طـغيان إِحمِرار السآعد

بارت 23

طِـــغيان إحمـــرار ألســـآعد
يا صدفـة تلمنـي وياك واشريهـا بثمـن عمـري

~ شمس ~
دا امشي بالحديقة وحسيت احد لزمني من ايدي يجرني من الخرعة التفتت وضربته بكل قوتي على وجهه وكع بالكاع باوعتله وانصدمت من شفته
سيف _ اخخخ يا يمه يا بويه خشمي انكسر عيني انحولت
شمس _ انتَ ؟
سيف _ لا خوال أبوي
تكتفت اباوعله كام من مكانه لازم خشمه باوعلي وصاح
سيف _ شبيج انتِ شبيج فوك ما كاسرة خشمي بدال ما تعتذرين
شمس _ نعم ؟ اعتذر ؟ هههههه
تكتف يباوعلي بحدة اول مرة اشوف هيج نظرات منه كال بأمر
سيف _ اعتذري
ضحكت كل قوتي اباوعله اهز راسي بيأس حطيت ايدي وره ضهري وتقربت يمه حطيت عيوني بعيونه وحجيت اهمس بحدة
شمس _ انتَ بعدك ما تعرفني اعرفك بنفسي
تقربت اكثر منه وأول مرة أتقرب من شاب بهالشكل حطيت شفايفي يم أذنه احجي بنبرة خافته
شمس _ اني شمس من آل سلمان عبد الرحمن اكون حفيدة محمد وبنت عبدالله واخت محمد وجواد والاكبر والاهم ما انصحك تنسى اني اخت عشتار
ابتعدت عنه ارجع بخطوات ثابته وابتسمت عيوني طك شرار حجيت بهدوء
شمس _ تبعد عن طريقي ؟
يباوعلي بنظرات غريبة ابتسم وكال بعناد
سيف _ واذا اكلج ما راح ابعد عن طريقج
شمس بحدة _ No تبعد عن طريقي فوراً وإلا حركت روحك
على نفس ابتسامته ابتعد مشيت بثقة رافعه راسي وصلت للباب وكفت مبتسمة تنهدت وطلعت امشي عدلت شعري وشمرته وره ضهري ادري بي يراقبني بس ماعرف السبب ولا يهمني اعرف لان لو استمر على هالحال اني اعرف شنو اصرف وياه باوعت على المحل همزين مو مسكر فتحت الباب ودخلت للمحل التفت الشاب الكاعد عليه وصفن باوعتله جان شاب اشقر وعيونه زرق سكتت مادري شنو احجي هو هسه اجنبي لو عراقي حجيت بهدوء
شمس _ ? are you Iraqi
الولد بضحك _ yes
ابتسمت وحجيت
شمس _ وين مكان الماء رجاءاً ؟
باوعلي مستغرب فاتح عيونه اشرلي على المكان رحت جبت اربعة باردات مبتسمة اباوع على الماء بحب حطيت الماء كدامه وكلت
شمس _ بكم ؟
الولد _ شنو بكم ؟
شمس _ الماء
الولد _ بربع غير ؟
شمس _ يعني المجموع كم ؟
الولد _ الف
يحجي مصدوم يباوعلي انطيته الف مستغربة من ملامحه احسه يشبه شخص بالي انفتح الباب ودخل شخص ما باوعت عليه بس صافنة بملامح الولد اريد اشوف نسبة الشبه باوعلي الولد وضحك حط الماء بكيس فتحت البوك وطلعت فلوس بلا ما أشوفهم متقصدة وبسرعة طلعت من المحل مشيت خطوتين وسمعت صوته يصيح ويركض وراي
الولد _ يا بنية يا بنية اوكفيييي
لزمتني الضحكة لا ياربي مو وكتها بس صوته يضحك طلعت تليفوني عالسريع وطلعت صورة عمي إبراهيم ومشيت اسرع وهو وراي يصيح وكفت والتفتت عليه بالكامل حطيت الصورة بوجهه وحجيت
شمس _ تعرف هذا الرجل ؟
صفن يباوع عالصورة هز راسه بـ لا ونزل راسه مدلي ايده يحجي
الولد _ يا بنية انطيتيني ورقة بدون ما تدرين
اجتي ايد من العدم واخذت الورقة منه وانطته فلوس رفعت راسي باوعتله بعصبية ردت احجي خزرني يعض شفته بمعنى اسكتي سكتت ضاغطة على ايدي وهو التفت على الولد وكال
سيف _ لك هااا المغوار مشتاقين 
المغوار _ هلا بسيف انتَ شلونك
سيف _ على الله حبيبي هسه اجيك ثواني
اشرلي امشي تكتفت اباوعله بحدة مرت دقيقتين اباوعله وهو عيونه راح تنحول كد ما يأشرلي امشي شويه ومشيت بثقة وبهدوء وهو يمشي بصفي معصب حجيت بهدوء اباوع على الشارع فارغ
شمس _ اني شنو حجيت ؟ 
سيف _ ما راح ابعد عن طريقج مو علمود سواد عيونج لا بس عناد
ضحكت بهدوء وسكتت ما راح احجي بس إذا ما سودت عيشتك اني مو شمس وصلنه مقابيل الباب مدلي كيس الماء لان اخذه ومدلي الورقة اللي انطيتها للولد ابتسمت واخذت الورقة بس وحجيت بأبتسامة مستفزة
شمس _ اوف ما اكدر اشيل الماء
رفع حاجبه يباوع عليه مشيت شويه وهو اجه وراي هستوه يريد يحجي واجه صوت مشعل من ورانه بقيت واكفه بمكاني مبتسمة اجه وكف كدامنه حجه بخزرة يباوع على سيف
مشعل _ سيييف شني عندك يمها 
شمس بهدوء _ شمس
مشعل _ شني
شمس _ اسمي شمس
ابتسم وحجه بهمس مبعد عينه عني
مشعل _ سبحان الله نفس اختج بكل شي
ابتسمت بفخر رافعه راسي ورديت
شمس _ والي الشرف
ابتسم ودار نظره على سيف وكال
مشعل _ شعندك وشني هالكيس
ايمن _ اول مرة نكلك شي وتسوي ها خويه شمس استخدمتي كيد النساء وخليتي غصباً على راسه يجيبلنه مي عفيه عليج فديتج وفديت اختج خياتي الغاليات
خزره مشعل ورجع يمه بهدوء مد ايده وره ضهره وضربة على ركبته بكل قوته وسمعته يتوعدله ابتسمت وحجيت بضحك
شمس _ لا للاسف مادري انتوا عطشانين جان خليته يجيبلكم من راح يجيبلي اعتذر
بالكوة لزمت نفسي ما اضحك على شكل سيف شلون فاتح عينه وشايل الكيس مصدوم وشكل ايمن اللي يباوعله ويباوع على مشعل بأستهزاء مبتسم يهز ايده معاجبه ضحك وكف بنصهم رفع ايده وضربهم على كصتهم وكال يضحك
ايمن _ من أمداكم اي والله
خزروا ثنينهم وضربوا على ركبته من وره بنفس اللحظة هز ايده واجه وكف مقابيلي بعيد عني شويه حط ايده على راسه يحجي
ايمن _  على راسي النسوان اللي تمشي زلم مشوربة لحيتهم جنها عش عصافير بكلمة منها على راسي انتِ واختج اي والله على راسي وبعيوني
ابتسمت وحطيت ايدي على صدري وحجيت
شمس _ Thank you dear brother
ايمن _ على راسي العفو والحسين العفو
شمس بأبتسامة _ عن اذنكم يلا سيف تعال
مشيت بدون ما اسمع رده واني الضحكة لازمتني اجه يمي يمشي بعصبية سمعت عيطت ايمن يصيح روحه مفرفحة
ايمن _ اي ولكككك روووح وصلها وشيل علاكتها يالخايسسسس يالمييييييييع ميييييييع
ضحكت بكل قوتي على صوته وعلى ملامح سيف تستاهل اني تعاند وياي اصبرلي إذا ما كرهتك بنفسك ركبنه بالمصعد واني على نفس ابتسامتي المستفزة ما اباوعله كال بهمس وعصبية ما عاجبه
سيف _ تنطي ورق بنت الأثرياء تعرف تعوف ورقة ودك فج ويا الولد وتعرف تخبث وتكذب وما تعرف تشيل علاكة بخف الريشة
رفعت ايدي وضربته بوكسي بنص بطنه طلعنه من المصعد مشيت بطيء احجي
شمس _ وداعت معزة اختي شوفني وجهك مرة ثانية وشوف إذا ما سويت بيك سوايه ما تنساها حياتك كلها
وصلنه للغرفة اخذت منه الكيس قبل ما ادخل سمعته يكول
سيف _ ديري بالج الثقة الزايدة توكع صاحبها بمتاهات ما يطلع منها
ابتسمت بثقة وتقربت منه باوعت بعيونه بحدة حجيت بهدوء وثقة
شمس _ اني ما اوكع واذا وكعت اكوم من جديد اكوم نفسي بنفسي بدون ما ايد تنمدلي
درت وجهي اباوع للباب بصمت سمعت ضحكة خفيفة وصوت خطواته يبتعد تنهدت وفتحت الباب انصدمت واني أشوف دم بكل مكان ....