه بدهشه ممتزجه بالخوف عندما اقترب من فراشها.....ولم يستطيع السيطره على نفسه  وشدها نحوه بلطف و ضمها الى صدره بحنان......... ومسح على راسها برقه وهمس لها بحب قائلا : الف حمدلله على سلامتك يا بنتى...... اه لو تعرفى حالنا كان ازاى الايام اللى فاتت دى كلها......... واحنا شايفينك راقده قدامنا كده وفاقده الحيويه والنشاط........ومش عارفين نعمل اى حاجه غير اننا ندعي لك تقومي بالسلامه...........

نظرت اوتار الى كامل بدهشه وسالته بفضول قائله : يعنى ايه حيويه دى يا سيد كامل اول مره اسمعها؟؟؟؟

ضحك سيف بمرح قائلا : ياربي انتى تانى يا ميراى وبعدين ايه سيد كامل دى........ المفروض تقولى له يابابا كامل او عمى كامل على الاقل........

اجابته اوتار بخجل قائله : انا اسفه بس مش حاقدر اقول كلمه بابا الا لبابا بتاعى انا بس........... لكن ممكن اقول له يا عمى كامل...... وانا متشكره قوى على اللى عملتوه معايا الفتره اللى فاتت دى كلها واهتمامكم بيا..........مع انكم مش مضطرين تعملوا كده. خالص
ابتسم كامل لابنته اوتار بلطف وحاول اخفاء المه لانها رفضت منادته ابى......وفكر بمرح ان ابنته تغاضت عن احتضانه لها رغم دهشتها الواضحه من تصرفه العاطفى نحوها...... وسالته عن معنى كلمه حيويه وفكر رغما عنه فى ابرار امها التى كانت تقف امام اى كلمه لاتعرف معناها وتساله عنها وتترك الموضوع الرئيسى الهام الذى كان يتحدثون فيه...... مما كان يجعله يضحك بمرح كما فعل سيف تماما الان.......

وهنا تدخل الطبيب السمج المغازل المغرم بها ونظر اليها بجديه قائلا : المهم تهتمى بصحتك يا انسه ميراى........ وتهتمى اكتر باكلك........ ومن فضلك بلاش الرجيم القاسى القاتل اللى دخلك المستشفى هنا وانتى فى حاله انيميا رهيبه من قله الاكل.......... وافتكر ان عملك كعارضه ازياء علشان توصلى للمقاس (صفر) مش اهم من حياتك ولا ايه؟؟؟....... اسيبك تستريحى ولو محتاجه حاجه رنى الجرس ونظر الى سيف وكامل بحزم قائلا : ارجوكم ربع ساعه زياره بس لان فى كورس ادويه جديد حيتنفذ  ابتداء من انهارده..... والمريضه محتاجه راحه وهدوء......... واخذ معه الممرضه الوقحه...... التى لم تترك عيناها سيف منذ لحظه دخوله وكانت ترمقه بنظرات الاعجاب وتحاول لفت انتباه لها بكل الطرق ........ مما اغضب اوتار جدا............ورغبت فى خنقها.......وهى تفكر بغضب كيف تنظر تلك الغبيه الى شئ يخصها هى بكل هذه الوقاحه...... وهنا سالها قلبها....سؤالا هاما....... هو سيف ده يخصك يا اوتار؟؟؟؟ ولكنها تجاهلته تماما....... فهى لن تجيب الا على مترجمها الفورى وحاسوبها الشخصى وهؤلاء جردها ابيها ارجون منهم........واى اصوات اخرى فى راسها لاترغب فى التواصل معهم وخاصه لو كانت اسئلتهم عميقه ومحرجه هكذا.........وبعدين هى اصلا اول مره تسمع صوتهم.......ومفيش اى اهميه لوجودهم فى حياتها......