රදළ | The Kandyan Aristocrats

37

"අපේ එවුන් දිනනවා යකෝ!! තව අටයි ගන්න ඕනෙ!"

මම දැන් හිටියේ **** එවුන්ගෙ පැත්තෙ බවුන්ඩ්‍රි එක ගාව.. උන් උන්ගේ ඉස්කෝලෙ නම කිය කිය කෑ ගහද්දි මන් කරේ දිගටම ඉස්සරහ බලන් හිටපු එක..මෙතන ප්ලේයර් කෙනෙක් නොවුණානම් මම මෙළහකට ඔය පිටිපස්සෙ ඉදගෙන අපේ ඉස්කෝලෙට නොන්ඩි දාන එකාගෙ කන ගැලවිලා යන්න එකක් දීලා දැන් ඌව ගෙදර යවලා ඉවරයි. මොනා කරන්නද ඉතින් ඉස්කෝලෙ නාමෙන් ඉවසනවා ඇරෙන්න..අනික තනුජයයි නිශල්කයයි කලින් විකට් අරගත්ත නිසා මට හිතෙනවා මුන් මොකක් හරි ගේමක් ගහයි කියලා.. මොකද ****ට අද මැච් එක දිනන්න ඕන වෙලා තිබ්බ ලකුණු අටට උන්ට හරියටම තිබ්බෙ තව බෝල තුනයි..

මම මෙතන්ට වෙලා බලන් හිටියේ අර ලොකු ස්ක්‍රීන් එක දිහා.. නිස්සා උගේ ඇඟිලි අතරේ බෝලෙ කරකවන ගමන් හෙනම කැරි ලයින් එකක් **** එකේ බැට්ස්මන්ට දීගෙන හිටියේ.. ඒ එක්කම ස්ක්‍රීන් එක උඩ මතු වුණේ **** එකේ බැට්ස්මන්ව.. පොර බැට් එක පොළොවට තියලා තට්ටු කරන ගමන් එක අතකින් උගේ හෙල්මට් එක හදද්දි කැමරා එක උගේ මූණට තියලා සූම් කරපු සූම් කිරිල්ලෙන් ඌ කෙළ ගිල්ල පාරට උගේ ඇඩම්ස් ඇපල් එක ගැස්සිලා උඩ පහළ යන විදිහ අර පත ස්ක්‍රීන් එකෙන් පෙන්නුවම මට ලාවට හිනා ගියා..මොනා වුණත් කැමරාමන් හෙන කැරි වැඩක් ඒ කරේ. දැන් අද මැච් එක ඉවර වුණාට පස්සෙ මේකෙන් ටික්ටොක් එඩිට්ස් අම්බානෙකට හැදෙයි..

නිශල්කයා උගේ බොටම් එකේ කකුළක් අතින් උඩට පොඩ්ඩක් උඩට උස්සන ගමන් අනිත් අතින් බෝලෙ කරකව කව එකපාරටම ඉස්සරහට ඇවිත් බෝලේ පට්ටම ශාර්ප් කර්ව් එකකින් අතෑරියේ බෝලෙ අරූගෙ බැට් එක පාස් කරගෙන පිටිපස්සට යද්දි..අම්මට-

"ශිට්!" මට හයියෙන් කෑ ගැස්සුණා! විහඟ අයියට කැච් එක මිස් වුණා..

"****!! ****!!" මාව සීතලම සීතල වෙලා ගියා.. රන්ස් දෙකයි..තව හයයි ඕනේ.

ඒ එක්කම ආවේ තනුජයා..පොර කැප් එක දාගෙන හිටපු නිසා මූණ පෙණුනෙ නැති වුණත් ඌ දත් සෙට් එක ඇඹරිලා යන්නම දත්මිටි කනවා කියලා හක්ක හැම තත්පරේකටම සැරයක් තද වෙන විදිහට පෙණුනා..දැන් වෙද්දි මගේ පිටිපස්සෙ කෑ ගහපු එවුන්ගෙත් කටවල් මේ වෙද්දි වැහිලා ගිහින් තිබ්බෙ මැච් එකේ අන්තිම මොහොතෙ තිබ්බ ටෙන්ශන් එක වැඩි නිසා වෙන්නෝන..ඇරත් අපේ එවුන්ගෙනුත් සැළකිය යුතු සද්දයක් දැන් වෙද්දි නැති වුණත් හැම කොල්ලෙක්ම වගේ දැන් ඉන්න තැන් වලින් පැවිලියන් එකෙන් බැහැලා පහළට ඇවිත් බලන් ඉන්නෙ ග්‍රවුන්ඩ් එකට පනින්න බලාගෙන.. ඒ අස්සෙ මට අපේ පැත්තෙ දිගට එළන කොඩියත් තැනින් තැන ඉස්සි ඉස්සි පේන්න ගත්තා..එයාලා ඒ අපි දින්නොත් ඒකත් උස්සන් ග්‍රවුන්ඩ් එකට එන්න ඉන්නෙ.