مازلنا فى مملكه الحاكم الاعظم......
.... فى الصباح اليوم التالى
فى قصر الحاكم الاعظم........
سارت اوتار بجوار سيف الذى كان ينظر حوله الى كل شئ يمرون به باعجاب...... وفى نفس الوقت كان ينصت الى الموجز السريع الهامس الذى كانت اوتار تخبره اياه عن المهمه المطلوب منهم انجازها اليوم............ وسمعت شهقته المرتعبه عندما وصلت الى كلمه زيارتهم لمملكه حاصد الارواح......... وصاح بغضب ممتزج بالذعر قائلا : يا نهار اسود يعنى حضرتك رجعتى ليا ذكراتى........... علشان اروح معاكى فى مغامره لحد مملكه حاصد الارواح برجليا............ وكمان ناويه تاخدى منه حاجه سرقها من الحاكم الاعظم.....وتفتكرى هو حسيبنا نمشى ببساطه كده........... ورفع راسه للسماء و دعا عليها قائلا : منك لله يا اوتار يا بنت ابرار......... اشوفك فيكى يوم يا بعيده......
نظرت اوتار اليه بغيظ وانفجرت قائله : يعنى انت كنت عايزنى اروح لبيت راجل غريب لوحدى يا سيف.... اؤمال فين الشهامه والرجوله اللى عندك ده حتى انت خطيبى وزوجى فى المستقبل القريب........
اجابها سيف وهو ينتحب قائلا : ياسلام على الاستقامه والسلوك القويم يا اوتار هانم........ اللى يشوف كده يقول انك رايحه تزورى واحد من قرايبك مثلا وعايزه تاخدينى معاكى علشان تعرفينى عليه........... وانتى اصلا رايحه تزورى مملكه الموت وتقابلى حاصد الارواح.........وكمان ناويه تستفزيه وتاخدى منه اوراق وصندوق سرقهم حضرته من الحاكم الاعظم من 200 سنه.......وتوسل اليها قائلا : يا حبيبتى اعتذرى عن المهمه دى لانها خطيره جدا......و الناس دى عمرها طويل يا قلبى.......... لكن انا وانتى حنبقى محظوظين قوى لو وصلنا للستين واحنا قطعه واحده........ ومن غير عاهات
وتوقف الكلام بينهم لانهم فى تلك اللحظه كانوا وصلوا امام الباب الذى يؤدى الى عرش الحاكم الاعظم وهنا همست اوتار له بحذر قائله : ياريت نوقف نقاش دلوقتى........ لاننا حندخل دلوقتى لساحه عرش الحاكم الاعظم......وطبعا مش محتاجه افكرك انك لازم تسكت خالص قدامه
نظر سيف اليها بسخريه قائلا : اللى يسمع كده يقول ان الراجل مش بيسمع كل كلامنا وبيقرا حتى افكارنا وبيدخل جوه دماغنا اصلا.........وبيتكلم كمان واظن سيادتك فاكره عمل معانا ايه امبارح بالليل.....
تجاهلت اوتار كلام سيف كالعاده فلا جدوى من الرد عليه......... واقتربت من الباب الذى فتح كالعاده من تلقاء نفسه ما ان وقفوا امامه.........واصبحوا الان......... يقفون وجها لوجه امام الحاكم الاعظم الذى نظر اليهم بصرامه........ فهو بالتاكيد كان يتابع كل ما قالوا منذ لحظه مقابلتهم لبعضهم وحتى وصولهم الى ساحه عرشه الان........... ده غير سماعه لافكارهم كمان........
وما ان وقفا على بعد عده خطوات من عرشه نظر اليهم بصرامه حتى يخيفهم...... وتجاهل نظرات سيف الفضوليه المحدقه به باهتمام......ده غير سماعه لافكاره السخيفه بشان مظهره وخوفه من شكل حراسه الخاصين..........
أنت تقرأ
اسطوره كوكب اشباه الملايكه (مكتمله)
Fantasyاوتار........ ملاك طاهر...... ولكن للاسف حتى يتم الاعتراف بها فى مملكتها يجب ان تؤدى عشره مهام......... وبعدها تحصل على لقبها......... ترى هل ستستطيع اوتار...... اكمال تلك المهام اما ستقف احدهم عثره فى طريق تحقيق امنيتها واحلامها........
