🧝Chapter 64
အစားအသောက်မကျွေးပေမဲ့ အဆာပြေမုန့်တို့အအေးတို့ ကျွေးရမည်ဖြစ်သောကြောင့် အိမ်နောက်ဖေးမှာ တိတ်တိတ်လေးငုတ်တုပ်ထိုင်ပြီး ဆေးဖက်ဝင် လက်ဖက်ရည်လုပ်ရန်အတွက် ပန်းပင်တွေအပင်တွေကနေတစ်ဆုပ်စာလောက်ခူးသည့်အပြင် ကန်စွန်းဥနှင့်မြေပဲတွေကိုလည်း တူးခဲ့သည်။
အသုံးမပြုသောအပိုင်းများကို သိုးမွေးမြူရန်အတွက် အစာအဖြစ်လည်း အသုံးပြုနိုင်သည်
စကားမစပ် ရန်သာ့လန် အရင်တစ်ခေါက် အပြင်ထွက်တုန်းက သိုးဝယ်ခဲ့သည်။သား(ကိုယ်ဝန်)ရှိသော သိုးအမတစ်ကောင်မှ မတွေ့ခဲ့ရသော်လည်း ကလေးမွေးပြီးခါစ နို့စားသိုးတစ်ကောင်ကို တွေ့ရှိခဲ့သည်။ နို့တိုက်သည့်ကာလက အကြာကြီးကျန်သေးသည်။သိုးပေါက်လေးကလည်း အမဖြစ်ပြီး တစ်လခွဲကြာ မွေးမြူပြီးနောက်တွင် ကိုယ်ဝန်ရှိန်ိုင်ကာ နို့ထွက်နိုင်သောကြောင့် အပိုငွေအနည်းငယ်သုံးစွဲပြီးနောက် ရန်သာ့လန် ထိုသိုးအမနှင့်သိုးပေါက်စကို ပြန်ယူလာခဲ့သည်။
သိုးတဲမဆောက်ရသေးသဖြင့် အလုပ်ခန့်ထားသူများ ယခုတစ်ကြိမ်တွင် အလုပ်တစ်ခု အပိုရသွားမည်ဖြစ်သည်။ တည်နေရာက လေဝင်လေထွက်ကောင်းသည့် ကြက်ခြံနှင့် မဝေးလှပေ။
ထိုသို့ဖြစ်ရာ တိရိစ္ဆာန်တွေ ပိုများလာသည်။
မြောင်ဟယ် ပြုံးပြီး အိမ်နောက်ဖေးမှာ ခေတ္တချည်ထားသည့် ငြိမ်ပြီး အကျင့်ကောင်းသည့် နို့စားသိုးနှစ်ကောင်ကို ကြည့်လိုက်သည်။အမွေးလုံးလေးကောင်က သူတို့၏ခြေရင်းတွင် ပြေးလွှားနေပြီး သာ့ပိုင်က ၎င်းတို့ဘေးတွင် ဝပ်နေကာ စောင့်ကြည့်နေသည်။ တကယ့်ကို သဟဇာတဖြစ်လှသည့် မြင်ကွင်းလေးပါပင် (ကြောက်နေသော သိုးပေါက်လေး :???)၊ တကယ်ကို အသက်ဝင်မှုအပြည့်နှင့်။
နောက်တစ်နေ့တွင် ရန်သာ့လန်က ကူညီမည့်လူတစ်ဒါဇင်ကျော်ကို အမြန်ရှာတွေ့ခဲ့သည်။
လူကြီးလူငယ်အစုံပါပြီး
လုပ်အားခမရသော ရန်သာ့တုန်နှင့် ရန်သာ့ချွမ်း၊မြောင်ဟယ်နှင့် သိကြသော မြောင်ဖင်း၊ မြောင်ကောင်း၊မြောင်သာ့ဟူ၊မြောင်သာ့ဟိုင်နှင့် လက်သမားဆရာများဖြစ်ကြသည့် လုမိသားစုမှညီအစ်ကိုနှစ်ယောက် အကုန်လုံးလာကြသည်။မြောင်ဟယ်ကို အမြဲရှောင်တတ်သည့် မြောင်ချမ်းလည်း ရှိပေမဲ့ မကောင်းစကားတွေကား မပြောပါချေ။
