طـغيان إِحمِرار السآعد

بارت 38

                               طِـــغيان إِحمـــرار ألســـآعد
                          غبت حتى انفكـد مو حتى تنسـاني ..

~ رميم ~
شهك فاتح عيونه بصدمة ما متوقع سؤالي صار يبلع ريكه بتوتر ما يعرف شنو يحجي سكت شويه وكال الصدمة العظمى
مُهيب _ اللي بالج صح
رميم _ بدون لف ودوران اريد جواب واضح
مُهيب _ جاسر سحر عشتار
انصدمت مع انو اني اعرف بدون ما يكولي بس اريد اتأكد خفيت صدمتي بداخلي بلعت ريكي اخفي رجفة صوتي وحجيت
رميم _ شوكت وليش وشكم سحر وين المكان ؟
مُهيب _ الصور ما تطلع
هزيت راسي بالموافقة وهو كمل كلامه يكول
مُهيب _ من زمان سوالها سحر من كانت طفلة لكن السحر ما فاد وهو حقد اكثر واستمر يسوي سحر
رميم _ سحر شنو سوالها من كانت طفلة؟
مُهيب _ جان يريدها تصير تحت امره وتسمع كلامه بس ماعرف نوع السحر
رميم _ وهسه هالفترة سوالها سحر مو
هز راسه متوتر بس يسوي روحه ما مهتم وبارد رجعت سألته
رميم _ سحر شنو
مُهيب _ جنون وجن وتكوم تشوف أشياء مو موجودة
رميم بحدة _ اقسم بذات الله إذا ما حجيت وين مكان السحر ما تلوم إلا نفسك
مُهيب _ هاي الشغلة ما اعرفها
رميم _ تعرفهااا
مُهيب _ جاسر مو غبي
رميم _ تمام انتَ اللي ردتها النفسك
ما احس غير تحول صار مثل الوحش لزمني من ركبتي مشه بيه للحايط دفعني خانكني ابتسمت برود اباوعله وهو مستمر يضغط على ركبتي ويعيط بوجهي بس ما اسمع شي صرت احس شي بارد على كلبي برودة غير طبيعية
عيوني كامت تغوش والنفس انكطع عني ما قاومته ولا حتى رفعت ايدي امنعه بس مبتسمة فرحانة راح اموت وارتاح من هالشياطين اجتي بالي عشتار وبدون شعور همست بصعوبة
رميم _ ابو فاضل العباس
بنفس اللحظة انشمر بعيد عني رجعلي النفس بأخر لحظة لكن احس عيوني راح تطلع من الحرارة واكفة بالزاوية مغمضة عيني ايدي على ركبتي واسمع صوت مميز خشن رجولي بي بحة يصيح مُدافع عني
ايمن _ اليوم اكسر ايدك وعلي ولك ك..واد تمد ايدك على حرمة اليوم أراويك النسوان شجيب
فتحت عيني اباوع بس النظر شويه مغوش ايمن شايل خشبة عريضة بس واحد ينضرب بيها يموت ما احس غير رفعها وبكل قوته على آشور كسر ضهره تكسر صاروا كلهم عليه وهو بعدال عشرين رجال حيله حيل الحصان
شال الكرسي بايد وحدة وضربها براس واحد منهم
شهكت بقوة من تكاموا عليه كلهم يضربون بي اجه واحد منهم عليه ضربني راشدي رفعت ايدي بكل قوتي ضربته اجتي الضربة على ركبته ما احس غير اجه ايمن يمي اخذ اللي اتعارك وياه لزمه من شعره دك بوكسيات وكلهم اجوي عليه كازين على سنونهم
حطني وره ضهره وصارت كل الضربات تجي عليه فرفحت روحي واني اسمعهم يفشرون عليه وعلى ايمن وعلى امي وامه كمزت واني وره ضهره لزمت واحد من شعره وكلهم عيونهم توجهت عليه لزمني ايمن من ايدي يريدني اعوفه واني كزيت على أسناني الحيوان غلط على امي اكثر واحد
رميم بعياط هز البيت _ ولك حيووووان امي تااااج راسك وراس اهلك وعشيرتك واحد واحد كلكم ترحووون فدوة للترااااب اللي تمشي عليه امي بنعالها ابن النعاااال روح استر نفسك وخواتك المكبسل وتعال فك حلكك الخاااايس يا ابن الماسوووونيييي
ما احس غير انشلت من مكاني فلتت ايدي وايمن يصيح وهو شايلني متوجه للباب
ايمن _ اعذروني مسحوها برجلي ولد الماعرف يربيكم باجر والعباس ابو فاضل باجر راجعلكم
رميم بعياط _ نزلنييي ايمنننن
طلعنه من البيت ونزلني لازمني من ايدي بكل قوته يمشي ويمشيني حط ايده على حلكي يسكتني ويحجي
ايمن _ لج سكتي فضحتينا فلك طرج خنوصل للسيارة وصرخي براحتج
وصلني للسيارة دخلني بيها واني اعصابي فايرة على الأخير منه صعد للسيارة وكبل شخطها عيطت عيطت طرشت أذنه وهو ساكت من الأعصاب كومي يا رميم وبكل قوتج ضربي ايدج بالجامة ما احس غير انفطرت وكزاز دخل بيدي