රදළ | The Kandyan Aristocrats

16

"උබලා ඉස්කෝල වල එන්නෙ මේවා කරන්නද ළමයි?? වෙනදට ප්‍රයිමරි එකේ පොඩි එවුන්ගෙන් මල් උස්සන් එන උබලා අද බුදු පහණටත් තියලා තියෙන්නෙ රෝස මල්!!" මැඩම් එහෙන් දාගෙන බනිද්දි අපේ ෆුල් ෆෝකස් එක නම් තිබ්බෙ ක්ලාස් රූම් එකේ වටවෙලා දාගෙන මොනාද කියවන ප්‍රිෆෙක්ට්ස්ලා දිහාවට.. ඒ එක්කම එතනට විනයභාර රත්නායක සර් ඇතුල් වුනේ කට්ටයව ටිකක් කලබල කරද්දි..ඕක දිහා බලන් හිටපු මුලු ක්ලාස් එකටම තේරුණේ මොකක් හරි අවුලක් ගිහින් කියන එක..මොකද මෙච්චර වෙලා රවුමට වට වෙලා හිටපු ප්‍රිෆෙක්ට්ස්ලා උන්නු තැනින් එකපාරටම සඳැස් අයියයි රත්නායක සර් උයි ක්ලාස් රූම් එකෙන් එළියට ආවෙ හෙන කලබලේකින්. ඒ එක්කම පෝළිමට හිටපු අපිත් හෙමින් සීරුවෙ දොර ළගට දැනෙන නොදැනෙන ගානට ලන් වුනේ ඕපෙ අහගන්න.

"සර් අපි මේක වෙන තැනක-"

"නෑ! ඔහොම ඉන්න. මන් මේක ගැන බලා ගන්නම්- මැඩම් පොඩ්ඩක් ඇතුලට එනවද?"

"ඒ මොකද සර්?? ඔක්කොම හොඳින් නේද?? ඉන්න ඉන්න මන් එන්නම්." මැඩම් සාරි පොට කර වටේ යන විදිහට දාගෙන සඳැස් අයියා එක්ක ක්ලාස් රූම් එක ඇතුලට ගියේ ඊළඟ මොහොතෙම දොර ලඟ හිටපු කොල්ලො ටික ක්ලාස් එකට එබෙන්න කලින්ම දොර වැහිලා යද්දී..

"ඒ මේ! උබලා මොනාද ගෙනාවෙ??" අපි එක්කම හිටපු අරවින්ද් අයියා ඒ වෙච්ච දිහා කටත් ඇරගෙන බලන් ඉදලා ඇහුවම අපිත් සද්ද නැතුව බලන් හිටියේ වෙච්ච දේ හිතා ගන්න බැරුව. මොකද අපේ ක්ලාස් එකේ එවුන්ට එහෙම ලව් සීන් ඕන තරම් තිබ්බත් ඒවා මෙහෙම අහු වෙන්න කරලා පල් වෙලා නෑ..විනාඩියක් විතර ගියාට පස්සෙ ක්ලාස් එකේ දොරත් ඇරගෙන එළියට ආපු මැඩම් නළල උඩින් අත තියාගෙන හරිම අමුතු විදිහට ළමයි දිහා බලලා අන්තිමට අපි දිහා බලලා ලොකු හුස්මක් උඩට ඇදලා ගත්තම මගේ ඇසුත් ඇකලුණා.. මොකක් හරි අවුලක් තියෙනවා.

ඊළගට මැඩම්ගෙ පිටපස්සෙන් මතු වුණේ තනිකරම බර වෙච්ච මූණක් තිබ්බ ශවිරු අයියා. මොකද්ද ඇත්තටම අහු වෙලා තියෙන්නෙ?? ඒ එක්කම ශවිරු අයියගෙ ඇස් මන් ලගින් තත්පර ගාණකට නැවතිලා මගේ එහා පැත්තෙ හිටපු නිශල්ක ලගට ගියා. මම ශවිරු අයියා දිහා බලන් ඉද්දිම එයාගෙ පිටිපස්සෙන් මතු වුණු ආර්යන් අයියව දැක්කත් හරි ඒ ඇස් මාව ගිලලා දාන්න පුලුවන් තරමේ ලුක් එකක් දුන්නෙ මමත් හිතා ගන්න බැරුව එයා දිහා බලන් ඉද්දි..අඩුම අර වෙනදට දෙන නෝන්ඩි ලුක් එකත් නෙවෙයි. හරිම අමුතු ලුක් එකක් දැන් ආර්යන් අයියට තිබ්බෙ..ඒ ඇස් මගේ මුලු මූණ පුරාම වේගෙන් දිව්වෙ හරියට ප්‍රශ්නෙකට උත්තර හොයන්න වගේ..බැරිම තැන මම ඇහි බැම අකුළවලා ඔලුව යන්තමින් ඉස්සුවෙ ඇයි කියලා අහන්න..ඒත් මේ මිනිහා කරේ එකපාරටම මන් දිහා බලලා කට පැත්ත උස්සපු එක.