තනුජයගෙ කාර් එක අපේ වත්ත ඇතුලට දැම්මට පස්සෙ ගමිදු අයියලත් වත්ත ඇතුලට කාර් එක දාගත්තා. එද්දි කෑම වගයක් ඕඩර් කරපු නිසා අයියලයි නිශල්කයලයි ඒවා කෑවා..මම ඉතින් කෑවෙ රත්නසිරි මාමාගෙ කෑම. මොකද හැමදාම එද්දි මාමා මට කෑම හදලා තියෙනවා..කෑවෙ නැත්තන් අපරාදෙනෙ. අනික දැන් මුන් ටික එනවා කියලා දන්නවනම් මාමා පණ දාගෙන උයන්න ගන්නවා..ඒක නිසයි මම කිව්වෙවත් නැත්තෙ.
"මම එහෙනම් ඇතුලට යනවා ලොකු පුතේ..මේ ලමයි ටික යද්දි මට කියන්න හොදේ?"
"ආ හරි මාමේ-"
"මාමේ! මාමා ගාව බීඩියක් එහෙම නැද්ද?" ශවිරු අයියා පුරුද්දට රත්නසිරි මාමාව අවුස්සන්න ගත්තා. ඒ එක්කම මන් දැක්කා සාහිල් අයියගෙයි ගමිදු අයියගෙයි ඇස් ලොකු වෙනවා.
"තිබ්බා..මන් කියන්නෑ ඉතින් පුතා!" ශවිරු අයියා මාමාට කෙන්ඩියට හිනා වෙලා නැගිටලා ගිහින් චප්ප වෙන්න බදා ගත්තා.
"කෝ කෝ අයින් වෙන්න පුතේ- ශික්කේ ගදේ බෑ-" ඒක කිව්වා විතරයි ශවිරු අයියා උගේ අත උස්සලා කිහිල්ල ඉබින්න ගත්තා.
"බොරු තියන්න එපා මාමේ! මම ගඳ නෑ- මේ බලන්න-"
"හප්! ලගට ආවොත් මම ලොකු මහත්තයට ඔය ලමයි අතපය තුවාල කරන් ආපු විත්තිය කියනවා!" ඒ එක්කම ගමිදු අයියා ශවිරු අයියව ඇදලා ගත්තා.
"මාමා යන්න..මේ හරකත් ඉතින් කුලප්පු වෙච්ච කුළුමීමෙක් වගේ."
"ඒ බන් උබලා අර මාමාට හැමදාම ඔහොම වද දෙනවද?" සාහිල් අයියා හැමෝම දිහා බලලා අන්තිමට මන් දිහා බලලා ඒ ප්‍රශ්නෙ ඇහුවම මම ඔලුව වැනුවා.
"එකදවසක් ශවිරු අයියා රත්නසිරි මාමාව වඩාගෙන පූල් එකටත් පැන්නා." ඒක කිව්වත් හරි සාහිල් අයියා බිබී හිටපු වතුර එක කටෙන් එළියට දැම්මා.
කතාවෙන් කතාව කට්ටිය හැමෝම රත්නසිරි මාමාට ඒ කාලෙ දීපු දසවද ගැන කියව කියව ඉද්දි එකපාරටම නිසල්කයා මන් දිහා බැලුවම මම ඇයි කියලා අහන්න ඇහි බැමක් ඉස්සුවම නිශල්ක මට ශවිරු අයියගෙ අත පෙන්නුවා. ඒ එක්කම මම ඔලුව වැනුවා.
"ශවිරු අයියෙ බයිලා ඇති දැන් කියහන් මොකද්ද වුනේ කියලා.." ඒ එක්කම මුලු සාලෙම සයිලන්ට් වුනා.
YOU ARE READING
රදළ | The Kandyan Aristocrats
Romance"ඒ..අඩෝ...!! පගෝ- අර ඉන්නෙ ආර්යන් අයියද??" නිස්සා හැමිනෙන්න ගත්තම මමත් නොදැනුවත්වම ඔලුව වැනුවෙ තරහටද පුදුමෙටද කියලා මමවත් දන්නෙ නෑ. ආර්යන් අධ්‍රක්ෂ රෞරවවංශ....මාස එක හමාරකට විතර පස්සෙ අද තමයි ඉස්කෝලෙට පය ගැහුවෙ..තාත්තගෙ ෆැමිලි බිස්නස් වගයකට ඕසි ගියා...
