#عواصف-القدر
#السادس
#شيماء-عبدالحكم-عثمان
☆☆☆☆☆☆☆☆☆☆
بعد مرور اسبوع . كانوا قد اخبروا سلطان بموضوع سفر طارق الضرورى . والذي ترفضه سهام وبشده حاول اقناعها ولكن
باءت محاولته هذه بالفشل .والتى كان سبب رفضها انها لا تستطيع ترك شقيقتها بمفردها .لذلك لجئ لحيله اخرى وهي اقناع سهام بفيروز نفسها و التى حدثها على انفراد حاكيا لها كل ما حدث مع طارق وعرض ذلك العمل الذي هو بمثابة فرصه عظيمه له
كانت تجلس امام شقيقتها وتمسك يداها بين كفوفها وتحدثها بحب وطمأنه قائله
" صدقينى ياسهام انا هبقي كويسه "
ردت عليها بحب ممتزج بالحزن
" انا مقدرش أبعد عنك .ومش هاقدر اسيبك لوحدك هنا واسافر "
اجابتها ع الفور
" ياحبيبتى انا كمان ما اقدرش ابعد عنك وبعدين انا هنا مش لوحدي . وانتِ كمان ما ينفعش تسيبي طارق لوحده وبعدين انتِ من الاول عارفه انك ممكن تسافري مع طارق ايه اللي اتغير بقا ! "
ردت سهام بحزن
" اللي اتغير أن بابا وماما ما بقوش موجودين يعني انتِ هتكوني لوحدك هنا وانا مش معاكي"
" يا سهام انا هنا مع عمك ومع نوجا وعاليه وفارس ويوسف كمان هنا .وبعدين مش هانحس اننا بعيد عن بعض ، كل يوم هنتكلم مع بعض فيديو وكل دقيقه هرن عليكى وهقرفك فى عيشتك زي هنا بالظبط "
ابتسمت سهام بحزن وتابعت فيروز حديثها بجديه
" ياستى ووقت الولاده بتاعتك لو معرفتيش تيجي انا هسافرلك واقضي معاكِ الأجازه كلها وأبقي غيرت جو كمان . ها بقا لسه مصممه ترفضي وتضيعي عليا فرصه السفر بره مصر . انتِ انانيه اوووى "
ابتسمت سهام على مرواغة شقيقاتها وقلب دفة الحديث لصالحها اذ قالت بحزن
" قلبي مش مطاوعني أسيبك لوحدك وعارفه انك بتضغطي عليا بكلامك ده عشان اوافق ومحسش بالذنب "
تنهدت قبل ان تتحدث معها بثبات وجديه حين قالت
" بُصي ياسهام نفترض دلوقتي أني اتقدملي عريس كويس ومناسب وكان شرطهُ انى اسافر معاه وهكمل دراستى بره تفتكرى
انا كافيروز ممكن اضيع فرصه هايله زي ديه من أيدي . أكيد لاء . مش هابص غير لمصلحتي وبس . اعملي زيى وشوفي مصلحتك انتِ وجوزك والبيبى اللى جاي فى الطريق ده محتاج تأمنُله مستقبله "
تعلم جيدا ان هذا الحديث ليس من قلبها وتعلم انها أُجبرت على اقناعها لذلك قالت بحزن
" انا عارفه ان الكلام ده من ورا قلبك عشان تأثرى عليا... وعارفه انه عمي هو اللي قال لك تقوليلي كده.. بس انا صعبان عليا اني أفترق عنك يا فيروز "
