طـغيان إِحمِرار السآعد

بارت 21

طِـــغيان إحمـــرار ألســـآعد
منين مر بيك الضباب وتيهتني ؟

~ شمس ~
لكن انفتح الباب ودخل مشعل شهكت عشتار تباوعله بصدمة تتنفس مخنوكة حجت كلمة صدمتنه كلنه واولهم هو
عشتار _ شيطان
فتح عيونه يباوعلها بصدمة وهي بعدت عينها عنه بتعب رجعت عيونها عليه تباوعله مثل اللي ما مصدكة رفعت ايدها حيلها رايح مسحت عيونها بعنف وخرت ايدها وعيونها تحولت حمرة دم تباوع على مشعل غمضت عيونها تهز راسها بـ لا حجت بهمس
عشتار _ اعوذ بالله من الشيطان الرجيم
باوعت على مشعل مسح وجهه بتعب وطلع من الغرفة طلعت وراه اباوعله كعد مخلي راسه بين ايده يتنهد بوجع يهمس
مشعل _ اخخخ يا جمرة كلبي
تقربت شويه وحجيت بصوت ناصي
شمس _ احممم مشعل
من سمعني كام على حيله يتحمحم يبعد نظره عني
مشعل _ تفضلي خويه
شمس _ عشتار تعبانه ماتدري شنو تتكلم لا تضوج
ابتسم وحط ايده على مكان كلبه وجهه شويه وينفجر باوع على ايده ترجف حجه بتساؤل يباوع على ايده
مشعل _ مو الي شمالني اتراجف عليك
سكتت كلبي يوجعني وهو انتبه على نفسه وكال
مشعل _ اعتذر خويه أنا جوه بالسيارة إذا تحتاجين شي أنا موجود
هزيت راسي وهو راح تنهدت ورجعت للغرفة باوعت شفت عشتار كاعدة وحاضنه آسيا بكل قوتها تشم بيها وتعتذر بصوت واهن
عشتار _ اسفه يا روحي انتِ اسفه عفتج وحدج بنيتي تأخرت عليج مو ؟
آسيا _ اهم شي رجعتي النه عشتاري اني اموت بدونج
بعدت عنها ولزمت ايدها تبوس بيهن تحجي
آسيا _ بيه ولا بيج يا بعد البدونج تضيع
بعدت ايدها ولزمت وجه آسيا بأيديها ثنينهم تبوس بخدودها كالت بحنان
عشتار _ اسم الله امي انتِ آسياوتي روح عشتار انتِ اني اللي بدونكم ميته اني الضايعه بدونكم اذيتكم بروحي يا روحي
كامت رميم حضنتها تشم بيها دموعها تنزل وآسيا حضنتها من بطنها مخليه راسها على صدرها بدون سابق انذار بجيت بكل قوتي اشهك باوعتلي عشتار ومالت راسها تباوعلي بألم عيونها ذبلانه حجت بوجع تأشر اجي
عشتار _ تعالي امي انتِ تعالي
رحت يمها دموعي ما راضيه توكف حضنتها من كتفها ابوسها ابجي واشهك احجي روحي مفرفحة
شمس _ اني ما تعبت من شي إلا من خوفي افقدج روحي راحت والله روحي راحت لا تعوفينه بعد الله يخليج لا تعوفينه
وخروا آسيا ورميم يبجون وهي حضنتني بكل قوتها ما مهتمه الوجعها ولا للكانونة ولا للمغذي حضنتها حطيت راسي على صدرها اشم بيها بكل قوتي اريد ارتاح أطمن نفسي هي عايشه وحاضنتني يعني ما راح تعوفنه بعدت عن حضنها اباوع على وجها لزمت وجها باثنين أيديه ابوس بخدودها احجي وابجي
شمس _ اروحلج فدوة شمس تروح فدوة الرمش عينج تعبتي عشتارتنه تعبناج وهم تعبوج مو عساني ميته ولا شايفه هاليوم
حطت ايدها على حلكي مانعتني احجي خازرتني عيونها تشرح شكد متعذبه شكد موجوعه شكد متألمة شكد تعبانه اباوع بعيونها وبجيت اكثر اشهك وخرت ايدها ابوسها وهي عينها ذبلانة تباوعلي بألم على حالتي ساكته تريدني اطلع كل اللي بداخلي ابجي دموعي تحرك خدودي حطيت ايدي على كلبي واشر عليه احجي بوجع روح مثل الاطفال
شمس _ هذا يوجعني والله يوجعنييي والله كلبي يوجعنييي والقرآن اني تعبانه لان انتِ تعبانه اني موجوعه لان انتِ موجوعه مامااااا اووووف شكد تعب كلبييييي خفت تعوفيني خفت تروحين وبعد منو الي منو ادلع عليها ها ؟ منو بعد تكولي شميسه ؟ منو تمشط شعري ؟ انتِ امي مو هي انتِ
ابتسمت واخذت ايديناتي تبوسهم رفعت راسها تبوس بوجهي وبعيوني وخدودي سحبتني الصدرها تبوس بشعري وتمسح على ضهري باوعت على البنات وفتحت ايدها الثاني اجوي يحضنوها بلهفة يبوسون بيها وهي تبوس بيهم حطت رميم راسها على صدرها وآسيا حاضنتها راسها على كتفها غمضت عيوني مجلبة بملابسها اشم بيها شويه وحجت
عشتار _ منو كال انتوا تعبتوني ؟ ارجع واكول انتوا روحي وحتى إذا تعبتوني فداكم تعبي فداكم كل شي فداكم عشتار اقسم بالله وجع جسمي ما يجي قطرة من بحر وجعي إذا وحدة تأذت دموعكم جمرات تحرك روحي قبل كلبي لا تبجون دموعكم غالية عليه لا تبجون حتى عليه تتوقعون اتعب منكم ؟ ليش اكو ام تتعب من بناتها ؟ حتى إذا تعتبروني اختكم بس اني أشوفكم بناتي خواتي صديقاتي اني عايشه علمودكم ليش اني شعندي ؟ عندي يستحق اعيش علموده غيركم ؟ اني امكم وابوكم وأختكم وأخوكم وسندكم وعشيرتكم اني الدنيا كلها
سكتت شويه مسحت عيونها ورجعت حجت بتنهيدة وتعب
عشتار _ ممكن قصرت شويه وياكم لكن وداعت معزتكم بكلبي سويت اللي اكدر عليه واكثر من اللي اكدر عليه حاربت حرب حتى ما أشوفكم تعبانات يا تعب عمري اقسم بالله مو هينة عليه تعب شموستي ولا رميمي ولا آسياوتي ولا هين عليه عفتكم هالمدة وخليتكم وحدكم لكن مو بيدي لو اكدر اصارع عيوني وجسمي واكوم كان كمت لكن مو بيدي وداعت دموعكم إلا ابجيهم دم لا تتوقعون اعوفهم حتى محمد وجواد اني خلص تبريت منهم
شمس _ عشتار اريد اكُلج شي
عشتار _ عوفي الشي هسه بعدين كولي هسه ابتعدوا عني شو كيفتوا
ابتعدنه عنها نضحك وهي تضحك بتعب باوعت على آسيا وحجت بدون سابق انذار
عشتار _ ولج يمه بنيتييي تعاي أنطيني قُبلة
ضحكت آسيا وباوعتلنه تهز جتفها وراحت يمها تبوسها تكتفنه اني ورميم نباوعلهم حطت آسيا بركبتها تشم بيها وتبوس حجت عشتار بضحك
عشتار _ لا تستنشقين عطري معقم وزفر يلعب النفس من اسبح عود شمشمي
هزت راسها آسيا بـ لا تحجي بتعجب
آسيا _ لا لا أصلا ريحتج تجنن اووييي
اجانه صوت فززنه دخلت العنود متخصره وتتمايل تقلد على عشتار وآسيا
العنود _ اوووييي دادههه انطينييي قُبلة الحيااااة انطينييي
ضحكت عشتار راحتلها العنود مبتسمة ضربتها على كتفها وحضنتها تحجي
العنود _ الخاينة وكفتي عملية الهضم قبل كلبي والله يومي بدونج يلعب الروح
عشتار _ انتِ منو ؟
العنود _ العنود تخيلي ؟
عشتار _ العنووود ما تاكل ؟
العنود _ يعني ما اكلت بس نص دجاجة على الفحم وتمن اصفر وببسي وكباب ومندي وأربع عصاير ولفتين
ضحكنه وعشتار عكشت وجها بقرف كامت العنود وباوعتلنه ورجعت باوعت على عشتار وكالت
العنود _ اووووه داده امعطججج معططط كلمن محمض بالمستشفى هيج حلو
كامت عشتار مدت روحها ولزمت بطنها بوجع راحتلها العنود بخوف بحركة سريعة رفعت ايدها وضربتها على ايدها تحجي بقرف
عشتار _ اوووع الله يقرفج دنيا وآخرة بس مجرد الفكرة ولعبت نفسي
العنود _ خلي نجرب بالواقع شنو رأيج ؟
عشتار _ No please I can't اتحمل الفكرة فقط مو عاد اجربها
العنود _ كون يسمعج مصطفى إلا يكعد يصنف بيج شهرين
عشتار _ يمامي صدقة المُحمد يصنف عليه الاستاذ الخايس
فجأة اجه صوت من وره العنود دخل وسد الباب وكف تخصر وكال يأشر على نفسه
مصطفى _ أنا خايس الآنسة عشتار ؟
عشتار _ بصراحة اي خايس
العنود _ وانا اشهد
ضحكنه بكل قوتنه رميم كامت تدمع وآسيا تبجي تسكت شويه وترجع بكل قوتها تضحك واني احس بطني نملت صاح علينه متخصر
مصطفى _ يواش يواش راح تفطسن
عشتار _ هييي لا تحجي ويا خواتي
مصطفى _ اوي داده خواتها خواتي قبل ما يصيرون خواتج مو صح يا بنات ؟
صحنه اني والبنات بصوت واحد
_ لاااا
مصطفى _ على راسيييي خواتي
ضحكنه وهم كعدوا يسولفون صداقتهم تجنن صافنة على عشتار واتذكرت مشعل حسيت انكسر خاطري عليه باوعتلي عشتار وصفنت بوجهي ارتبكت حسيتها كاعد تقراني تنهدت وكمت كعدت يمها عالسرير اباوع عليها وهي تباوع عليه مضيكه عيونها تنتظرني احجي حجيت بهمس خايفه من ردة فعلها ماعرف ليش
شمس _ عشتار شبيج ويا مشعل ؟
عشتار _ مشعل ؟
شمس _ اي
عشتار _ يا مشعل ؟
شمس _ شنو يا مشعل ؟ مشعل اليوم من شفتي حجيتي كلام يعني لان جنتي تعبانه وهو زعل
باوعتلي صافنة عيونها تحولت بلحظة حمرة دم بعدت نظرها عني تباوع للأمام صافنة والكل يباوعلها بأستغراب ومن ضمنهم اني رجعت تباوعلي وهمست
عشتار _ شمس امي شبيج ما شفت مشعل ولا غير مشعل اخاف تتخيلين
شمس _ لا عشتار ما اتخيل اليوم انتِ شفتي مشعل وحتى كلتيله شيطان واذا ما تصدكين ثواني
باوعت على رميم واشرتلها تجي اجتي حجيت بهمس
شمس _ رميم اليوم عشتار شنو كالت المشعل ؟
رميم _ صدك عشتار شبيج ويا الرجال حتى كلتيله شيطان وتعوذتي من الشيطان بس باوعتيله
صفنت تباوع علينه عيونها كل مالها تتحول حمرة اكثر واكثر رفعت كف ايدها على عينها مسحتهن بهدوء ورجعت تباوع علينه وحجت تهمس
عشتار _ يعني ما كان حلم ؟
صفنت اني ورميم نباوعلها ونرجع نباوع البعض هزيت راسي وطلعت من الغرفة امشي سريع ورميم وياي تحجي
رميم _ شمس عشتار بيها شي مو طبيعي
شمس _ طبعا بيها شي مو طبيعي بس تعالي وياي
رحت للغرفة مال الدكتور دكيتها عالسريع وسمعت صوته يسمحلي ادخل دخلت عالسريع وهو كام سلمت عليه وهو رد السلام كعدت وسألته بصوت ناصي
شمس _ دكتور اختي صار شي العقلها ؟
الدكتور _ شلون يعني ؟
شمس _ يعني دكتور الضرب او الصدمات النفسية او التعنيف او اي شي صار الاختي اثر على عقلها او ذاكرتها او اي شي ؟
باوعلي مستغرب وطلع أوراق باوع بيهن يقراهم ويرجع يقراهم ذب النظارة وكال بهدوء
الدكتور _ لا بنتي تحاليل اختج سليمة الحمدلله عقلها ما صار بي شي ولا ذاكرتها ولا اي شي من هاي الأمور ليش شنو صار ؟
حجتله رميم مختصر عن اللي صار هز راسه وكال بتفهم
الدكتور _ يا بنتي يجوز من تأثير المخدر عبالها حلم ويجوز لان تعبانه عبالها تتخيل شي طبيعي لا تقلقين
هزيت راسي وحطيت ايدي على كلبي باوعتله وحجيت
شمس _ دكتور رجاءاً اريد تنقل اختي الغرفة خاصة ممكن ؟
هز راسه موافق طلعت فلوس اريد ادفع ما قبل ورجعلي الفلوس القديمة حجيت بزعل
شمس _ ها دكتور تريدني ازعل اقسم بالله الفلوس هاي من حقك حتى حرام عليه آخذهم
الدكتور _ بنيتي أنا نسيت اكلج انو الشاب اللي وياكم اللي تبرع الاختج بالدم دفع جميع التكاليف وحلفني ما اخذ منكم دينار وداعت ولدي نسيت الموضوع وهسه من تردين تنطيني الفلوس تذكرت
هزيت راسي تعبت من الحجي ما قبل يخلي الفلوس يمه إلا آخذهم اخذتهم وتشكرته عجبني شكد امين الله يحفظه طلعت اني ورميم حجيت بقلق
شمس _ رميم اني مو مرتاحة كلبي ناغزني
رميم _ اني هم عشتار بعيداً عن سالفة مشعل مادري شبيها عيونها فجأة تصير حمرة وفجأة ترجع طبيعية وأيدها فجأة ترجف وفجأة تسكن
سكتت اتنهد حجت رميم وهي تضربني على كتفي
رميم _ اجتني فكرة
شمس _ اخخخ وجع ايدج جنها كرك توجع
رميم _ هسه اسمعييي
شمس _ تفضلي اطرحي فكرتج
رميم _ تعالي وياي
جرتني من ايدي للمصعد صعدنه بي ونزلت عالطابق الأرضي طلعت بره المستشفى شفت مشعل كاعد على كرسي ويمه هذا سيف حجيت بهمس
شمس _ شدسوين يا مجنونة لو تعرف عشتار تتخبل علينه عقلج وين ؟
رميم _ اششش بس اسكتي اروح فدوة الطولج اسكتي
راحت تمشي بأتجاه مشعل رفع راسه سيف وباوعلي ضم شفايفه بأيده مبتسم يريد يضحك باوعتله برود ودرت نظري عنه حجت رميم
رميم _ مشعل
كام من مكانه وكال بخوف
مشعل _ عشتار صار بيها شي ؟
رميم _ لا بس عشتار تريدك
ارتبك وأحواله تخربطت صار يتحمحم ويكح كام سيف مبتسم خافي ضحكته دك على ضهره يحجي يريد يضحك
سيف _ اسم الله خويه صحة صحة بعدوينك ولا بيك يا بعد ريحة امي ههههههههههه
مات من الضحك يضرب على كلبه باوعله مشعل بخزره تقرب منه وهمس بأذنه ضحكت من سمعته يكول
مشعل _ نرجع للبيت بسسس نرجع للبيت وشوف شلون إذا ما اشعلك شعل
نفذ صبر رميم حجت بعصبية متكتفه
رميم _ حضرتك شخاطة ؟
سيف _ لا شحاطة
ماكدرت اسكت ضحكت بكل قوتي حطيت ايدي على شفايفي شلت فستاني وركضت خلف الشجر وخرت ايدي وضحكت بكل قوتي اكح وكل شويه اتذكر حجايته واموت ضحك مرت دقايق واني على نفس الضحكة فزيت من سمعت صوته ورايه يحجي
سيف _ يواشج بويه لا تدخل ذبانه
جيب اللي يسكتني مثل المخبلة درت وجهي عليه وضحكت بكل قوتي وهو صفن عليه يباوع بصدمة وكل ما اباوع بوجهه ازيد ما انقص حجيت واني اضحك اخلي ايدي على بطني
شمس _ اخخخ بطني لا انتَ ثبتتلي انو انتَ مو طبيعي والله انتَ انسان crazy
سيف _ شني كريزي ؟
انتبهت على نفسي اخيرا مسحت وجهي وعيوني احجي بهدوء
شمس _ يعني مجنون
سيف _ والله انتِ المجنونة فجأة تضحكين جنج مطيرجي فجأة تحجين بهدوء
باوعتله بحدة حجيت بهدوء كازه على اسناني
شمس _ تجاوزت حدودك وعبرتهم هم تحترم نفسك من تحجي وياي
سيف _ شني غير انتِ كلتي مجنون
شمس _ ما كلت شي غلط وهسه من رخصتك
رحت امشي مستحقرة نفسي شلون سمحت النفسي احجي ويا شاب اني طول عمري اكره الشباب بسبب اخواني ولد عمي وعمامي وابوية عشتار كانت دائماً ما تقبل نحجي مع شباب حتى بالمدرسة ما تقبل عشت واني بعيدة عن اي شاب ليش سمحت النفسي هسه وين احلامي وطموحي وين وعدي الاختي بدال ما اجازيها على تعبها اسوي هيج
مشيت ضميري يأنبني سمعت صوته يعيط بعصبية
سيف _ شمس شمسسس مو احجي وياج
الظاهر صارله قرن يحجي واني ما اسمعه وكفت بعصبية والتفتت عليه ساكته تكتفت اباوعله بحدة باوعلي وحجه
سيف _ شبيج اشاقه بس لا زعلتي ؟
هزيت راسي بمعنى لا ساكته وهو سكت يباوعلي بعد عيونه عني وحجه بأبتسامة
سيف _ نفس نظرات اختج بالضبط نسخة مستنسخة عنها
شمس _ وين شايف اختي ؟
سيف _ سالفة طويلة اسألي اختج وهي راح تجاوبج وراح تعرفين وين شايفها بس هسه لا يكون زعلتي ؟
شمس _ لا بس لا تكعد تلحكني رجاءاً لا تحجي وياي
سيف _ شني السبب ؟
شمس _ تقبل احد يحجي ويا اختك ؟
سكت يباوعلي بصمت شويه وكال
سيف _ شلون قابله احد يحجي ويا اختج ؟
شمس _ نعم ما فهمت ؟
سيف _ يعني اختج عادي تحجي ويا اخوية وانتِ لا
فتحت عيني على وسعها مصدومة من وقاحته وهو انتبه الجفصته كام يحجي على السريع يبرر
سيف _ اقسم بالله مو مثل ما انتِ فهمتي أنا اعرف اختج من زمان واخوية دائماً يحجي عنها وداعت امي مو قصدي اللي فهمتي لا ....
هستوه يريد يكمل كلامه ومن حركة كلبي رفعت ايدي وضربته راشدي بكل قوتي كدام العالم الناس كلها التفتت علينه رفعت ايدي مرة ثانية وضربته مرة ثانية بكل قوتي وهو ساكت مصدوم من تصرفي واني مصدومة اول مرة اتعامل مع انسان بهالاسلوب بس اللي يجيب طاري عشتار على لسانه اسوي اكثر من هيج محروك كلبي شلون حجه عليها بهالطريقة رفعت اصبعي بوجهه وحجيت اهمس بحدة
شمس _ اختي تاج راسك وراس اختك ورأس اكبر واحد يا عديم الشرف وانتَ أصلا لو عندك شرف ما تحجي بشرف البنات يا حيوان سبحان الله فرق بينك وبين اخوك وتره هذا مو تبرير هذا حتى اوضحلك شكد عقلك مقفل اخوك هو اللي ذابح نفسه على اختي وهو اللي حاول يتواصل وياها مو هي وحتى من وكعت اختي هو اللي اجه مو اني ولا خواتي استنجدنه بي
مسحت وجهي بعصبية الارض وهو يباوعلي مصدوم من ضربي ومن كلامي ومن جفصته ومن شكلي رجعت حجيت بصوت طبيعي
شمس _ اسمعني زين من اليوم شكلك ما اريد اشوفه ولا حتى صدفة
عفته ورحت امشي دمي فاير صعدت بالمصعد وباوعت بالمراية وجهي احمر دم تنهدت اهدي بنفسي جسمي يرجف من الأعصاب