طـغيان إِحمِرار السآعد

بارت 7

   
          ‎    طِـــغيان إحمـــرار ألســـآعد

        ضميـتك بكلبي أحميك من العيون وانتَ طلعتني من كلبك مهموم
                                ميخالف لأجل عيونـك تمـون

~ عشتار ~
باوعلي وحجه كلام صدمني وصدم عيشتي كلها
عبدالله _ معناها انتِ هم وره سالفة الحريق شنو تستفادين من حركتي بيوتهم والشركات تعرفين شنو من خسارة راح تصير علينه
باوعتله بصدمة مو طبيعية اني ماحركت بيوتهم ولا اجيت يمهم حتى صح حركت شركة بس مو شركاتهم كلها
عشتار _ لحظة لحظة اول شي ما اجيت يم بيوتهم ولا شركاتهم بس البيت اللي يردون يحركون بي اخوية شنو متوقع اعوف اخوية الهم بايعته لو ما اريد اخوية ؟
باوعلي بعصبية الارض وكال
عبدالله _ طبه مرض يحركونه يذبحونه ما يهمني محد ضربه على ايده وكال اتمرد على أبناء محمد سلمان
ما انصدمت ما يهمه كل شي أولاده مرته حياتنه كلها ما تهمه
عشتار _ بابا اني مو مضطرة ابرر كتلك الشركات مجايه يمهم ولا حتى بيوتهم تصدك ماتصدك ما يهمني
كام من مكانه جرني من ايدي بكل قوته حسيت ايدي راح تنكسر يمشي بيه بسرعة كل ساع اوكع يلزمني يكومني اول مرة هيج يسوي وياي جرني جر صعدني بالسيارة او بالأحرى شمرني وصعد حجيت بعياط
عشتار _ ما اسمح الاحد يعاملني بهالطريقة البشعة اني مو وحدة من بنات اخوانك ركز اني عشتااار
باوعلي وجهه راح يطك من العصبية حط ايده على حلكه بعلامة اششش سكتت اريد اشوف شنو براسه السايق يرجف من عصبية ابوية اللي كل ساعة يصيح
عبدالله _ سريييع
السيارة راح تنكلب بينه من السرعة وأبوية ميباوعلي سكتت عباله اخاف ما يدري تعودت وصلنه مثل الكراج نزل لزمني جرني وكعت على الحجار روحي فرفحت بس سكتت اريد اضم كل هذا بگلبي اريد حقدي يزيد
طلعنه من الكراج انصدمت وعيوني رادت تطلع واني اشوف الشركة متفحمه ودخان يطلع منها والعالم واكفه تباوع على الشركة ويحجون والشارع فارغ مابي ولا سيارة لزمني ابوية يجر بيه وصلنه النص الشارع باوعلي بحدة وكال
عبدالله _ هاي حركتيها مو ؟
باوعتله برود ما يهمني شيسوي خلي يسوي وهزيت راسي بـ لا باوعلي بعصبية والناس تباوعلنه متعجبه من لبس ابوية وشكله اللي يوحي انسان يرعد رعد فلوس اجه رجال كبير بالعمر يحجي ويا ابوية
الرجال _ شلونك ابو محمد هاي شصاير بالشركة الله يعوضكم
باوعله ابوية وكال بعدم اهتمام
عبدالله _ هلا ابو داوود عادي مو مشكلة ارممها
باوعله منصدم ابتسم ودعه وراح باوعلي أعصابه راح تنفجر وهو يكول بهمس
عبدالله _ آخر عمري اصير محط شفقة من وره خباثتج
باوعتله بعصبية وحجيت بصوت عالي
عشتار _ مالي دخل إذا اعدائكم هواي العن ابو الشركة لأبو ساسها وماكو احد خبيث غير اخوانك
ضربني بكف ايده على حلكي شاطت روحي جرني وهو يكول
عبدالله _ فضيحة لعنة الله عليج اصبريلي اليوم اشوفج اللي ماشفتي
اريد أوخر ايدي منه ما اكدر ابوية صاحب عضلات هو واخواني ضربتهم تكسر العظم بس ما اريد أبين نقطة ضعفي حتى لو اموت من الضرب ما انزل راسي او انذل وهذا اللي يخليهم يشيطون من يشوفوني دفعني على السيارة والسايق يسوي روحه ميشوف خايف لزمني من هدومي يعت بيه صعدني بيها وهو روحه تفرفح حجيت بعياط
عشتار _ اللي يسمعك يكول شغلكم حلال وهيج ضايج كله حرام وبوك ونهب وبعدين فلوسك مو بس تصرفها على النسوان رمم بيها
رفع ايده يريد يضربني لزمت ايده وحجيت
عشتار _ كافييي لحيت هواي اليوم واني ساكته وأكول ميخالف تره وصل حدي وياكم والله اسبيكم سباية أخليكم تمشون وتتلفتون
باوعلي بصدمة عيونه تنتقل من وجهي الأيدي اللازمة ايده جر ايده مني بكل هدوء وكال بصوت بارد بي حدة كأنوا ناوي على شي
عبدالله _ ترفعين ايدج بوجهي ؟ تلزمين ايدي ؟ تهدديني ؟ ماشي عشتار تمام
سكتت عباله اخاف ما يدري الخوف محيته من حياتي للابد حطيت رجل على رجل اباوع من الجامة وصلنه المكان مهجور بي فقط بيت عرفت على شنو ناوي سكتت نزل من السيارة يعدل بالبدلة مالته وهو يكول بكل هدوء
عبدالله _ نزلي
باوعتله برود وحجيت باستفزاز
عشتار _ واذا ما نزلت
باوعلي وكال برود كأن يعرف راح أوافق
عبدالله _ خواتج إذا ما يصير بيج يصير بخواتج شتكولين ؟
ضحكت وحجيت
عشتار _ خواتي محد يكدرلهن لا تنسى اني اللي ربيتهم ثاني شي راح انزل بس لا خاف عبالك خايفه منك لو عرفت نقطة ضعفي لا لا باباتي بس اريد حقدي يزيد ويزيد علمود من ابتلي بيكم ما اتندم
بدون ما اسمع رده نزلت من السيارة رافعة راسي امشي بأتجاه البيت دفرت الباب ودخلت دخل وراي مبتسم
عبدالله _ طلعتي قوية
ابتسمت بس بدون روح وحجيت
عشتار _ هستوك عرفت
باوعلي وهز راسه كعد على الكرسي مقابيلي يباوعلي بصمت عرفت غايته يريد يوترني بالمقابل كعدت رجل على رجل ابتسم بوجهه قرب لزمني من ركبتي من وره وقرب راسي عليه يحجي بتوعد
عبدالله _ هذا اليوم مستحيل تنسي بابا
حطيت عيني بنص عينه وكلت
عشتار _ اني اللي راح تهدمكم هدم تفركم فر اطمكم طم ما عاش اللي يفكر انزل راسي اله او انذل
هز راسه وعاف ركبتي رجعت راسي مبتسمه راح كعد على التخم بكعدته المعتادة اجه الحارس همس بأذنه وهو اشرله طلع الحارس شويه وشفت ولد عمامي واخواني كعدوا على الاتخمة كبالي ضحكت بكل قوتي عيوني دمعت باوعت على الآكبر اللي يباوعلي وحجيت بضحك
عشتار _ ما انصدمت ابد ابن منو عمامك منو اهلك منو عشيرتك منو شتطلع بيك خير مثلا
ساكت ما نطق بحرف باوعلي اشهم ابن جاسر
اشهم _ كلبي مورم منج شكد انتظرت هذا اليوم
باوعتله بقرف وحجيت
عشتار _ اسكت لك المعفن روح اسبح مو ريحتك ريحة زفر ابن الماسوني
شفتهم فاتحين عيونهم على وسعها ضحكت وحجيت
عشتار_ ها بابا ما تدري اخوك وابن اخوك المعفنين عبدة شيطان رجيم
باوعلي اشهم يضغط على ايده المليانة وشوم ملامحة مختفية من الوشوم
اشهم _ انتِ اول قُربان صدكيني نهايتج على ايدي
عشتار _ دولي لك المقرف نهايتج على ايدي ياريت لو ايدك حلوة اشو ايد الحيوانات طيح الله حظك وحظ شيطانك
وجهه انكلب احمر روحه تفرفح كام يكسر ويعيط تحت أنظار الكل مصدومين من ردة فعله عبالهم اكذب
أشهم _ لا تكولييييييين لا تحجيييييين اسكتيييي اخخخخخ اسففف ما اقصددد اخخخخخ لج اسكتييييي اووووووففف
باوعتله مبتسمة
عشتار _ أعوذ بالله من الشيطان الرجيم
حجيت هيج لو هذا مات يشيل روحه ويركعها بالكاع يركع راسه بالحايط يعيط باوعت على ابوية المصدوم يباوعلي ويباوعله اخواني مصدومين
اجه يركض عليه حجيت بصوت يريح القلب
عشتار _ اللهُ لَآ إِلَـٰهَ إِلَّا هُوَ الحَيُّ القَيُّومُ لَا تَأخُذُهُ سِنَةٌ وَلَا نَوم لَّهُ مَافي السَّمَـٰوٰتِ وَمَا في الاَرضِ مَن ذَا الَّذِي يَشفَعُ عِندَهُ إِلَّا بِإِذنِهِ يَعلَمُ مَابَينَ أَيدِيهِم وَمَاخَلفَهُم وُلَا يُحِيطُونَ بِشَيءٍ مِن عِلمِهِ إِلَّا بِمَا شَآءَ وَسِعَ كُرسِيُهُ السَّمَـٰوٰتِ والأَرضَ وَلَا يَئُودُهُ حِفظُهُمَا وَهُوَ العَليُّ العَظِيمُ
طول ما اني كاعد اقرأ هو يرجف يرعش رعش دمارات ايده وركبته طلعت بقه واكف مكاعد يكدر يتقربلي اتجهت نظراتي الأبوية ابتسمت بأنتصار وهو يباوعلي مصدوم مكاعد يستوعب باوعت على أشهم بكره وحقد وقرف ودفرته على بطنه خليته ينام بالكاع رحت كنبصت كباله اباوعله وهو يرجف ميباوعلي
حجيت بصوت عالي
عشتار_ اسمعني يا ابن الماسوني وعد مني إلا اقضي على هالعائلة الزبالة والله ثم والله واللي خلق السموات والأرض واللي طرد ابليس من جنات النعيم واللي يغفر الذنوب واللي يخلق النفوس وحق أسماء الله الحسنى اله امحيكم محي وانتَ عايش واني عايشة ماطول هالنفس يصعد وينزل بيه اوعدك اسويلك بلوك من الحياة مو لان أكرهك بس لان الدين الإسلامي يأمر بالنظافة يا عبد الذليل وانتَ المذلول
يرجف يرعش يحرك براسه صار يضرب راسه بالكاع يعيط
اشهم _ كافييييييييي
اجه اخو لزمني من ايدي انطاني راشدي احس وجهي نصه راح باوعتله وانطيته راشدي رن بالمكان رن باوعلي مصدوم وهو شلون خايس مثل اخو وانكس لزمني من ملابسي ركعني بالحايط شاطت روحي ضربته بفكه راشدي صلخته صلخ لزمني ركع راسي بالحايط حسيت نظري غوش بس اتماسكت كورت ايدي بكل قوتي وانطيته لكمة بنص وجهه فرفحت روحه لزمته من شعره وركعت راسه بالحايط كام يفرفح يشيل روحه ويركعها بالكاع حجيت بـ لعبان نفس
عشتار _ تفففف عليك وعلى رجولتك وعلى جهرتك الزفرة وعلى شواربك الخايسه يا كلب يا ابن الكلب
كام اخوية لزمني يجر بيه واني اضرب بيده واخرمش دخلني الغرفة فارغة شمرني بالكاع يحجي بأعصاب
محمد _ ولج انتِ شنو منينننن مخلووووقة شنو من صلافة وعرااامة متكوليلييي
كمت برود وحجيت بكل هدوء
عشتار _ شايف اللي بره كلهم ميحبوك حتى ابوك مايحبك وداعت خواتي ما يحبونك حتى امي ما تحبك تتوقع اللي يعلمك على المعاصي والنسوان والشرب والمخدرات ولعبان النفس والعربدة تتوقع هذا يحبك زين معقولة نسيت كل شي اني سويته اني اصغر منك ومن جواد ومن الاكبر بس كلكم ربيتكم وتعبت وحيلي نهد علمودكم هيج تجازوني
كعدت بالزاوية وهو يباوعلي ساكت
عشتار_ ما غزر بيك اي شي اني سويته تحملت اللي مايتحمله بشر علمودكم ابوية إذا يريد يضربك جنت اوكف بوجهه واني انضرب حتى انتَ لا تتأذى وهسه انتَ صرت سبب اذيتي تريد تضربني حتى همَ يرضون واني طفلة اوكف بوجه عشيرة علمودكم خلوك تنسى اني اختك وتعاملني معاملة العدو ليش بشنو احسن بنات الملاهي وتعاملهم احسن مني
باوعلي ساكت نزل راسه وطلع سد الباب صفنت على حظي شكد صبرت وتحملت وشلون الزمن جازاني راح تفكيري على خواتي كلبي طك ياربي دخيل اسمك ساعدني خواتي إلا خواتي يارب خواتي بحمايتك ياربي ساعدني انطيني حيل اسند روحي واسند خواتي بي فزيت من صفنتي على فتحت الباب دخل ابن عمي امجد وهو يكول بحقارة الكون
امجد _ اجه الوقت الاخذ بي حيفي منج
تفيت بنص وجهه مسح وجهه وضحك
امجد _ عسللللل معسللل
باوعتله بقرف وحجيت
عشتار _ لأنك مازوخي
باوعلي وهو يفتح قميصه كال
امجد _ اليوم اتونس خوش ونسه
ضحكت بكل قوتي احس قوة عجيبة رجعتلي وحيلي رجع أقوى من قبل
عشتار _ ما عاش ولا نخلق اللي يتونس براسي أصحى من أوهامك وشوف وركز اني مو اختك اني عشتار
ضحك وكال وهو ينزع قميصه
امجد _ اي خلي نشوف عشتار بس شنو هاي عشتار عسل عادي اضوكه
باوعتله وضحكت
عشتار _ اي عادي تفضل
ضحك وتقرب عليه صار بينه مسافة شبر دنك راسه عليه ابتسمت وبعدت راسي باوع بعيوني وهو يكول
امجد _ لا تعذبيني اريد أضووووك
ضحكت وكلت
عشتار _ يلا ضوك
دنك راسه يباوع على شفايفي ابتسمت وانطيته دفرة بمصدر رزقه خليته يفرفح حجيت بعياط هزيت المكان هز
عشتار _ ابن المعفنننننن انيييي هييييج تسويييي وياييي ابن الماااعرفت تربيييك العنن ابوكككك لابووو الجاابك يا زبااااالة
باوعلي عيونة رادت تطلع من مكانها لزمني من شعري يعيط لزمته من شعره اسحل بي ويسحل بيه جريت شعره انطيته راشدي بردت كلبي ضربني بوكسي بطني فرفحت روحي انطيته بوكسي على حلكه عاف شعري وكام يكح اباوع طلع دم من حلكه اجه عليه مثل الثور الهايج جتف ايديناتي بأيد وحده والثانية صار يضربني بيها يعيط بكل صوته
امجد _ بنت الكح.. انتِ ضربيني اليوم إذا ما اطيييح حظج اطلع عااار عالزلم اصبريلي
روحي راحت من الراشديات قربت راسي هستوه يضربني وضربت راسي براسه بكل قوتي ضربته دفرة بطنه كعدت فوكاه اريد ابرد كلبي ضربته راشديات لحد ما كلبي برد عفته فتحت الباب شفت الكل كاعد عينه عالباب
شافوني وانصدموا شلون طلعت رافعة راسي ما يهمني الدم اللي ينزل على وجهي وعيوني الحمرة وخشمي اللي ينزف باوعت على ابوية واخواني
عشتار _ عمري ما راح أسامحكم ويوم الحساب إنتوا اول خصومي عند الله وربي وربي لو بينكم وبين الجنة مسامحتي الله لا يسامحكم
باوعت على السايق اللي واكف يتفحص وجهي بصدمة حجيت برود روحي تبلدت بردت روحي ماعندي ردة فعل على اي شي
عشتار _ جيب المفتاح
انطاني المفتاح بدون كلام عفتهم وطلعت من البيت فتحت السيارة ومشيت رحت على اي مضمد شفته كدامي دخلت باوعلي المضمد مصدوم بس سكت خلصت وطلعت روحي فرفحت على خواتي اريد اروحلهم اريد انام بحضن وحدة منهم اريد ارتاح اريد أشوفهم سقت السيارة امشي عالسريع بس اريد اوصل 
وصلت للبيت دخلت ركنت السيارة دخلت اركض صعدت فوك دخلت الغرفتي شفتهن كاعدات راحة وسرت بروحي سديت الباب وكعدت بالكاع على ركباتي اجوي يمي فتحت ايدي حضنوني بكل قوتهم ما اريد اعوفهم ابد ابد
بست راسهن كلهن وما كاعد ارتاح وخرتهن من حضني وحضنت شمس بالاول ابوسها واحضنها بدون كلام اريد اشبع من عدهن بستها بعيونها واجتي رميم حضنتني بكل حيلها تبوسني بركبتي تشم بيه بستها بعشوائية اباوع الوجهه وارجع احضنها اريد اطمئن خواتي يمي وخرت رميم ورحت على آسيا حضنتها بكل قوتي وهي تبوسني بركبتي وبخدي ضمت راسها بركبتي تشمني وتبوسني اخذتهم وكعدت بنص السرير ضميتهن الصدري اريد اشبع من عدهن
وخرت شمس كعدت كدامي تحجي بخوف
شمس _ عشتار امي شبيج ليش هيج راسج وخشمج
باوعتلها وابتسمت بحنيه
عشتار _ يا حلو هالكلمة منج امي
وخرت رميم من حضني بقت بس آسيا
رميم _ عشتار لا صدك شبيج ليش هيج راسج احجيلنه
باوعتلهم وتنهدت بتعب روح وحجيتلهم كل شي من سمعتهم لحد هسه باوعتلهن مصدومات حجت شمس بزعل
شمس _ وليش ما حجيتي هيج احنه بنظرج أطفال
باوعتلهم وهزيت راسي بـ لا
عشتار _ لا مو أطفال بس ما أريدكم تعبون اني من الهوا الطاير اخاف عليجن مو عاد عشيرة كاملة اني عايشة علمودكم عايشه علمود اكبركم وافرح بنجاحكم اريد أطلعكم من الاوائل أريدكم تصيرون احسن مني ماريدكم تحتاجون احد
باوعتلي آسيا ورجعت راسها على صدري باست ايدي وهي تكول
آسيا _ انتِ مو بس اخت انتِ ام وأب وأخ واخت وصديقة وعمه وخالة وسند وضهر وقدوة وكل شي بالنسبة النه لا تخلينه هيج إذا صار بيج شي احنه وين نروح وشلون نعيش لا تضمين علينه حبابه اروحلج فدوة انتِ دائماً توفين بوعدج ليش ما وفيتي هسه مو وعدتينه تخلينه ايد بأيد ونتشارك بكل شي لا تخافين علينه مو تكولين وراي ذيبات على أختهم خلينه مرة وحدة نتشارك لا تروحين تحاربين واحنه كاعدات
دنكت راسي بست ركبتها وشميتها روحي تلوب عليهن حجيت
عشتار _ اخاف عليجن والله صعبة عليه ما اكدر
باوعتلي رميم وحجت
رميم _ وعد ندافع على نفسنه لا تخافين ما راح يصير شي إلا بأذن الله
باوعتلهن مع انو صعب عليه بس هزيت راسي باوعتلي شمس وكالت
شمس _ حوليلي كل فضايح عمامي
باوعتلها وهزيت راسي
عشتار _ جيبي تليفوني وحاسبتي
راحت جابتهم فتحت الحاسبه حولتلها كل الملفات
شمس _ انتِ عندج بس نسخة وحدة
ابتسمت وحجيت
عشتار _ اختج ما تعبر عليها شي نسخة يمي ونسخة يم العنود ويم اخو العنود
ضحكت وكالت
شمس _ ذكائج مو معقول
ضحكت لزمت وجها بثنين ايدي وبستها بخدها باوعتلي آسيا بزعل وغيره
عشتار _ يمه يمه الغيران اروح فدوة لوجهج تعالي امي انتِ
حصرت روحها بحضني مجلبه بملابسي حطت راسها بركبتي باستني ونامت على صدري وتباوع على البنات تسويلهم حركة موتن قهر ضحكت والبنات ضحكن رحت سبحت وبدلت ملابسي ظفرت شعري شفت البنات طالعات وبس آسيا باقيه ابتسمت وهي ضحكت بفرح رحت عليها حطيت ايدي جوه راسها حطت راسها على صدري كالت
آسيا _ الله ريحتج تخبل
ضحكت وبست راسها
عشتار _ انتِ هم عُطرج يجنن
كالت وهي مغمضة عينها
آسيا _ احبج كلش هواي احبج تصبحين على اخير
بست خدودها وكلت
عشتار _ وعشتار تموت عليج
نامت واني بقيت افكر همزين باجر ماكو دوام نمت بدون ما احس فزيت على صوت التليفون يدك الساعة 3 وربع باوعت لكيت البنات نايمات كلهن يمي فتحت التليفون انصدمت واني اسمع احد يشهك انصدمت حجيت راسي يوجعني
عشتار _ "منو "
سمعت شهكة تشك الكلب
عشتار _" منوو"
حجه بصوت خشن بي بحه مال بجي
الشخص _ مشتاقلج
عرفته من اول حرف هذا الروح تلوب عليه حجيت بصوت هادي
عشتار _ "راح تتعود "
مشعل _ " مستحيل "
سكتت مادري شحجي
مشعل _ " عليج الله بداعت خواتج ابقي وياي لا تقفلين الخط ابد "
حجيت مترددة
عشتار _ " ما اكدر "
كام يشهك كلبي تفتت
مشعل _ " اني اللي ما بجيت بموت أحبابي بجيت على فراكج "
حسيت روحي انسحبت مني
عشتار _ " خلص راح ابقه وياك بس لا تحجي "
سكت واني سكتت عفت التليفون جوه المخدة ونمت كعدت الصبح باوعت على البنات احجي
عشتار _ الكسولات يلا كومن يلا وين الحماس ها رميموا شميسه آسياوتي كومنننن
كومتهن ورحت سبحت وبدلت ظفرت شعري وطلعت اغني أغنيتي
عشتار _ نحن لا نهزم ومنا عطاء الدم سقا نخلة الصبر رغم ريح الهم شراع الآباء يمم إلى ضفة النصر
خلصت اخذت التليفون شهكت بصدمة واشوف الخط مفتوح سديته أتنفس بصعوبة تنهدت ونزلت اجتي العاملة كالتلي
العاملة _ مدام اكو رجل بره يريد انتِ
باوعتلها وهزيت راسي دا اطلع من الباب الخارجي كالتلي
العاملة _ لا مدام منا
اشرت على باب المطبخ اللي يطل على الحديقة الباب الخارجية طلعت رحت للباب الخارجية استغربت واني أشوف ماكو الحراس طلعت بالباب باوعت يمين ويسار ماكو احد
اريد ارجع للبيت حسيت روحي انسحب ونظري صار يختفي ....؟؟

                                          يتبع
                               طهر لسانك بذكر الله
                                     سبحان الله
                                      الحمدلله
                                   لا اله إلا الله
                                      الله اكبر

شنو توقعاتكم شصار بعشتار ..؟؟؟؟