طـغيان إِحمِرار السآعد

بارت 28

     طِـــغيان إِحمـــرار ألســآعد
                                    شعُـور لا يُقـال
                                واذا قيـلَ لا .. يُفهَـم

~ العنود ~
مرت ربع ساعة وسمعنه أصوات سيارات شخطت يمنه التفتت وشفت بالتمام 7 سيارات جيب سودة عالية وكفت ونزلوا من السيارات أشخاص لابسين اسود فتحوا باب ثاني سيارة والصدمة اللي نزل من السيارة محمد ، جواد ونزل اللي كاعد بالصدر وانصعقت من شفته امجد اي والله هذا امجد اليوم شيخلصها
باوعت على مصطفى اللي يباوع بصدمة وايمن كل شي ما مفتهم بنفس اللحظة كامن شمس ورميم وآسيا عطت بيهم أريدهن يوكفن باوعتلي شمس وكالت بحدة
شمس _ اني تربية عشتار إلا اخلي عاليها واطيها وادوس على اكبر شارب يحاول يوكف بوجهي
كمت اريد اروح وراهم ولزمني مصطفى من ايدي وحجه بعصبية
مصطفى _ ارجعي لا رجلج اكسرها ما تشوفين المكان كله زلم دكي على عشتار
هزيت راسي وهو وايمن راحوا اباوع على رميم وشمس وآسيا يمشون بثقة وغرور مثل مشية عشتار بالضبط دكيت على عشتار شويه وجاوبتني حجيت بسرعة مستعجلة
العنود _ " عشتار اخوانج وأمجد اجوي اركضي تعاي مادري شلون عرفوا المكان اركضييي "
عشتار برود _ " تمام "
سدت الخط استغربت ردة فعلها باوعت على البنات وما كدرت اصبر رحت اركض وكفت بصفهم وشمس منفعلة تحجي
شمس _ وربي يا محمد إذا ما اخذت هالسربتيه وداعت عشتار وعيونها اسوي اللي ما مسوي بشر ولو انتوا حيوانات
لزمها من ايدها بقوة وقربها عليه يحجي بهمس وحدة
محمد _ شمس احترمي نفسي وحسني ألفاظج ما اريد امد ايدي بالشارع
ما احس غير اجتي ضربة قوية على ضهره باوعنه كلنه عشتار واكفه بغرور تباوعلهم بأستصغار ومشعل واكف بصفها يباوع بغموض وحدة باوعت على جواد وبلعت ريكي نزع السترة والرباط ومد ايده بدون ما يباوع اخذها رجال منه اباوعله حط ايده بجيوب بنطرونه وراح يتمشى بغرور وبطيء بأتجاه عشتار ومشعل وكف مقابيلهم دنك على عشتار وجهه بوجها حط ايده على كتفها وسحبها بقوة الصدره وهي ساكته على نفس ملامحها ونظراتها
صار مثل الواكف بصفها بس حاضنها ايده على كتفها ضرب كتفها وكال بأستصغار واستهزاء
جواد _ ها عشتار الحلوة شنو هالمنظر ؟
عشتار برود _ يشرفك هالمنظر حبي
جواد _ امممم يشرفني ؟
عشتار _ نعم
جواد _ تعالي وياي عشتار احسلج هاي إذا تردين سلامة حبيب القلب
اباوع وكلبي يرعد تقرب مشعل بطئ وكف كبال جواد وكال بأمر
مشعل _ وخر ايدك عنها
جواد _ انتَ منو وتحجي وياي
ايمن وهو يمشي _ تاج راسك
جواد بغرور _ حبيبي اني ابن عائلة سلمان عبد الرحمن تاج راسك ورأس العالم كلها
تقرب مشعل يمه كلش لزم ايده اللي على جتف عشتار ودفعها بعنف لزمها من أيدها لو هذا تخبل هجم عليه ومشعل مخلي عشتار وراه ويضرب بجواد ركض امجد وبكل قوته يضرب بمشعل بحركة وايمن راح ركض وكمز فوك امجد لزمه نومه بالكاع وكعد فوكاه يضربه بوكسات ويصيح بصوت عالي
ايمن _ ولك تضرب اخوووي اليوم الااااا اخليييك تشوف شريط حياتككك ابننن العااار
رميم بصوت مرتفع _ yes والله عار وابن عار وابن سطعش كلب
اباوع على مشعل يضرب بحقد ضرب راسه براس جواد بكل قوته عبالك بينهم ثار والشوارع فرغت مشعل فقد أعصابه عيط بصوت عالي وهو يضرب
مشعل _ مصطفى تعال استلم هذا السكط
راح مصطفى لزم جواد يضاربون ومشعل ركض على امجد وصار يضرب بكل حقد وغل ضربه بوكسي على خشمه يصيح
مشعل _ ولككك ديووووث تريييد تاخذهاااا منييي وحك كافل زينب اشعلكك شعل اشووويك شووي ولككك خلييي تلمحككك عيوووني تباوعلهااا الا ارجعككك جنازة الابوك العاااار سكطططط
وايمن على محمد باوعت على عشتار واكفه تباوع عليهم متكتفه برود راحت تمشي كعدت على المسطبه بغرور تباوع بعدم اهتمام واني روحي راحت على اخوية ركضت عليه وهو وجواد يتمالخون بشكل مخيف نزعت حذائي وبكل قوتي اضرب جواد على ضهره وهو ما يحس من العصبية
عصبت نار باوعت على عشتار بنظرة تسمحين ؟ هزت راسها مبتسمة كمزت فوك ضهره لازمة شعره بكل قوتي اجر بشعره ومصطفى صار يجرني يريدني اعوفه واني حالفه إذا اجتني الفرصة ما اعوفه
لزمته من شعره للكاع وهو طفح الكيل لزمني من شعري وجرني وياه وكعت اني وياه بالكاع واني تخبلت شلون كطع شعري عضيته من كتفه بكل قوتي رجعت شعره وره وضربته براسي على خشمه كسرته لزمني مصطفى يشيلني ويعيط
مصطفى _ ولج يا خبله عوفييي ولج هذا مو اناااا
وخرت عنه وركضت بتك حذاء لزمت حذائي الثاني وشمرته عليه اعيط مفرفحة
العنود _ ولك إذا ما انكلعت من هالمكان والله اسوي طشاركم بفلس ولييي
مشعل ملخ امجد وايمن ومحمد يتمالخون وحدهم وعشتار كاعدة صافنة علينه واني ملخت جواد وجهي راح يطك من العصبية والمضحك المبكي مصطفى حط جواد وره ضهره يحمي وجواد يضرب بمصطفى على راسه ويحجي بقرف
جواد _ هاي بنية لو دلالة الزم اختك لا أزعلها والله
العنود _ تززززعل منوووو
نزعت حذائي الثاني وشمرته بكل قوتي اجه بكصته فيت اخيرا تذكرت نفسي بنية عززه تخزيت اي والله وبكل ثقه عدلت شعري ورحت امشي جبت جواريبي اللي طارت ورحت اخذت حذائي ورحت كعدت بصف عشتار وهي صافنة عليه واني البس حذائي وادردم بصوت عالي اسمعه
العنود _ خايس وجايف ومعفن وأبو ش،خه ما يسبح مسوي نفسه شخصية وهو قندرة مكطعة عشرين وصلة كل خمس وصل بقارة ابو عيون خايسه
جواد _ مثل عيونج النكسة
العنود بصياح _ ماكو غيرك وغير عيونك وغير شكلك وغير أخلاقك وغير لسانك نكس يا خايس يا ابو لسان زفر يا قندرة الشوارع
جواد _ ماكو غيرج قندرة سدي حلكج لا اسوي شي ما يعجبج
ضربه مصطفى بوكسي على حلكه وهو عبالك تحول دماراته طلعت وجهه تحول لزمه من قميصه ومطله بالكاع كعد فوكاه يضرب بي ومصطفى يضرب ويدفر اما مشعل الوحيد اللي يضرب من كلب باوعت على عشتار وكلت بخوف اشر على مشعل وأمجد
العنود _ عشتار كومي راح يموت الولد
كامت بهدوء وراحت تمشي بأتجاه لزمت ايده تحاول تمنعه وهو عياطه هز المكان هز رحت وراها اباوع واحجي
العنود _ خويه عوفه راح يموت والله وتضيع ويضيع شبابك عوفه ما يستاهل
مشعل _ اليوم اشرب من دمك ولك سنييييين انتظررر هاللحظة اذااا ما توووبتككك تندككك بشييي يخصنييي اسميييي موو الاشعللل
ركع راسه بالكاع بكل قوته يضرب براسه وهذاك وجهه دماية ضربه بوكسي بكل قوته على صدره بجهة كلبه شله شل صار يكح ويستفرغ دم واخيراً عشتار طلعت من قالب الثلج اللي جانت بي وعاطت
عشتار _ كافيييي ماتتت مات مات الاشعل كافييي الخاطرييي
لزمته من ايده وهو كام بعصبية ويريد يهد مرة ثانية وعشتار واكفه كباله ايدها على صدره تمنعه وهو يعيط ويهدد
مشعل _ ولك اخذهاااا اخذهااا وغصباااا عليييك وعلى أهلكك عهد عليه أرجعك رجاااال إلا اسويلك اعادة تحويل من ديوووث الرجاااال
فجأة حضنته عشتار بدون شعور دافنة راسها بصدره سكت بصدمة يباوع على حضنها غمض عينه بضعف وحضنها بقوة مايل راسه على راسها مغمض عينه ابتسمت على منظرهم دموعي تنزل باوعت على البنات يتعاركن ويا محمد وشمس تصيح مفرفحة ركضت عليهم وعطت بقوة احجي بقهر
العنود _ كافييي شتريييد ليشش تركضون وره اختكممم اربعة وعشرين سااااعة انانيتكممم خففوووهاااا فننننت عمرهااا علمودكممم بالاخيييير تركضووون وراها علمووود تتزوججج من سكير وزير نساء وزاني ومنحططط ؟؟ شني من بشر انتووووا ؟ كافي عوفوهااا بحالها دمرتوا حياتها هدمتوا صحتها طول هالسنوات هي تعباااانة وياكم وما تشتكي بكل مرة توكعون بيهااا هي اول ايد تنمدلكممم وترجعون تخذلوها من طلعتكم من حياتها تمسكتوا بيها ؟
محمد _ أختنا ما تتزوج من بره العائلة هاي قاعدة عائلة سلمان عبد الرحمن ما انطي اختي الواحد فقير اختي متعودة على العز والدلال
ضربه ايمن بوكسي على وجهه بكل قوته لزمه من ياخة القميص وضرب راسه براس محمد بكل قوة بحيث الصوت طلع عقجت وجهي بألم ثواني واجتي ضربة على ضهر جواد التفتنا نباوع شفنه سيف اخوهم اجه لزم جواد من ياخة القميص وضربة بوكسي على وجهه بقوة وجواد ضخامة لا يستهان بيها ابد رجعله الضربة أقوى وهذاك مجلوب ضربه على ضهره وتماطل هو وياه ضربه جواد على وجهه كسر وجهه تكسر راح ايمن اخذ خشبه بالكاع وعاط بخشونة يباوع على جواد بحدة
ايمن _ تضرب اخوي وكدامي
جواد _ اتأكد بعدني ما مشغل ايدي
ايمن بضحك _ ركصها يلا
عاطت رميم بضجر
رميم _ كافي جووواد
ايمن _ اسمحيلي بس هالمرة ما اكدر
رفع ايده يريد يضربه بالخشبة لزمها جواد وكسرها بيدها مبتسم برود بلحظة تحول من نار إلى برود تام صفك ايده بقرف وعدل ملابسة وشعره باوع على ايمن وكال
جواد _ هذا اول لقاء حبيبي شوف شلون راح احطك بجهنم وأطلعك عظم بلا جلد النار اللي شعلتها تتحمل لهيبها انتَ واتاكد اختي ما راح تاخذ اخوك واني حي
رميم بحدة وهي تمشي _ جووواد
وكفت كباله وهو نزل عيونه يباوعلها حجت بصوت ناصي
رميم _ ارجع للبيت لا والخلق هالكون ملفاتكم من باجر تطلع للكرة الأرضية وداعت عشتار وتعرفني اني رميم اخت عشتار ما احجي شي عبث
جواد برود يوخر شعرها عن وجها _ راح ارجع بس مو وحدي
رميم بابتسامة _ صح راح ترجع وتاخذ هذاك الجثة ههههه والله الاشعل شعله شعل
التفت محمد على امجد وانصدم بمنظره صاح على الحرس اللي جانوا واكفين خايفين يدخلون لان يعرفون عشتار ما تقبل راحوا اخذوا التفت جواد على عشتار اللي وكفت مقابيله متكتفه حجت برود
عشتار _ شبيك ؟
جواد _ شنو تسوين ويا هذا العار
قبل لا ترد اجاه بوكسي فلش سنونه تفلش ركضوا الحرس يردون يبعدوا باوعتلهم عشتار بحدة وكالت
عشتار _ ارجععععع
رجعوا بخوف ومشعل مبتسم يباوع على جواد بتحدي بالمقابل رفع ايده يريد يردله الضربة بحركة سريعة لزم ايده ولواها بالرغم برود عشتار لكن اني اكثر وحدة تعرفها من بعد خواتها فزة عيونها وتوسع بؤبؤها تثبت خوفها على اخوانها لزمت جواد من ايده وبعدت ايد مشعل عنه باوعت على محمد وكالت
عشتار _ محمد روح اني نص ساعة واجي
محمد بعصبية _ ما امشي بدونج
تنهدت بتعب مغمضة عينها ركضن عليها البنات بخوف لزمت شمس وجها بيدها وهي وجها صار اصفر من الضغط النفسي اللي تتعرضله لاحظت سيف عيونه متعلكه بشمس وحركاتها وهي مو يمها حجت وهي لازمة وجه عشتار بيديها الاثنين
شمس بخوف _ خلص خلص عشتار امشي نرجع للبيت احنه هم تعبنه حسبي الله عليك يا محمد ويا جواد
عشتار بهمس مغمضة عيونها _ الأشعل !
ابتعدوا البنات عنها وجواد راح يمها وكال
جواد _ هالدرجة مالنه قيمة عندج ؟
فتحت عيونها باوعتله بدون ما ترد لزمها من ايدها ومشعل فز عليها خايف دفع جواد من يمها ولزم ايدها يباوع عليها بخوف وكال
مشعل _ تأذيتي ؟ اذاج هالحيوان ؟
هزت راسها بـ لا درت نظري على مصطفى والبنات وكلت بهمس
العنود _ مصطفى اخذ رميم وشمس واسيا وايمن وروحوا بالكراج
مصطفى _ شني مخبل لو مكرن اعوفج وحدج ؟
العنود _ ما تثق بيه ؟
مصطفى _ أثق بيج بس ما اعوفج وحدج مستحيل
العنود _ مصطفى حباب لا تأزم الأمور اكثر
مصطفى _ العنود ما اعوفج ولا اعوف عشتار ومشعل وحدكم مستحيل
سيف _ انا أوديكم
شمس بنرفزة _ كملت السبحة كملت العنود اني ما اتحرك واعوف اختي
آسيا _ واني مستحيل
رميم _ واني مستحيل
العنود _ الوضع ما يسمح بنات
اجتي عشتار وكفت يمنه وكالت بهدوء
عشتار _ اخذهم البيتكم
ايمن _ خويه شني كدامج مكرنين شلون اعوفنج واعوفن اخوي ؟
عشتار _ حشاك بس الوضع يطلب هيج شي إذا عندي خاطر يمك روح ويا اخوج وانتِ العنود روحي وياهم اني ما عليه شي
العنود _ عشتار صدك تحجين
عشتار _ اي صدك العنود ما اكدر اسمع عناد
آسيا وهي تحضنها _ عشتاره حبابه خليني وياج
حضنتها تبوسها بخدها والكل صافن عليهم وخرتها لازمة وجها بثنين إيديها
عشتار _ روحي حبيبتي روحي واني اجي وراكم
آسيا _ وعد ؟
عشتار بابتسامة _ وعد
هزت راسها وابتعدت عنهم شمس ورميم راحوا وحضنوها وهي حضنتهم مبتسمة وخروا واشوف الفخر بعيونهم باوعتلهم عشتار وكالت
عشتار _ باجر اطلعكم تمام ؟
شمس _ يا طلعة امي انتِ تروحلج فدوة الطلعة
عشتار _ روحوا تونسوا بيت العنود بين ما ارجع ونلعب
العنود _ اوووف منج ولا تكعدين عناد عناد عناد مليون
ايمن _ انا ما اعوف اخوي
مشعل وهو يتقرب _ لا روح وياهم على الاقل يكون وياهن زلم
ايمن _ بس ...
مشعل _ لا بس ولا خس روح وياهم ايمن وسيف هم راح يجي لا تخاف ما راح يصير شي ولا اكو عركات بس ولي من خلقتي
ايمن _ اوووف داده هيج تحبنييي ؟
ضربه على ركبته بخزره خجلان من عندي ومن البنات ضحكنه ودعت عشتار والله ما اريد اروح بس اوووف منها عناد يمشي بوريدها
مشينه للكراج وايمن ومصطفى وسيف استلموا جواد ومحمد تحشيش عاطت شمس بيهم بعصبية
شمس _ please ما اسمح لاحد يجيب طاري اخواني لو مهما يصير
ايمن _ حقج خويه نعتذر وغصباً ما علينه أعتذر أنا من حضرتج ولكم هتليه اعتذروا لا اجفص بمصارينكم اعتذروا من بنت الطكطكطوكين المثالية
مصطفى _ نعتذر ست شمس
سيف _ ما بقه بس ام عطوب اعتذر منها
رهف _ ولك منيلها عطوب شوف شعرك انتَ مخشب من الوسخ
شمس _ اووووع This is so disgusting ( هذا مقزز للغاية )
سيف _ شني تكول هاي الفايخة
شمس بعصبية _ احترم نفسك لا استخدم أسلوب ثاني ما يعجبك لو نسيت الماء اللي شلته ؟
سكت واحنه نضحك وايمن هز ايده غم نفسه وكال باستهزاء
ايمن _ امداني اي والله شلون اخوان ميع عندي واحد طلعنه بنص الليل لان  آنسته كالتله والثاني يمشي مثل الثور شايل مي الآنسة
شمس بغرور _ لازم هيج يصير اساساً
سيف _ الغرور مو يمج ابد ولا لايك عليج
شمس _ يلوك وغصباً على شواربك هاي اللي جنها شوارب ارملة
سيف _ مثل شواربج
شمس _ إذا عندي شوارب تروحلهم فدوة واذا ماعندي هم تروحلهم فدوة
سكت ما يعرف يرد واحنه نضحك عليهم رحنه السيارات اني ومصطفى وسيف وشمس وآسيا بسيارة مصطفى ورميم وايمن بسيارة مشعل ....