طـغيان إِحمِرار السآعد

بارت 17

‎ طِـــغيان إحمـــرار ألســـآعد
انتَ يا اللي ماتدري عتبة بابي وين
وأنا ادري بيا جفن طيفك يبات ..

~ عشتار ~
ردت عليه وصدمتني صدمة عمري من عرفتني بنفسها
الشخص _ " انا وصال زوجة داوود اخو مشعل تذكرتيني ؟ "
سكتت مصدومة كلبي يوجعني خايفه مشعل بي شي رديت بصوت خافت
عشتار _ " اي اتذكرتج هلا بيج "
وصال _ " وبيج اكثر "
سكتت وهي سكتت شويه وكملت كلامها
وصال _ " اكيد استغربتي وتردين تعرفين ليش داكه صح ؟ "
عشتار _ " لا عادي "
وصال _ " اممم تمام شوفي عشتار أنا تكدرين تعتبريني فاعل خير اجيت اصحيج على زمانج واوهامج "
عشتار _ " اممم اني الحمدلله صاحية على زماني وماعندي وقت حتى الأوهام تتسلل العقلي شكرا ما احتاج "
وصال _ " راح ادزلج شي بسيط وحلو اتمنى يعجبج "
سدت الخط واني احس أذني يطلع منها دخان اسلوبها وقح وقح ما تغيرت ثواني وندزت صورة فتحتها وياريت ما فتحتها صورة عقد زواج والأسماء اسم نهاد صالح ....  ومشعل عبد العزيز .... حسيت كلبي نعصر عصر روحي فرفحت باوعت على البنات كاعد يراجعن بس آسيا تباوعلي بأستغراب من شافتني اباوعلها دنكت راسها تقره بالكتاب تنهدت بتعب روح وطلعت من الغرفة نزلت كعدت بالحديقة اباوع على الصورة وكل ساع اقره العقد والأسماء ماتوقعتها منك يا حب عمري ابد ما اتوقعتها حسيت شي بداخلي يكولي صوري
صورت العقد والمحادثة والرقم فتحت تصوير يعني تطلع الشاشة والصوت وجبت تليفوني الثاني وصورت المكالمة وايدي والرقم طالع جاوبتني وهي تضحك بشماته
وصال _ " ها شني رأيج ؟ "
عشتار _ " هسه انتِ منو وشتردين مني ؟ "
وصال _ " هستوني عرفتج بنفسي لا تتغابين "
ضغطت على ايدي بكل قوتي والله إلا اندمج على هالاسلوب اصبريلي
عشتار _ " عرفتج انتِ هاي نهاد اللي بالعقد وذبيتيها برأس وصال زوجة داوود اخو مشعل هاي السوالف مو عليه "
وصال _ " لا حبيبتي انا وصال زوجة داوود ونهاد اختي وانتِ واكفه بطريقها وبطريق سعادتها اتصلت بيج وصورتلج العقد علمود تبتعدين عن مشعل ويكدر يكمل حياته بعيد عنج وعن عائلتج وتخلي يعيش حياته مع إنسانة تحبه مو تفضل أهلها المجرمين عليه تمام يروحي ؟ "
ضحكت بكل قوتي وحجيت برود
عشتار _ " شوفي عزيزتي اقدملج نفسي اسمي عشتار عبدالله من عائلة سلمان عبد الرحمن وحفيدة محمد اهلي المجرمين يشرفوج انتِ ونهاد وعشيرتج انتِ قوية احجي كدام اهلي المجرمين وكولي أنتوا مجرمين مو كدامهم نمدحهم وراهم نذم بيهم رجلج والكبر اللي بعمرج يرشون عليهم مي ورد  إذا سمعتيني صوتج بعد الآن اقسم بمن حل القسم اندمج على الساعة الشفتيني بيها وحجيتي وياي فهمتي يا حلوة يلا كود نايت "
سديت الخط بوجها وانطيتها بلوك ذبيت التليفونات كدامي أتنهد تعبانه روحي من كل شي حتى انتَ وكفت ضدي ولو حقك اكيد ما راح توقف حياتك علمودي الله يسعدك ويوفقك يارب
فزيت من صفنتي على صوت الكرسي باوعت شفت امجد بعدت نظري عنه كارهته كره العمى اموت من شوفته يباوعلي بتأمل واني قابلت نظراته بنظرات حادة بيها كره وحقد وانتقام تنهد وحجه بصوت مخنووك
امجد _ يا بنت عمي هالدرجة كارهتني
عشتار _ اكثر
امجد _ عشتار فكري بالموضوع
عشتار _ يا موضوع
امجد _ خلي نزوج وداعت اختي الماعندي اغلى منها اعيشج ملكة
رفعت راسي للسماء استغفر رجعت نظري عنه وحجيت بهدوء احاول افهمه
عشتار _ امجد ما اكدر ليش ما تفهم خواتي مستحيل اعوفهم من سابع المستحيلات واخواني مستحيل اعوفهم يضيعون اكثر من هيج واني مستحيل بهالسن ازوج ومستحيل أتزوجك انتَ ومستحيل اكدر انسى اللي يحبه كلبي يعني حتى لو نفرض تزوجتك هاي خيانة واني مستحيل احمل نفسي هيج ذنب علمود حضرتك ترتاح ومستحيل أتزوج من هاي العائلة الخايسه افهممم
باوعتله تحول مية وثمانين درجة حتى نظراته ولون عيونه تحول صارن حمر دم كام بكل عصبية الارض دفر الكرسي ولزمني من ايدي بكل قوته لزمت ايده ونبتت أظافري بيها احجي بحدة اهمس
عشتار _ ورب العز لو ما وخرت ايدك إلا اسوي طشاركم ماله والي وداعت عيون اخواني اذا البنات اخترعن اطمكم طم وافركم فر وداعت رموش عيني
باوعلي عيونه حمر هز راسه وسد حلكي بيده ومشه يمشي بكل سرعته الدرجة كل ثانية احس نفسي راح اوكع ضربته بكل قوتي على صدره ضربته على بطنه على وجهه ماكو ما يحس دخلني للبيت وذبني بالصالة يحجي ويضحك بكل قوته ويبجي مخبل يطفر بالكلام ويهز بأيده
امجد _ هههههه اخوانج اخوانج ها تحبين اخوانج تحبين ابن جيرانكم تحبين اخوانج اخوانج هاا تحبينه عبالج مادري ها عبالج مادري
باوعتله وكمت واني شياطين الدنيا تتطافر بوجهي لزمته من ياخة القميص وعطت بكل قوتي رجيت البيت رج
عشتار _ عوووووفنييييي بحااااالييييي الله ينتقممممم منكككك اكرهكككك ايييييع مقررررف تلعب نفسييييي من اشووووفك اشووووف عزرائيل ولا اشووووف جهررررتك اكررررهككك افهممممم
نزل محمد يركض باوعلي وعاط بيه بكل صوته
محمد _ عشتااار اليوووم اجررم بيييج يا كح..
صفنت عليه اباوعله واباوع على امجد اللي يباوعلي بابتسامة كأن يكولي هذا اخوج اللي تحبي ماكدرت اخفي صدمتي وخيبتي باوعت الأمجد وحجيت بأبتسامة وهدوء
عشتار _ صح كلامك
محمد _ بنت الكلبببب اليووووم اخلييييج تكولييين التوووبة ناوووية تسوينييي ديوووث اليوووم اعييييد تركيبتججج بربووووك
لزمني من ايدي يعت بيه عت وأمجد يباوعلي بأبتسامة انتصار ابتسمت بتكبر اباوعله بكره باوعت لمحمد حجيت بهمس
عشتار _ خليته يتشمت بيه يا قندرة
باوعلي مصدوم عيونه نطت لزمني من شعري ركع راسي بالدرج يعيط بكل صوته طلعوا البنات يباوعون بصدمة واني فرفحت روحي من الركعة راسي انفتح بالنص ماكدرت اسكت عيطت بكل صوتي أضربه بحركة ضربته على وجهه بكل قوتي رفعت رجلي دفرته بطنه دفعني بالصالة والبنات يشاهدن وكل ما يردون يتقربون اوكفهم لزمته من ياخة قميصة بكل قوتي والبنات يباوعون بصدمة اول مرة يشوفوني هيج اعامل واحد من اخواني وجهي يطلع نار خدودي انتفخن من ايده عطت بكل صوتي واني وجهي راح ينفجر كد ما تحمر وركبتي حمرة دم اعيط عرك بركبتي يطلع من حركة الكلب اعيط أقربه من يمي وابعده اعلي صوتي وأخفضه محروك كلبي
عشتار _ ولككك خليييت المايسوه دولار بسوك الزلم يتشمت بيهههه بسببك ولك اني شسويتلككك شنووو سووويت قصرت بشي لاااا بس كووول انيييي ناقصصص وابنننن سطعششششش كلببب اكولك اييييي صدقتتت عبرت مرحلة النذالة ولك ايااام اسهر عيونييي راااحتتتت ضهررري انكسررر رووووحس طلعتتت علمودك انت واخواني هيج جازوني الامهاااات مايسون اللي اني سويته علمودكم ولك تنذب بالسجن ابوووك ما يلاااحظ ما يعرررف انتَ ويييين ما يسأل امككك ماتدرييي الدنيا طشت لو رشت ماتدري منو مات منو عايش ماتعررررف
ضربته راشدي بكل قوتي وحجيت بنفس الحركة
عشتار _ حباااية يا حيوووان حباااية وبودرة تشمشمهااا مثل الكلاااب وتجي تطلع حركتك بيه حركة ادمانك وقرفك بيه اني لييييش كرررهتككك وكرهتتتت روحيييي كرهتكممم انتَ واخوانككك كرهتكمممم تمنيتكم سند وضهر اني سندتكم وكسرت ضهري كرهتككك يا ابن عبدالله كرهتككك
حسيت اجاني راشدي فر وجهي فر حسيت خدي نشال حسيت احد حضني بكل قوته اديها الحنينات حضنتني والبنات وكفن على يميني وعلى يساري حجت شمس بهدوء
شمس _ اقسم بالله لو انك رجال ما تمد ايدك على بنت سوتلك الشي اللي ماسوته امك علمود هذا الساقط امجد
اباوعله عيونه نطت حطيت آسيا وره ضهري والبنات وره ضهري رفع ايده يريد يضربها لزمته ولويتها حجيت بكل صوتي
عشتار _ والله وبالله لو انمدت ايدكم القذرة على وحدة من خواتي إلا اسوي فضيحتكم عمل شعبي يا خايسين اسمعني محمد وربي وربي لو رفعت ايدك على شمس او رميم او آسيا إلا اكسرها وداعت عيونهن
لويت ايده اكثر ودفرته بطنه ارتد للخلف بس ما وكع ضخامته مو طبيعية وطوله مو طبيعي احد يصدك هذا اني ربيته
باوعت على البنات وحجيت بهدوء وحنان
عشتار _ روحوا للغرفة هسه جايه وراكم
رميم _ لا ما راح نروح اريد اشوف زلمة طالع من ضهر زلمة يلمسني بطرف اصبعي إلا اشب بيهم كاز وحق القرآن وحروفه لك طرطور عربانة يدفع بيك هذا المعفن ابو الوسخ امجد خايس ابو شمشمه متحول كلب بيد الحثالات من الله يطيح حظك وحظ هذا الخايس
آسيا _ اي والله صدقتي عربانة انتَ يكولك يمين تكوله يمين يكولك يسار تكوله يسار يكولك خره بحلكك تكوله خره بحلكي تمشي وتصيح كلا كلا للشخصية كلا كلا للشخصية من امداك
كامن يضحكن واني احس عيوني راح تنحول كد ما مركزه بحركاته عيونه نكلبت حمرة دم صعد امجد بس باوعتله حجيت بقرف
عشتار _ عووع انكلبت معدتي والله بس اشوف خلقتك حشى خلقة رب العالمين تلعب نفسي تسببلي غثيان بعد لا تشوفني وجهك الخايس صدك سيماهم في وجوههم انتَ خايس وجهك اخيس نيالي يردوني ازوج هيج معفن ايييع يطلع ابني يشبهك عووووووع
سمع كلامي لو تخبل هو ومحمد ركض عليه وهجم يضرب بيه وكعت بالكاع كعد فوكاي واني عين عليه وعين عالبنات اباوع على محمد رفع ايده يريد يضربهن صعدت رجلي ودفرت امجد على ضهره من وره انكلب فوكاي نبتت أظافري بطنه بكل قوتي وادفر بي لحد ما وخر ركضت على البنات ذبيت نفسي فوكاهم واجتني ضربة بوكس على ضهري شلتني شل ماتت روحي ماتت ماكدرت اتحرك بس اتحرك البنات يضربوهن بقيت كاعدة منطيه ضهري الهم البنات لامتهم لم حسيت قوتي خانتني ووكعت عالحايط راسي انضرب بالحايط ما اشوف بوضوح كعد كبالي امجد حط راسي على صدره همس بأذني
امجد _ إذا تزوجتيني راح ينتهي كل هذا وما راح ابعدج عن خواتج تبقين عايشه هنا واني هم راح اعيش هنا لا انتِ تبتعدين عن خواتج ولا اني ابتعد عنج  ودراستج تكمليها وما أتقرب منج ابد
هستوني اريد ارفض وسمعت صوت ضربة وعاطت شمس حجيت بألم مكتوم
عشتار _ موافقة والله ينتقم منك بجاه اهل البيت
حسيت بي يبتسم غمضت عيوني وما حسيت بشي بعدها كعدت على صوت أنثوي باكي احس بأيد تحضني بقوة عرفتها آسيا سكتت اسمعها تفضفض
آسيا _ والله كل دنيتي انتِ اشوف البنات شلون امهاتهم يجون للاجتماعات مال المدرسة وانتِ ما تجيبين احد وتجين تسألين علينه اشوف الاباء واتحسر من احد يسألني وين امج وين ابوج اكول مسافرين مشغولين عدهم شغل منو يسأل عليج اختي الكبيرة منو قدوتج اختي الكبيرة والله تعبانه اني كلش وما اكدر احجي كدامج اللي بيج مكفيج غير سالفة الآكبر ومحمد وجواد اللي رجعوا هالطريق اعرفج شلون تعبتي وشلون الدنيا تعبتج ماريد أزيد همومج وياي تورطتي بينه وهملتي روحج والقرآن ويشهد ربي اللي سويتي انتِ محد سواه لا من بعيد ولا من قريب ضحيتي بطفولتج ومراهقتج وشبابج وهسه راح تضحين بآخر ما تبقى الج وراح تزوجين شخص ما تحبي ضحيتي بحب عمرج تحملتي الضرب والتجريح والتعنيف تتوقعين احنه ماندري شصاير وياج ندري ونغلس مانريد نضغط عليج
كلبي يوجعني على حجيها حسيت نفسي مو كد المسؤولية شلون ضامة كل هذا بكلبها وما حجتلي حطت راسها على صدري وحضنتني اقوى شهكت وكملت كلامها
آسيا _ شلون اعوضج عن كل هذا شلون ياروحي انتِ والله امنيتي اشوفج فرحانة وسعيدة ادري بيج ما تحبين تبجين كدامنه او تعبرين عن وجعج ما تحبين تفضفضين ما تردينه نزعل او نضوج مواقفج بكلبي وبعقلي وبروحي منسوخة ما أنسى فضلج لو اموت شلون أنسى امنيتي اكدر أسعدج بشي او اضحيلج اريد اضحي الأكثر إنسانة تستاهل التعب انتِ تستاهلين انطيج روحي ونظر عيني لا تتزوجينه لا تهدمين روحج علمودنه الله يرضى عليج هذا مخبل مو صاحي يمكن يسوي شي بيج
فتحت عيوني شويه اباوعلها مديت ايدي امسح على شعرها فزت تباوعلي عيونها حمرة مديت ايدي مسحت عيونها بحيل واهن سندت روحي على تاج السرير وحجيت بهدوء واني امسح عيونها
عشتار _ روح عشتار إنتوا عيون عشتار أنتوا عقل عشتار كلب عشتار عوض عشتار نظر عين عشتار شريان كلب عشتار بنيات كلب عشتار بير اسرار عشتار خوات عشتار بنات عشتار قوة عشتار حنان عشتار إنتوا اني واني أنتوا
حطيت ايدي على خدودها امسح عليهن بأبتسامة وكملت كلامي
عشتار _ إنتوا اني واني أنتوا يعني إذا تأذيتوا روحي تتأذه إذا تعبتوا روحي تتعب إذا تمرضتوا اني اتمرض إذا ضجتوا اني اضوج إذا زعلتوا اني ازعل اذا فرحتوا اني اطير من الفرح إذا ضحكتوا اني اضحك تلوموني لان ما اخليكم بالحرب وياي متحسون بشعوري أنتوا بناتي اني أمكم الام مو اللي تجيب بس الام هي اللي تربي هي اللي تحمي هي اللي تنصح هي اللي تسند هي بير الاسرار اني احس بكل شي يصير وياكم ضايجين فرحانين زعلانين متوجعين مريضين اعرف بدون ما تحجون وبدون ما تبينون اي شي اني اعرف تدرين ليش
هزت راسها بمعنى ليش حجيت واني احط ايدي على كلبي
عشتار _ لان هذا يكولي لان هذا مو كلب عادي هذا كلب ام اني أمكم
سكتت اباوعلها تباوعلي وجها احمر وعيونها حمرة مقهورة مهضومة ابتسمت وحجيت بهدوء
عشتار _ دائماً تكوليلي انتِ امي واعز من امي صح ؟
هزت راسها بمعنى اي تنهدت وكملت كلامي
عشتار _ اكو بنت تخفي شي عن امها ؟
آسيا _ لا
حجتها بقهر شفتها ترجف عرفتها عندها شي بداخلها تريد تحجي وما تكدر
عشتار _ كولي شنو بداخلج
آسيا _ بس انتِ مو امي الحقيقية امي الحقيقية يمكن حتى اسمي ناسيته امي الحقيقة ملتهيه بالسفرات والطلعات والماركات والجنط ومراكز التجميل وناسيه عدها بنات اني احتاج ام تخفف عني احتاج اب يخاف عليه محتاجه اخ يسندني اتعب واني اشوفج مسوية كل هذني الأدوار وانتِ اختي اتعب هواي اتعب
كلامها سجين دخل بنص كلبي انقهرت روحي نمردت عليها بس ما بيدي شي فتحت ايدي الها حضنتني بكل قوتها حطت راسها على صدري تشم بيه بشوغة حضنتها وكأن اول مرة احضنها شعور الأم الشايفة بنتها بعد سنين غياب اشم بيها وابوسها بستها بشعرها وحجيت
عشتار _ بعد اكو شي كولي علمود اجاوبج
آسيا _ مقهورة اني ما اريدج تتعبين اكثر كلش القهر اكل كلبي حب عمرج ضحيتي بي علمودنه وراح تزوجين من هذا المسعور علمودنه الله يرضى عليج لا تزوجي وتهدمين حياتج
بستها بشعرها مرة ثانية وحجيت
عشتار _ بعد اكو
آسيا _ لا
عشتار _ تمام راح اجاوبج على كل شي اولاً عشتار وحياة عشتار وعمر عشتار وكلب عشتار وطفولة عشتار ومراهقة عشتار وحب عشتار يروحون فدوة النظرة من عيونكم ثانياً اني امج وابوج واخوج واختج وصديقتج وسندج وعمج وخالج وعشيرتج اقسم برب العباد انو إنتوا جزء من روحي واذا تكولين ضحيتي بكل شي علمودنه فداكم مستوعبة إنتوا بناتي الام ما تضحي علمود بناتها ؟ تكولين انتِ تحملتي الضرب والتعنيف فداكم يعني لو جنت وحدي ماعندي خوات ما راح يضربوني برأيج ؟ اني راح اجاوبج طبعا راح يضربون ويعنفون وكل شي يسوون علمود يثبتون هم زلم يضربون نسوان حقدوا عليه حقد الويل لان طلعت من قوقعة قذارتهم وسحبت اخواني من هالقوقعة الخايسه وسحبتكم وياي لو جنت وحدي ماعندي خوات راح اطلع من هالقوقعة الخايسه
سكتت امسح دموعها ابوس راسها وأيدها ورميم وشمس يباوعون عليه عيونهم حمر مقهورات
عشتار _ والله ما اتوجع بضربهم بكد ما اتوجع من وحدة تنضرب او حتى لو انشخط طرف إصبعها الوجع يأكل بروحي اكل وحق القرآن ما مقهورة على اي شي سويته علمودكم ابد أنتوا اعز من الهوا يا حب يا بطيخ اقسم بالله تموت روحي إذا تأذيتوا اقسم بالله عمري كله ما ندمت ضحيتلكم بشي ابد والله اما بالنسبة للام والأب بالنسبة الي مكتفيه بيكم واني أمكم وأبوكم تذكرين من جنتي تصيحيلي ماما هالكلمة ترفرف كلبي صح محد يعوض مكان الام بس حاولت على اللي اكد...
رفعت راسها وخلت ايدها على حلكي مانعتني اكمل هزت راسها بـ لا وكالت
آسيا _ انتِ محاولتي انتِ الام ما يحتاج تحاولين انتِ امي وابوية وأقسم بالله مو قصدي اجرحج او احسسج انتِ مقصرة والله اللي سويتي محد مسوي بس اني مقهورة على شبابج اللي راح علمودنه واحنه كل شي مقدمنالج غير التعب والحماية المستمرة والجهد
باوعتلها بزعل وكلت
عشتار _ شبابي وياكم من آشوف ضحكتكم انسى الدنيا والعالم وكل شي وياكم احبه التعب الضحك الضرب عادي وبعدين منو كلج أنتوا مقدمتولي شي بالعكس إنتوا قدمتولي السعادة والضحكة اللي جنت راح افقدها بدونكم انتوا عوضتوني عن كل شي مريت بي تتوقعين اني اتعب من حمايتكم تطلعين غلطانة فرحتي ما انطيها الاحد إذا شفت مابيكم شي او ممتأذيات روحي ترفرف والفرح يغمر روح روحي حتى وجعي انساه يمكن الغلط مني توقعتكم تعتبروني فعلا أمكم وأكثر لكن طلعت مجرد اخت
تعمدت هيج احجي علمود اعلمهم ما يخفون عليه شي
اجني يمي يبوسن بيه
شمس _ والله امنا واعز من امنا
رميم _ ليش تكولين هيج انتِ كل شي مو بس ام
باوعتلهن بزعل وحجيت
عشتار _ إذا تعتبروني أمكم شلون تخفون عني مشاعركم مو اتفقنه كل شي نحجي البعض
شمس _ حقج نعتذر يا ست البنات
رميم _ نعتذر ايتها الوسيمة
آسيا _ نعتذر منج عشتاره
ابتسمت وحضنتهم بكل قوتي أبوس بيهن احجي
عشتار _ يلا وعدوني اي شي يضايقكم او يفرحكم او يصير وياكم تكولولي حتى لو مني
باستني آسيا بركبتي وكالت
آسيا _ ليش اكو احد يضوج من أجمل ام
البنات _ اي والله
ابتسمت فرحانة مسألتهم عن اي شي مالي خلك كعدت والبنات يسولفن عن امجد
شمس _ من غمضتي عيونج خبلتينه وخبلتي صار يبجي مثل الاطفال ابو الوسخ عود حنين ومحمد يباوعلج فاتح عينه بدون ملامح جامد الخايس
عشتار _ شموس عيب تحجين على اخوج مهما يكون يبقه اخونه
هزن راسهن واني تمددت تعبانه وحجيت
عشتار _ ناموا يلا ما تعبتوا
ضحكن واجني ناموا بصفي وآسيا حضنتني بكل قوتها تشم بيه واني حاضنتها احس راسي يوجعني ضليت صافنة بالفراغ لحد ما غفيت
كعدت اباوع البنات نايمات وخرت ايد آسيا وكمت على كيف سبحت وبدلت اخذت علج اعلج نزلت جوه شفت اكثر بشر أكرهه بحياتي
كام تقدم بأتجاهي مبتسم واني باااردة ماعندي ردة فعل تقرب مني وحضني بكل قوته حسيت ضلوعي تكسرت فتحت عيوني مصدومة من تصرفه .... ؟؟!

                                            يتبع
                                   طهر لسانك بذكر الله
                                         سبحان الله
                                          الحمدلله
                                       لا اله إلا الله
                                          الله اكبر

سيموراماتي بارت حلو لعيونكم وان شاء الله يوم الأربعاء اكو بارت يعني عكب باجر مليان احداث طن احداث وطبعا اعتذر على التأخير بالتنزيل لان كاعد نشيل من البيت وبهذله الله وكيلكم محمد كفيلكم المهم اكتبولي رأيكم بالقصة حلوه لو لا ؟
وهل تشجعوني افتح قناة ؟
مشاهدة ممتعة عينااااااااي