🧝Chapter 65
ရန်သာ့လန်က ကိတ်အများစုကို ပြုလုပ်ခဲ့ခြင်းဖြစ်ပြီး မြောင်ဟယ်က ပါးစပ်ပဲလှုပ်ခဲ့သော်လည်း ပြီးသွားပြီးနောက် မြောင်ဟယ်က ရန်သာ့လန် ၏ပါးစပ်ထဲသို့ မုန့်တစ်ခုကို ဂုဏ်ယူစွာ ခွံ့ကျွေးလိုက်ဆဲဖြစ်သည်။
အမှန်တွင် ပါးစပ်ထဲထည့်လိုက်သည်နှင့် ကောက်ညှင်းပျော့ပျော့က ဆန်အနံ့နှင့် အရသာခပ်လေးလေးရှိပြီး ယင်းက အရသာကို မြှင့်တင်ပေးသည့် ပထမဆုံးအချက်ဖြစ်သည်။၎င်းကို ထပ်ကိုက်သောအခါတွင် မွှေးကြိုင်သော ကွေ့ဟွားပန်းနံ့က ပါးစပ်မှတစ်ဆင့် ချက်ချင်းပျံ့နှံ့သွားသည်။မွှေးရနံ့ပြီးနောက်၊ မြေနံ့သင်းသင်းနှင့် မွှေးကြိုင်သော ပဲနီလေးရနံ့ တမျိုးရှိသည်။ အငန်နှင့် အချိုအရသာ အလွှာများဖြင့် ရောစပ်ထားသောကြောင့် ပါးစပ်အတွင်း လိုက်ဖက်ညီပြီး အံ့သြဖွယ်အရသာကို ဖန်တီးပေးလေသည်။
ယခုအချိန်မှာ ရန်သာ့လန်က လွှမ်းမိုးမှုကိုခံနေရကာ ကောလေး၏ အတွင်းအပြင် အရာရာတိုင်းကဲ့သို့သော အလှတရား၏အသေးစိတ်တစ်ခုချင်းစီတိုင်းကို တန်ဖိုးထားတတ်နေပြီး စကားတစ်ခွန်းကိုကြားတိုင်း ခေါင်းတညိတ်ညိတ်လုပ်နေသည်။
"ဒီကိတ်မလုပ်ရတာ လွယ်တယ်...ဒုတိယအဒေါ်တို့အိမ်အပြင် ဆိုင်ရှင်ကျင်းက အိမ်တက်ထမင်းကျွေးလာတုန်းက ကျွန်တော့်ကို အများကြီး ကူညီပေးခဲ့တယ်... ကျွန်တော့်ကို သူ့ဆီက စားပွဲနဲ့ ကုလားထိုင်တွေကို ငှားပြီး ပိုက်ဆံမယူခဲ့ဘူး... ဒါကို လက်ဆောင်အနေနဲ့ ပြန်သုံးလို့ရမလား"
မြောင်ဟယ်က ခေါင်းလေးစောင်းကာ မေးသည်။
"အင်း ဆိုင်ရှင်က အရမ်းပျော်သွားတော့မှာပဲ"
အရေအတွက်က ဟင်းပွဲအဖြစ် ရောင်းချရန် မလုံလောက်ဘူးဆိုလျှင်ပင် ပုံမှန်ဖောက်သည်တွေကို ဆောင်းဦးလယ်ပွဲတော်လက်ဆောင်အဖြစ် ပေးပါက ဂရုတစိုက်ရှိရာကျသည့် အံ့သြစရာလက်ဆောင်လေးဖြစ်ပေလိမ့်မည်။ရန်သာ့လန်က လက်ဖက်ရည်ဆိုင်၏ လည်ပတ်မှုကို တဖြည်းဖြည်း နားလည်လာပြီဖြစ်ရာ ဤအအေးကိတ်မုန့်၏ ရည်ရွယ်ချက်ကို အလွယ်တကူ တွေးလိုက်မိသည်။
