لا إله إلا أنت سبحانك إنى كنت من الظالمين
عواصف القدر .
الجزء التانى من البارت الخامس العشرون
شيماء عبد الحكم عثمان
*********************
لينتفض من صوتها ويتجمد فى مكانه وهو يناظرها بصدمه وذهول من ذلك المشهد الذي يراه وملابسها الخليعه التى ترتديها
وأردف بغضبٍ عارم .
-- رباب !!!!! إنتِ إيه اللى جابك هنا ؟ .
ثم تابع وهو يرمقها بأشمئزاز شكلك أتجننتي ولا شاربه حاجه .
ردت بأندفاع نابع من عشقها له
-- أيوه شاربه ،، شاربه العذاب من بعُدك عنى ،، شاربه الذل والأهانه . شاربه الحزن والدموع وانا شيفاك بتحبها وبتعشقها ومش واخد بالك منى ولا من حبى ليك . كل ده عشان بتحبها هي .
تحدث بنفس وتيره الغضب
-- انتِ بنى إدمه مجنونه ومش فى وعيك ،، اللى بتتكلمى عنها ديه مراتى . أتفضلي يلا اطلعي بره .
تحدثت بأندفاع وحاله من اللا وعي
-- مش هاطلع من هنا غير لما تسمع كل اللى عايزه اقولهُ لك . انا بحبك أنت يا يوسف . أيوه بحبك أنت ومن زمان أوى
-- لااا . إنتِ أكيد أتجننتِ ،، واهدر بها غضبا . فوقى بقا إنتِ مرات أخويه فاهمه يعنى إيه ،
تحدثت بلهفه وأندفاع
-- محبتهوش ولا عمرى هاحبه ،، عشان مش شايفه حد غيرك أنت . أنا أتجوزته بس عشان أبقا جنبك ومبعدش عنك
أقتربت منه لتضع يداها تتلمس خدييه مُحاوله تقبيله وهي تقول بحب
-- يوسف انا بحبك أنت وعيزاك أنت .
بمنتهي الأشمئزاز والأستحقار دفعها بعيد عنه لترتطم بالحائط وهو يتحدث بغضب .
-- إبعدى عنى ياحيوانه ،، انا لايمكن أخون أخويه ،، إنتِ إيه شيطان .شيطان
وتابع بتأكيد
-- معرفش أزاي فارس عايش مع واحده زيك ،، إنتِ أقذر مما كنت أتخيل . مش عارف ليه مستحمل كل بلاويكِ وحقدك وغيرتك المسمومه . ليه كل الحقد والغل اللى فى قلبك من كل اللى فى البيت .
ردت بغضب وأنفعال
-- مش من كل اللى فى البيت ، منها هي بس . هي اللى خدتك منى ،، بكرهها وبكرهه حبك ليها ،، مش طايقه أشوفها جنبك
وبتمسك إيديها . لو مكانتش موجوده كان يمكن تحس بيا وتحبني ،، لكن هي اللى وقفت بينى وبينك . هي اللى خدتك منى
كان المفروض تبقا معايه انا ،، تحبنى انا ،، تبقا ليا انا مش هي .
حرك رأسه بأستنكار عدة مرات وتحدث بغضب
-- إنتِ مريضه ،، إيوه مريضه ،، عشان انا عمرى ما عملت حاجه تخليكِ تفكرى كده . طول عمرك قدامى ،،عمرى ما شفتك غير زي عاليه أختى . معرفش انتِ جبتى الكلام ده منين .
-- ديه الحقيقه لولا وجود فيروز بنا انت كنت هاتبقي ليا كنت هاتحبنى . كنت هاعرف أخليك تحبنى انا .
وأسترسلت بهستريا
بس ملحوقه انا هاعرف أخليك تحبنى بطريقتى.. مش عايزه منك غير إنك توافق إنى أبقا معاك وبس ..مش طالبه غير حضنك
وبس . شويه وقت بينى وبينك ومن غير ماحد يعرف وصدقنى هاتحس إنك محبتش في حياتك غيرى .
