Unicode
အမျိုးသမီးတစ်ဦးမောင်းနှင်ကာ မိန်းကလေးငယ်
တစ်ဦးလိုက်ပါစီးနှင်လာသော Toyota အဖြူရောင်ကားတစ်စီးဟာ မြို့ထဲလမ်းမထက်ပြေးနှင်လျက်ရှိသည်။
''စောစောက စားလိုက်တဲ့နေ့လည်စာကိုသဘောမတွေ့လို့လား''
တိတ်ဆိတ်နေသောကားအတွင်း၌ တိတ်ဆိတ်မှုကိုဖြိုခွင်းသူမှာ ဒေါက်တာရွှေဝတ်ရည်နှင်း။
''ရှင်.. မဟုတ်ပါဘူး စားလို့အဆင်ပြေပါတယ်''
''ဒါဆို လက်ထပ်ပွဲအတွက်အက်ျီကိုစိတ်တိုင်းမကျလို့လား''
''မဟုတ်ပါဘူး အဆင်ပြေပါတယ်အက်ျီက''
''ဒါဆို ဘာကအဆင်မပြေဖြစ်နေလို့ မျက်နှာမကောင်းတာလဲ နေမကောင်းဘူးလား''
''မဟုတ်ပါဘူး..နေကောင်းပါတယ် ဒေါက်တာ''
''ဒါဆို .. တို့နဲ့အတူရှိရတာမကြိုက်လို့လား''
သူမတို့ မနက်၁၀နာရီလောက်ကတည်းက ကလေးမအိမ်ကနေ ပထမဦးဆုံးလက်ထပ်ပွဲအတွက်အက်ျီသွားရွေးရန်ထွက်ခဲ့ကြသည်။ ၁၀:၄၅လောက်မှာဆိုင်ကိုရောက်တော့ အက်ျီကိုစမ်းဝတ်ကြည့်ကြတဲ့အခါ သူမဝတ်စုံကကွတ်တိကျပေးမဲ့ ထိုကလေးမရဲ့ဝတ်စုံက သူ့ထက်အနည်းငယ်ကြီးနေကာပြန်ပြင်နေရတာကြောင့် ၁၁နာရီခွဲမှသာ ထိုဆိုင်ကထွက်ခဲ့ကြရသည်။ ထို့နောက်တွင်တော့ Hotelမှာ လက်ထပ်ပွဲအတွက်
ဘိုကင်တင်ရန်ထွက်ခဲ့ကြသည်။ ထိုသို့ လက်ထပ်ပွဲအတွက်လိုအပ်တဲ့ကိစ္စအဝဝကိုဆောင်ရွက်ပြီးချိန်မှာတော့ အချိန်ကား ၁၂:၄၇ ရှိနေပြီ။ ထို့ကြောင့် နေ့လည်စာဝင်စားခဲ့ကြပြီးအခုတော့အိမ်အပြန်လမ်းပေါ်တွင် တိတ်ဆိတ်ငြိမ်သက်နေသော ကားပေါ်မှာ ဝစီပိတ်
ကျင့်နေသလားမှတ်ရတဲ့ ထိုကလေးမဟာစကားတစ်ခွန်းမှမပြောဘဲငြိမ်နေတာကြောင့် သူမမှာစကားလမ်းကြောင်းဖောက်သော်လည်း အမေးတစ်ခွန်းအဖြေတစ်ခွန်းသာ။
''မဟုတ်တာဘဲ ဒေါက်တာရယ်''
ကြည့်ပါလား။ 'မဟုတ်ပါဘူး'ကလွဲပြီး တခြားပြောစရာစကားမရှိတော့ဘူးလားမသိ.. စိတ်တိုလိုက်တာ
''ဒါဆို ဘာလို့စကားမပြောရတာလဲ အပြင်ဘက်ကိုငေးကြည့်နေပြီး ဘာလို့တို့ကိုစကားတစ်ခွန်းတောင်မပြောရတာလဲ တို့ကိုရှိလိုရှိမှန်းတောင်သိရဲ့လား
အဲသလောက်ထိတို့နဲ့အတူရှိရတာသဘောမကျဘူးလား စကားမပြောချင်လောက်အောင်လေ''
YOU ARE READING
ဆန်းကြယ်သော ကံကြမ္မာ (Complete)
Misterio / Suspensoပြင်းထန်သော ကားaccidentတစ်ခုကြောင့် comaဝင်နေသော လူနာ တစ်ဦးဟာ ၂ပတ်အကြာတွင် ထူးခြားဆန်းကြယ်စွာပြန်လည်နိုးထလာခဲ့တယ်။ သို့သော် သူဟာ အရင်လိုမဟုတ်တော့။ ဤခန္ဓာဟုဆိုသော်လည်း အတွင်းစိတ်ဟာ သူမဟုတ်။ ဘယ်သူများလဲ။ ဘာကြောင့်များ ဒီခန္ဓာကိုယ်ထဲရောက်နေရတာလဲ။
