🧝Chapter 38
မြောင်လျန် ထူးဆန်းသည်ဟု ခံစားခဲ့ရသည်။
ယန်ရွှေလက်ဖက်ရည်ဆိုင်၏ မီနူးအသစ်ကြောင့် သာ့ဟယ်စားသောက်ဆိုင်၏ လုပ်ငန်းစွမ်းဆောင်ရည် ကျဆင်းသွားကြောင်း ယွမ်ကောပြောသည်ကိုသူကြားခဲ့ရသည်။ စားသောက်ဆိုင်ရှိလူတိုင်းသည် ဟင်းပွဲများ၏ဇာစ်မြစ်ကို ဖော်ထုတ်ရန် စိတ်အားထက်သန်နေကြပြီး အသုံးပြုထားသော ဟင်းသီးဟင်းရွက်များကို မဆိုထားနှင့် တစ်ကြိမ်မျှ မအောင်မြင်ခဲ့ပေ။ယန်ရွှေလက်ဖက်ရည်ဆိုင်က တစ်နေ့တာလုံး ဟင်းသီးဟင်းရွက်ပုံးများကို လက်ခံရရှိခဲ့ပြီး အားလုံးကို အဆောက်အဦးထဲသို့ တိုက်ရိုက်ပေးပို့ခဲ့သည်။ ရလဒ်အနေဖြင့် ဘယ်သူက လာပို့မှန်း သူတို့ မသိခဲ့ကြပေ။
မြောင်ဟယ် နှင့် ရန်သာ့လန် လျန်အိမ်တော်သို့ အစားအသောက်များ ပို့ဆောင်နေကြသော်လည်း လျန်အိမ်ဆော်က ယန်ရွှေလက်ဖက်ရည်ဆိုင်မှ အလုပ်သမားများအား အမည်မသိအရာများပါသည့်ပုံးများကို သယ်သွားခိုင်းသည်။
ဒါက နည်းနည်းတော့ ထူးဆန်းတယ်မဟုတ်လား...
ဤသံသယအတွက် မြောင်လျန် နောက်တစ်နေ့မနက်တွင် မဆုတ်မနစ်ဇွဲကောင်းကောင်းဖြင့် စောင့်ခဲ့သည်။သူ့ခြေထောက်များ နာကျင်လာသော်လည်း ဤပုံးများက လျန်အိမ်တော်အတွက် အထူးသီးသန့်ဖြစ်ပုံရသည်ကိုပဲသိခဲ့ရသည်။လျန်အိမ်တော်ကဝယ်ခဲ့သော အရာအများစုကို ထိုသို့သော ပုံးများဖြင့် ထုပ်ပိုးထားသည်။ ယင်းက ခုနကသူ၏ထင်မြင်ယူဆချက်ကို ကြီးမားသောဟာကွက်တစ်ခု ဖြစ်လာစေခဲ့သည်။
ဒါပေမယ့် ဒီလို ဟာကွက်မျိုးက ခုနကသူထင်ထားတဲ့ ဖြစ်နိုင်ချေကို ဖယ်ထုတ်မပစ်နိုင်ဘူးမလား...
အချိန်ကို တွက်ကြည့်တဲ့အခါ လျန်အိမ်တော်ရဲ့ ဟင်းလျာတွေက မြောင်ဟယ် လျန်အိမ်တော်ကို ဟင်းသီးဟင်းရွက်တွေ စပို့တဲ့အချိန်ကစပြီး မတူတော့မဟုတ်ဘူးလား...
ဟုတ်သည်၊ ကွင်းဆက်အများစုက ပျောက်ဆုံးနေသေးသော်လည်း သူ၏သံသယများက အခြေအမြစ်မရှိဟု မပြောနိုင်ပေ။
ထို့ကြောင့် သူ လွှတ်ပေးလိုက်ခြင်းထက် မှားယွင်းသတ်ပစ်လိုသည်ဟူသော အကြောင်းပြချက်ဖြင့် ရွာလူကြီးအား မြောင်ယွမ် သို့မဟုတ် မြောင်ကျွယ်မှတဆင့် စည်းရုံးနိုင်မည်ဖြစ်သည်။ အကယ်၍ ထိုပုံးများက မြောင်ဟယ်ဆီမှ အမှန်တကယ် ဖြစ်ခဲ့ပါက မြောင်ဟယ်ကို အိမ်ရွှေ့ရန်အတင်းအကြပ် ဖိအားပေးခြင်းသည် လက်ဖက်ရည်ဆိုင်နှင့် ၎င်းတို့၏ ဆက်ဆံရေးကို ရပ်တန့်သွားစေမည်မှာ သေချာပေသည်။ ဤပြင်းထန်သော အပူရှိန်အောက်တွင် ၎င်းတို့၏ အသီးအနှံများကို အစားထိုးစိုက်ပျိုးပါက အပင်အနည်းငယ်သာ ရှင်မည်ဖြစ်သည်။ဟင်းသီးဟင်းရွက်စိုက်ခင်းအသစ်တွင် ပြန်လည်စိုက်ပျိုးလျှင်ပင် အချိန်နှောင်းသွားမည်ဖြစ်သည်။ဤကနေတစ်ဆင့် သာ့ဟယ်စားသောက်ဆိုင်အား ဤလျှို့ဝှက်ဆန်းကြယ်သော ဟင်းသီးဟင်းရွက်လယ်သမား၏ အထောက်အထားအစစ်အမှန်ကို ဖော်ထုတ်ရန် နည်းလမ်းတစ်ခု ဖန်တီးပေးလိမ့်မည်ပင်။
