طـغيان إِحمِرار السآعد

بارت 6

‎                      طِـــغيان إحمـــرار ألســـآعد

لـَومٌ وإِدمـان إِنهيــارٌ ودَمـار
رِمـايـات الأخطاء على الاقـدار

~ شمس ~
روحي تتعب واني أشوف اختي وامي تعبانه وهلكانه بس ما تحجي ضرب اخواني مبرح يكسر العظم مع انو كلش قليل انضربت يعني تقريبا يمكن كل حياتي انضربت مرتين او ثلاث مرات بس وجهي ينصلخ من الراشدي مالتهم شلون هي تحملت عمرها كله تنضرب عنه تنهدت بتعب واني ما بيدي شي على اختي ساندتنه كلنه نهدد بيها لان نعرف ماكو احد ورانه غيرها
اندك الباب ودخلت رميم تحجي بشقه
رميم _ هلا هلا بتوأمي اللي عايفني شبيج وجهج وجه الاموات
ضربتها على ايدها وحجيت
شمس _ يمه اسم الله عليه بيش طالبتني
ضحكت وكالت
رميم _ لا صدك شبيج ضايجه
تنهدت بتعب وحجيت بحسرة
شمس _ عشتار مو زينه
باوعتلي وتنهدت وكالت برود عكس داخلها توأمي اعرفها
رميم _ محد يتحمل جبروت عائلة سلمان عبد الرحمن كل تكبرهم لان عدهم فلوس دمروا حياة اختي علمود الفلوس مستوعبة اللي صار بعشتار انتِ
شمس _ كل ما اصفن اريد أفتهم شكاعد يصير مكاعد الكه جواب يريحني
صفنت بالفراغ وحجت بحقد
رميم _ كل شي تعرضنه اله احنه صار ضعف واضعاف الاختي احنه نضربنه شكد مرة مرتين ثلاث مرات هي انضربت أضعاف ضربنه ولكن الفرق احنه مستقوين بيها اما هي ماعندها احد تستقوي بي القوية أختنا محد يستوعب اللي مرت بي ضرب تعنيف إهمال اضطهاد حرموها من طفولتها وعيشتنه اجمل طفولة حرموها من ابسط حقوقها انطوها الفلوس وسحبوا منها الراحة والطمأنينة والحنان والحماية وكل شي انسحب منها وفرته النه ليش عبالج هينه علينه اختي متعذبه علمودنه
سكتت مسحت وجها بعنف وكملت بحقد اكبر
رميم _ سندتنه كلنه بس محد سندها نايمين مرتاحات ورانه اخت اطمهم طم تنضرب ضرب بس ميهز بيها شي ليش اكو بنية مثلها لو اكو بنية تتحمل كل هذا مستحيل انسى من تخلينه وره ضهرها وهي تتحمل الضرب مستحيل انسى من يطلعوني يكرموني لان اخذ درجات عالية واشوف الفرح والفخر بعيونها لو من تكون تعبانه حيلها مهدود وطلعنه لو من تلعب ويانه وتونسنه كل شي انحرمت منه سوته ويانه محرمتنه من شي لو من تظفر شعري فعلا مثل مكالت آسيا ماكو مثل قوتها عليهم وحنيتها علينه
باوعتلها وابتسمت احاول الطف الجو
شمس _ عشتار بعد اخت رميمه
باوعتلي وابتسمت حضنتني حيل باستني بخدي وطلعت انتفضت من تذكرت كلام عشتار

شمس _ جنت صغيرة العب باللعابة مالتي اجتي عشتار لمتني بحضنها تمسح على شعري حجيت
شمس _ عشتورتي حبابه احجيلي قصة
باوعتلي وابتسمت كالت وهي تأشر على عيونها
عشتار _ من عيني هاي قبل هاي
رفعت نفسي بست عينها ورجعت نمت على صدرها احس بالأمان
عشتار _ كان يا مكان في قديم الزمان كان اكو بنية اسمعا عشتانه تحب خواتها كلش هواي اكثر من كل شي وجانت دائماً تلعبهم وتونسهم بس عشتانه جانت دائماً تنضرب من اهلها من اطلع خواتها وترجع البيتهم تلكي اخوانها موجودين يردون يضربوها هي وخواتها بس عشتانه لان جانت كلش تحب خواتها وتخاف عليهن لان هنَ صغار ومتريدهم يتأذون منهم جانت تروح تاخذهم للغرفة وتقفل عليهم الباب علمود اخوانها ميكدرون يضربون خواتها
قاطعتها واني احجي بقهر
شمس _ اووف شكد حقيرين
ابتسمت باست راسي وكملت
عشتار _ اخوانها جانوا مستغلين نقطة ضعفها واللي هي خواتها من تقفل الباب يأخذوها يضربوها وهي هم تضربهم بس همَ جانوا أقوياء وجانت عشتانه ما تكدر تحجي او تعيط تخاف خواتها يعرفون هي كاعد تتعنف جانوا يضربوها هواي بس هي جانت صبورة وهم جانت تضربهم وتحذرهم يقتربون من خواتها كانت عشتانه دائماً تحمي خواتها رغم هي عندها مرض نفسي
حجيت بعدم فهم
شمس _ شنو يعني مرض نفسي
باوعتلي وابتسمت
عشتار _ بعدين تعرفين
هزيت راسي وهي كملت القصة
عشتار _ عشتانه هي وخواتها كانوا من أسرة غنية عدهم هوااي فلوس بس عشتانه ما كانت تهمها اكثر من خواتها تعذبت هواي وانحرمت من هواي أشياء والمقابل كان ملايين ومليارات عشتانه كانت تحب خواتها الدرجة إذا شافت وحدة ضايجه هي اضوج وتفرفح روحها كانت دائماً تحاول ترسم الضحكة على وجه خواتها جانت تحاول تونسهم وتطلعهم وكل شي انحرمت منه وفرته الخواتها حتى ميحسون نفس ما تحس حتى ما يحسون نفسهم بدون سند حتى يطلعون قويات مثلها خلصت القصة شنو فهمتي منها ؟
شمس _ لازم الأخت تضحي علمود خواتها
عشتار _ صح وبعد اريد انصحج نصيحة حلوة مثلج
ابتسمت وهي ابتسمت وحجت كلمات نسختها بعقلي وما نسيتها
عشتار _ كل ما تشوفين وحدة من خواتج ضايجه ونسيها بالطريقة اللي تحبها لان الخوات مو بس بنات وصارن خوات الخوات محبة مشاركة تنطيني وانطيج اونسج واضحكج سند فهمتي شمستي
ضحكت وحضنتها بفرح وحجيت
شمس _ اي فهمت وأبد ما راح انسه
صحيت من ذكرياتي واني ابتسم ما جنت اعرف القصة هاي جانت قصتها ابتسمت ورحت على الكنتور طلعت الملابس ورحت على رميم دكيت الباب ودخلت شفتها كاعدة تباوع من الشباك شافت الملابس ابتسمت بجانبية وكالت
رميم _ تفهميني عمر عمري
ضحكت وحجيت بغرور
شمس _ توأمي غير يلا روحي بدلي
راحت على كنتورها اخذت الملابس ودخلت للحمام واني بدلت ملابسي ولبست الملابس اللي جبتها طلعت هي فلينه شعرنه جبت التليفون طلعت ساجدة عبيد أنا