طـغيان إِحمِرار السآعد

بارت 14

                               طِـــغيان إحمـــرار ألســـآعد
                             تعبان والتعب يشهد روحي تعبانه
                            ودكات كلبي متعوبه والتعب يشهد

~ عشتار ~
سديت الخط ارجف ماعرف شنو شسوي بقيت شويه صافنة افكر بعدها قررت اروح واللي يصير يصير اريد افهم شعوري تجاه هذا الانسان احبه لو أكرهه لو معجبه بشخصيته ورجولته لان ممتوفرة بهاي العائلة الخايسة اتذكرت كلام عمي جاسر توعدت الهم بداخلي والله ضامتلكم سبرايز اله اسود عيشتكم قطع حبل افكاري دخول محمد كعد كدامي يباوعلي بنظرات غريبة ولأول مرة احس ما فهمت نظرات اخواني ركزت بعيونه شفت نظرات شك تنهدت وحجيت بهدوء
عشتار _ خير ؟
حسيته انصرع كام ونتفض تقدم يمي ثاني رجله كعد كبالي خله ايديناته على ركباتي مثل المتكتف باوعتله يباوع بنص عيوني بشك اول مرة اشوف هالنظرة اول مرة من بعد سنوات باوع لعيوني تنهدت بتعب
عشتار _ شبيك محمد
رفع إصبعه بوجهي وحجه بحدة وتوعد كأن قاصد يذكرني بالماضي
محمد _ عشتار لا تنسين اني محمد ابد لا تنسين انتِ مو بكدي لا تلعبين بالنار لان راح تحركج وتشوهج لا تنسين اني اللي ربيتج يعني اعرفج كلش زين انتبهي التصرفاتج
باوعتله بحدة واني ممصدكة اللي اسمعه لزمت إصبعه بكل قوتي ونزلته باوع بعيونه حجيت بقوة اهمس
عشتار _ اولاً مو انتَ اللي ربيتني اني محد رباني اني ربيت روحي وربيتكم وربيت خواتي ونكسر ضهري وسهرت عيوني علمود أشوفكم مرتاحين وسعيدين آخر شي جنت اتوقعه تجازوني بهاي الطريقة اللي اقل ما يقال عنها حقييييرة وغدارة
ابتسمت وسكتت رجعت اصبعه وأيده بكل هدوء وكومته واني اعدل بقميصه مبتسمه بخيبة
عشتار _ نسيتكم تبريت منكم من اليوم الشفتك بين البنات من اكثر يوم احتاجيتك بي وانتَ حاير بالشرب والبنات واني كاعد اصارع واحارب حرب واني طفلة علمود أحافظ على ما تبقى من نفسي انتَ متت من يوم ضربت راسي علمود هذا الحيوان امجد من يوم اللي كمت تضربني وما تراعي اني طفلة ما راعيت كل شي سويته شلون جنت انضرب علمودك شلون جنت اكذب على ابوية وامي وعمامي علمود ما يضربوك انتَ متت متت متت

سكتت اباوعله ماكو ردة فعل عبالك جليد ما يحس بأي شي بس اعرف من داخله ضعيف وطفل محتاج حضن امه محتاج احد يلمه من هالدنيا بس والله ماكدرت احضنه ماكدرت أتقرب منه تمنيت احضنه وأبرد كلبي وكلبه تمنيت أذب روحي عليه مثل ما جنت صغيرة وارتاح من همي تمنيت انام بحضنه مثل قبل ويطبطب على كتفي تمنيت احط راسي على صدره مثل قبل واشكيله شكد تعبانه ببعدهم عني
محمد _ عشتار حتى لو نسيتي اني اخوج ما اسمحلج تنزلين راس العائلة والله ثم والله إذا سمعت حجايه وحدة عنج امحيج محي واني اللي اطم عارج فهمتي لو أعيد ؟
لأول مرة سكتت ومارديت حسيت اريد اكتم بداخلي لحد ما انفجر وافجرهم وياي ابتسمت بوجهه عفته ومشيت اريد اطلع حسيت احد سحبني من ايدي
محمد _ منو اللي تحجين وياه ؟
فتحت عيوني بصدمة وسحبت ايدي منه بقوة رفعت ايدي بوجهه وعطت بكل صوتي
عشتار _ اني عشتاااار لاااا تنسسسى ولا احددد ينسسسسى انييي منووو تتوووقععع كل البناااات نفسس اللي تعرفهمممم انيييي اشرررف منك ومن عمامك الوسخين بريء الشرف منكم مالكم بالشرف نصيب إلا اني اشرف من الشرف يا حيوان خلي أذني تسمعك تكول هذا الحجي إلا اطمك طم طم وافرك فر أخليك دايخ بزمانك يا سكييييييييييير
انصدمت من روحي شلون نطقت هاي الكلمة وهو مصدوم موسع عيونه حسيت وجهي طار الغير اتجاه من قوة ضربته الي احس روحي تنشال وتنركع باوعتله ردت أضربه لزم ايدي رفعت ايدي الثانية هم لزمها باوعت بعيونه وابتسمت بأنتصار ضربته بكل ما أوتيت من قوة بمصدر رزقه كمز يعيط بكل صوته يغلط
محمد _ العننننن اهلججج واحدد واحدد بنت الكلببببب اليوم ارتكب بيج جريمة يا ك...
رحت اركض وضربته راشدي بكل قوتي واسد حلكه بأيدي علمود البنات ما يسمعون ما احس غير اجاني ضربة بنص بطني خلتني اطير وكعت على حافة الطاولة حسيت ضهري انقسم بنصين شهكت كلبي مفرفح من الوجع اللي اخترق ضهري وكعت بالكاع واني لازمة ضهري بكل قوتي اريد استوعب شكاعد يصير بيه اجه عليه رفعني بدون ميهتم جرني وراه وكل شويه يضربني على راسي بأيده يخليني اوكع حسيت لساني راح ماكدر انطق بحرف رفعت ايدي بحيل واهن وضربته على صدرة واني حيلي مهدود هد