රදළ | The Kandyan Aristocrats

11

ටොප් බෝඩ් එක වටේ එකතු වුණු රෝඩෙල් එකේ එවුන් නිසා අනිත් හැමෝමත් එතනට එකතු වෙන්න ගියේ තප්පර ගාණයි.

"අඩෝ බන් මැච් එක තව විනාඩි පහකින් පටන් ගන්නවනෙ." තිවන්ක අයියත් ඒ පැත්තට යද්දි මායි තනුජයිත් ඒ පැත්තට ඇදෙන්න ගත්තා.

"මොනාද ඕයි මේ කරලා තියෙන්නේ!"

"තමුසෙලා ලකුණු වැඩියෙන් දාගන්නවනම් මොකටද හුත්තො මැච් ගහන්නෙ?"

"මොකද්ද දැන් තෝ කියන්නෙ?? අපි හොරෙන් ලකුණු බැස්සුවා කියලද?? එහෙනම් කොහොමද යකෝ අපි මෙහෙම ෆස්ට් සෙකන්ඩ් ගන්නෙ?"

"නවත්තගන්නවලා- අයිසේ!!" සාහිල් අයියා දෙපැත්තෙ ඉදන් බැනගන්න රෝඩෙල් එකේ කොල්ලෙක්ගෙයි ඇෂ්ක්‍රොෆ්ට් එකේ කොල්ලෙක්ගෙයි මැද්දට පැන්නා.

"අම්මටසිරි හවුස් වලියක්." මම ෂෝට් එකේ සාක්කු දෙකට අත් දෙකත් දාගෙන ඉස්සරහ සෙනඟ අස්සෙන් තවත් මැද්දට ගියේ තනුජයත් මගේ පිටිපස්සෙන් එද්දී..

"නවත්තගනින් ඕක! මෙතන මැච් එකක් පටන් ගන්න යන්නෙ කියලා තේරෙන්නෙ නැද්ද?!"

"අනේ අයියෙ මේ.! ලකුණු පන්නනවනම් මැච් ගහන්නෙ මොකද ඕයි තමුසෙලාගෙ හවුස් එක!!?"

"මොකද්ද අයිසෙ කිව්වෙ?!" තේජාන් අයියා අතේ තිබ්බ බොක්ස් ෆයිල් එකෙන් ඒ කොල්ලට ගහන්න වගේ අත උස්සද්දි ඒ කොල්ලා පිටිපස්සට අඩි දෙක තුනක් ගත්තා.

"මොකද්ද තෝ කියන්නෙ දැන්?! අපිට කතා කරන්නවත් බැයිද තොපි එක්ක-" ඒ එක්කම ශවිරු අයියත් ඉස්සරහට ආවම ඒ කොල්ලා කටවහගෙන අහක බලා ගන්නවා මම බලාගෙන..Pussy.

"කටේ සද්දෙ අඩු කරගනින් මල්ලි හරිද? මැච් එකක් යන නිසා බේරුණා කියලා හිතා ගන්නවා. සීනියර් කෙනෙක්ට කතා කරන්න දන්නෙ නැද්ද මල්ලි උබ? කන පලනවා දැනගනින්!" ශවිරු අයියා කියවන වචනයක් ගාණෙ අර කොල්ලා ලගට යන්න ගත්තම එතන රවුමට පිරිලා හිටපු කට්ටය දෙපැත්තට වෙන්න ගත්තා.

"ඇයි තෝ ලොකුද හුත්තෝ?? ගහපන් බලන්න කැරියා-" ඒ එක්කම ශවිරු අයියගෙම වයසෙ එකෙක් ඉස්සරහට ඇවිත් ශවිරු අයියගෙ බ්ලේසර් එකෙන් අල්ලගත්තත් එක්කම ආර්යන් අයියා ඇවිත් ශවිරු අයියගෙ පිටිපස්සෙන් හිටගත්තෙ හැමෝම සයිලන්ට් වෙද්දි.