طـغيان إِحمِرار السآعد

بارت 30

                              طِـــغيان إِحمـــرار ألســـآعد
                               صرت هيـلة بوسـط هاون
                              العُطـر للغيَر والدَكـات بـيه

~ آسيا ~
فزيت حاضنته بقوة دافنة راسي بحضنة على صوت قوي كلش هز البيت هز
صار صوت ركعة قوية صرت اسمع صوت امجد يعيط بكل قواه صوت عالي الدرجة مو طبيعية وخرت من حضن جواد وطلعت اركض رحت للصالة الأساسية واشوف راسه ملفوف بشاش وايدي ملفوفة يعيط ويكسر كل شي كباله عطت بي بعصبية
آسيا _ هي هي تره مو بيت ابوك
امجد بصياح _ ليييييييش ترييييد تعوووفنييي ليشششش ما اخليي ياخذهااا ما اخليييي تريد تعوفني تريد تعووووفنيييي روحي كوليلها مستحيييل تزوجه روحييييي
التفتنا كلنه على صوت نزولها من الدرج عطرها سابقها عط بالمكان عط تنزل بهدوء تباوع على امجد بحدة وحقد وكفت مقابيلنه صامته وهو عيونه حمرة دم يباوعلها بحزن وتوسل حجه بصوت راجف
امجد _ لا تزوجينه ما راح يدللج ولا يعزج اني ابن عمج أولى بيج
عشتار _ وعذابي ؟ وسنين عمري اللي راحت بسببك انتَ وهذوله اللي اقل ما يقال عنهم عار ؟ عذبتني نفسياً وجسدياً جنت تهددني بخواتي خليتني أشوف ابشع الأشياء وسكتت خليتني أشوف اخواني جايبين س...
سكتت متنهدة مبتسمة واني وشمس ورميم والعنود وجواد ومحمد وأمجد ساكتين نباوع عليها وهي مبتسمة جواد عيونه دمعت وحمرت ومحمد عيونه بيهم ندم وقهر وحسرة ضحكت عشتار وصفكت ايدها بيأس راحت تمشي وتقره قصيدتها المفضلة
عشتار _ براءة صغري وترافة عمري
دمعتي التجري الك عذرية
سمعت الناعي اي واجيتك ساعي
اي احس أضلاعي الك محنيه
حرت بضنوني وتغير لوني
لو ان سألوني على عشكي البيه
البصر ما شافك اي لمست ألطافك
واحس بوصافك صور قدسية
ابتسمنه اني والبنات ورحنه كعدنه على التخم المقابيلها وجواد ومحمد وهم بعيونهم الندم كعدوا وأمجد كعد على الدرج حاط راسه بين ايديه اجتي نينا وميرنا نضفوا المكان وعطروا وكل هذا احنه ساكتين كامت عشتار وراحت صعدت ربع ساعة وما اشوف غير دخلت المافيا اباوعلهم ساكته العطر وصل السابع جار أحذيتهم اللي تلمع هيبتهم طولهم وضخامتهم لبس رسمي ساعاتهم عيونهم الحادة اللي تبين شكد هم طغاة وياهم ابوية اكثر واحد بيهم هيبة كل عمامي كعدوا على تخم فارضين هيبتهم أيديهم يمين ويسار حاطيها وابوية كاعد بالوسط اباوعلهم كل عمامي موجودين حرفياً كلهم
جاسر ، ملهم ، شاهين ، يوسف ، ابراهيم ، هادي ، مهيب ، السبع ، الكسندر ، أرون ، ابو امجد
حتى اللي كانوا مسافرين اجوي معناها السالفة ما راح تعدي على خير ابد باوع ابوية على شمس وكال بخشونة
عبدالله _ وين اختج ؟
شمس برود _ هسه تنزل
رميم بصوت _ اعوذ بالله من الخبث والخبائث
مباشرة التفت جاسر عليها يباوعلها بحدة وهي يا جبل ما يهزك ريح يخزرها تخزره يباوعلها باستصغار تقابله باشمئزاز حجيت بصوت شبه مرتفع
آسيا _ لا هلا ولا مرحبا
إبراهيم بحدة _ احترمي حالج لا يصير ما يعجبج
عشتار _ شتسويلها يعني ؟
التفتوا على مصدر الصوت وهي تنزل لابسة فستان اسود وحاطة ايلاينر اسود وفوكاه نيلي طالع يجنن ومخلي عيونها حادة اكثر صوت كعبها يرن بالمكان رن نزلت رافعة راسها وتمشي بغرور نظراتها ثقة كعدت على تخم بالزاوية وحدها بحيث تكدر تشوف الكل حطت رجل على رجل وباوعت على عمي إبراهيم بحدة وحجت
عشتار _ شنو تسوي ؟؟
إبراهيم بخبث_ شي ابشع وأفضع من اللي صار بيج
عشتار _ وانتَ من كل ذهنك تكدر تلمس شعره وحدة من هذني خواتي الأربعة
تأشر علينه عرفت تقصدنه احنه والعنود ابتسمت العنود وغمزت العشتار ابتسمت عشتار تباوع على عمامي باستحقار خرج ابوية عن صمته وبروده وكال
عبدالله _ عشتار بابا احترمي ذاتج
عشتار _ اني محترمة ذاتي بس اللي يحاول يسترجل براس خواتي امحي ذاته
إبراهيم بعصبية وهو يباوع على عشتار _ عبدالله خلي بنتك تستر على روحها وتحترم نفسها
عشتار بابتسامة _ وإلا شنو تسوي ؟
إبراهيم _ تعرفين أساليب أبناء محمد سلمان عبد الرحمن
عشتار _ بس للاسف اني مو عشتار القديمة يعني بعد ما تكدر تهددني بجواد ومحمد والاكبر الاكبر إني مطمئنة عليه اما الاثنين الباقين ما يهموني لو تحركوهم ما يهمني
جاسر _ راح تندمين
عشتار _ امووت عالندم اني
عبدالله _ كافيي
باوع على عشتار وكال
عبدالله _ شوفي بابا احنه نعرف بمصلحتج اكثر منج وزواج من هذا الفقير ماكو انسى هالشغلة
مهيب _ وطلعيها من بالج هم
عشتار _ بس للاسف الاشعل يشعلكم ويشعل تاريخكم
شاهين _ طلقة براسه ونخلص منه منو هو ويشعلنه ندوس عليه وعلى راسه
عشتار بحدة _ إذا جبت طاري الأشعل بالموزين والله وبالله وتالله مو اني اللي اسوي هو اللي راح يشتغلكم واحد واحد
مهيب _ ولج انتِ تهددين أبناء محمد انتِ تعرفين احنه منو ؟
رميم باستفزاز _ انتوا ناس منافقة وعارات علينه وعالبيئة وعلى المجتمع والقانون والدولة والدين والإسلام والمسلمين والحق والباطل انتوا عار عليه منو انتوا يعني ناس ما شايفه عندها كم فلس
عبدالله _ كم فلس اللي تحجين عنها انتِ لابسة ملابسج منها
رميم _ وداعت خواتي لو جانوا من فلوس حرام جان حركت هالملابس وحركت نفسي هم انتوا ناس ما تخافون من رب العالمين سيطرتوا على كم زعطوط بالدولة عبالكم صرتوا ملوك لا عزيزي صحصح اني رميم واللي بصفي شمس وآسيا وصكارتكم الراعبتكم كاعدة واسمها عشتار عبدالله عندكم شي بعد ؟
إبراهيم _ راح ابتلي بيج والكعبة
رميم _ تعرفها ؟
عبدالله بحدة _ رميم بابا اسكتي لا اخذ قرار ما يناسبج نفسج ما بغيت اسمعه فهمتي ؟
عشتار _ لا ما فهمت ورميم وشمس وآسيا والعنود يحجون اللي يردونه ومحد يدخل او يعترض طول ما اني موجودة تمام
كام عمي ابراهيم بوجهه الشر وكل عمامي وكفوا ما عدا ابوية وعمي جاسر حجه بنبرة خبيثة
إبراهيم _ ولج عشتار نسيتي نفسج وكمتي تجاوزين
عشتار ببتسامة _ قصدك نسيت عشتار القديمة
إبراهيم بستهزاء _ هههه شنو رأيج اذكرج بيها
كامت عشتار مبتسمة وكفت كبالهم بشموخ وغرور ردت عليه برود
عشتار _ ههههه ما يحتاج لأني ما نسيت شنو صار بعشتار القديمة بس نسيت شخصيتها نسيت سيطرتكم عليها وتهديدكم بإخوانها وخواتها نسيت حب عشتار الاخوانها نسيت ضعفها كدامهم بس تدري نسيت كل شخصيتها إلا قوتها ما نسيتها
علت نبرة صوتها وكالت
عشتار _ ولا واحد بيكم راح ينساها عشتار بكل كفخة من هالدنيا وهالحياة تتغير إلا قوتها تزداد اشكركم جميعاً لأنكم خليتوا عشتار مستعدة تواجه جيش وماكو ذرة خوف بداخلها اني نسيت المسماة باخواني هسه ماعندكم شي تهددوني بي خواتي ؟ خواتي نسخة عني يعني يغركوك ويغركون اكبر راس وما يخافون
إبراهيم _ يعني عادي اخوانج يعيشون عذابج ؟
ضحكت بقوة وهي تلتفت على محمد وجواد تباوعلهم وكأنها تكولهم هذولي اللي بعتوني علمودهم حجت وهي دايرة ضهرها مبتسمة
عشتار _ اي عادي أخذوهم وياهم هدية هم
التفتت على ابوية تباوعله وكالت
عشتار بضحك _ هم هذوله اخوانك هههه ونعم الإخوان والنعم منك انتَ هم تشوفهم يردون يعذبون ولدك وساكت لا والنعم منك ومن مسؤوليتك
راحت تمشي بهيبة كعدت بمكانها تباوعلهم بغرور مبتسمة تستفزهم
جاسر _ جلسوا
كعدوا كلهم إلا إبراهيم بقه واكف يباوع على عشتار بغموض كال بهدوء وشك
إبراهيم _ انتِ وراج احد وهيج ما خايفه ؟
عشتار بابتسامة تهز راسها لا _ جـؤ
إبراهيم _ اممم
رفع اصبعه بتحذير وكال
إبراهيم _ تدرين إذا اتأكدت وراج احد وهيج لا مبالية بينه ولا حتى بأخوانك شسوي ؟
عشتار _ اي شسوي ؟
إبراهيم _ اقسم بالله إني إلا أشوهكم ثنينكم بتيزاب
التفتنا كلنه على عشتار ماكو ولا ذرة خوف بملامحها بس ابتسامة وقوة تشع من عيونها وغرور تعصبت كلش من كلامه ماعرفت اسكت وحجيت
آسيا باستهزاء _ اي مو بيك خير ورجال وتلمسها وراها رجال عن حق وحقيق رجاااال مو ذكر يهدد البنات يشعلك ويشعل شكو واحد يلمس شعره وحدة من راسها وبعدين متوقع احنه نسكت إذا لمست اختي عشتااار تاج راسك اقسم بالله اللي تحلف بي وانتَ لا عرفته ولا صليتله إلا التيزاب اللي تشوه بي اختي اشربه الك يا عديم النخوة
طول ما اني احجي اخواني وخواتي وأمجد وابراهيم يباوعون عليه بصدمة إلا عشتار تباوعلي والفخر ينكط من عيونها ابتسمتلي ودارت عيونها عليهم واختفت ابتسامتها تباوعلهم بغموض حاطة رجل على رجل وحجت بصوت مرتفع
عشتار _ يا آسيا شنو هذوله ويهموج اختج اني شحده اللي يوصل يمج وحق الحسن والحسين إلا اخلي جيل عن جيل ما ينسون سوايتي
شمس _ شوف بالصيدلية اكو مكمل رجولة لان رجولتك معدومة
اجه بأعصاب رفع ايده يريد يضربها ما نحس غير اجتي فازة صغيرة خشب ضربت ايده شلتها شل بعد ايده متوجع ابتسمت واني اشوف عشتار واكفه متكتفه تباوع بنظرات ما تتفسر باوعت على عمي كام يبلع ريكه يباوعلها والخوف واضح بملامحه يسوي نفسه قوي اجه صوت قوي الدرجة كلنه سدينه اذنه ما عدا عشتار جانت واكفة ثابته تباوعله صوت مثل الإنذار راح صاح عمي جاسر الابراهيم خايفين كلهم ضحكت عشتار صادمتنه ضحكت بس مو ضحكتها
ضحكة بيها غموض بيها خفاية راحت تمشي فتحت الباب وطلعت كامت العنود ضحكت والكل يباوعلها
العنود بحقارة _ اليوم يوم الحساب حضروا نفسكم راح تنشعلون شعل
راحت تمشي بثقة وطلعت همست
آسيا_ بنات كومن نبدل عالسريع
كمت ركضت اول وحدة ضحكت على وجهم شلون الخوف مسيطر على ملامحهم جبناء وتبقون جبناء صعدت فوك عالسريع ركضت عالغرفة طلعت فستان اسود لبسته بدقيقة طلعت كعب لبسته رحت للمراية فليت شعري عدلته وعدلت وجهي حطيت نقطة تنت ورشيت عطر ابتسمت وطلعت امشي بغرور متقصدة اخلي صوت الكعب يرن بالمكان نزلت والبنات ماكو يبدلن اكيد لان سمعت صوتهن بالغرفة مشيت بغرور وطلعت من البيت اباوع وانصدم بالمنظر اللي كدامي
خمس شباب لابسين كلهم اسود كل شي ما مبين بس عيونهم وحتى عيونهم ما مبينة وياهم عشتار والعنود عرفت الأشعل واخوانه حجت عشتار شي وكلهم هزوا رأسهم وثنين راحوا ركضوا عبروا السياج وثلاثة راحوا ركضوا وره البيت التفتت عليه عشتار واشرت بيدها بمعنى تعالي رحت يمها وهي فاتحة ايدها حضنتها بقوة وهي حضنتني تمسح على شعري همست يم أذني
عشتار _ لا تدافعيلي يحقدون عليج مثل ما حقدوا عليه
آسيا _ طبهم سرطان ما يهمني وراح ادافعلج وبكيفي
عشتار _ بكيفج بكيفج شعندي غير اسياوتي اني
حطيت خشمي بركبتها اشمها
آسيا _ افييييش ريحتج تجنن
عشتار بضحك _ ولج وخري كاعد تدغدغيني
ضحكت وهي تميل راسها تضحك رحت حضنت العنود اباوعلها وهي تباوع بغيرة حضنتني العنود وهمست بصوت ناصي
العنود _ خوش خطة عفية عليج
آسيا _ لا والله خطة ومو خطة
العنود _ اممم يمه منج
ضحكت بوستها وعشتار تسوي نفسها ما تباوع ضحكت العنود وكالت
العنود _ اي اي باوعي على الهواء شكد حلو خوب كولي غرت وفضت
عشتار باستنكار _ اني ؟ اني اغار؟
العنود _ لا عمتي
عشتار _ كفيني شرج وشر عمتج
العنود _ إذا اني عندي شر انتِ شني ؟
عشتار باستهزاء _ عندي اشرار داده
مشت هي دخلت واحنه وراها دخلنه باوعت على عمامي وابوية وحجت برود
عشتار _ شنو تردون مني عالسريع ؟
رد عمي جاسر وهو مرخي جسمه وأيديه على التخم
جاسر _ نريد كثييير شغلات بس الأهم اليوم خطوبتج من امجد
إبراهيم _ وشئتي ام أبيتي اليوم تنخطبون
عشتار بابتسامة _ وين الشيخ ؟
عبدالله باستنكار _ يعني موافقة ؟
عشتار _ وين الشيخ ؟
باوع ابوية علينه بشك وكال
عبدالله _ والأشعل ؟
عشتار _ شبي ؟
جاسر _ منو الاشعل ؟؟
عبدالله وهو يباوع العشتار _ محد
عشتار _ لا احد
الكسندر _ شكاعد يصير عبدالله ؟
عشتار _ اني اكولك
السبع _ عشتار خلي النفس عليج طيبة
عشتار _ هسه يلا طلع صوتكم شنو كنتوا بغيبوبة ؟
مهيب _ احترمي نفسججج
عشتار باستفزاز _ ليش يا عمو شمسويه اني ردت أكولكم منو الأشعل غلطت بشييي ؟؟
آرون _ عشتار ما انصحك تشتغلين على استفزاز أبناء محمد سلمان
عبد الرحمن لان النتائج ما راح ترضيج
عاطت بيهم العنود بنفاذ صبر
العنود _ كافي شكد تلغون وتحبون اللغوة والتهديد وانتوا خيخه
جواد _ انتِ شعليج الخايسة
العنود _ ماكو غيرك خايس ومعفن ريحة جواريبك توصل قبلك ركبتك الفرق بين القطب السالب والقطب الموجب اول مرة أشوف واحد ركبته سوده وبيضة عوووع تلعب النفس شكد مكروه ومزعج وخايس ابو ش،خه
ماتت روحي من الضحك صرت اضرب على بطني واصيح بضحك مو واعية طلعت ضحكات غير مستكشفة
آسيا _ لا لااا قووووييية هههههااااايييي ولج ركبته منيلها سودة أصفى من حياتي يبااااووو هيهيهيهيهيهي لا العنوود ذبحتينيييي هوهوهوهوهوهههه
اباوع عشتار صار وجهه احمر دم بس ساكته ما تريد تضحك وتطير الهيبة باوعت على ابوية صافن عليه وحاط ايده على خده منتظرني اكمل شكله جان كيوت كلش صح عينه تخوف بس كيوووت بدون وعي ولا ادراك كلت واني امشي بأتجاهه
آسيا _ اووييي بابي كيوووت فدوووة
وصلت يمه بدون مقدمات كعدت بصفه وحضنته بقوة بسته بخده احجي
آسيا _ اوووي شوف الوجه خدووود ابوس أبوس قُبلة قُبلة
بسته بخدوده واخيراً حسيت على نفسي واني حاضنته اباوع عمامي يباوعون عليه بصفنة وبيهم اللي يستهزء وعشتار تباوعلي فاتحة عينها بصدمة بهالاثناء نزلوا رميم وشمس طالعات مثل الأميرات الشريرات لابسات اسود باوعوا عليه رميم وكع تليفونها بالكاع من الصدمة وشمس صفنت ما مصدكة فركت عيونها مرتين وما مصدكة
رفعت راسي باوعت على ابوية اللي ملامحه مستغربة على باردة على مادري شبيها كبل كمت منه مرتبكة امداج امداج ثولة ثووولة طيح الله حظج من بنية خايسة وثولة شبيييج ياربي بس خلي اوصل
من الارتباك عثرت وكعت على عمي السبع صاح بوجع حجيت بهمس واني اكوم
آسيا _ يا كاع انبلعي وشكيني
السبع _ شكم وصلة ؟
باوعتله وتفشلت زيادة كمت بكل شموخ وكبال الكل دنكت نزعت الكعب شلته بيدي وطلعت من الصالة اركض انطخ اصبعي الصغير بالحافة مال الحايط وعطت
آسيا _ اخخخ كبررر
ركضت فتحت المطبخ وكعدت بي والشباك جان مفتوح باوعت وشفت نينا جايبه شحاطة جديدة بعدها بالكيس رحت بعصبية فتحت الكيس وطلعت الشحاطة وبكل حقد ضربت كصتي بالشحاطة مرة ومرتين وثلاثة اجه صوت رجال يضحك ويكول
_ اي حيل بعد ايدي لا خويه مو هالدرجة يواشج هاي كصة ما تتعوض
فزيت مباوعتله فتحت عيوني من الصدمة حطيت ايدي اللي بيها الشحاطة على كلبي استوعبت وشمرت الشحاطة رحت ركضت سديت باب المطبخ وقفلته وكفت وراه وهو كال
_ ها تحبين المسلسلات التركية ؟
كمت وكفت وحجيت بهمس
آسيا _ منو انتَ ؟
_ أنا ؟
آسيا _ لعد أبوية ؟
_ خايبه شمالج تردين تبلعيني كمت اخاف على رويحتي ترى امي تريدني
آسيا _ منو انتَ ؟
_ أنا حسيون
آسيا بعدم فهم _ خيون ؟
_ حسييين
فهمت السالفة هذا ويا الاشعل سمعت صوت باب كبل ركضت لزمت الشحاطة رجعتها بالكيس سمعت الباب انطبك وارتاحيت باوعتله تقربت شويه وحجيت
آسيا _ انتَ ويا الأشعل ؟
حسين _ شمعرفج بي ؟
آسيا _ اني اخت عشتار
حسين _ عشتار اللي يحبها ؟
آسيا _ اي
حسين _ شني اسمج ؟
آسيا _ مش مهم انتَ شدسوي هنا ؟
حسين _ أراقب غير
آسيا _ ليش تراقب
حسين وهو يتموع _ مش موومهم
باوعتله بصفنة واخيراً افتهمت هذا يقلد عليه حجيت بعصبية
آسيا _ هسه ولي منا شعندك تباوع ؟
حسين _ أنا خوك شمالج خويه
آسيا _ اني اكول مووومهوووم ؟
حسين _ لا أنا
آسيا _ اي انتَ وهسه وخر
حسين _ خايبه والعباس أنا ضايج سولفي وياي
آسيا باستنكار _ شنوو ؟
حسين _ اسف
آسيا _ تقبل اختك تسولف ويا شاب ؟
حسين _ لا ما اقبل اعتذر خيتي بس اختي ما تضرب نفسها بالنعال
آسيا _ صدك ؟
حسين _ اي
آسيا _ اي والله حتى وجعني شبيه يمكن اني تخبلت
حسين _ ليش ضربتي نفسج بالنعال
آسيا _ بس اصبر خلي أشوفه الك شكد ثخين بحيث وجعني هالدرجة
رحت طلعت الشحاطة مقابيله بالضبط مديت الشحاطة وكلت
آسيا _ شوفها شكد ثقيلة
بلحظة لزمته من التيشيرت ولفيته على ايدي وكمت اضربه بالشحاطة على راسه بكل قوتي جانت ركبته من وره طالعة من اللثام قربته اكثر وضربته بكل قوتي على ركبته وهو ساكت بس يون ما يريد يطلع صوت ومن العصبية ما إشوف بعيوني عضيته من راسه بكل قوتي وخرت اللثام مالته معقج لزمت لثامه وشديته بقوه طلع شعره بس من العصبية ما لمحت شكله ولأن جان ليل وظلام ما شفته حجيت بهمس وعصبية
آسيا _ ولك اني اضرب نفسي بالنعال اختك ما تضرب نفسها بالنعال حيوان زبالة هسه ماكو رجال مضروب بالشحاطة غيرك يا شحاطة علمود تتعلم بعد شلون تحجي مع الجنس اللطيف
ضربته لحد ما تعبت وهو منزل راسه ما أشوف وجهه وبكل قوتي ضربت وجهه باللثام ارجعياله عفت قميصه وهو عبالك تحرر راح يركض بقوة ومن الوجع عثر وكع ضحكت طلعت راسي من الشباك وعطت
آسيا _ ثوووول حتى ثووول
ضحكت بشماته وسديت الشباك رحت لبست الكعب ورجعت الشحاطة بالكيس عدلت نفسي وشعري وطلعت من المطبخ ....