ဆန်းကြယ်သော ကံကြမ္မာ (Complete)

Part 15

Unicode

Diamond Hospital ဥက္ကဋ္ဌကြီး ဦးရွှေမဟာနှင့် ဆေးရုံအုပ် ဒေါ်ခင်မမနှင်းတို့၏ တစ်ဦးတည်းသောသမီးဖြစ်သူ နှလုံးအထူးကုဆရာဝန်တစ်ဦးဖြစ်သည့် ဒေါက်တာရွှေဝတ်ရည်နှင်း နှင့် M & W company ဥက္ကဋ္ဌ ဦးထွန်းကိုကိုမောင်နှင့် တရားသူကြီးဟောင်း
ဒေါ်ယွန်းမြတ်လွှာ တို့၏ အငယ်ဆုံးသမီးဖြစ်သည့် ရှေ့နေဖြစ်သူ ရွှေဝတ်လွှာတို့၏ ယနေ့တွင်ကျင်းပ
မည့်မင်္ဂလာလက်ထပ်ပွဲဟာ တစ်နိုင်ငံလုံးကို ဟိုးလေးတကျော်ကျော်ဖြစ်စေခဲ့သည်။ ဒေါက်တာ
ရွှေဝတ်ရည်နှင်းတို့အိမ်၌ပင် မနက်အစောပိုင်းတွင် သံဃာတော်အရှင်သူမြတ်များအားပင့်ဖိတ်ပြီး မင်္ဂလာဆွမ်းကပ်ခဲ့ကြသည်။ထိုနောက်တွင်တော့ လက်ထပ်ပွဲကျင်းပသည့် 'KING' Hotel ဆီသို့။
Hotel ၌ နှစ်ဖက်မိဘဆွေမျိုးများ၊ မိတ်ဆွေများဖြစ်ကြသည့် company ဥက္ကဋ္ဌများ၊ ပါမောက္ခများ၊ တရားသူကြီးများ၊ ဆရာဝန် ဆရာဝန်လောင်းများ၊ သူနာပြုနာ့စ်မများ၊ ရှေ့နေ ရှေ့နေလောင်းများ အစရှိသည့်ဂုဏ်သရေရှိလူကြီးမင်းများအပါအဝင် မီဒီယာများပါမကျန် အကုန်စုံလင်စွာတက်ရောက်ဂုဏ်ပြုကြသည်။

သတို့သမီးအဝတ်အစားလဲလှယ်သည့်အခန်းတစ်ခု၌ လက်ထပ်ပွဲအတွက်ဝတ်စားပြင်ဆင်နေသည့် သတို့သမီးတစ်ဦးဖြစ်သူ။ ထိုသတို့သမီးအား Hotel ခန်းမကြီးအတွင်း လှပသေသပ်စွာခင်းကျင်းပြင်ဆင်ထားသည့် အပြင်အဆင်များနှင့်အတူ stageစင်ပေါ်၌ သူမ၏လှပသော body  shape (ခန္ဓာကိုယ်ကောက်ကြောင်း) အားပေါ်လွင်စေပြီး ကျောက်ကလေးတွေစီခြယ်ထားသည့်ရိုးရိုးရှင်းရှင်းနှင့်လှပသော အဖြူရောင် Off the shoulder dress ကိုဝတ်ဆင်ထားပြီး သူမ၏ ကျောလယ်လောက်ရှိ
သည့် chocolate brown hairကို ကျက်သရေရှိစွာ ထုံးဖွဲ့ထားသည့် အမျိုးသမီးတစ်ဦးကစောင့်ဆိုင်းနေသည်။

''ကဲ ပြီးပါပြီ လှလိုက်တာ''

သူ့အားမိတ်ကပ်ပြင်ပေးနေသည့် ဆရာမရဲ့စကားသံအဆုံး သူပိတ်ထားတဲ့မျက်လုံးတွေအားဖွင့်ကြည့်လိုက်တော့ အာပါးပါး အရမ်းလှတာပဲ

''ဘာလို့ဒီလောက်ထိတောင်လှနေရတာလဲ
ရွှေဝတ်လွှာနဲ့လက်ထပ်မဲ့ ဒေါက်တာရွှေဝတ်ရည်နှင်းကိုတောင်မနာလိုဖြစ်လာပြီ ဖွက်ထားလိုက်ရမလား''