لا حول ولا قوة إلا بالله
عواصف القدر
السابع عشر
بقلم / شيماء عبدالحكم عثمان
*----------------------------------------------*
شعرت بنار تتغلغل داخلها من طلبه المباغت لها .هل يعقل أن يطلب منها ذلك الطلب بعد ما أفصحت له عن مدى كُرهها لتلك ال "فيروز" ودت الأعتراض حين أنتفضت من جلستها ولكن أوقفها عن الحديث صوته الحاد وحديثه الفظ الآمر لها حين قال
-- ده شرطى الوحيد وهحاول أخترع أي سبب عشان أقنعهم أني لاقيت الفلوس ومن غير فضايح
وتابع حديثه وهو يأكد على كل حرف من كلماته .
-- وده طبعا مش عشانك ،، ده بس عشان خاطر أمي وشكلها قدام أبويا وقدام البيت كله .ها قولتى إيه ؟
كان يعلم بأحتراق قلبها نظرت له بغضب وتحدثت بسخريه وتهكم
-- أنت بجد بتطلب مني أروح لحد عندها بعد كل اللى سمعته مني !!
أحتدت ملامحه وتلونت عيناه بغضب عارم هب منتفضا ليُمسك رسغها بقوه هادرٍ بها
-- أنت مستكبره تروحي تعتذرلها وشايفه ان ده عقاب قاسي أوى عليكِ ،، أنت لازم تحمدى ربك ألف مره أني مضطر أقفل بوقي
وإلا أقسم بالله أقل عقاب ليكِ واللي يليق بواحده زيك انك ترجعي لبيت أهلك بفضيحه ومعاكِ ورقه طلاقك
واسترسل بتأكيد
-- بس اللى مانعنى أعمل كده هي أمي .. ملهاش ذنب تشيل معاكِ فضيحتك . وكفايه اللى حصل من أخوكِ قدام جوز أختى وفضيحتنا قدامه
وتابع بصرامه
-- ودلوقتى لأخر مره هقولهالك هاتروحي تعتذرى لفيروز .. ولا كل البيت يعرف اللى عملتيه
بكل الغضب والغصب ردت بأقتضاب
-- حاضر يافارس هعمل اللى أنت عايزه .
*************************
داخل المشفي الجامعي التى تدرس به " فيروز" كانت تمشي داخل الممر برفقه صديقتها " سماء" وهما يتناقشون قطع حديثهم رنين هاتف "فيروز" الذي أعلن عن أتصال وما أن رأت هوية المتصل حتى تغيرت ملامحها . رفضت الأتصال وقامت بأغلاق الهاتف نهائيا ووضعته فى جيبها من جديد أستغربت" سماء" رد فعلها وسألتها بأهتمام
-- مين يا فيروز ، وليه مردتيش وقفلتى الفون .
أجابتها ببرود
-- ده فارس أبن عمي
-- ومردتيش عليه ليه ؟
-- عشان عارفه هيقول إيه فا قصرت عليه وعليا
-- عيب يا فيروز كنتِ رديتى عليه يمكن كان هايقولك حاجه مهمه
فيروز بعصبيه
-- مافيش حاجه مهمه ،، عارفه كان هيقول إيه .كفايه كده ولازم أرجع عشان خاطر عمى ومرات عمى وبطلى بقا شغل العيال الصغيره ده . وكفايه قعده بره عشان طولتى اوى .
واضافت وهي مازالت فى عصبيه
-- عرفتى بقا مردتش ليه ؟ . عشان انا معنديش أستعداد أرجع غير لما برأتي تظهر . طول ما الفلوس لسه مُختفيه انا المتهمه الوحيده فى نظر الكل .
