استغفر الله العظيم عدد ماكان وعدد مايكون وعدد الحركات والسكون أستغفر الله عدد قطرات المطر وعدد حبات الرمال .
استغفر الله الذي لا إله الاهو الحي القيوم واتوب إليه .
عواصف القدر
الجزء الأول من البارت التاسع والعشرون
شيماء عبد الحكم عثمان
••••••••••••••••••
بعد صعود العروسين لعشهم السعيد . انفض البهو ليذهب كلٍ الى وجهته . فصعد "طارق" وزوجته التى حملت طفلتها الغافيه مثل الملاك الى جناحهم . وكذلك "خالد" الذي حمل طفلته وخرجت خلفه "عاليه" . أما عن "رباب" التى أختفت فور انتهاء الحفل وصعدت الى غرفتها دون ان يراها احد .
جلست "نجاة" بأهمال على احد المقاعد خلفها وسرعان ما لئلئت الدموع بعيونها ليتحدث "سلطان" بأستغراب
-- إيه اللى قعدك هنا ،، وليه الدموع ديه دلوقتى .
لترد عليه بحزن وحنين
-- هناء الله يرحمها ، كانت دايما تقول لي هو انا هاعيش لما اشوف فيروز عروسه وبتتجوز .
وتابعت بدموع
-- كأنها كانت حاسه انها مش هتشوفها بفستان الفرح .
ربت "سلطان"على ظهرها بحنان وأردف بحزن حاول ان يداريه
-- الله يرحمها ويرحم حسن انا عارف كويس فيروز كانت بالنسبه له ايه . وانا حاولت ويارب اكون قدرت اقف مكانه ويعلم ربنا انى عملت اللى كان هايعمله عشانها واكتر . فيروز كمان بنتى وليها معزه خاصه فى قلبي .
-- ربنا يخليك ليها ولينا كلنا يا أبو فارس هي كمان ياحبيبتى عارفه اللى بتعمله عشانها.
ابتسم وتحدث بذات معنى
-- طب يلا بقا يا ام العريس . ولا هتفضلي قاعده هنا للصبح .
ردت بتردد
--انا قاعده شويه كمان ،، يمكن فيروز تحتاج حاجه .
--فيروووز ! اه قولى بقا ان انتِ قلقانه على فيروز . هكذا تحدث سلطان بتعقيب ليتابع بتأكيد
-- اطمنى فيروز كويسه ،، ميتقلقش عليها ،، فيروز فى أمان مع يوسف .
واسترسل بذات معنى
-- اللى مش كويس هو فارس . فارس مش مبسوط يا نجاة .
أكدت على حديثه حيث قالت بحزن
-- عارفه وشايفه بنفسي ،، بس ابنك طول عمره كتوم ومبيرضاش يفضفض .
-- لاء فارس خايف نلوم عليه عشان ده أختياره من الأول . اقعدى معاه وفهميه ان احيانا الواحد بيلغط ده طبيعي . لكن اللى مش طبيعي انه يستمر فى الغلط ده .
-- ابنك مش بيدى فرصه لحد يكلمه ، لما فتحت معاه الموضوع قبل كده قال لي انا مشتكتش لحد وعارف انا بعمل ايه كويس
هكذا تحدثت نجاه بقله حيله ،، ليرد عليها سلطان بتأكيد
-- سيبِ لي فارس انا هبقا اتكلم معاه على رواق . بس مش دلوقت . ودلوقتى بقا يلا قومي يا ام العريس . ولا ناسيه ان فى صباحيه هتجهزوها من بدرى للعرسان .
