اللهم انى اعوذ بك من الهم والحزن والعجز والكسل واعوذ بك من الجُبن والبخل وغلبة الدين وقهر الرجال .
عواصف القدر
الثلاثون
شيماء عبد الحكم عثمان
*****************
بعد ساعات النهار الطويله التى مرت على الجميع بتوتر بعد الذي حدث صباحا . عاد فارس الى المنزل بعد ان أوصل العروسان الى المطار وقضي معهم معظم ساعات النهار حتى موعد الطائره دلف لبهو الفيلا وجد الجميع بأنتظاره بتأهب جلس معهم أتت الصغيره إليه بعد ان لوح لها بالشكولا الذي اشتراها من أجلها ليحملها بحب بعد ان لثم خدها بقبلات حانيه وهو يقول بسعاده
-- خديجه هانم بنفسها جايه تاخد شكولاته .يلا هاتى بوسه كبيره . ،، وضعت الطفله قبله من شفاتها الصغيره على خده .
تحدثت إليه نجاة بتساءل
-- اتأخرت ليه كل ده يا فارس - ؟
-- كنت مع يوسف لحد معاد الطياره.
هزت رأسها بحب وأردف بأستفهام
--طب أتعشيت ولا اخلى هانم تحضر لك العشا يا فارس .
-- لا انا مش جعان ،، اتغديت انا ويوسف وفيروز بره وفضلت معاهم فتره كبيره لحد ما ركبوا الطياره .
نجاة بحب
-- ربنا يخليكم لبعض ياحبيبى .
وتابعت بتردد
-- فى حاجه عايزين نكلمك فيها
رد بأقتضاب
-- لو هاتتكلموا عن اللى حصل الصبح فا لو سمحتوا مش عايز أسمع حاجه تانى أكتر من اللى اتقال .
سلطان بحده
-- يعنى إيه الكلام ده ؟ مش هاتروح للدكتور انت كمان عشان تطمن على نفسك .
فارس بأنفعال
-- أتطمن على نفسي ليه ؟ انا مش عيان يا بابا عشان أروح لدكتور .
نجاة بحزن
-- والكلام اللى مراتك قالته ؟
فارس بنفس الأنفعال .
-- مراتى تقول اللى تقولوا ،، انا مهتمتش بكلامها ومش هاهتم ،، وعاجبها تكمل على كده اهلا وسهلا مش عاجبها فى ستين داهيه من دلوقتى .
طارق بتهدئه للموقف الذي أحتد .
-- طب ممكن تهدى شويه ،، انت منفعل ليه دلوقتى ؟ وبعدين ماما وبابا معاهم حق عايزين يطمنوا عليك وده من حقهم .
فارس بقله صبر
-- حتى انت يا طارق هتقول لي يطمنوا عليا ،، ياجماعه افهموا .افهموا بقا لو ربنا رايد مافيش حاجه هاتقف قدام أرادته ولو كل دكاترة الأرض قالت مش هاخلف .
سلطان بحزن
-- ليه بتقفل أي نقاش فى الموضوع ده ،، ليه مش عايز تريح قلبي وتطمنى يا ابنى .
زفر بضيق قبل ان يجيب بقلة حيله
-- قول لي بس انا فى إيدى ايه اعمله .
-- ما احنا بنقول اهو ،، روح اتطمن على نفسك وطمنا عليك .
