اللهم أنت ربي لا إله إلا أنت خلقتنى وانا عبدك وانا على عهدك ووعدك ما أستطعت أعوذ بك من شر ما صنعت أبوء لك بنعمتك علي وأبوء بذنبى فاغفر لي فأنه لايغفر الذنوب إلا أنت .
♡♡♡♡♡♡♡♡
عواصف القدر
البارت الواحدوالعشرون
شيماء عبدالحكم عثمان
********************
تفهوت بما أجهر على ثباته أذ قالت بتحدى وهي تنظر له ببرود لترى أثر كلماتها عليه
-- ماهو أنا هنقل للجامعه فى مصر وهروح أعيش فى بيت بابا ،، ده طبعا بعد ما أنت طلقني عشان مش هينفع أعيش معاك فى بيت واحد بعد الطلاق .
أغمض عينيه بغضب وهو يصك على أسنانه وعروق عنقه التى برزت دليلا على وصوله لقمه الغضب وقبل أن يتفوه بحرف ،، تابعت هي حديثها المميت لقلبه أذ قالت ببرود
-- الناس مش بتتقبل فكره الطلاق عادى ،، وانا أكيد مش هعيش راهبه لو أتقدملى حد أكيد مش هيقبل فكره أنى أنا وطليقى عايشين عادى فى بيت واحد ...
كان يستمع لهزيها والغضب يلون ملامحه وحواسه بأكتساح تسمر مكانه للحظات وكأنه يعد للعشره ليهدئ من أنفعاله الذي حتما
لو طالها سيطيح بها . أخذ نفس عميق وأقترب عليها وتحدث أمام عينها بفحيح وهو يؤكد على كل كلمه يتفوه بها
-- نجوم السما أقربلك من أنى أطلقك .أنتِ أتخلقتى عشانى ،، عشان يوسف الزينى يا بنت عمي .
ويوم ما هاتخلصي منى هتكونى خدتى لقب أرمله مش مطلقه .
تحرك من أمامها ليخطو خطوتين ووقف مكانه وكأنه تذكر شيئا ليستدير لها وهو يبتسم وأردف بسخريه
-- الحوار الأهبل اللى حضرتك قولتيه من شويه ده هاعتبر نفسي مسمعتش منه حاجه .
ثم نظر لسلطان وأردف بذات معنى
-- ولما تيجى تألفي كدبه بعد كده ،، ألفي كدبه تتصدق وبالنسبه لابن خالك !! أبقي سلمي لي عليه ده لو كنتِ تعرفي شكله من الأساس ... قال كلماته وهو يضحك وأتجه للدرج .
قطبت جبينها وجلست مكانها ثم تبادلت النظرات بينها وبين عمها الذى أخفض عيناه موضع صحنه . لتردف نجاة بتردد وقلق
مما أستمعت إليه منذ قليل وما أنتوت فعله
-- هو الكلام اللى قولتيه ده حقيقى يا فيروز ،،أنتِ فعلا بتفكرى تسيبى البيت وترجعى مصر .
أبتسمت لها فيروز بحزن وربتت على يدها وتحدثت بتشتت
-- بفكر ،، مجرد تفكير يا نوجا .
نظرت نجاة تجاه سلطان ليحثها على التراجع ولكن بدون جدوى حولت نظراتها لفارس .الذي كان ينظر لهم بحنق وبعد تردد منه حسم أمره وأردف بتهكم لعدم رضائه وانزعاجه بما تفوهت به .
-- انا ساكت من بدرى ومش عايز اتكلم ومانع نفسي اتدخل ،، بس أنتِ ناسيه حاجه مهمه أوى رغم عصبيته وتهوره أحيانا جنانه .إلا إنه معملش اللى عمله ده غير عشان بيغيير عليكِ.
