မင်းအတွက်ဆို တောင်တန်းတွေပါ ဖြတ်ကျော်မယ်

Chapter 2

လျန်ကျန်းက ဘာတွေဖြစ်ပျက်သွားလဲ လိုက်မမီတော့ဘူး၊ သူ့ရဲ့ follower တွေ အရှိန်အဟုန်နဲ့ တိုးလာတာက သူ့ရဲ့ကြိုးစားအားထုတ်မှု ရလဒ်တွေဆိုပြီးတောင် တွေးလိုက်သေးတယ်။ နောက်ဆုံးမှာတော့ ပရိသတ်တွေက သူ့ရဲ့ဂီတပါရမီကိုတွေ့ရှိသွားကြပြီ‌ပေါ့။ သူက ဒီအကြောင်းကို စိတ်လှုပ်ရှားစွာနဲ့ ရှောက်မင်ယင်းကိုပြောပြနေရင်း တဖက်မှာလည်း ဘာမှမဖြစ်သလိုဟန်ဆောင်ပြီး ရှောက်မင်ယင်းရှေ့မှာ တည်ငြိမ်ရင့်ကျက်တဲ့ပုံ အတင်းဖမ်းနေတယ်။ ရှောက်မင်ယင်းကမှ ပိုလို့တောင်တည်ငြိမ်နေပြီး "အိုး"လို့ ရွတ်လိုက်ရင်း ဗိဒီယိုတပုဒ်ပြလာတယ်။

ဗီဒီယိုလည်း ကြည့်ပြီးရော လျန်ကျန်းခေါင်းထဲ အတွေးပေါင်းစုံနှင့်ရှုပ်သွားတယ်။ သူ့ခေါင်းသူကိုင်ပြီး ကုတင်ပေါ်ထိုင်ချပြီး ငိုင်ကျနေပုံက တခုခုကိုကိုက်ရင်း စဉ်းစားနေတဲ့ ဟက်စကီးလေးနှင့်တူနေတယ်။ ဒါကြောင့်နဲ့ နာမည်ကြီးသွားတာဆိုလည်း ကောင်းတာပါပဲ။ လျန်ကျန်းရဲ့ သီချင်းတွေအားလုံးက download ဆွဲငွေချေပြီးမှ နားထောင်လို့ရပြီး(paid*) အခု trending list ထဲပါ ရောက်သွားတာကြောင့် download ဆွဲတဲ့ အရေအတွက်ကလည်း အတော်လေးမြင့်တက်လာတယ်။ အဲ့တာဆို လွန်ခဲ့တဲ့ ရက်ပိုင်းက ရခဲ့တဲ့၀င်ငွေတွေနဲ့ နောက်ထပ် 0.05 စတုရန်းမီတာလောက် ပိုကျယ်တဲ့နေရာလေး ၀ယ်လိုက်ဖို့ လုံလောက်ပါတယ်။

ဒါပေမဲ့ လျန်ကျန်းမှာ စိတ်ပူစရာတခုတော့ရှိသေးတယ်။

"ဒါက ခင်ဗျားအပေါ် ရိုက်ခတ်မှုတော့မရှိဘူးမလား" လျန်ကျန်းက မျက်မှောင်ကြုတ်ရင်း ဂရုတစိုက်မေးလိုက်တယ်။

လူထုကို attention ရှာရတဲ့ အလုပ်တွေမှာ ရဲအရာရှိတော့မပါဘူးဆိုတာ သူသိတယ်။ ဒါပေမဲ့ သူ့ရဲ့ နောက်ဆုံးဖျော်ဖြေပွဲတခုကနေ ငွေလက်ခံရရှိထားသေးတယ်၊ အဲ့ကနေ တိုက်ခန်းတခန်း၀ယ်ဖို့လည်း လုံလောက်သေးတယ်။ လျန်ကျန်းက အတော်လေး ပျော်ရွှင်နေပြီး အခန်းရဲ့ လျှော့ဈေးကလည်း နောက်တရက်ပဲကျန်တော့တယ်။ ဒါကြောင့် ရှောက်မင်ယင်း အလုပ်ဆင်းတာနဲ့ အရောင်းစင်တာပိတ်မှာ စိုးတာနဲ့ စကားတခွန်းမဆိုဘဲ ဆွဲခေါ်သွားတာ။ လျန်ကျန်းက အမြဲလိုလို အလျင်စလိုဖြစ်နေပြီး ရှောက်မင်ယင်းကလည်း တခွန်းတပါဒမှ မေးခွန်းထုတ်တာမျိုးမရှိ။ တိုက်ခန်း၀ယ် ငွေချေမှာကို သူသာကြိုသိရင် သူ့ရဲ့ယူနီဖောင်းကို မ၀တ်ဘဲ ရိုးရိုးထသွားထလာ ၀တ်စုံလဲသွားဖြစ်မှာပဲ။