طـغيان إِحمِرار السآعد

بارت 9

                ‎ طِـــغيان إحمـــرار ألســـآعد                                                   
                            اليذكروني عفتـهم لأجل شوگـي ويـاك
                             وانـي اتذكـرك وانتَ اللـي ناسيـني
                            بايعـني برخـص وانـي بغلاة اشريـك
                      مو نفسـك اللي كلـت لو تريـد الـروح انطيـك

~ عشتار ~

فزينه اني والبنات على عياط مو طبيعي بحيث سدينه أذنه من قوة الصراخ
انصدمت واني اشوف الباب اتكسر ودخل ابوية شايط فتحت عيني والبنات فتحن عينهن بصدمة شوكت رجع ؟ وشبي ؟ كومة اسئلة اجت براسي بس حتى ما لحكت اسأل شكله شكل المجرمين ناوي على شر
لزمني من ايدي يعت بيه بكل قوته دفع الباب اللي وكعت من الدفع جرني يمشي عالسريع بالممر وكعت على ركباتي راسي انطخ بالكاع لزمني من ملابسي يرفعني والبنات يعيطن واني اعيط باوعت ولد عمي راحوا عالبنات يبعدوهن حتى لا يلزموني عيطت واني احس البيت تحرك من مكانه من أعصابي
عشتار _ والله اللييييييي يلمسسسسسهن اييييده اكسررررها وربببب الكعببببة
لزمني ابوية من ركبتي يجر بيه واني اوكع راح اموت بيده نزلني من الدرج وصلنه الرابع درجة ودفعني وكعت بالكاع تكسرت عظامي احس روحي فرفحت اجه يمي ضربني على راسي ورفعني وصلنه للصالة والبنات ورانه يضربون بولد عمامي ما يهمني حالي ولا وجعي خايفه ولد عمامي يضربوهن عيني عليهن اجتي يمنه شمس تعيط ولد عمي يلزمها حتى متوصل يمي
شمس _ اختييييي عوف اختيييي
فلتت نفسها تريد تجي ما تكدرله ولد عمي يعيط
اشهم _ خلييي خلييي يغسل عارها الهاي الجلببة
لازمني ابوية يمشي بيه ودفعني على الكاع بكل قوته سندت الجزء العلوي من جسمي على ايدي مشه ابوية بأتجاهي بطيء وهو رافع اصبعه يحجي بصوت خشن عالي
عبدالله _ ولا حرف ولا كلمة نفسج ما اريد اسمعه افتهمتيييي
اجني رميم وآسيا تعيط مفرفحه
آسيا _ حسبي الله عليكككك من رجاااال شهممم كلش شواررربك محسووووبتلك من تضرررب بالنسوانننن عووووف اختييي ماعندكممم غيرهااا حركتكممم بس بيهااا
باوعلي ابوية ولزمني من شعري يحجي
عبدالله _ حقيييرة سااافلة كلبببة ولجج اليوم اكتلججج
عاطت رميم تصيح
رميم _ عوف اختي من الله لا ينطيك عوفها عرباااانه كلكم عربااااين ياهو اللي يجي يدفع بيكم شوارب زر..
ابوية ميسمع بس يباوعلي ابتسمت وحجيت واصلة مرحلة تبلد ما يهمني
عشتار _ كافي حبيباتي لا تعيطن وتعبن بلاعيمكم أنتوا واثقين اختكم ما سوت شي غلط ولا سوت شي حرام عوفوا يطلع حركة بيه حتى من ابتلي بي هو واخوانه الله ميحاسبني
دنك عليه وهو يجر بشعري
عبدالله _ ولج منينننن هاي الصلااافة والعرااامة والخبااال ولج انتِ مخبلللله راح اوديييج مصحهههه وما مكفيج اللي سويتي تطولين لسانج وتوكفيييين بوجهي منيننن تعلمتيي هالصلااااافة
عطت بوجهه صبري نفذ
عشتار _ وهو شكوووو اريد افهممم صارلك ساعة لوك لوك لوك لوك لوك وكل شي ما فهمتتت شبيييك
ابتسم وكال
عبدالله _ تردين تعرفين شنو السالفة هااا
ضحكت وحجيت برود
عشتار _ بصراحة لا ما اريد بس يلا كول
رفعني من ملابسي ودفعني على تخم وهو راح على التخم المخصص اله كعد بكعدته المعتادة المكروهه
عبدالله _ اليوم اجاني واحد يخطبج
حطيت رجل على رجل وحجيت
عشتار _ ولهذا السبب انضربت كل هذا الضرب
هز راسه بـ لا وكال بحدة
عبدالله _ اشششش اجاني يكولي اريد منك موعد اخطب ايد بنتك عشتار منين يعرفج ها منين
اجه على بالي مشعل بس مو معقولة هو حجيت
عشتار _ اول شي عرفني او لا ما يهمني ثاني شي شنو اسمه
هز راسه بتوعد وكال
عبدالله _ الاشعل مادري شنو وفوك صلافته اللي تشبه صلافتج يهددني
هزيت راسي مو مصدكة الأشعل منو يعني معقولة يكون نفسه مشعل هزيت راسي روحي طالعة من روحي
عشتار _ مالي دخل اني ما موافقه وبعدين انتَ صارلك ساعة تضربني وتسحل بيه علمود هذا الموضوع
هز راسه بـ لا وهو يكول
عبدالله _ لا لا أصلا بعدني
باوع على ولد عمامي واشرلهم على خواتي كمت وكفت وحجيت
عشتار _ اللي يلمس خواتي ايده اكسرها عوفوا خواتي
باوعلي ابن عمي لزمني من ايدي وبعدني عن خواتي روحي فرفحت واني أشوفهم مأخذين خواتي يسحبوهن بره البيت روحي طلعت ويا خواتي صرت اضرب بي واكرصه واعض بي مكاعد يهدني اجه ابوية يمي لزم وجهي بثنين ايده عيونه بعيوني
عبدالله _ كالعادة ماكو دموع بس تهديد وتوعد شوكت تضعفين
عشتار _ ما أضعف ماااا اضعففف وعوف خواتيييي
ضغط على فكي وعافني وهو يكول
عبدالله _ لا تخافين راح تروحين وياهم راح يشهدون على عذابج اليوم
ما احس غير ابن عمي يسحبني بكل قوته وصلنه وره البيت دخلني بالمخزن اباوع خواتي رابطيهم وسادين حلكهم تفيت عليهم وحجيت
عشتار _ امداكم وتفووو على رجولتكم وشواربكم اللي جنها .... خروف يا خرفااان يا مييييع
باوعت على البنات يضحكن على الصامت ميكدرون دخل ابوية باوع على ولد عمي اشرلهم بمعنى اطلعوا اجه يمي بعد ما طلعوا لزم وجهي وضربني راشدي روحي طلعت منه حسيت نص وجهي نشال لزمني من ملابسي يعيط
عبدالله _ عبالججج ما ادريييي هذا الاشعلللل عشيق....
قبل ما يكمل فلتت ايده ورحت على الغراض اكسر بكل حقد وألم اعيط دخلوا ولد عمي خايفين على ابوية على اساس لزمت فازة وحجيت بعياط
عشتار _ امدانييييي لان صرت بنتكككك الله غاضبببب عليه وخلانيييي اصيررر بنتككك فضلتتتت هذولههه التافهييين الفاشليييين علييييه
شمرت الفازة على ولد عمامي بس مصارت بيهم وحجيت بهدوء عكس قبل شوية
عشتار _ ندمااااانة والله ندمااانة لان صرت بنتك خليتني اندم على شي مو بيدي ياريتني لا شفتك ولا عرفتك ولا اجيت للدنيا تريد تزوجني الابن اخوك الخايس علمود اخلي خواتي يعيشون نفسي أمداني إذا أسويها كرهتني بحياتي كرهتني بنفسي بالدنيا كلها علمود فلوسك يا بشر فلوسك ما راح تروح وياك للكبر ولا راح تشفعلك
سكتت مسحت الدم اللي نزل وحجيت
عشتار _ كافيييييي ظلمتنيييي بما فيه الكفاييية شنو تريد اربي خواتي واخواني ربيتهمممم وهملتتت روحي هملتتتتت روحيييييي درست وقريت وشربت حليب اني طفلللللة جنتتتت إذا وحدة تمرضتتت اروح للدكتور وحدي ليييييش كافييييي خااااف الله كافي ظلم عاد ليش تظلم خواتي تظلمني اني وبعدين تظلمهم شبيكككك انتتتتتت
عيطت بكل صوتي رادت تطلع روحي
عشتار _ ساعة السوووودة عبالك انكرررر لحد ينسى اني عشتار مو اني الاختل اي اعرفه واحبه عندك مانع
باوعلي عيونه حمرة من الأعصاب باوعت على البنات خايفه عليهن باوعت الابوية اشر على البنات ولزمني من ملابسي يجر بيه كل قوته طلعنه من المخزن يسحل بيه لازمني من ملابسي ضربني على راسي وكعت لزمني من شعري يرفعني يصرخ من قوة الوكعة ما اعرف شنو كاعد يحجي كل ما يضربني على راسي من قوة ايده اوكع ويكومني دخلنه للبيت شمرني بالصالة وصاح اخواني كمت روحي تفرفح على خواتي
عشتار _ اللي يلمس خواتي واللي خلق سابع سماء اطمكم طم افركم فر هذا البيت اهجمه فوك روسكم مالكم شغل بخواتي سالفتكم وياييييي
اباوع كعدوا البنات كبالي وكال اشهم بحقارة
أشهم _ خلي الحلوات يشهدون على عذاب أختهم
باوعتله وابتسمت
عشتار _ ها ابن الماسوني طالع السانك لا تخليني أخليك تزاكط جنك ثور مثل كل مرة
اجه يمي حجيت بصوت عالي
عشتار _ بسم الله الرحمن الرحيم
باوعلي وابتسم لكن وجهه صار احمر يحاول يخفي نقطة ضعفه ابتسمت وحجيت بصوت اعلى
عشتار _ اعوذ بالله من الشيطان الرجيم لعنة الله على ابليس
ضغط على ايده أوردته وضحت بشكل واضح كلش صار راسه يتحرك يمين ويسار مغمض عينه حط ايده على راسه وضرب راسه بكل قوته مرة وثنين وثلاثة راح اخو يركض لزم ايده وطلعه باوعت على ابوية
عشتار _ هذا الوفي الفضلته على بنتك ها بابا هو هذا
اجه يمي وهمس بأذني
عبدالله _ مالج دخل واليوم حسابج يم اخوانج مو يمي بعدين القنج درس يتوبج بنتي العزيزة
ابتعد وابتسم بوجهي وضربني راشدي وجهي صار يطلع دخان تنفست بكل قوتي وحجيت بهمس وحدة
عشتار _ اخخخ لو ما ابوية بس لو ما ابوية
ضربني راشدي ثاني خله روحي تفرفح السابع سمه وهو يهمس بحقارة
عبدالله _ ما راح تسوين شي
عافني وطلع يمشي بهيبة برود راحوا وراه ولد عمي ابتسمت متعودة عادي عندي صار باوعت على اخواني اللي جانوا يباوعولي بشماته حجه محمد
محمد _ صار سنوات انتظر هاي اللحظة
ابتسمت وحجيت
عشتار _ صح بس عمرك ما راح تتهنى بيها
هز راسه واجه يمي عالسريع لزمني من شعري وانطاني راشدي حسيت روحي ماتت وكعدت ابتسمت كوة عليه وانطيته بوكسي بطنه ولزمت شعره انزل راسه واصعده وهو يعيط متخبل قوته ماتعادل قوتي لو شكد ما اقاوم هو ضخم كلش وطويل ايده تغلف ايدي لزم ايدي بعدها عن شعره ضربني بوكسي بطني وكعت على راسي بالحافة مال التخم لزمت راسي عيوني تغوش غمضت عيوني ما احس بشي ادعي بداخلي ربي ينطيني القدرة فتحت عيوني صرت اشوف بوضوح لزمني من شعري كومني وضرب راسي بالحايط وذبني بالكاع يتفنن راشديات فتحت عيوني بس راشديات مطر تنزل عليه روحي طلعت ما اقبل على روحي هيج شي صرت أضرب ما اشوف وين ضربته ضربه على وجهه بردت كلبي كمت لزمته من ركبته نزلت راسه وعضيت زنده بكل قوتي فرفحت روحه يعيط
محمد _ الله ياخذجججج جلببببة اخخخخ خرب ..... إذا ما اطيح حظج
وخرت من عنده بعد ما دفعني بكل قوته كام مثل الثور ضربني على بطني برجله رفعت رجلي وضربته على رجله بكل قوتي رفعت نفسي وكورت ايدي وانطيته بوكسي بصف عيونه ابتعد مني مفرفح
رحت اركض عليه اضرب بي واكرص بأيده ضربته بخاصرته نام على ايده اليمنى باوعت شفت خده واضح واديناته على بطنه رفعت ايديناتي ثنينهن وضربته على خدة كام يكفر وكل ما يكفر اضربه على حلكه او خشمة على صدرة حسيت احد شالني وذبني بالكاع بكل قوته
باوعت اخوية جواد يباوعلي بحقد ولزم اخوية وطلع اخوية واجاني انطاني راشدي بحقد عيوني غوشت طلع روحي فرفحت اريد ابجي بس ما اعرف
سكتت بس علمود ما احسس خواتي بشي رحتلهن ازحف عيوني تحركني راسي موتني من الركعات وخرت الحبل الرابطيهن بي حجيت بصوت يرجف
عشتار _ اصعدوا
صعدن واني صعدت وراهم دخلت للحمام باوعت بالمراية وجهي دماية جسمي بي كدمات هزيت راسي بيأس وخيبه مسحت الدم وغسلت وجهي ورحت اسبح روحي لعبت خليت الغسول كله على جسمي واحس روحي وسخه مكاعد ارتاح سبحت مرة ثانية حطيت شامبو وراسي ديحركني لا والله ديموتني اريد ابجي بس ما اريد خف هذا الإحساس الخبيث بدلت وطلعت امشط والبنات صافنات آسيا مكتفه ايدها عيونها بالارض وشمس رافعه راسها تباوع للسكف ورميم حاطه أيدها وره راسها صافنه بالحايط مشطت وظفرت شعري
تذكرت وعدي النفسي بهذاك اليوم