طـغيان إِحمِرار السآعد

بارت 18

طِـــغيان إحمـــرار ألســـآعد
يا الهي مالي غيرك يعرف البيه
اني بنادم حنين وحيل ما بيه

~ عشتار ~
كام تقدم بأتجاهي مبتسم واني باااردة ماعندي ردة فعل تقرب مني وحضني بكل قوته حسيت ضلوعي تكسرت فتحت عيوني مصدومة من تصرفه
صرت ادفع بي بس ماكو عبالك حايط ما يتحرك راسي ملفوف إذا اسوي اي حركة غلط راسي ينفتح رفعت رجلي اريد اضربه لزمها بأيده وقرب راسه يم ركبتي يريد يبوسني فرفحت روحي صرت اتحرك مثل المجنونة وابعد براسي وهو يضحك حسيت اعصابي تلفت بكل ما اعطاني الله من قوة ضربت راسي براسه مادري الضربة اجتي على راسه لو وين فكني مبتعد لزمت راسي الألم مو طبيعي باوعتله لازم عينه وخشمه يفركهن مبتسم حجيت بوجع مكتوم
عشتار _ جرب بعد تتقرب يمي وشوف شسوي فد لعبانه نفسي من شوفتك وداعت خواتي كل ما أشوفك احس راح اتقيأ
ضحك بكل قوته يهز براسه بيأس باوعلي واجه يريد يلزم ايدي رفعت ايدي الثانية وضربته بكل قوتي على وجهه ايدي لزمت راسي الألم يذبح وهو فاتح عيونه عالاخير يباوع الأيدي اللي ضربته بيها راشدي لزمني من ايدي بكل قوته يمشي دفعني عالتخم وكعد بصفي اريد اكوم منعني لزم ايديناتي الاثنين بأيد وحدة يباوع بعيوني وكال
امجد _ تدرين لو انرفعت ايدج مرة ثانية اكسرها الج لو لا
تفيت بوجهه وحجيت بعصبية صوتي عالي
عشتار _ لا ما ادري ولا اريد ادري وانتَ رجال وابن ابوك اكسرها يلا علمود اطمك طم ابن الخايس يحجي
باوعلي بهدوء ولأول مرة يصير هيج هادي رجع ايديناتي بكل هدوء وصفن للأمام رجع ضهره عالتخم مترهي حجه بهدووووء عجيب
امجد _ الحساب مو هسه يا عشتار راح تشوفين شلون راح احرك كلبج مثل ما حركتي كلبي وطلعتي روحي وذليتيني كلهن راح اطلعهم من عينج
ابتسمت كمت ابتسامتي تخفي وجع روحي وجع نفسيتي وجع جسمي وجع راسي وجع عمري كله تقربت يمه وجهي مقابيل وجهه مبتسمه يباوعلي هايم بتفاصيلي شكد فرق بينك وبينه هو نظيف وانتَ اقذر خلق الله ملت راسي همست يم أذنه
عشتار _ عذابك على ايدي اباوع بنص عينك وما أشوفك اقسم بالله إلا أخليك ما تنام ليلك اطلع بلا شرف إذا ما خليتك تندم يا ناقص الرجولة
حسيت اجتي ضربة على ضهري شلتني شل انسحبت من ملابسي واندفعت للحايط باوعت شفت جواد ومحمد يباوعون عليه بغضب ركض عليه جواد ركع راسي بالحايط اختل توازني وكعت بالكاع والدم صار ينزل على وجهي بطيء انرفعت من شعري حسيته تكطع عيوني تغوش كلبي معصور بالكوة اجر النفس رفعت ايدي مابيه حيل وضربته على وجهه ضربني راشدي يعيط
محمد _ لججج كح.. صلفة وعرررمة اليووووم موتججج على ايديييي انتِ عااااار يا ساق.. اليوم اغسللل عاارررج بنتتتت الكلببب
الراشديات تتراكع على وجهي الدم غطة وجهي وعيوني ما اكدر افتحها الدم دافي ينزل على وجهي وركبتي وصدري دمر ملابسي حجيت بداخلي أناجي ربي
عشتار _ يارب العالمين بجاه اهل البيت بحق محمد وآل محمد رايده الصبر ياربي لا تاخذ عمري هسه ما شبعت من بناتي ما شفت تخرجهم ما فرحت بيهم ما هلهلت بعرسهم ياربي ما اريد اموت اليوم بعزتك وجلالك اريد حيل يسندني يا قوي يا ودود يا رحيم يا شديد العقاب ارزقني قوة اوكف على حيلي يارب تشوفني وتشوف شكد الدنيا تعبتني وشلون صبرت على البلاء
خدودي نار لزمني من ملابسي يمشي بيه فتح باب الغرفة مال امي وابوية وشمرني بالكاع مسحت عيوني من الدم وفتحتها اباوعله حجيت بصعوبة
عشتار _ راح يخلص دمي
محمد _ طبججج مررررض حيوااااانة
ابتسمت بخيبة وكلت بوجع
عشتار _ انتوا تتيتمون
ابتسم بأستهزاء وكعد مقابيلي فتح تليفوني وشمره بوجهي روحي فرفحت بس سكتت اريد اجمع بكلبي اريد اكرهم فتحت التليفون وشفت صور اني ويا مشعل كاعدين آخر مرة التقينه بيها ابتسمت وبست صورته كدامه باوعتله فتح عيونه على وسعها واجه دفرني برجله على بطني هاي الضربة جانت الكفيلة اكوم اقوم القيامة بيهم
باوعتله بحدة والأول مرة يشوف هاي النظرات مني كمت على حيلي أعاند تعبي وألمي كالعادة ضربت التليفون بالحايط سويته طحين دفرت الباب بكل قوتي اتوقع حتى الأموات سمعت الصوت اعصابي تلفت دفرت الباب مرة ثانية انكسر طلعت امشي رحت للمطبخ تحت أنظارهم مصدومين ما يعرفون شكاعد اسوي جبت سجين حطيتها بخاصرتي وطلعت المواعين كلها اكسرها
طلعت من المطبخ رحت يمهم والمواعين بيدي مبتسمه
عشتار _ اليوم أقوم القيامة فوك راسكم جنيتوا على ارواحكم
عاندت كلبي وشمرت ماعون على جواد بس ما اجه بي لأني اعرف وين اشمرها كسرت المواعين كلها ورحت على امجد ضربته على وجهه بكل قوتي لزمته من شعره نزلته اركع راسه بالطبلة حسيت احد يسحبني ويضربني ما اهتميت ضربت امجد بكل قوتي على وجهه بوكسي دفعته بالكاع وكعدت فوكاه اضرب بي بحركة اعيط بقهر
عشتار _ موتتنيييي الله ياااخذككك الله ينتقممم منككك ابننننن الكلبببب كرهتنيييي بأخوانييييي كرهتنيييي بنفسيييي خليييت اخوااانييي ملطشههه بيدككك يا عااااار يا حيوووواااان عدييييم الرجووولة
اضرب بي بكل قوتي يردون يجروني منه ما يكدرون ما احس بروحي شسوي مادري اريد ابرد كلبي بي رجعت كملت روحي مفرفحة بلعومي انشحط من العياط
عشتار _ ولككك ضحيتتتت بيييي علمودهممم ضحيتتتت بحببب عمررييييي كسررتتت كلبهههه فرطتتتت بكلبيييي عفتتتت روحيييي علموودهمم عوووفنييي بحاليييي عوووفنيييي
اجتني ضربة قوية من قوتها ماعرف وين انضربت غوشت عيوني وصار الدم ينزل بغزارة حيلي راح امجد جان صافن عليه ممستوعب اللي سويته بي واللي صار بيه والدم اللي كله نزل على وجهه وكعت على ايدي اليمين وعيوني قفلت
وصرت ما احس بأي شي