طـغيان إِحمِرار السآعد

بارت 20

                            طِـــغيان إحمـــرار ألســـآعد
                                  تعوفني وتكدر بدوني
                                ليش يا ثالث عيوني ....

~ شمس ~
العنود _ شمس الحكي تعاي بسرعة عشتار كعدت وابوج وامج واخوانج كلهم هنا 
سديت الخط منها ارجف باوعتلي رميم وكالت بخوف
رميم _ شكو ليش وجهج صار اصفر عشتار بيها شي صار شي
هزيت راسي بـ لا ارجف لزمتني آسيا بكل قوتها تباوعلي عيونها حمرة دم حجت بنبرة مرتجفة
آسيا _ عشتار بيها شي ؟
شمس _ لا والله مابيها شي
بقت على لزمتها تباوع بعيوني ايدي وجعتني كلش اشرتلها على ايدي وجهي احمر ضاغطة على نفسي ماريد انزل دموعي باوعت على ايدي وعافتها بسرعة دارت وجها على الجامة حاطة ايدها على شفايفها ومغمضة عينها
درت عيني عالسايق وعطت
شمس _ امشي سريع شبيك
السايق _ حاظر مدام
صار يمشي سريع واخيراً وصلنه للمستشفى فتحت الباب آسيا ونزلت عالسريع صحت وراها خايفه عليها لزمتها من ايدها ومشيت ورميم وياي رحنه للمصعد دخلنه اخذت نفس وزفرته بضيق والله اليوم اشوفكم عشتار كبالكم باوعت للبنات وحجيت برود
شمس _ ابتسموا خلي نشوفهم عشتار
رميم _ منو هم ؟
شمس _ هسه تعرفين بس ابتسموا ولا تخافون منهم
آسيا _ اسفه
درت عيني الها مستغربة شفتها تباوعلي
شمس _ على شنو ؟
آسيا _ اذيتج من لزمت ايدج
ابتسمت وشلت ايدها بستها وبست خدها وكلت
شمس _ انتِ قطعة من روحي مستحيل ازعل منج
ابتسمت وطلعنه من المصعد رحنه الغرفتها وشفت ابوية كاعد مترهي وامي كاعدة بصفه واخواني واكفين مثل الكلاب درت عيوني ما اشوف احد ورحت للعنود اللي جانت كاعدة وحاطه رجل على رجل تباوعلنه مبتسمة ابتسمت الها ورحت ابوسها وحجيت
شمس _ وينها عشتار اكدر اشوفها
العنود _ والله مادري إذا تردين اروح اسأل الطبيب بس هسه رجعت نامت
باوعتلها بخوف وحجيت
شمس _ ليش شبيها
العنود _ على كيفج يواشج راح تموتين بس انطوها مخدر مادري منوم مادري مسكن مادري شنو لان راسها يون عليها من ضربة كلبببب مسعوووور
حجت آخر كلمتين بصوت عالي تباوع الاخواني باوعلها جواد بنظرة باردة بس محمد يباوعلها بحقد وهي تقابله بنظرات اشمئزاز اجه محمد بأتجاهنا ورفع إصبعه بوجها يهدد بهمس
محمد _ اقسم بالله لو فتحتي فمج بكلمة وحدة افنيج من الوجود
ضربت ايده منزلة اصبعة وكفت مقابيله احجي بحدة وكره
شمس _ آخر واحد يحجي انتَ اششش صوتك ماريد اسمعه اقسم بالله إذا ما ندمتك على وجع اختي ما أتسمى شمس هاي إذا هي عافتك بحالك بعد سوايتك المصخمة مثل وجهك والقرآن بس تكعد عشتار إلا احجي كل شي الها وعود بهذاك الوقت ارفع ايدك وهدد إذا بيك رجولة
فتح عينه بعصبية كور ايده يريد يضربني ما احس غير اجه بطل مي متروس على ايده بعدها باوعت شفت مشعل واحد وياه اتوقع نفسه الملثم لان نفس الجسم اجه بأتجاهنا وضربة مشعل على صدره يحجي
مشعل _ صاير رجال ؟
باوعله محمد بأندهاش وعينه على ايد مشعل اللي ضربته وعلى صدره بحركة سريعة لزمه من قميصه ومشه بي للحايط دفعه وصار وجه بوجهه ثنينهم لازمين بعض منظر يقشعر الابدان صاح محمد بعصبية الارض يرجف
محمد _ اسمع لككك بالعظيم بالعظيم إذا تقربت من اختي مرة ثانية إلا اخلي طلقة براسك واخلص منك فهمت يا ابن الكلببببب
ضربه مشعل بوكسي على وجهه ورجع لزمه من هدومه ومحمد وجهه احمر دم من العصبية والضربة لازمه من ملابسة منظرهم مرعب عاط مشعل بكل قوته كلام صدمني وصدم البنات
مشعل _ ولك مو انتَ اللي تحدد شسوي انا اللي اسوي ماااااالك علاقة بي اسأل نفسك ليش قبل سنوات حبيت وحدة وتوفت وما قبلت تزوج لحد الآن هاااا احجيييييي ليش ساكت احجيييي من يمك غفور رحيم ومن يمي شديد العقاب يا ابن الك...
محمد _ انجببببب هاي القضية مالك علاقة بيهااا افتهمتتتت لو لااااا ما تخصككك منو انتَ وتحبببب اختيييي فاااشل
مشعل _ لاااا اشووو تخصنيييي والييي علاقة بيها ما دام دخلت بشي يخصني حبي الاختك تتقبله وغصباً على راسككك وراسس الخلفككك ولككك امرعدك تمرعد امسح بيك الكاع يا عديم الشرف تضرب اختك وهيييي تخصنيييي إذا ما أزين شواربك بنعالها ما يطلع اسمي مشعل ابن الزنااااا
ركض هذا الملثم فوك ضهر محمد يضرب براسه يصيح
الملثم _ حسسسس بوجعهاااا يا قندررررة يا عااااار اليووووم اشعل ابووو ابوووك السكطططط ابن السكط
ركض جواد يضرب بي وشلون ثنين اخواني واحد اعرض من الثاني ضخامتهم تخوف إيدهم ثكيلة تسطر سطر صاح ابوية على Body Guard لزموا مشعل واخوه يطلعوهم ما تحملت ابقه ساكته باوعت على رميم وغمزتلها وهي غمزتلي وراحت عطت بكل صوتي اوكفهم
شمس _ اووووكف وين ماخذيهم
التفت ابوية واخواني نطت عيونهم يباوعون بشر ابتسمت برود اباوعلهم رحت امشي بطيء مريت من اخواني اغني بصوت ناصي مبتسمة
شمس _ نحن لا نهزم ومنا عطاء الدم سقا نخلة الصبر رغم ريح الهم شراع الآباء يمم إلى ضفة النصر نحن لا نهزم ومنا عطاء الدم سقا نخلة الصبر رغم ريح الهم شراع الآباء يمم إلى ضفة النصر
مشيت اكمل الأغنية إلى ان وكفت مقابيل ابوية اباوعلة حجيت بصوت حاد
شمس _ تريدهم يطلعون من المستشفى ولدك يطلعون وياهم تريد ولدك يبقون هم راح يبقون
رفع حاجبه يباوعلي برود حجه برود
عبدالله _ اني عبدالله محمد سلمان عبد الرحمن امشي بكلامج ؟
هزيت راسي بـ اي مبتسمة تقربت اكثر حطيت عيني بنص عينه اباوعله بحدة حجيت بهمس
شمس _ اي راح تمشي بكلامي او تريد فضايح اخوانك يصيرون سوق شعبي ؟
فتح عيونه يباوعلي لزمني من ايدي بكل قوته وقربني اكثر عطره دخل بخشمي كفخني همس بأذني
عبدالله _ شمس خلي النفس عليج طيبه لان يصير مصيرج مثل عشتار
ابتعدت عنه مبتسمة باوعت على Body Guard وحجيت بأمر
شمس _ عوفوهمممم
باوعوا على ابوية اشرلهم بالموافقة عافوهم ورجعوا وكفوا بضهر ابوية باوعلي ابوية برود ما مهتم
عبدالله _ هاي المرة راح امشي تهديدج بمزاجي مرة ثانية يصير شي سيئ تمام
ابتسمت بأستهزاء وهزيت راسي حط ايده بجيب سترته وطلع فلوس حطهم بيدي وعدل سترته يريد يروح باوعلي وكال
عبدالله _ هاي فلوس واذا تحتاجين بعد كولي
ابتسمت واني اباوع على الفلوس رفعت راسي باوعتله وحجيت بخيبه
شمس _ طول عمرك ظالمها حتى وهي بين الحياة والموت عايفها ورايح الشركتك ما تعبت نفسك وبقيت على الاقل تتحمدلها بالسلامة اني وخواتي ما حسينه بغيابك ولا يهمنه لان بنتك الكبيرة كفت ووفت خسرت صحتها خسرت عافيتها خسرت روحها خسرت ضحكتها خسرت حبها علمودنه احنه بناتك وعلمود ولدك كل هذا ما وكف بعينك
عبدالله _ شنو تردون وفرتلكم فلوس شكد تحتاجون تأخذون قصرت في شي ؟
شمس _ الفلوس مو كل شي انتَ وعمامي واي احد يشبهكم هم ذوله اللي غركوا الناس بيديهم كطعوا الراس
عبدالله _ بابا شمس لا تنسين اني ابوج والاهم لا تنسين اني عبدالله محمد
عافني وراح ابتسمت ما يفيد لو شنو يصير ما يفيد ثواني واجه امجد يركض وجهه احمر ركض على محمد وسأله خايف
امجد _ ها شلون صارت شبيك صافن احجييي
محمد مو يمه يباوع على مشعل بحقد وهو كذلك التفت امجد لو عينه كبت بيهن نار دمارات ايده طلعت كلهن ركض بكل سرعته على مشعل يضاربون ومحمد وجواد وياهم عالواهس وهذا اللي ويا مشعل يضرب بكل حيله ضخامتهم كلهم مرعبة باوعت على آسيا تباوعلهم وتهز بأيدها ركضت عالسكرتيرة اللي تشاهد بصدمة
شمس _ رجاءاً مو وكت صفنات نادي على الأمن على الحراس اي شي خلي يفاككوهم
هزت راسها مرعوبة ونادت باللاسلكي اللي بخصرها ثواني ودخلوا حراس يفاككون وما يكدرون كل ساع واحد طافر منهم الصياح والسب بفلس ثواني ودخلوا ضباط صاح ضابط من بينهم بعد ما بعدوهم عن بعض
الضابط _ شنو هالمهزلة ما تكولون اكو ناس مرضى ناس تعبانة هالمهزلة تسويها بالشارع مو بهالمكان
امجد _ ولك تعرفنه احنه منو وتهدد
محمد _ انتَ بكلمة مني نجماتك بالقندرة تنداس ما تعرف ويا منو دتحجي
الضابط _ لك قشمر منو ضاحك عليك وكالك الدولة تمشي بكلام ابن نائب او ابن عقيد ابن مدير ابن وزير منو ضاحك عليك
محمد _ اني محمد عبدالله محمد سلمان عبد الرحمن عرفتني لو بعد ؟
سكتوا الضباط يباوعون البعض فآجأنه صوت آسيا بكلامها اللي صدم كل الموجودين
آسيا _ سلام عليكم حضرة الضابط وياك آسيا عبدالله محمد سلمان عبد الرحمن للأسف اصير اخت هذا الواكف كدامك يتباهى بنسبه واصله وأجداده يا حضرة الضابط اني اخوية متهم بعدة اتهامات منها الاعتداء على المواطنين او الاعتداء على شرطي المرور او مخالفته الدائمة للسير وللاسف هذا اللي بصفه يصير ابن عمي وهو متهم بقضية مخدرات وتحرش واغتصاب ودخول أماكن غير شرعية ولا مسموحة لا دينياً ولا قانونياً ولا شرعياً ولا يقبلها الدين والقانون والعقل والعاقل والمنطق ولا حتى التخلف يقبلها
ساكتين كلهم واني مبتسمة مكتفة ايدي اباوع على صدمتهم اجه صوت كعب رن بالمستشفى رن وكفت بصفي وحجت بصوت حاد
رميم _ وياك رميم عبدالله محمد سلمان عبد الرحمن إضافة إلى كلام اختي اخوية محمد هم متهم بقضية مخدرات ودخول أماكن غير لائقة غير أنهم كانوا يعنفون اختي الكبيرة وأكثر من مرة دخلوا بنات بملابس مخلة للبيت وهذا من تحت تخطيط امجد ابن عمي اللي بصراحة اتقزز اكول ابن عمي المهم كتلك من تحت تخطيط ابن عمي حتى يخلي اختي تشوف اخوها بهالشكل المقرف