طـغيان إِحمِرار السآعد

بارت 2

‎            طِـــغيان إحمـــرار ألســـآعد 

                                  روحُ مُظلمة متاهاتٌ مُعتمه
                            ذكريات تُعانِقُ المَلامِح وتُهَيج المَواجع
                              رياحٌ وإعصار الحياةُ يقتلُ البهَجه
                               وَيُفيضُ الاحزانِ وينشأ الدورانِ
~ رميم ~
رحت اركض على عشتار أريدها تسمعلي وانصدمت صدمة حياتي
ليش رجعوا راح يرجعون .....؟؟؟!
اخواني ؟؟! ليش رجعوا راحت ذكرياتي واني اباوعلهم لهذاك اليوم
رميم _ رجعت فرحااااانة طايره طايره من الفرح بس اريد أشوف عشتار أشوفها الشهادة معدلي 99.78 حتى المعدل ما ناسيته اباوع على شمس وهي معدلها 99.60 بس ابد ماكو غيره او حقد بينه بالعكس ميهمنه المعدل بكد مايهمنه ردة فعل عشتار وكف السايق نزلت اركض اني وشمس ونضحك
راحت ضحكتي واني اسمع عياط قوي كلبي وكع بطني
باوعت على شمس اللي تباوعلي بصدمة وحجيت بصوت يرجف
رميم _ شصاير
رفعت أكتافها بعلامة مادري باوعتلها وكلت عالسريع
رميم _ أنطيني شهادتج بسرعة
رادت تحجي قاطعتها اخذت الشهايد وركضت خليتهم وره الشجرة وغطيتهم زين بالتراب حتى ميعرفون مكانهم لان لو شافوا بيدنه شهايد متأكده من غضبهم يسوون شي ممكن يهدم مستقبلي اني وأختي
لزمت شمس ودخلنه نركض وكل ما نركض العياط يزيد اكثر وأكثر
لحد ما وضح الصوت صوت عشتار واخواني
روحي طلعت واني أشوف عشتار وجهه بي دم من الجوانب ودم ينزل من راسها حاطه آسيا وره ضهرها تعيط
عشتار _ تمشون على جثتي إذا تريد تلمس شعره وحده من راسها والله وبالله لو مو اخواني اكتلكم بيدي اني اختها الكبيرة واني أحاسبها مالكم علاقه واذا دخلتوا بيه او بخواتي مره ثانيه وحق من نزل القرآن على صدر محمد اكلب النهر بدال المي دم افتهمت يا عديم الرجولة
اباوع على اخواني واحد راسه ينزف والثاني مجروح بحاجبه وخشمه ينزف والثالث ايده من الطول للطول مجروحة يباوعولها بصدمة وحقد
ما احس غير واحد من اخواني شافني اني وشمس شال المزهرية ديضربنه بيه
مانشوف غير طار والمزهرية طارت وياه اباوع عشتار تعبت كلش بس مقاومة روحي فرفحت عليها وحجيت
رميم _ تفو عليكم وعلى شواربكم الخايسه ولكم والله لو بيكم رجولة وغيره ماسوون هيج بأختكم بس انتو لان عااااااارات هيج سويتوا ماتهتز شواربكم من تستقون على بنات الغيرة معدومة الرجولة ممسوحة لو بيكم خير مجان بنية وحدة خلتكم دماية من الطول للطول
باوعتلهم يردون يهجمون عشتار حطتنه كلنا وره ضهرها وحجت بصوت حاد بي حقد وخذلان وكره وانتقام
عشتار _ وحق اخو زينب وداعت خواتي إذا ما أخليكم تكولون التوبة إذا ما اسويلكم اعادة ضبط بلكي تصيرون زلم لك حيوانات الرجولة مو على النسوان بيكم خير وشاربكم ينحسب عليكم روحوا العمامكم طلعوا هاي الرجولة مو يمهم تصيرون جلاب محصورة بالزاوية ويمنه تصيرون اسود
بس وحق الحق إذا ما خليتكم مضحكة للصغير قبل الكبير ما اتسمى عشتار عبدالله محمد
حجه اخويه الكبير بحقد وتوعد
محمد_ إذا ما اقتلج والله ما ارتاح وشواربي مو عليه إذا ما ربيتج
باوعتله شمس وضحكت ضحكتها الرنانة وحجت بصوت عالي
شمس _ جبان لك طرطور انت تقتلها ولك حراااامييييي عار عليه انتَ اخويه وعار علينه كلنه أنتوا اخوانه ربي روحك بالبداية يا دايح
ضحكت عشتار وباوعتله
عشتار _ خلّي هالجملة بالكم انتو الثلاثة طول ما اني عايشه واخذ نَفَسي خواتي محد يلمس شعره وحده من راسهم وتعرفوني كلش زين من احجي كول وفعل إذا وحده من خواتي انلمست شعره وحده من راسها والله العظيم اقسم بالباري أشب كاز بيكم
ومن بعدها سافروا ومشفناهم لمدة سنتين
كل هذا تذكرته بدقيقه اباوعلهم بصدمة قابلوني بنظرات حقد توعد صار نظرهم على عشتار باوعولها بشر وهي قابلتهم بنظرات حادة باردة لا مبالاة
كعدت على احد الاتخمه وحطت رجل على رجل وكالت
عشتار _ ليش رجعتوا ؟!
كلهم توجهت انظارهم الها رد اخويه الكبير بأستهزاء
محمد _ جاي البيت ابويه لازم اخذ الاذن منج مثلا
باوعتله برود وردت بلا مبالاة
عشتار _ لا بس خواتي لحد يحجي وياهم
حجه اخويه الوسطاني بحقد
جواد _ ماخذتهم بس الج لا يكون انتِ امهم وأحنه مندري
سكتت تباوعله بحدة
وراها اخويه الصغير كال
الأكبر _ لا تنسين احنه هم اخوانهن واخوانج يعني نحاسبج ونحاسبهم بدون اعتراض
ضحكت شمس وكالت بأستهزاء
شمس _ عار علينه عااااااااار
باوعلها محمد وكال بتهديد
محمد _ طالعلجن اللسان بس اكصه اكصه
ردت عشتار بحده وصوت عالي
عشتار _ احجي عدل وياهن لا اكوم افرك حلكك حيوان الظاهر نسيت عشتار
باوعلها بأبتسامة خبيثه وكال بحقارة
محمد _ آنسى اختي مع الأسف والله تدرين طول هالفترة افكر بيج
باوعتله من فوك ليجوه وكالت
عشتار _ قصدك تفكر شلون تنتقم مني
باوعلها بأعجاب وكال بأبتسامة حقيرة
محمد _ طلعتي ذكية
باوعتله بتكبر وغمزتله بغرور وحجت
عشتار _ الدرجة انو عائلة محمد سلمان عبد الرحمن راح امحيها من الوجود
باوعلها بأستهزاء وكام كال
محمد _ نشوف بعدين يلا شباب امشوا خلي نرتاح ونتفرغ الخواتنه الحلوات
باوعتله وضحكت بغموض وكالت
عشتار _ خواتي ثم خواتي تذكر اني شكتلك طول ما اني عايشه محد يلمس خواتي
ردت شمس عليها بقوة وكالت
شمس _ خلي يفكرون يلمسونه بشي اله اخلي ملح على جروحهم
باوعولنه بحقد وانتقام وصعدوا باوعتلنه عشتار وكالت
عشتار _ روحن ادرسن بين ما اجي عندي شغل هسه وقفلن الباب إذا تخافون
رديت عليها
رميم _ لا تخافين ابد نعرف شنسوي بيهم وشلون نكلب عاليهم واطيهم ابد ابد لاتخافين
باوعتلي بأبتسامة حنينة وكالت بثقه
عشتار _ و واثقه من هالشي يلا روحن
رحت صعدت فوك طلعت كتبي اريد ادرس كتبت الجدول والمهام وهسه ابدّي