طـغيان إِحمِرار السآعد

البارت 5

             ‎ طِـــغيان إحمـــرار ألســـآعد 

                                  انشم بريحتج كل ما يهزنه ريح
                                  لان الريح شايل روحج الخضرة
                    بعدني اشتاك وحيل اشتاك من اسمع سوالف الليل
                            والليل العشته بدونج هسه ما اعبره

~ عشتار ~
ملثم مديت ايدي عالسريع وخرت اللثام منه وانصدمت واني أشوف ...؟؟؟
مشعل عيونه حمررر وغضب العالمين كله بوجهه حسيت روحي طلعت من تذكرت هذا لمسني بس حاولت اطفي ناري وابتسم كوه عليييه والله كوه
عشتار _ هااا مشعل شنو هالحركات السخيفة وبعدين منو سمحلك تلمسني بهالطريقة اللي تعرف اني ما احبها منو سمحلك
باوعلي بصدمة ميعرف شيحجي
عشتار _ اني مو كتلك بعد لا تحجي وياي ولا تتقربلي تفضل شنو رايد
كال بعصبية وحزن
مشعل _ شبيج ليش كلبتي عليه ليش مكاعد تشوفيني اني مشعل مو تكولين حبيتك ليش رحتي وعفتيني تايه بوسط زحمة همومي ورحتي نخطبتي الابن عمج ليش
باوعتله بحدة وحجيت واني احس سنوني راح يتكسرن من كد ما ضاغطه عليهن
عشتار _ اني بنية مخطوووبه وعلى ذمة رجااال ميلعب بمشاعري شمتوقع اكعد ابجي وانوح واتوسل تخسي ومليون تخسي هم لو عبالك تكسرني ههههههه والله مسكين داده اني عشتار عبدالله محمد من عائلة سلمان عبد الرحمن ماكو احد يكسرني وانتَ تعرف السبب اني تحملت ضيم وضلايم اتحملت ياما وياما مو تجي انتَ تفكر تكسرني والله أدوس على كلبي بالكعب مالي واذبه بالنفايات والعن ابو كلبي يابو الحب
باوعلي بصدمة وهو يكول بأندهاش
مشعل _ عبالج انتقم منج او العب مشاعرج ؟؟ بابا اني مشعل ما اخذ انتقامي من نسوان
حجيت برود
عشتار _ اوكي
مشعل _ والله ما اقصد جنت مقهور والله كذب اني كذاب لا تصدكين بيوم اني يقل حبج بداخلي او معزتج
باوعتله بجمود ماعندي رد فعل او كلام اللي سواه مو قليل ابد مو قليل ماكدر ينتظرني معقوله يعني
باوعتله وهو كعد بصف رجلي على الحايط صافن بالفراغ عيونه مليانه دموع حجه بأنهيار ويكول بألم
مشعل _ اموت من أشوفها متجاهلتني ولا تعبرني احبها وغلطت غلط عمري بس والله اني كذاب حجيت كذب بكذب بس حتى اطفي نار كلبي هاي بنت كلبي معشعشه بروحي من جانت طفلة شلون هسه هيج جرحتها ما ادري وين جان عقلي هم ما ادري من حجيت بغباء مني اباوعلها من صفنت تفكر تندمت فوراً على كلامي الكذب خفت ورعب اللي بكلبي يزيد خفت بشنو تفكر اخاف تعوفني وصار اللي توقعته مو بس عافتني تجاهلني ضليت اكعد على الرصيف كبال بيتهم او قصرهم اريد بس المحها بس اريد اكولها كذب اريد افهمها
كاعد صافن راسي كام يوجعني نزلت راسي وحطيت ايدي على راسي اريد يخف الألم بس ألم روحي أقوى بأضعاف واني اشوف البنية الوحيدة اللي حبيتها وفضلتها على روحي وعلى امي وأبوية واخواني وخواتي وعلى العشيرة تعاملني معاملة الغريب اشتاقيتلها وروحي تفرفح على صوتها وسوالفها اني ومنزل راسي اتذكرت سوالفها من جانت تسولف وياي وجنت بسبب قهري أصدها لو انهي النقاش بصمت تخبلت أريدها اريد ترجعلي حتى لو ما تحبني قابل بس خلي ترجع اشتاقيتلها وربي تعبت بدونها
فزيت على صوت باب قصرهم ينفتح اباوعلها طلعت بكامل قوتها وهيبتها وثكلها تضحك ويا خواتها ضجت كلش تمنيت حبها الخواتها يكون الي مشت الايام والساعات بدونها وراح اتخبل من فراكها ما صارت تطلع إلا بفترات متباعدة كلش لحد ما فد يوم رجعت للبيت متاخر كالعادة كابلتني امي تحجي بعصبية
ام مشعل _ بعدك كاعد يم بيت المسعدة لك يمه عوفها هاي بنت عز ودلال متناسبنه
عفتها ورحت الغرفتي مابيه حيل احجي اي شي اجه اخويه اللي اصغر مني بشوي وهو يكول
أيمن ( اخ مشعل ) _ ها يالعاشكة رجعتي حبيييبتي عووووععع اخذووووتك اووووم السحووررة اوووي
اباوعله اني بيا حال وهذا يسوي ايحائات بصوته
مشعل _ وخر من كدامي لا اصلخك بعجل انعنع ضلوعك
باوعلي بحزن وكال
ايمن _ لا حبوووببييه ليششش موو انييي احبووووك
كمت اريد اموته طفر يضحك مالي خلك نفسي انتبه عليه اجه كدامي وكال
ايمن _ شبيك خويه ليش ضايج
انفجرت بوجهه
مشعل _ راحتتت مني ايمن راحتتت
باوعلي مصدوم من حالتي ومن دموعي اللي اول مرة تنزل كدامه حضني بكل قوته يحجي ما مصدك
ايمن _ انتَ تبجي يا اخويه علمود بنية صدك تحجي كول غيرها يمعود بدال بنية الف بنية
مشعل _ ما اريد الف بنية ما اريددد اريييدهااا
ايمن _ هي مو صارت صديقتك بعد شبيك يا عيني
باوعتله وحجيت بعياط
مشعل _ جرحتهااااااااا جعللللل روحيييي ولا روووحها ولككككك جرحتهااااا جرحتتتتت بنتتتتت كلبيييي امدانيي الله يسووود وجهيييي
ما أشوف كدامي اكسر اي شي أشوفه اصرخ بأنهيار
مشعل _ متسااااامحنيي مستحيييل تسااامحنييي راحتتت منيييي ولكممم انيييي السببب اشتاقييييتلها كلبييي طكككك عليهااا والله كلبييي طككككك
ايمن يحاول يهديني ويلزمني بس ماكدر دخل ابوية مصدوم وعلامات التعجب بوجهه
ابو مشعل _ ولك شبيك تخبلت علينه كل هذا التكسير علمود بنية مخبل لو صاحي اصحى
أخذني ايمن يحضني صاح على ابوية يطلع طلع ابوية واني كعدت بالكاع حيل حيلي مهدود
ايمن _ اششش حبيبي ميخالف كل شي يتصلح
مشعل _ ماتريدني بعد تعاملني معاملة الغريب تجاهلني مشوفني حاولت كل شي اسوي بس ماكو شي يتصلح بعد ابد واني ادري شكد نفسها عزيزة عليها صح اني جنت حقير بس اشتاقيتلها كلش مكاعد اكدر انام اخاف انام وتطلع وما أشوفها اخاف اروح اكل وتطلع وما اشوفها
ايمن _ احجيلي خويه شسويت وياها
باوعتله وحجيت كل شي اباوعله مصدوم بس سكت ما حب يذب اللوم عليه
مر يوم والثاني جنت كاعد بالبيت الفجر افكر بيها شدسوي نايمه لو كاعدة جوعانة لو شبعانة موتني التفكير وهلكني واتخبل اكثر من أتذكر هذا مجرد تفكير اما بالواقع ما تشوفني
دك عليه صديقي سولفنه شويه وحجه كلمات صعقتني
صديق مشعل _ تدري الدنيا مكلوبة بمنطقتكم بس علمود هاي البنية انخطبت
مشعل _ يا بنية ما سمعت بنية انخطبت بمنطقتنه
صديق مشعل _ معقوله موصلكم خبر
مشعل _ سمعت امي تحجي بهالموضوع بس ما سألت بنت منو لو وين بيتهم
صديق مشعل _ ولك هاي الحلوة
مشعل _ يا حلوة يمعود
صديق مشعل _ هاي بنت الناس الأثرياء من عائلة سلمان عبد الرحمن تصير حفيدة محمد وبنت عبدالله
انصعقت روحي وتكهربت حجيت بصوت مخنوك النفس ضاك بريتي
مشعل _ ماتعرف شنو اسمها
صديق مشعل _ اي اتوقع اسمها يمكن عشتار حتى اساميهم غريبة ومثقفه خرب بحظهم
مشعل _ ومنو راح تتزوج
صديق مشعل _ سمعت ابن عمها الكبير عنده كومة فلوس الله وكيلك وبعدين شبي صوتك منشول
مشعل _ اي منشول يلا راح اروح انام تصبح على خير
صديق مشعل _ وانت من اهل الخير مع السلامة
روحي طلعت مني عالبطيء وحسيت روحي اشتعلت شعل يعني خلاص راح تعوفني للابد وتتزوج ابتسمت وكأن حسيت شخصيتي الثانية طلعت شخصية مشعل الحقيقية طلعت والله ما يكمل هالزواج لو على كص ركبتي