اللهم انى أعوذ بك من جهد البلاء ودرك الشقاء وسوء القضاء وشماته الأعداء
عواصف القدر
الثانى والثلاثون
شيماء عبد الحكم عثمان
******************
بعد مرور ٦ شهور على زواج يوسف وفيروز .وكعادته فى أيام عطلته التى يقضيها فى المنزل حيث انه أعتاد على الأستيقاظ مبكرا . وكي يجعلها تستيقظ معه . يقوم بحاله من الهرج والمرج والجلبه واصوات انفاسه العاليه الغير منتظمه نتيجه تمارينه الرياضيه التى يقوم بها داخل جناحهم . كل هذا ولم تتأثر بل كانت تغط فى سبات عميق .حتى سئم من محاولاته العبثيه معها
لذلك أقترب منها وقام برفع الوساده التى تخفي بها عينيها وتحجب بها أصوات الجلبه عن أذنيها. وصفعها صفعه خفيفه قامت على أثرها منتفضه وجلست مكانها على السرير.وهو يقول
-- بت يافيروز ،، أنتِ يابت قومي بقا كفايه نوم .
بتكاسل ونعاس حركت أهدبها عدة مرات وتحدثت بحنق
-- بزمتك الساعه كام دلوقتى .
رد بمزاح
-- الساعه فى الحيطه . قومي ياكسلانه .
تناولت الهاتف من جانبها ونظرت بشاشته وأردفت بأمتعاض
-- الساعه لسه ٦.٣٠ والله حرام عليك انا مكملتش ساعتين نايمه .
-- حلوين عليكِ جدا ،، وبعدين خلى عندك دم . انا بغيب عنك شهر . يعنى طول ما انا أجازه تقعدى معايه مش تسبينى وتنامى .
يعنى تقومى تجهزيلى الفطار ،، تكلمينى ،، تدلعينى . مش تنامى . قال كلماته الأخيره وهو يمسك الوساده ويضربها بخفه على مقدمه رأسها .
نطقت بتأفف
-- بطل هزارك البايخ ده بقا ،، محدش بيصحي حد كده .
-- انا بقا طريقتى كده عجبك ولا مش عجبك ،، وبعدين يلا عشان هخرجك انهارده . فى فيلم جديد ل أحمد عز . مش حبيبك ده .
إبتسمت لكونها فهمت فحوى ما ينتوي فعله اذا نطقت بتأكيد .لذلك تحدثت بمرواغه .
-- لاء طبعا ،، يوسف الزينى بس هو اللى حبيبى ..
يوسف بغمزه
-- لاء انا بقول نكمل نوم أحسن ،، كده كده الفطار مش هيطير .
أبتسامه رائعه لونت فاهها حين وصلت لمرادها وهو عودتها لغفوتها . ولكن باغتها بأبتسامته الماكره وبقولِهِ حين قال بتوعد واهي
-- قدامك دقيقه واحده لو مقومتيش لوحدك ،، هشيلك وهرميكِ فى الحمام وهفتح عليكِ الميه لحد ما تفوقى . قووومى يلا .
زفرت بغضب وتحدثت بقلة حيله .
-- حاضر يا يوسف أدينى ربع ساعه .هدخل اخد حمام وهغير هدومى ،، وتابعت بمكر . ولو أنت مستعجل أسبقني انت وانا هاحصلك .
إبتسم بمكر وأردف بذات معنى
-- لاء مش مستعجل . هستناكِ ،، وبلاش يا بت انتِ حركاتك ديه عشان مكشوفه قوى . وتابع بتهكم . و ربع ساعه كتير قوى . لو تعرفي بغير فى كام دقيقه .
-- ده هناك فى المعسكر ،، مش هنا . تحركت لأحد الأدراج وسحبت منه شيء ما وأختفت داخل المرحاض .
